kristie0922的个人专页

今日去Airside 咁岩見到有After you就入去食啦叫左一個刨冰同埋吐司點知個刨冰嚟完我地食完個吐司都未黎我就問個女店員係米漏左單啦個女店員望都唔望，一野用好肯定既說話同我講無漏單，話叫完要等20分鐘，唔係好快有，我18:26落單，我18:54先問係米漏單，我同佢講咁我都差唔多等左半個鐘，之後佢過左一分鐘左右行番黎同我講無漏單，見到廚房吐司已經整好左，差放裝飾，好啦，心諗3-4分鐘都會有啦，佢講到咁，之後我等多12分鐘都未黎我決定去賣單唔等，講緊我一直等緊時，其他遲入黎我好多既人落完單都到哂。佢地唔認自己漏單又唔會講一句唔好意思，又係度浪費客人時間，簡直不知所謂，唔會再係香港幫襯呢間野。如果佢誠實啲咁講唔好意思係漏左單我都算數，到我要走先真正出黎話比我，姐係個吐司足足要整46分鐘，我去賣單仲要單我要唔要，毫無一句唔好意思，仲要店員之間係我面前講咁點，另一個係度話，咁扔左去囉呢單野完全對客人冇禮貌。佢點處理食物都唔洗係我面前講。成件事擺明就係漏單，因為我都好清楚要等15-20分鐘，而且我係望住其他遲入我好多客人已經有，我都未有時，而我面前又食完時，我先問都要死撐，個下真心覺得呢間鋪既店員態度好有問題。講真一個甜品又唔係話平，當時又唔忙，但都咁既態度對待客人，真心覺得好差。…查看更多

當日係同屋企人walk in，試下呢間店，主要又見佢可以用openrice pay付款，夠方便。我地食左一個鐘都無都好快賣單走左，唔明點解呢間咁多人幫襯。落單要自己手寫落單，坐位都相當迫。明爐烏頭魚確實唔錯，佢個酸梅味道好出，魚肉岩岩好。叫左生菜包豬偏咸，菜又細塊又爛另外叫左個菠蘿炒飯，因為屋企老人家鐘意食，黎到個賣相係ok,但炒飯加埋得4粒菠蘿粒仔都唔知有無。另外飲品方面，其中一杯叫左金不換菠蘿沙冰（無影相），成杯飲左3分1到就無飲，盡左最大努力，完全零菠蘿味，只有金不換既草青味，簡直中伏最後賣單，同老細講比openrice pay,佢話壞機。跟住話比信用卡，佢望一望我張單又話要夠500先可以用，我張單係450蚊。再問咁可以比咩，佢就話現金、wechatpy同支付寶。老實講，咁佢就唔門口貼哂話會接受咁多付款方式，又無貼埋滿幾錢先用得，到比錢時唔係話壞就話唔收。真唔明點解仲要咁多人幫襯，岩岩再細心睇其實呢間都真係好多差評，唔會有下次，九龍城大把其他Thai菜…查看更多

6點45分左右去到餐廳得一枱客咁佢地帶左座放低餐牌後同佢地講要求調位坐入少少（當時只放下餐牌，未斟水）調好位我地坐低左，完全無人拎餐牌比我地咁我地自己行番去原本張枱度拎之後叫野食生蠔千萬千萬唔建議叫，好難食，衰過出面十蚊隻生蠔好多，擺到入口係腥到爆炸，我已經加左檸檬杯野飲係好飲既菠蘿薑汁加薄荷牛骨髓多士都好食多士得2細塊就真心好少，因為間野價錢都真係唔平有個男人上呢碟時，生蠔已經係食完，但只放低碟野直接走左去完全唔會收起同樣，牛骨髓多士食完到牛扒黎到，個男侍應都係就咁放塊扒係枱最側邊，放低就走，完全唔會拎走上一碟完成既碟，坐左一分鐘都無人收，當時鋪只有3枱客，我地要叫人收碟。牛扒叫左7成，佢比3成熟當然有叫佢再拎入廚房再翻整多次食一餐飯8折完呢個價超級貴，但都唔係平，服務差，成餐飯覺得唔值。如果大家好似我咁係突燈入東涌食呢間餐廳，想同大家講係唔值，會後悔。…查看更多

