陸的个人专页

ok丫其實. 環境黑黑地, 即使多人都唔會太過嘈, 氣氛幾好.服務都唔錯. 我地望一望menu就會問我地係咪叫野食.收碟都幾快手.味道都算係咁la. 賣相唔錯. d飯夾起唔會散. 不過d魚生就唔算叫做好新鮮了. 甜蝦幾大隻幾厚肉. 帶子都係. 刀工唔錯. 切得d魚生靚靚仔仔.如果話抵食我諗都唔會有人信了...因為我今次係食正價. 賣單每人$130. 只係正常價. 唔可以叫抵食.…查看更多

食過好多次了，次次都滿載而歸！味道好，服務好！黎親呢度開飯都留下好印象！次次都冇令我失望！就最近呢次，同朋友去左食ｌｕｎｃｈ，叫左．．．＄５８／８件自選壽司：比散叫細了一點，帶子依然肥美。＄２３蟹籽沙律加芒果：青瓜絲幼細，多沙律醬，勁多蟹籽。＄３８芒果炸蝦天婦羅反卷：靚，好味，仲有８件咁多。＄１８三文魚壽司：長長地，傳統元朗壽司特色。＄ｘｘ三文魚手卷：三文魚同飯的比例係２：１，食落好滿足。前幾次夜晚仲食左．．．雜錦天婦羅：冇記錯有９件，大大件，唔多粉。燒牛柳粒：ｄ汁好味，牛肉有點ｕｎ。三文魚刺身：＄３８／８件，厚身，大細ｏ岩ｏ岩好，新鮮。長鰻魚壽司：好長，但都２２蚊一件，鰻魚是暖暖的。芝士焗餃子：推介之一，鐘意食芝士的朋友一定要試。炒什菌：正正常常，但都幾大碟！金龍卷：真係正，賣相已經好，夾起唔會散哂，真係好不錯！最緊要係服務好！去咁多次，次次都好招呼！斟茶密，唔會漏單，ｄ野仲來得超快，侍應仲會介紹一下個ｍｅｎｕ，有咩多人食，點樣叫最抵食，笑容夠，已經好好了！唯一可以改善的就係ｄ位可以再坐得舒服ｄ！不過唔會搭台呢樣又係好的！…查看更多

我只係食過一次，呢一間野真係地獄，唔明點解佢可以做到咁耐，更加唔明點解咁ｇｅ工作態度都仲有人請！我地一行９人，本來諗住去酒泉ｏｒ一番，但可惜兩間實在多人得太緊要，所以行過少少來左呢一間。去到同佢講９位，個姐姐仔問我地齊人未，我地差一個，老實講比多５分鐘佢一定到，但佢堅持要齊人，ｄ態度勁晦氣，例如「即係未齊啦！」，「咁齊未先？」，「你唔齊人我唔比得你入來個喎！」等等。我自問係一個受得氣ｇｅ人，我忍。入到去坐左唯一一張大台「他他咪」，估唔到仲要搭台，有個ｆｒｉｅｎｄ冇除鞋就入左去，侍應姐姐只係講左３隻字，「喂！除鞋！」，我都明佢係抵鬧．．．但係唔係應該有禮貌少少？因為唔係話我，我再忍。叫野食，我地９個人係咁講，侍應姐姐就係咁寫，佢好專注一眼都冇望過我地，幾經辛苦落完單，佢就即走，冇覆單之餘仲有擺出一副不耐煩ｇｅ樣，不過佢又好野，一樣都冇漏到！算你好彩。三文魚刺身勁大件，５８蚊８件應該叫做三文魚扒，但真係太大件，完全冇哂食刺身的感覺，其他壽司都只係一般水平，只係ｄ長壽司真係好長罷了。熱食炸物都不太突出，又係得個大字。埋來收碟唔會講聲，一來就伸手拎野，我個朋友為左避佢隻手，食食下都要停。斟水每半個鐘一次，每次半杯，最重要ｇｅ係叫都唔斟！食完埋左單即刻衝出去，永永遠遠都唔會再來呢個鬼地方！！！！…查看更多

