Alison 1937的个人专页

今晚我同拍擋去咗長沙灣搵食，揀咗le間好有老香港味嘅「太子海鮮菜館」打牙骹。入去就感覺到啲裝修好懷舊，啲伙記又夠晒親切，真係有返屋企食飯嘅感覺。我哋叫咗幾味招牌菜，味味都冇走雞。首先係蜜汁燒鱔，燒得香口又入味，啖啖都係膠質；豉油王海中蝦就夠晒鮮甜，啲蝦爽彈到不得了；果皮蒸鮑魚就係另一個驚喜，果皮香滲入鮑魚，味道層次好豐富。蒜蓉粉絲蒸蟶子就係海鮮控嘅至愛，蒜香撲鼻，蟶子又滑又鮮；孖寶叉燒係肥瘦均勻，蜜味十足；西芹炒龍躉球就清新爽口，啱晒平衡味蕾。配埋支冰凍朝日啤酒，真係一流！食完大家都話下次要再嚟，呢餐真係食得開心又滿足，港式海鮮魅力，冇得輸！…查看更多

今日下晝，我同拍擋去咗屯門一間叫 Delifrance嘅法國餐廳歎下午茶。環境好chill，裝修有啲歐陸風，坐低就feel到有啲唔同。我哋叫咗兩個set。第一個下午茶係烤雞蘑菇惹菌汁意粉，啲意粉掛汁一流，雞肉又嫩又香，配埋法式龍蝦湯，鮮味爆燈，真係有驚喜。飲品就揀咗凍即磨咖啡，香濃得嚟唔會太苦，啱晒我口味。另一個係期間限定嘅韓國蠔泡菜卡邦尼意粉，辣辣地又唔會太刺激，泡菜同卡邦尼醬融合得幾好，幾有創意；超正，絕對值得推介。配菜係雜菜湯，清清地中和返個味，飲完都幾舒服。飲品就揀咗熱齋啡，簡單但夠暖胃。屯門呢間西餐廳真心正，價錢合理，服務又唔錯，下次可以再試吓佢哋其他菜式！…查看更多

老友英國回港；我地六兜友去左金鐘力寶軒食晚飯；地鐵金鐘B出口直達。呢度環境高雅，坐得舒服。今次我哋叫咗個六人餐，菜式非常豐富，款款都好有心思。首先係滷水鵝拼盤，鵝肉香滑入味，配埋滷蛋同豆腐，開胃一流。紅燒花膠海皇羹就真係足料，花膠厚肉，海鮮鮮甜，啖啖都係膠原。之後嘅翡翠欖菜明蝦球，蝦球爽口彈牙，欖菜味道突出，好特別。清蒸東星斑係全場焦點，魚肉嫩滑，蒸得啱啱好。潮汕煙燻稻草鴨就好有驚喜，煙燻味濃郁，鴨肉唔乾，好香口。勝瓜肉碎煮墨魚角清新又惹味，好啱配飯。瑤柱蛋白炒飯粒粒分明，唔油膩。甜品方面，潮汕薑薯糕香甜軟糯，楊枝甘露就清新解膩，完美收尾。今餐坐得舒服，食得滿足，傾得快，性價比高，正！…查看更多

今晚我同女友去咗北角一間叫「君子餐廳」嘅西餐廳食晚飯，環境幾靜，有靚海景，坐得舒服，啱晒傾計。落單嗰陣我哋叫咗兩個晚餐套餐。前菜有忌廉蘑菇湯，香濃滑口，啱晒香港人鍾意嘅口味；另一款係法式白酒煮青口，青口夠鮮，白酒味唔會太搶，啱啱好。主菜方面，我揀咗香烤羊架:medium rare;配埋新薯同蔬菜，羊架外脆內嫩，冇羶味，真係煮得好!女友就試咗是日精選——辣肉腸藏紅花鴨腿西班牙飯，味道層次好豐富，鴨腿煮得入味，飯粒吸晒精華，辣度啱啱好。我哋仲加錢叫咗兩杯House wine，一杯紅一杯白，配餐一流。食物水準唔錯，環境一流，價錢合理，服務高質。下次可以再嚟試吓其他菜式。…查看更多

