winnie_fish的个人专页

想食蠔 + 想食BUFFET + 想食宵夜 = 2+2 CAFE主要係為咗任食生蠔，即開美國蠔，不過好細隻，開完會用水沖走蠔殼碎，蠔味唔濃~排隊每人每次限拎三隻，開蠔GE師傅一直碎碎念，話"食自助餐梗係樣樣都食D, 都唔明D人點解剩係食生蠔, 食夠20隻都食滯你啦..."我唔肯定以上所粒粒字都正確複述，但好肯定師傅係呢個意思囉...熱盤唔多，款式普通~ 沙律凍肉等都係正常~壽司刺身麻麻地，但係一出都好快俾人掃晒~青口凍蝦係今日推介，青口好甜，蝦爽口~蛋糕甜品冇乜特別，最開心係有HAAGEN DAZS~平平地二百幾蚊過吓口癮，宵夜BUFFET泥講都算可以~…查看更多

同朋友行街街，由旺角中心一出去，就望見對面開左間新野~埋去睇吓餐牌發現新張期內有PROMOTION，一於試試~WOW, 好抵啊，"和牛三人盛優惠"，原價780，而家半價390！！首先燒薄切牛舌，輕輕燒一面然後反轉，再放上蔥蓉去燒，友人話好好味~我唔食蔥，所以只係燒牛舌，好快熟好爽口~ 點D檸檬汁~ 正~!和牛排肉、和牛肩脊肉、熟成胸外腹，全部都好正，脂肪分佈好平均，入口好JUICY~重點係霜降和牛﹗250G！好大塊！慢慢燒，半熟GE時候剪開一塊塊，方便入口~和牛肉質柔軟鮮嫩，油花加埋肉汁，食落真係好甘香~燒肉醬汁同燒肉好夾~三人盛，我地只有兩個人去食，所以超超超飽~加個涼拌(唔記得個名)，等個口清爽吓，最鍾意醃菜心，清甜~侍應哥哥話試業中，結帳未收得CREDIT CARD住~日本餐廳SERVICE真係好好，個個都好有禮貌，笑容可掬~在坐好多日本人，又有日本電視台拍攝實況，好得意，好似去咗日本旅行咁~…查看更多

原本係去紅磡搵蠔食, 然後忽然俾"牛角"個招牌吸引咗~~~~~啊, 分店開到去黃埔了~ 友人立即放棄食蠔GE計劃, 轉投牛角懷抱~牛角同牛涮鍋共用同一個RECEIPTION?WAITRESS姐姐劃位都幾混亂, 成日問客人"你地係唔係緊排隊?"同埋"你地邊個泥先?"新開張所以比較亂?入座坐定定就ORDER野食喇~牛角沙律︰洋蔥薯泥沙律配生菜青瓜蕃茄粟米粒紅椒同旦, 因為我唔食洋蔥, 所以剩係食咗蔬菜, 幾新鮮~厚燒牛舌(鹽醬)︰1CM厚GE牛舌, 爽口, 小心唔好燒過火啊~上級牛肋肉(鹽醬)︰醬汁幾入味, 牛肋肉幾香幾嫩, 好味~腹胸肉(燒肉汁)︰呢個部位好似有D韌, 點燒都韌, 味道OK GE...野菜盛合︰燒粟米好好食, 好新鮮好甜, 燒南瓜麻麻地...乾...好似食紙皮咁..., 燒菇同蘆筍幾香~ 唔食洋蔥...冇試~人手唔夠, 杯茶飲晒好耐都冇人加水, 要叫先加...WALKIN有位, 我比較早到(6點幾), 唔洗等~食飽走人GE時候個場都未FULL過~ 想食牛角又唔想等幾個月, 不防試吓去黃埔新店~…查看更多

成日聽人講，終於可以試到啦~81層的麵包，層數多，應該要落好多油去壓，先做到多層效果~旦沙律三文治︰麵包烘過，食落唔油膩，旦沙律冇乜特別~吉列豬扒三文治︰我好鍾意日式吉列豬扒，配埋菜絲醬汁，無敵呀~黎呢到，要行一條大斜路，運動完先食三文治，特別滋味~ 呵呵~小小店坐位不多，假日太多人唔可以慢慢坐，如果可以選擇WEEKDAY黎坐吓慢慢嘆就更加好~…查看更多