因為我住屯門，所以不時都會去大榮華食飯，幾年前食過一次就愛上左，幾年後就覺得佢退步了不少。我第一次去食左菜羹，食左五味雞，面豉炆米鴨，生炒排骨，豬油撈飯，馬拉糕，仲有ｄ唔記得左了。樣樣都好好味！只係覺得豬油實在比較油膩，所以食過一次就冇再食了。呢度有成１００款菜比你揀，我諗麵叫做好多選擇了。講真幾年來大大話話都去左呢度開飯幾十次．．．係呢一兩年先開始退步。就講返最近一次。菜羹：冇咩變到，清清淡淡冇味精，維持不錯水平。椒鹽軟殼蟹：勁油，一咬落去成口都係油，又淋哂，完全唔知想點。手打生面：ｏｋ，還叫做爽＆彈牙。梅醬一字排：相比起以前，只係得返五分之一酸梅醬，而且排骨真係只得骨，無肉可言，我知而家豬肉貴，但唔使咁刻薄丫．．．生炒排骨：冇味，勁硬，老人家要小心。相比起以前，呢個質素一定唔會拎出來比客食。街邊大排檔分分鐘好食過佢。火腩大膳煲：我唔知佢係唔記得落鹽定係點．．完全冇味，仲要唔係幾熱，以前叫呢ｄ煲係熱到”咋咋”聲上台，今次粒聲都冇．．．有今次呢個遭遇，我估有以下原因：１．九龍灣開左新店，好的師傅都出哂去２．因為一間酒樓有好多廚師做野，咁ｏ岩我地食左ｄ唔好味的，簡單ｄ即係我地唔好彩３．今次叫ｄ都唔係招牌菜，可能差ｄ少少未試過的朋友都仲可以來試下佢地ｄ招牌菜，好似五味雞，家鄉蒸蠔砵，馬拉糕等等，始終係招牌菜，我相信會有一定水準，而且附近有停車場方便泊車，做左ｍｅｍｂｅｒ仲可以免茶錢，但如果要試下其他菜，遠到而來就不必了。…查看更多

食過兩次，一次係食大閘蟹，一次係年三十晚食團年飯大家可能覺得有點奇怪點解食完咁耐先寫食評，因為之前冇咩時間，而家見有時間都一定要寫返呢間，因為真係對佢\印象好不錯。環境：好好！好ｏ岩一家人食飯，情侶去都ｏｋ，ｏ個度幾有格調，燈光唔係好多，幾有ｆｉｎｅ　ｄｉｎｎｉｎｇ的感覺，如果坐卡位更好，因為ｄ梳化幾舒服！台同台有足夠距離，完全唔會受到騷擾的感覺。味道：第一次我地叫左個大閘蟹餐\，有咩食就真係唔記得了，但我記得ｄ野食係幾好味的，大閘蟹味道唔錯，小籠包多汁，湯羹不錯，有個係叫紙火鍋，幾特別！基本上佢\地ｄ菜式款款都幾好！佢\地杯可樂２０蚊杯，如果唔係太飲得汽水的朋友要三思．．因為真係幾大杯！（圖）服務：我相信呢樣係佢\地的賣點！服務真係好好，好周到！我記得第一次去食，因為個大閘蟹餐\有４杯酒，但我地成家人都唔飲酒的，所以一啖都冇飲過就比佢\地收左，之後個部長見到就主動問我地係咪ｄ酒有問題，同佢\講返之後佢\就送比４位甜品比我地，真係好好，呢ｄ先叫服務ｇａ　ｍａ！呢種服務態度真係好難搵到了！佢\地有幾個部長，個個都好ｎｉｃｅ，相信都係因為咁樣，佢\地ｄ　ｗａｉｔｅｒ個個都勤力好殷勤！走ｏ個時經過每一個職員都會講多謝同拜拜，如果服務可以比１０分就好喇！抵食：價錢方面就偏貴了，我略略記得一碟上海粗炒都要６０蚊，第一次食大閘蟹餐\，４位食左＄１３００，第二次散叫，５位食左＄１０００，計落都唔平，但有咁的質素，咁的價錢都算合理了。我記得佢\地同鴻星好似有少少關係，因為佢\地ｓｅｌｌ佢\地張ｍｅｍｂｅｒ　ｃａｒｄ，ｏ係鴻星食都有折。一家大細去食，我覺得係一種享受。…查看更多

尋日同個friend特登去九龍城搵日本野任食, 搵搵下就去左呢間三和田本來以為佢成人138一位. 點知去到減左價118. 入到去爆哂. 要等兩三個字先有位環境唔係話好舒服. 因為會搭台的. 而且d位比較窄.野食選擇都算ok. 不過比其他日本野任食就少左d了.啤酒汽水sake任飲. 好似仲有罐裝檸檬綠茶同甘庶水.食物質素一般. 只得三文魚較好, 炸物新鮮炸起, 但太多粉.服務尚可. 唔會叫極都冇人來. 但見到佢地真係超忙樓下的朋友講得幾o岩. 對食有要求的, 呢一間並唔係一個好選擇. 但無可否認我諗118一個都叫做好平了…查看更多