今日同女友去旺角食完buffet；諗住去奧海城睇爆旋陀螺。經過旺角街市穿過天橋下底見到塘尾道呢間純一拉麵，突然間想食。因為太飽同老細講可唔可以減麵底，老細好爽快，一口應承。我試咗個雜菜拉麵，老細話呢個湯底特制、食素人士最啱，除咗無味精仲唔會破戒。女友就叫左個味噌拉麵，叉燒好正，忍唔住我都加咗份叉燒同溏心蛋。估唔到小店拉麵咁有水準；好有咬口。老細話佢係喺北海道跟女性拉麵師傅學藝。女友個味噌拉麵就用雞、豬肉同魚八個鐘熬製而成。咁嘅價錢性價比非常高。我哋成日出街食嘢，都要注重健康。呢間拉麵店全無味精；做工仔細，都算係心機嘢。老細用心研習，仲話遲D會再加多一款湯底同多款串燒。好味抵食良心小店一定要多多支持。…查看更多

今晚我同女友去左荃灣廣場一間名叫 Hà Nội 的越南菜餐廳食晚飯。餐廳環境好舒服，裝潢散發著濃濃的越南風情。我地叫咗二人套餐。首先上來嘅係生牛肉湯粉，湯底香濃，牛肉新鮮，配上香草和檸檬，真係一流！跟住係雞絲撈檬，涼爽可口，正好配合天氣熱嘅晚上。田園灼時菜色澤鮮艷，脆口又健康，當然少不了安南鮮蝦紫米卷，包住鮮蝦和新鮮蔬菜，口感一流。甜品方面，我哋叫咗椰汁珍多冰，椰香四溢，清涼解渴。再來杯凍越南滴漏咖啡，濃郁香滑，真係唔可以錯過。最後，仲加咗香茅沙嗲牛肉串燒同越式炸蝦餅，串燒味道濃厚，炸蝦餅外脆內嫩。今晚的晚餐真係令我大滿足，食得好開心！…查看更多

今晚，女友一早約左我去荃新天地一間名叫「自己人」的食店。雖然我哋都吾係潮州人，但對個名（gaginang)就有好感。呢度佈置親切又有味道，讓人一進來就感到舒適。我們點了很多好味嘢，首先上的是「馬蹄爆珠椰子冰」，清涼可口，上邊有個放咗乾冰嘅小茶壺,非常精緻可愛。接著是「新鮮油柑汁」，清新得來又有點回甘；真的很開胃。最精彩的當然是「潮州滷水炸乳鴿」，外脆內嫩，肉質鮮美，令人回味無窮。還有「黑蒜蝦燒賣」，黑蒜味四溢，蝦肉鮮甜，好到不得了。再來的「抱抱蝦餃」和「雪茄春卷」有樣有內涵；吃得津津有味。「梅汁金不換沙白」的口感亦很特別，辣中帶酸，正合我地心意。最後，我們還試了「佛跳牆灌湯餃」和「黃皮燉鮑魚」，非常特別；每一口都是享受。吃完這麼多道菜，我們還點了「熊仔朱古力包」，甜得剛好，真是完美的收尾！今晚的晚餐非常滿足，下次要同未來外母嚟再試吓。…查看更多

