langlangmui的个人专页

工作得比較晩，想食點簡單的，去到美麗華商場見到一間很優雅的咖啡店，外面有個大大的menu，有我喜愛的。先到櫃檯點餐，差不多八時了，服務員有禮的告訴我收鋪時間，好使顧客有心理準備。Earl Grey Chocolate 是我喜愛的飲料之一，濃郁的朱古力加上伯爵茶香氣，口感非常之好，恍似口中是朱古力飲料，嗅覺又有伯爵茶的味道，兩者沒有衝突很平衡。藍莓核桃蛋糕是他們自家出品，一件$34 ，厚切份量很大，蛋糕濕潤又充滿藍莓，味道不錯，性價比高。煙三文魚忌廉芝士貝果配沙律， bagel焗到外脆內煙韌，有口感，配上忌廉芝士、新鮮爽脆的青瓜和洋蔥還有煙三文魚，好惹味，還有幾粒酸豆將味道層次提升。沙律菜新鮮爽脆，一個好好的配搭。八時多了，還有很多顧客過來買咖啡，美麗華商場仍然是很熱鬧。…查看更多

一個人剪完頭髮打算食個飯周圍望周圍行行行吓咗行咗去世貿原來世貿已經重新裝修好開返究竟有幾耐冇去過銅鑼灣一擰轉面見到好耐無食嘅鬼金棒(話說啱啱開嗰陣食要排成個鐘)本來見到門口有人排隊重諗住放棄點解入去問一位就即刻有位（一個人食飯嘅好處之一）太耐無食見到menu咩都想叫最後叫咗芫荽辣麻味噌拉麵無食咁耐個湯底依然係咁濃郁啲芫荽同埋蔥食到最後都重有大量個叉燒又厚又煮到軟林林好入味好正啲麵係我鐘意口感偏硬粗麵呢碗麵都已經好滿足重有被拉麵耽誤了的粟米筍份量勁多重係好爽甜就咁食或者浸入個拉麵湯度都一樣咁正一個人食飯嘅壞處之一 - 眼闊肚窄最後食剩咗三分之一嘅粟米筍呢餐應該可以飽到聽日下次一個人唔知食咩我諗我都會再encore!…查看更多

一走進餐廳，大堂接待處以日式美學打造了一個小小的坪庭，有不少位置可打卡，亦可作為從鬧市抽身預備進入一埸廚師為食客預備的以美食寫成的舞台劇的一個小間場。 在春夏的時候，餐廳以花為題的Omakase 感覺亦特別清新怡人。以五小碟精緻的開胃菜揭開序幕，紅紅綠綠的菜蔬預告著春夏的豐饒。酸酸甜甜的蕃茄，清新爽甜。一小磚用海鮮煨的豆腐，就像白畫紙上透亮的水彩，海鮮清甜的鮮味下透着濃濃的豆香。翠綠的蘆筍在齒間脆裂讓你深怕自己會否吃得很大聲。 所有的味蕾在開胃菜的序幕後全都醒覺，為接着的魚生做好準備。當八種不同的魚生放在面前時，心中不禁吶喊了。魚生表面潤澤，油亮油亮的，白裏透粉紅的白身魚，滿佈雪花的拖羅，粉紅粉紅的。先從相對淡味的白身魚食起，魚肉雪白透亮，肉質清爽幼嫩，味道清香鮮甜，雖然廚師提供了新鮮芥末，但還是建議就這樣食，你會能品嚐到新鮮的本味。白身魚魚油相對沒那麽豐富，但卻像歌曲的前奏一樣為所有的魚生定了主調。最後的拖羅則是主旋律，一入口魚油開始溶化，隨在口腔中温度的上升，魚香充盈於口，上湧到鼻，每吸一口氣都充滿魚油香，咀嚼時，更複雜的味道不停拼發，和空氣混合，釋放出拖羅獨有的味道，一陣一陣的，一波一波的，就在一呼一吸間，一切在變，而你迎來最後的餘音，一個高音在空間縈繞，味道在齒間流轉，不捨喝那口熱茶，怕把味道沖淡，深吸慢呼，只望留住。日本人的傳統是先食冷盤再食熱食，熱食由一道很有趣的燒物開始，這道燒物使用一種叫立鱗燒的方法，先把魚鱗用熱油淋過，使鱗立起再燒脆，燒好的魚配以濃郁的汁，當你以為淋過汁的燒物會變軟，魚鱗在口中喀咔喀咔，你會驚訝地問這真是魚鱗嗎？看着我因口中的美味驚訝和困惑的表情，廚師娓娓道來他在此道菜式所花的小心思，表情充滿介紹自己親手所造的藝術品的驕傲。喝一口熱茶，吃一口酸薑，嘆一口心滿意足的氣，迎來一盅海膽長腳蟹肉大根，已被慢煨細成半透明的大根上舖滿着一絲長腳蟹肉，最上面醒目搶眼的海膽，點綴着點點黃花。小心地深深挖了一羹，希望把所有食材保持本來的順序放進口裏。微冷的海膽在碰到上腭時爆發出海洋咸咸的味道，綿密又濃郁的口感，底下的長腳蟹肉亦不甘示弱，啖啖鮮甜，大根吸盡海鮮的精華並散發昆布湯的底味，雖是一個熱盅，但卻滿有夏天海邊的清涼感。 海膽是人間美味，滿滿的海膽放在以赤醋調味的飯上，赤醋像飽經歷練的人，更內斂而謙和，不像白飯醋一樣大刺刺的鋒芒畢露。在赤醋飯的襯托下，海膽更鮮甜，加上魚子的咸香，使這杯美得像甜品的飯食令人非常難忘。喝完暖暖的豆腐湯，一場由廚師導演的舞台劇，由日本蜜瓜、紅豆奶作結。…查看更多