食過兩次ｌｕｎｃｈ，水準都幾穩定，都係麻麻地。一次叫左個好似芝士海鮮焗意粉，冇咩特別，同平日出面食的差不多。一次食壽司餐，好似有碗面豉湯，好似仲有個沙律，但都係冇咩特別，有點兒覺得可能百佳都搵到呢ｄ味道，真係平平無奇。係ｄ飲品好ｄ，我覺得荔枝ｏ個杯最好飲了。如果比呢個價，我諗好多地方都可以得到更好的。…查看更多

沙嗲王果然名不虛傳！沙嗲真係好好食！兩年幾前食過第一次之後就愛上左，之後仲成為左我同朋友出街推介食肆之一！首推沙嗲牛肉粉絲，勁濃勁香，真係未食落口已經聞到勁香沙嗲味！牛肉係肥牛，僅熟，正！粉絲完全索哂沙嗲汁，啖啖都食到濃烈沙嗲味！其他例如白咖哩豬扒飯，脆蝦棒＆簿餅都值得一試！午市凡惠顧任何粉面飯送＄１３蚊野飲，多過１３蚊都係補差價！賣單大約４０蚊一個，好不錯！晚市都唔會貴，叫ｄ小食叫個粉面飯餐，請埋女朋友食都係１００，算係咁ｌａ！坐埋卡位或船仔二人位，拍拖ｏｒ溝女必到！我食過ｃｗｂ，ｍｋ＆荃灣店，三間服務都唔錯！不過有時就算你禁左制可能都要等好耐先有人來。…查看更多

其實我幾年前已經開始ｏ係度食野，仲覺得佢好好食，所以成日同班ｆｒｉｅｎｄ推介去呢間度食飯。仲記得以前咖哩蟹一試難忘，賣相幾吸引，多汁，多蟹，伊面索哂ｄ咖哩汁，勁香，有一次我仲知道有幾台客都因為見到我地碟咖哩蟹所以又叫返個，仲食到冇停口。蠔餅多函，厚身，仲有ｄ芽菜感覺冇咁熱氣又好咪ｄ。海南雞有打獻，好嫩滑，而且好平，半隻只係３８元正。但係自從ｏ係九龍開左新分店之後，所有野都差哂，上次去食，我決定以後都唔會再去。咖哩蟹ｄ咖哩冇哂味，蟹得返一半，仲要冇左蒜蓉包，伊面勁濕，索唔到ｄ咖哩，不知所謂。蠔餅變得幾厚粉，唔識講，一個字，差變得最勁係海南雞，冇左個獻，乾爭爭，鮮雞變冰鮮雞，根本同半隻冰鮮白切雞係冇分別，仲要加價至５８元正。我未試過九龍ｏ個間，唔知係咪ｄ廚師走哂出去．．．不過真係好可惜．．．／＿＼…查看更多

我自己７－１４歲住田景村，之後搬左去鄰近的私人樓，但我同爸爸媽媽，每一日的早餐都係祥景。以前細細個食得野少，都唔知咩叫好味，淨係知自己好鐘意ｏ係祥景食野，特別係佢ｄ早餐。到到而家大個出去食得野多，再諗下祥景，始終都係覺得祥景係數一數二好味道的茶廳。特別係佢ｄ沙嗲，我ｏ係第二度食都搵唔到佢ｏ個種味道，好濃好有沙嗲味，十幾年都保持到。常餐可以叫沙嗲牛肉米粉ｏ個ｄ，如果夜晚可以叫個沙嗲牛肉炒河，呢個真係正到無得頂，我次次有ｆｒｉｅｎｄ一齊食，個個都話好好味。除左沙嗲，佢ｄ蛋撻又係一流，勁多蛋，勁薄皮，我又係食咁多蛋撻都搵唔到好似佢咁好味，仲要８蚊就有３個，勁平！佢ｄ蛋治好足料，ｄ蛋好厚身，炒到ｏ岩ｏ岩好仲有少少汁，所以成日食蛋治都食到成手都係蛋汁，真係好好味。雖然野係好食，但ｄ野就越來越貴了，夜晚叫個飯食冇野飲都成４０蚊，而家一個常餐都２３，凍飲要＋２，不過食左ｄ咁好味ｇｅ野，咁滿足，貴ｄ都抵！…查看更多