D.Santon的个人专页

之前見好多foodie推薦呢間餐廳，雖然見到openrice都有d負評，但依然想自己試一次，點知體驗極差，被安排坐最入面既位置，衛生環境極度差劣，好多烏蠅同蚊圍住豉油樽同餐具，當食物來仲圍住食物飛，我同搭枱既人都狂拍，但員工好似視而不見。食物方面，每枱都附送既蝦片，味道油益，而且唔脆，不過唔駛加錢就算，正餐叫了一個鋪頭最出名既鵝肝飯，覺得鵝肝質素麻麻，份量極少，而個飯就好油膩，完全名過其實，還有員工係門口吸煙，煙味傳晒入店舖，真係冇下次…查看更多

因為個人唔食甜醬，買腸粉燒賣要求走甜醬多麻醬，短髮中年女士職員勁冇禮貌話咁麻煩，而且照落甜醬，雖然只係平民早餐，但都實在太冇禮貌，醬料上少少要求都做唔到，加上佢連蓋都冇蓋實，結果醬料流晒出黎，呢間真係冇下次…查看更多

呢間葵涌廣場高質小店真係食過翻尋味。滷味選擇多,最愛食八爪魚,夠晒爽脆,仲有雞腎,配上兩款醬汁,非常入味惹味。另外仲食左陳皮咖喱魚蛋,陳皮魚蛋非常彈牙,配上又辣又惹味既咖喱汁,真係食完會再想買…查看更多

外賣lunch係Mr Steak買左個炸豚肉忌廉蘑菇意大利粉,真係超難食,完全凍冰冰,d汁仲一patpat似嘔吐物,最慘豚肉連最基本要求,就係煮熟都做唔到,離譜以後唔再幫襯…查看更多

魚蛋基同四川麻辣檔合租一個鋪位, 兩檔d野都好味。特別係魚蛋基d陳皮魚蛋, 面筋, 牛柏葉, 豆卜, 魷魚, 廚師腸等等, 加上佢d秘製醬汁, 辣辣地又幾惹味。特別佢d陳皮魚蛋, 真係好難係而家既香港搵到, 又彈牙, 又有淡淡既陳皮味, 真係一試就愛上。 加上價錢相宜, 每星期都一定要去買黎食, 難得青衣有咁高質既小食店, 希望可以長做。 而合租一個鋪位既四川麻辣檔, 有涼拌涼皮, 涼拌薯粉, 米線等等, 加上豬耳, 牛肉等等配料, 拌上麻辣既醬汁, 又香又好味, 亦都係一個唔錯選擇…查看更多