訂位18:30，準時去到，但😅還未正式開門，係門口等左多大概15-20分鐘左右唔緊要，等都抵，係好食。Follow佢IG仲有汽水送不過好老實，呢間真心好食，燒蠔超級大隻，同係好食下面個蟹膏超級正味道各方面都岩岩好，又唔會等太耐。我地叫左燒茄子，店舖都爭老實，茄子比平時細，再補多一條中比我地掛住食，有好幾板都無影相叫左芝士帆立貝，芝士個拉絲相當勁🙈唯一失望係呢個東風螺，無左個鮮甜味， 可能因為辣遮哂個味其實佢地都好好生意，會再光顧。…查看更多

Openrice 訂座2位13:00入席但餐廳非常有問題朋友準時入席先坐低叫野食同飲品但最終餐廳堅持出席人數係1人事後致電餐廳解釋話因另一位遲過訂座時間10分鐘到，因此出席人數係1位但實際人數係2位餐廳聲稱朋友入座時有講呢樣野，但問番朋友係米有講，答案係無講過。餐廳個回覆好有問題佢野食野飲出得咁慢，咁我又點樣同佢計，如果佢咁計。呢間Cafe可一不可再，第一次聽到Book台餐廳會咁樣處理。除左睇我呢個post，希望大家都睇埋其他post就可以知道呢間餐廳如何差，即使係OK既食評都係建議大家可一不可再另外，朋友一入到去先叫左一入芝士3文魚沙律同一杯竹炭咖啡，到我到達後望左一陣餐牌即叫野食（櫻花蝦蟹肉意粉）同一杯baileys coffee 。再點左個焦糖意大利芝士蛋糕（叫定後上）食物方面：櫻花蝦蟹肉意粉食好香同都好濃蟹味（有少許菇係入面）芝士3文魚好普通飲品方面：baileys coffee (無baileys味道）似就咁普通凍咖啡竹炭咖啡，唔知係米佢地因為拉花問題，我朋友一早入去叫完，佢呢杯野係最後先上比佢，我朋友已經不斷問點解咁耐杯野飲環境方面：簡約Feel,但有蚊滋不斷飛，好煩食完哂主食叫上甜品，好後悔，因為餐廳甜品都等好耐，同真心唔係太好食，如果Tiramisu黎講，出面好多餐廳比佢好好叫咁多樣野，唯一讚食個意粉 …查看更多

原本想30/12試一試呢間，見openrice 無得訂位，我直接打去店鋪詢問，其實我已經晚上大概9點打去，有一位女職員接聽電話，但一聽電話女職員把聲好似我得罪佢，感覺唔太好，我都保持禮貌，請問番30/12會唔會開門，佢語氣極之唔好咁答唔會。我問完覺得個係電話服務態度咁都唔會想去試。連拜拜都係我主動講。對方極之晦氣。感覺好差第一次未食已經要比評價。基本互相尊重態度都無。差…查看更多

一直bookmark左呢間野，見好評好多，一心上去試下啦一上到去，前後問左我3次幾多位，問完一次叫我地等陣，問第二次都係叫我地企係度等陣，格一下又問第三次，講緊去個時非繁忙時間，店鋪有一半係無人坐。之後安排左坐位，佢地將所有客人迫埋一邊坐，座位與座位之間一分之迫，員工上餸都要打橫行（可以諗下幾咁迫）我做客人次次都要避一避驚整到，全程都坐得唔舒服，好快食完野走左。坐低見咁既環境我都唔想叫多野食原本係滿心期待只叫左一碟日本和牛意粉（普普通通）呢間野食粉偏貴，同買一送一啤酒，實在唔會想叫多野食講緊佢地有一半坐位無人，但都要將客迫埋一面，唔會諗比客人坐得舒舒服服，水要問先會有。唔會再幫襯0服務好評唔明點解咁多，應該都係買番黎野食就一般般總之，真心好失望…查看更多