本來想點鹽酥雞，點知姐姐仔聽錯咗，幫我落咗鹽酥菇....即炸，要等，成間舖都好多人等緊...初初諗『炸菇？梗係又油又冇味啦...』打開個紙袋，一陣熱氣湧出黎~好多菇喎！咪住先~仲有幾條炸青豆喎！好新奇~鮮冬菇好滑~雞脾菇好多汁~金針菇最正，菇身好嫩滑，一支支的菇炸到脆晒，好似食薯片咁~炸菇全部都有脆漿，薄薄一層，香脆唔油膩，加埋椒鹽，好香口~炸青豆冇脆漿GE，幾清新~食得肉多，可以轉轉口味試吓鹽酥菇GA！…查看更多

次次黎我都要食燒味飯，簡直係"賣飛佛"呀！必食燒味飯︰今次係燒肉燒鵝飯，燒肉超脆皮，肥瘦適中，燒鵝香口又唔太肥，伴碟GE菜心都唔差GA！滑旦蝦仁炒河︰等咗好耐先有得食，可能因為即點即炒？好有鑊氣，蝦仁彈牙~ 正~冰鎮奶茶︰必飲，好香滑~好鍾意食燒味呀!!…查看更多

黎到大埔墟晚飯，我成日都會揀和暢，鍾意佢選擇多，有粥有麵有小菜，而且樣樣都唔錯TIM~今次食咗...鴛鴦炒麵？唔記得咗個名，粉絲炒米粉，兩種口感，都幾得意~淨蘿蔔牛腩︰好大碗...牛腩好淋，蘿蔔又甜又入味，好味呀！香草雞翼︰六大隻，好香脆，好JUICY，入口淡淡香草味，都幾特別~佢GE小菜同粥品都唔錯GA！…查看更多

佛誕假期紅磡搵食~第三站(終點站)~媽咪雞旦仔~經過第一站同第二站勁食之後，去咗SHOPPING小休，SHOP完之後再戰第三站~今日唔算多人，ORDER咗之後要拎牌仔等，等呀等，終於到我喇~檸檬汁︰天氣好熱，等雞旦仔GE同時要咗杯檸檬汁飲，小小凍但係冇加冰的，酸酸地幾好味~朱古力粒粒雞旦仔︰外脆內軟，每粒雞旦仔入面都有朱古力，好香好甜~ 正~! 好耐冇食過咁有HEART GE雞旦仔喇，好開心，好滿足~ 好GE野係要俾D時間等，你，值得等~! :)…查看更多

佛誕假期紅磡搵食~第二站~韓點~友人極愛韓國年糕，平時都會煮黎食，黎到當然要試啦~韓式炒年糕︰友人話好好味，辣醬香濃，但一個人食晒一兜會有點滯~ 我只試了一塊年糕，覺得好辣~韓式魚旦︰有魚湯浸住，彈牙，好味~炒水晶粉絲︰WA，好大盒呀，粉絲好滑好彈牙，有菠菜/甘荀/冬菇/蔥/洋蔥，仲有芝麻，好香口~ 不過試完炒年糕後覺得粉絲味道稍淡~街坊價錢，抵食又好味~!…查看更多

聽聞紅磡好多好野食, 趁住今日佛誕假期, 黎到紅磡搵野食~第一站係時新, 一落天橋就見到喇~好懷舊, 令我回想起讀書時代學校附近的屋村快餐店~ORDER咗魚扒包, 漢堡旦包, 炸薯條~魚扒包︰友人的, 友人話冇可能係魚扒...應該係煎魚片...超薄....漢堡旦包︰我的, 咬一啖...包有稍微烘過...至於肉...係漢堡咩? 似迷你肉餅咋喎, 混有少少洋蔥粒, 鬆散, 冇乜肉味...基本上唔知食緊GE係豬牛羊定係雞鴨鵝... 加埋全熟GE煎旦...冇驚喜...炸薯條︰乾...好乾...應該係返炸GE...仲要只係微暖...SELLING POINT係價錢平? 如果只係以價錢黎計...都OK GE...…查看更多

