ssophyann的个人专页

我哋一行四人12月1號食晚飯叫咗一個二人set加一客雞翼同一個pizza 套餐嘅沙律同一個main 好快已經到咗期間有侍應過嚟同我哋講9:00就last order問我哋有冇其他嘢需要朋友就同個侍應講幫我哋跟跟其餘未到既食物啦結果等到差唔多9:30都未見有其他嘢到我地再問個侍應先發現原來冇幫我哋落單😥而且所有講廣東話嘅職員態度都非常之差冇對唔住都唔緊要，大大聲話樓面冇入單，仲加一個好仇視嘅目光望住我哋果檯😳其實做錯咗都唔緊要，但唔明點解啲態度可以咁差真心希望餐廳管理方面注意一下員工嘅質素以後都唔會再嚟😓😓…查看更多

上星期有日約左朋友傾野，朋友未到，咁我就先掃好針卡坐喺入面等，已經同個職員講左聲坐低先轉頭會過嚟落單。跟住個職員短短10分鐘經過左4次，其中兩次行埋黎催我落單買野😓其實都係想等埋朋友先落單啫… 感覺有d壓迫😅😅講真食物認真麻麻，其中有個蛋糕，又甜又痴牙，食咗兩啖就掉咗，仲有杯Greek yogurt唔夠凍，唔知係咪部雪櫃有問題最後坐咗一個鐘頭都冇就走咗，轉場好過😖…查看更多

首先想講下食物質素三文魚壽司：完全冇魚味，冇諗過伏得咁緊要帆立貝壽司：唔新鮮鰻魚壽司：賣相唔錯，但好唔好彩比我食到有曱甴！茶杯要客人開聲先比，茶係完全唔熱。每杯茶佢會放茶包，但好淡，水又唔滾，用茶包都可以完全冇茶味！用料可唔可以有誠意少少？Overall 服務態度真係好差，冇一個店員有笑容。Trainee 態度唔好，可以原諒，但有幾個staff見佢都做左好多年，態度都係咁差，真係唔怪得冇人幫襯。其實呢間餐廳我由2006年都開始幫襯，以前係好多人食，食物質素亦好好，諗唔到今時今日變到咁差，其他劣評真係冇呃人架！打呢篇食評係唔想大家浪費金錢去食！真係好伏！…查看更多

本來好期待，但去完一次一定唔會再去！每人一個set，但份量實在太少朋友另外再點烏冬餃子等等，都唔夠食烏冬要$38一個，普通粗身烏冬，超市貨色餃子要$48，只得4隻，味道一般要任飲的話，每人另加$30建議飲水就算因為佢出面擺出黎既茶同果汁都係溝水溝到好淡果汁搵水溝真係好呃人錢最後都係維他檸檬茶飲得落肚另帶一提佢有限時90分鐘（入座起計）侍應會好窩心咁不停走過黎幫你死亡倒數驚死你唔知有限時咁當然90分鐘內你食唔晒佢係唔會趕你走但會即時停晒任何服務包括加湯！睇住你個爐得返半啖湯都唔會幫你加真係良心企業公道啲講味道係OK嘅但真係唔值一定唔會再食…查看更多