工作過後肚子已咕嚕咕嚕的響起來，又係吃下午飯的時間，今日好想食吉列豚丼，好快就行咗去Tamago-EN。一坐低便見到有期間限定的食品，看樣子櫻花草莓鮮奶係唔錯嘅選擇，便叫咗一杯。Iced Strawberry Latte 冰涼幼滑，士多啤梨加牛奶已經係絕配，再加上櫻花牛奶脆脆，顏色漂亮又帶有日本風情，好飲啊！吉列豚滑蛋丼 係我喜愛的午餐，豚肉給炸醬緊緊的包着，外面脆裏面的肉還是柔軟有肉汁的，好入味，加上滑蛋及日本米飯，柔軟可口簡直一流。炎熱的天氣要吃些開胃香脆的食物解解暑。Tamago-EN 的玉子串燒是值得一吃再好的食品，蛋香撲鼻，這兒用的雞蛋是由沖繩直接入口，質量有所保證，所以這些雞蛋是可以生食的級數。五款玉子都放有唔同的配料，有小蕃茄、三文魚、海藻醬、樽魚子沙律和蟹肉，將玉子的味道再提升，每一件都有唔同的口感，但最終我都係好欣賞蛋的香味。…查看更多

過咗咁多日係屋企嘅日子，今日落左屋企附近嘅元朗yoho行街購物，順便入返啲日用品。我就選擇咗呢間日本餐廳，聽講佢嘅宮崎牛肉同埋宮崎豚肉都幾出名～由於疫情及限聚令嘅關係，餐廳都好細心咁圍咗膠板，分隔每張枱，等食客食得更安心。我叫咗一份ABURI-EN 豚肉丼，套餐入面有沙律同麵豉湯。沙律酸酸甜甜非常開胃，分量剛剛好。麵豉湯味道亦都冇過鹹，好啱我口味。餐廳名為炙宴，我相信豚肉都係有炙燒過，睇落已經相當焦脆。咬落去非常可口，豬肉嘅香味濃郁，質感軟稔，即使係燒過亦都唔會太過乾，火候、調味各樣都控制得剛剛好，用嚟送飯真係一流。食到最後見到隔離枱叫咗好吸引嘅雪糕，令我都忍唔住叫返一份甜品。Fruit Sherbet有三款口味，有椰子、桃味同埋柚子。我同朋友叫咗兩款水果味道嘅sherbet, 味道都唔錯喎，有真實嘅水果香甜味一啲都唔假，食落好似冇咁有罪惡咁哈哈！…查看更多