係openrice 訂左2時入坐，因為係平日，坐到吧台，正常吧台要打電話訂坐低左之後職員介紹食omakase會有85折，我地2人就一齊叫左先黎左個沙律🥗再黎個茶碗蒸（蛋好滑，好夠味）之後廚師發辦前會問左我地有咩唔食，我男朋友唔食得蝦同蟹（咁岩有一款係賴尿蝦配蟹膏壽司）呢個好好味，係呢個位廚司轉左魚類壽司比佢（我無留意佢食咩😆）其中一樣係海膽壽司係我最愛我本身唔會太好食吞拿魚但因為好新鮮，所以我食到佢有一樣係紫菜包吞拿魚中間夾住紫蘇葉，紫菜好香脆，一咬落去，食到哂咁紫蘇葉吞拿魚同紫菜嘅味道成過過程既食物都好食不過我地未食完，仲有5道菜之時店員因為另外2台完要送上麵豉湯唔知係米因為要順便既關係比埋我地次序好似倒轉左同食食下壽司要飲個湯唯一係呢度唔好食物方面係滿意會再幫襯…查看更多

卜左6點半入坐，一開始只有我地比左餐牌我地叫完野食之後倒左水去前面壓縮紙巾比我地抺手我地叫左生蠔試下，無咩特別壽司我地散叫，每一件壽司都好食好新鮮燒魷魚筒，會帶點微辣，好惹味，係好食既最後羊架，佢會切好比我地，方便我地食用，羊架唔會*蘇*淋身整體除左生蠔一般其他都好食至於服務就一般般，餐廳唔大我地食到尾計埋我地3枱客，但每次茶飲完後都無主動加茶，每次都要叫同一開始叫食野前我地都望住左餐牌一段時間，一開始只有我地一台客，但都唔會主動介紹下食物…查看更多

呢間鋪出名白雞湯拉麵，係openrice 即時買左2張78蚊優惠卷👏🏽。平時拉麵會用紫菜黎放旁邊，呢間佢特別之處佢個白雞湯拉麵係用炸牛旁絲，又脆又好味湯底都好湯雞味，拉麵入面有2塊厚身既雞肉相伴，雞肉唔會鞋，另外仲有木耳絲，一塊叉燒同半隻糖心蛋。另外我地仲叫左3款小食：燒魷魚筒，呢個好食，魷魚唔會硬，d魷魚鬚尾身燒到帶點脆燒雞皮同明太子雞翼，雞翼相對黎講唔太好食，入面係釀咗明太子，但食落口味道無咩明太子味服務都唔錯，會好主動加茶…查看更多

係openrice 見到呢間好多讚同無劣評，好想親身試下有無咁勁啦於是買左優惠卷到場試下，我平日去堂食另比80服務費。（記得帶現金）我地叫左個烤魚，烤魚先煎炸左，個皮整到好靚，入面有紅薯粉放底，湯底辣同麻得黎帶微甜。我地等緊魚期間出面有熟食，例如無骨海南雞，麻辣木耳、豬耳，拍青瓜，炸日式蕃薯薯餅呢啲，熟食係意外驚喜都好好食，海南雞既肉係好滑炸嘢係熱辣辣，佢仲有炸蟹鉗，佢個蟹鉗食落同出面完全唔同，一d都唔粉除咗呢啲，海鮮有蝦有蜆，蝦係超級新鮮又大蝦肥美每人會有一隻細蟹（勁多膏）、鮑魚同一粒大帶子朋友鐘意食午餐肉，叫左一份，午餐肉炸起左，佢地脆卜卜，超好食牛肉同豬肉上菜都好新鮮鋪坐位唔會迫，店員都有禮下次會再幫襯佢係實至名歸無劣評既餐廳但有唯一有樣野要改善就係加湯問題（佢係加水）如果加有味既湯會更完美。…查看更多