今日落置樂花園做嘢，經過街市見到有間車仔麵。我同拍檔係車仔麵王。嗱嗱聲攻入去試吓。花多眼亂呢間舖頭有好多組合，除左車仔麵；仲有好多特色嘢。經理介紹呢個二人超值套餐。真係超抵。兩個三餸車仔麵或者肉燥飯再加半隻烤雞或者口水雞。仲有油菜同兩杯飲品。抵到爛。呢度主打車仔麵；我覺得係全屯門最好味。我係食肉獸，豬腸牛筋牛肺，用料絕無馬虎份量亦足。尤其是牛肺超水準冇乜地方有得食。拍檔鵝腸有料到，魚蛋係細細粒陳皮魚蛋；牛丸有咬口。半隻烤雞即叫即整熱辣辣絕無欺場。飽到嘔都忍唔住叫多個頭抽生腸拼手撕雞腸粉。生腸同腸粉都夠滑嫩，拼手撕雞，夠曬特別。加埋啲邪惡花生醬、甜醬；正到脾。…查看更多

今晚朋友介紹，我哋4個人去咗一間叫青花既泰國菜餐廳。餐廳係旺角波鞋街附近The Forest;真係食到我地心頭好！我哋叫咗幾樣嘢，首先就係惹味拼盤，啖啖都係驚喜，真係好正！跟住嘅柚子大蝦沙律，清新又開胃，蝦肉鮮甜得嚟，仲有柚子嘅香氣。再嚟嘅炭燒牛肉沙嗲，肉質嫩滑，搭配特製沙嗲醬，真係令人回味無窮。炭燒豬肉串燒沙嗲都唔錯，香氣四溢，每一口都滿足感爆棚。油酥手抓薄餅外脆內軟，配上馬拉盞炒芥蘭，同馬莎文奶油咖喱雞香濃入味，相信配飯食也非常合適。最後，甜品方面我哋選咗芒果糯米飯，完美的收尾！飲品方面，蜂蜜青檸梳打清爽可口，泰國奶茶濃郁香滑，鮮熱情果梳打更添活力，桔仔酸梅汁則帶有一絲酸甜，真係好好味！今晚真係食得開心，全院滿座；期待下次再嚟！…查看更多

今日同拍檔落荃灣，係荃新天地二期地下見到「東京街日本料理」。之前喺第二度試過好抵食，今日又嚟試吓。裝修好有心機；有日本feel，入面靜靜地，坐得舒服，氣氛好好。我哋叫咗兩個套餐，食得好滿足。首先係「極尚刺身定食」，上面有新鮮嘅刺身，包括牡丹蝦、活赤背，三文魚、吞拿魚、珍寶帶子、油甘魚同象拔蚌，刺身好新鮮，食到我口水直流！拍檔叫咗「壽司定食」，壽司種類繁多，有三文魚、吞拿魚、八爪魚、油甘魚、馬刀貝同加州卷，樣樣都好味。兩個套餐都有味噌湯、沙律菜同茶碗蒸，真係大滿足。呢度仲有個少少嘅沙律吧，沙律菜同生果任食，夠晒健康。…查看更多

熱到爆廠，旺角人多車多。係始創中心附近；我地去左一間名叫東京街的日本料理，入面裝修得好有日本feel，真係好吸引。無論係燈光定裝飾，全部都好有格調。我哋叫咗北海道海鮮鍋，鍋入面嘅海鮮新鮮到不得了，味道一流！加個午市套餐：極尚角切魚生丼；內有三文魚粒、時令魚粒同埋大量魚籽；仲有牡丹蝦，味道鮮美，搭配凍檸茶少甜，真係消暑又解渴。套餐仲有茶琬蒸同沙律、麵豉湯；超抵食。另外，我哋仲追加咗帶子刺身兩件，鮮嫩得來又帶點彈性，食完令人意猶未盡。最正係磯煮鮑魚刺身兩隻，入口即化，豐富嘅海水味令人回味無窮。呢度坐得舒服，食物美味，服務超水準，讓人愉悅。高水準食肆，一定要支持👍🏻…查看更多