樓上咖啡室一般都係同朋友去吹水玩game多 一向好少去care佢地既食物質素。早幾日見到呢間樓上咖啡幾多like就上左黎試下。環境幾好，坐得好舒服 三五知己一齊食飯吹下水岩岩好，最重要係入到餐廳職員好有禮貌 又唔會趕頭趕命咁 感覺好relax。至於食物 比我想像中真係好好多，我地點左兩個set 同埋甜品，龍蝦湯/黑松露雜菌意大利飯/龍蝦意粉 ，龍蝦湯不過不失 但黑松露意大利飯同埋龍蝦意粉好值得推薦 ，佢唔係一般樓上咖啡室hea整 味道做得好balance 口感又有層次，我直頭覺得係去左西餐度食緊飯，超級滿足😍除左食物質素好 仲有board game 玩 gathering 一流呀！…查看更多

上星期經佐敦 上網搵左好耐都唔知食咩好 見到有網友推薦呢間拉面店就搵過去試下 位置唔算難搵 行到店門口已經覺得好似去左日本小巷既拉面店咁 裝修已經第一時間加左好多分，同時間有成十個人排緊隊，心諗應該今次唔會伏啦 。等左大約十分鐘好快已經到我地，入面裝修真係幾靚 感覺幾高尚。我地見網上好多人推薦白雞湯拉面同埋曼魚飯 ，所以諗都無諗就試左呢兩個主食，再加左兩個小食 。先講白雞湯拉面 湯底口感清爽但味道卻很濃郁 雞湯果然名不虛傳 做得好出色，平時好多拉麵都係搭紫菜 ，但呢間係用炸牛蒡 食落去除左增添口感而且為拉麵做左個好好既開頭 先一啖湯再一啖炸牛蒡 之後再食拉麵 有豐富口感層次👍另外我朋友叫左曼魚飯，一set有湯有配菜 不得不讚佢地既曼魚 用得好真才實料 超厚多汁同埋好爽甜 平時好多曼魚只係好濃既曼魚燒汁味 呢隻除左燒汁校得好好 烤得火候岩岩好 最重要係食到好香既曼魚本身鮮甜 一間餐廳要睇用唔用心 睇下老闆用咩食材比客人就知。經佐敦既朋友非常值得一試 ！由其係曼魚飯😍…查看更多

最近跟朋友提起銅鑼灣有一間cafe — Seoulmate cafe 菜式很特別，今日終於可以一試。我跟朋友點既係外型非常可愛既烏卒卒火山黑松露燴飯，紫菜包飯，仲有炸泡菜餃子，飲品就點左最喜歡飲的草莓芝士奶蓋。人氣推薦既火山燴飯，未切開已經聞到陣陣黑松露味，而外層既火山係企身既蛋白，配上火山頭頂既蛋漿，混合一起，口感相當得意。而韓國人氣小食紫菜包飯，餡料相當足夠，兩個人一齊share就唔會過多。相當有驚喜的炸泡菜餃子，新鮮炸起，咬落口外脆內軟，很吸引，不錯。即使放涼了，皮身都唔會變硬👍🏻而我點的是飲料草莓芝士奶蓋，不會過甜，是新鮮草莓打成，上層既芝士奶蓋唔會過膩，剛剛好，再配上風乾了的草莓脆脆，讚！…查看更多

心血來潮同班女仔friend去食飯4個人香港食黎食去都係邊爐食到好悶 不如又再去Shine食西餐啦！4個女仔叫左5樣野食(連甜品)帶子三文魚子沙律、水牛雞翼、炸魷魚圈、墨魚汁飯同埋火焰雪山真心推薦個沙律帶子同三文魚子都好新鮮加左啲沙津醋啲菜唔會超淡口水牛雞翼正 夠熱辣辣 都真係啲汁辣辣地惹味炸魷魚圈就好香脆啊 份量都夠我地四個share墨魚汁飯見佢細細碟 食食下都飽哂好足海鮮：青口，蜆，魷魚，蝦，帶子 重點墨汁真係夠香！最尾火焰雪山係比起出面大份勁多我就鐘意重酒味嘅！ 裡面有brownies都有驚喜 有埋蛋糕做底 都幾特別埋單連加一$628左右都好fair!下轉再去過～…查看更多