一早電話訂左台食大閘蟹放題，打電話訂台會送芒果糯米飯一碟，但去到食完埋單，3個人成千幾蚊，比卡，竟然話只收現金，唔收卡，訂台時無remind過，openrice 又寫佢係收卡，呢間野好奇怪。仲要我地問收唔收eps,payme，支付寶、fps，都唔收。3個人現金夾埋先岩岩好夠比到。間鋪好似無咩冷氣，有張紙落野食同飲品，我地一去到就落單，落完十幾分鐘後黎左6隻蟹，我地每人食左一隻之後，其他小食同野飲一樣都無黎過，我地問個職員，職員搵完張落單紙問我地係米叫左呢啲野食，再行去入機，我估計佢地收完單無落過，就咁比蟹就算，仲要一句唔好意思都無。雞翼係唔錯服務唔掂態度唔掂…查看更多

3間分店快樂小羊都有去過食超碼有十次，覺得快樂小羊係一間唔錯既打邊爐既鋪，今次係第二次到荃灣分店打邊爐，下就2點零鐘去食，得我地一台，員工都無咩做，行行企企，問拎調味料，眼神表示得唔情願，其實如果佢調味料開放出黎比客人拎我唔洗麻煩佢，次次去親快樂小羊都有叫牛羊大併盤，今次都唔例外，黎到我唔認得佢，我屋企人問點解同之前咁唔同先知原來係個碟，偷工減料，羊同牛比少勁多，叫左員工行過講話碟野個樣同之前好唔同，其他分店唔會咁，就算之前係呢間食過一次都唔係咁，咁個女員工叫左經理，我地比埋之前係呢間食既相經理睇啦，根本少勁多，個樣差勁遠，經理去廚房了解，出黎答覆話牛係同一批貨，但個問題係講緊偷工減料得太明顯，又唔係咩繁忙時間，食足全場得我地一台都要咁？另外有叫3色滑，食既時候蝦同羊滑今次個味勁怪，同平時食唔同，蝦滑晦既，羊滑平時係我最鐘意食，但今次係怪味。荃灣鋪今次唔多掂檔。土豆粉叫一份都係比之前少，但見員工咁既服務態度都癈事出聲，唯有上黎打番比會睇食評既人要小心羊肉串就一樣咁好食。到埋單時，每300蚊會送一張100蚊優惠卷，咁食左600幾蚊，正常係比2張，咁得閒都可以比錯，比一張。d員工已經無野做，唔想做既不如番屋企，成程做野都好唔願意。搞到今次無咩心情食，完全無影過相…查看更多

今日特登去又一城買件伯爵茶白桃味蛋糕仔，本身一個蛋糕仔都要$85，叉都唔比，問有無叉，要收一蚊支叉，買支蠟燭，5蚊一支，我覺得蠟燭收錢係正常，但基本食蛋糕要一支叉都要收錢。件蛋糕都唔係平，D收費服務連一支叉都要同客人計，感覺真心差。唔會再幫襯。…查看更多

4點幾去拎定飛，7點半番去排隊，入鋪既過程其實都好快，假日去每個餐要加多十蚊呢間新鋪開張，只收現金。排隊時職員問有無會員個下既態度都好串大家未下載記得下載會員先，會有折扣卷嫁個個都話好好味，吸引左我黎一試，叫左最貴個個餐，會每人有2粒和牛丸送我係好鍾意食牛丸嘅人，粒牛丸食落真係好彈牙，同好有牛味湯底我地叫左麻辣（中辣）同台灣鳳梨雞湯<~呢個超級清，品覺得有鳳梨嘅味道。佢既海解白沙係新鮮好食，呢個要讚蝦可以唔洗叫，叫完我食左一隻就退，佢又未去到晦，但唔係好食至於牛，好多人話好好味，我期待都好大，但本人食完覺得又未去到d人講到咁誇張，好好味咁，我覺得同價錢成正比食過好多牛係更好味野飲方面係好多款式同唔同既茶選擇白桃烏龍茶我覺得係最好飲，佢仲有打西蘋果，不過我覺得麻麻今次因爲食既時間得90分鐘，所以都無點影相佢最後仲會送每人一個movenpick雪糕…查看更多