今晚我同女友去咗一間好特別嘅新派西餐廳，名叫 Parkside @Nina，佢嘅主題係木化石，感覺好似一間教堂咁！環境靜謐，真係幾啱食晚飯。我哋叫咗幾樣好味嘅菜。首先係雞肉沙嗲，香辣可口，配上花生沙嗲醬，真係好正！再來就係智利嘅 House red wine，酒香四溢，果味十足，飲落去真係唔錯。另外佢嘅手工啤單眼佬話梅蜂蜜酒就更特別，甜甜地有點酸，令人一試成主顧。Le 個仲係本地荃灣區Ge後生仔創作。本地薑一定要支持。最後，當然唔可以唔提紅酒糟虎蝦卷意粉，味道濃郁，蝦肉鮮嫩，意粉煮得剛好。甜品方面，我哋仲試咗特色木花石朱古力餅，軟綿綿，朱古力味濃，入口即溶，真係完美嘅結尾。整體嚟講，呢間餐廳廚師真係有料到，米芝蓮質素；食物同環境都超班，一定要支持。附近仲有個木化石體驗館，下次一定要過嚟睇吓。#荃灣美食#如心廣場#荃灣#如心園#打卡勝地#Parksideeatnina#ninapark…查看更多

今天下午，我哋去咗一間叫「馬祖台灣養生湯麵館」食飯。聽聞佢哋嘅火鍋套餐好抵食，我哋叫咗兩個全日90分鐘火鍋套餐B。套餐入面包括咗西班牙無激素豬肉片同Prime grade肩胛肉眼，肉質新鮮；份量剛好。另外仲有大量新鮮蔬菜、肉丸、雪糕、雪條，飲品更係任食，真係超抵！雪糕仲要係Movenpick。我哋揀咗藥膳蟲草花桃膠雞湯同藥膳養生清雞湯作為湯底，味道濃郁，令人暖心；齋飲個湯，覺得好補身。另外，我哋仲叫咗無糖茉莉花茶同愛文芒果茉莉花茶，特別清新，搭配火鍋正好。食到一半，已經感覺好滿足，無論係食材定係環境，都讓人感受到濃濃的台灣風味。下次一定仲要再來！…查看更多

今日落旺角做嘢，拍檔要買龜糧。去完金魚街，到旺角街市對面見到新開一間粉麵店；嗱嗱聲入去試吓。天時暑熱，冷氣最重要。我冇乜胃口，叫咗個淨魚蛋+油菜（+$13）；凍檸茶走甜。拍檔叫咗個崩沙腩粗麵。魚蛋夠晒彈牙，魚片香滑；加埋辣椒油、蔥花；清清地啱晒夏天季節。崩沙腩夠入味，配粗麵夠曬醒神。見到隔籬枱嘅魚皮好吸引；忍唔住叫咗一包試吓；大大包夠晒脆口。食完一包忍唔住又叫多一包；眨眼就K.O.晒。最後又忍唔住叫多個淨牛丸，夠爽口。呢度樣樣都有水準；價錢亦都合宜，性價比高，一定要支持用心小店。…查看更多

今天下午到屯門做野；大熱天時，真係頂唔順。無意間見到間名叫「串囍」的串燒店，即刻入去飲杯；休息下。一入到去，就聞到串燒的香味，令人食指大動。我哋叫了幾樣飲品，朝日啤酒清爽可口，十字之心蘋果酒則甜甜地，正好解渴。食物方面，我哋點了安格斯一口牛串，肉質嫩滑，味道十足；法式燒羊架更係香氣四溢，吃一口就令人想再來一串。燒珍寶生蠔新鮮得來，配上大量蒜蓉，成隻筷子咁大，簡直係人間美味！鹽燒大蝦肉質彈牙，真係好好味。最後，日本清酒煮藍青口，酒香醇厚，海味十足，令人回味無窮。整體來講，串囍的食物和氛圍都非常好，適合同朋友聚會，大家都食得開心，真係唔可以錯過！下次一定再約埋多啲朋友一齊隊過。…查看更多