今日係同朋友9年紀念日，緊係要搵間正野賀一賀佢！我上網見Plato Cafe咁多好評 所以book左黎試下佢。地方來講都算好方便，好快就搵到呢一間餐廳。埋單睇返原來整體都幾抵食，有套餐前菜湯野飲主菜甜品可以話係由頭到腳咁濟～但係價錢都相當公道，$4-500就落到樓啦！味道都相當唔錯呀，主菜又夠大份 叫兩款一款肉一款意粉類share食真係岩岩好，非常夠飽。特別欣賞佢個環境，因為幾靜隔音唔錯，傾計係一流！下次可以搵大班啲既朋友encore都唔錯架～…查看更多

It’s always nice to explore this little town with big tummy! Espresso alchemy, which located in Mira Mall basement, surprised me with nice food and drinks, as well as the classy decors.I ordered Cheeky pork hash n eggs. I love the texture of the smooth and milky scrambled eggs. With the right proportion of fat, the cheeky pork made the dish smoother and tastier. And it’s never wrong to have the egg, pork and diced potato with the crunchy toast! Yum!Also, I had the sparkling black. Didn’t think it would be that refreshing, adding bubbles in black coffee sounds like a good combo. The taste of black coffee lingered, pretty long lasting.The dessert we had was a new version of tiramisu. The milky cream on top was real thick😍 The coffee flavor in lady fingers was so strong, and the texture of lady fingers was so moist and soaked. ‘Stay foolish, stay hungry’ was well-said by late Steve Jobs, but how I have to agree on the latter part LOLStay hungry, and explore the town with your big tummy.…查看更多

Today I visited Mafe cafe with my colleagues during lunch time and I have to say it’s a shame that I didn’t take pics, but I still wanna post a review for this restaurant.I ordered a black truffle risotto and I was very nice. I expected there’d be black truffle oil instead of black truffles at first, but tadaaaa, it’s the real thing! The black truffle gave an long lasting aroma to the chewy risotto, and the seasoning was just good. It was creamy as a whole but you wouldn’t feel tooo heavy. It’s quite a nice experience dining here with all the friendly staff and cozy environment. …查看更多

一虎拉麵喺灣仔向來都頗有名氣，今日放工終於同朋友黎試一試，估唔到係意料之外咁好食！朋友點左一客一虎拉麵，豬骨湯底味道非常之濃郁，湯底亦都掛面，每一啖都食到濃濃嘅豬骨香。麵底可以選擇粗麵或者幼面，硬度亦都有分三種，朋友揀咗硬身嘅幼面，加上木耳爽脆嘅口感，層次非常豐富。而我就選擇左夏天嘅特別餐牌，檸檬拉麵。無論係日本定係香港，如果係以水果做湯底，我都只係試過柚子拉麵。今次呢個檸檬拉麵，湯底嘅豬骨味會比較冇咁突出，取而代之嘅係陣陣檸檬清香，味道非常不錯，係炎熱嘅夏天成日會檸檬拉麵，好fresh 清新…查看更多

約左朋友係尖沙咀食飯，大家都無咩心水，就決定去厚福街espuma食番餐。我地首先點左焦糖單骨雞翼，外脆內嫩，單骨又唔駛怕食得唔方便。其次叫左黑松露芝士薯條，因為我地都係薯控。冷盤叫左份慢煮八爪魚，西班牙風味加左好多椒，酸酸地好開胃。主菜我地首先點左份咸豬手，份量好大，我地2個人都食唔哂。豬手燒到外皮鬆脆，味道十足! 其次我地叫左雞胸牛肝菌意大利飯。牛肝菌既香味令濃郁既意大利飯更加可口!飲品方面當然唔少得著名既熱水果茶，壺下面有恒溫，方便我地傾談之餘又唔怕杯茶會冷親。…查看更多

元朗一向多餐廳多種類多選擇，貴價高級食府不乏，但卧虎藏龍也不少!今次去試一試近來人氣急昇，門口大排長龍的鱷魚湯車仔麵湯底：泰國鱷魚湯麵類：粗麵配料：牛百葉、豬大腸、白蝦仁粗麵正常不會太過"林"。鱷魚湯香濃之中帶淡淡的藥材味，但不需要怕會難入口或者搶去鱷魚湯的鮮味。三款配料中豬大腸最為出色，肥美之餘不會過份油膩；白蝦仁爽口但略欠鮮味套餐包括的小食一客：泰酥炸雞翼頗有驚喜的一客炸雞翼，應該是新鮮即炸。每隻都香脆可口、非常入味，值得一試套餐亦包含油菜一碟，可選馬拉盞、蠔油及腐乳。…查看更多