7點半來到新城市廣場, 大部份食肆已經爆滿, 剛好小南國還有位~ 立即就坐~ 呵呵~友人感冒, 於是捨棄了醉雞 / 沙鍋雲吞雞... :(一行三人, ORDER如下︰醃菜脯︰前菜黎GE, 甜甜地, 幾脆~金瓜絲海蜇︰瓜絲混入海蜇堆, 爽口, 味道偏淡~羅漢素鵝︰平時食的素鵝是乾煎的, 第一次食有汁的素鵝, 腐皮入面佈滿蔬菜粒, 都幾好味~小籠包︰皮薄多汁, 熱辣辣上枱即食最好~擔擔麵(走辣)︰友人唔食辣, 所以走辣, 又可能因為冇咗辣, 味道一般~上海炒麵︰唔油, 都係一般~XX菇雜菜(唔記得個名)︰正常~環境唔錯, 坐位唔迫夾, SERVICE都OK啦~不過以份量同質素黎講, 價錢真係偏貴~…查看更多

好想食牛肚麵，見到海達唔算多人就即刻入去~我叫咗牛肚粗(走青)粗麵好爽口，冇乜鹼水味，牛肚好好食~ 仲有幾條芥蘭~ 19蚊幾抵食~友人叫咗魚旦河WA，碗河粉有兩粒魚旦、兩片魚片、仲有一塊炸魚皮，19蚊咁足料?! 小插曲...食食吓...清潔姨姨拎住一籃洗好GE筷子出黎...每經過一張枱...就請食客幫佢將一束新筷子放入枱上的筷子筒...但係...你又點知食客隻手乾唔乾淨呢...？？…查看更多

一路等位一路等朋友，朋友黎到剛好可以入座~MENU好簡單，冇乜野揀，幾適合我呢D有選擇障礙GE人...哈哈哈...叫咗兩SET定食︰壽司拉麵定食︰前菜蘿蔔絲酸酸地幾好食~ 拉麵彈牙，醬油味湯底唔太油又夠濃，豬肉好淋好入味，正！四件壽司飯[[超]][[大]][[舊]]...帶子冇鮮味...三文魚都好普通... 如果食晒呢幾舊飯... 都會好飽...炸三文魚扒拉麵定食︰前菜同上~拉麵揀咗辣麵豉湯底，好紅，但係冇乜辣味，偏油~炸三文魚配旦沙律，仲有珍珠米白飯，冇乜特色，反而係個脆漿最好食...拉麵好食，其他野一般啦~…查看更多

預先BOOK咗枱，去到都要在店外等一陣~ WA，原來都好多人黎食TEA BUFFET喎~初初諗住88蚊GE TEA BUFFET，應該都係普普通通，點知...出乎意料之外喎！我鍾意一開始就食甜品，調轉個次序....D旦糕好靚，種類都幾多，除咗旦糕之外，仲有焦糖布甸、木糠布甸、涼粉、啫喱、曲奇餅等等...我最鍾意BLUEBERRY CHEESE CAKE，好香芝士味，藍梅唔酸~SALAD BAR有三款，都好新鮮，青瓜好脆~凍肉火腿都好食，火腿好滑，煙三文魚結實唔肥膩，牛肉味道唔錯~可以點PASTA，自選配料~我試咗茄汁蝴蝶粉+菇+翠玉瓜+鴨胸+蜆，好正，份量細細，唔怕塞飽個胃~熱盤選擇很多，有燴牛尾、雞翼、芝士西蘭花、白汁青口、煎薯餅、麥包PIZZA、炸魚柳、雞肉沙嗲串、炒飯、蝦多士、德國腸等等等等...估唔到TEA都咁多野食，仲要質素好好TIM，我一定會再黎食GA！…查看更多

晩餐食完辣野，好想食返D甜野中和吓，經過見到YOGURT TOWN，即刻埋去買~計重量的，我要咗細杯原味，由店員負責唧乳酪，然後自己加TOPPINGS~我加咗熊仔糖、士多啤梨粒、幾款粟米片同脆脆、威化筒、同有朱古力SOURCE~TOPPINGS份量可以自己控制，加好晒然後去CASHIER磅~埋單20蚊~乳酪唔夠酸，但又不會太甜~自己加TOPPINGS幾好玩，試吓都無防~…查看更多