Wchyuu的个人专页

週五放工去到7點，已經好多人排隊，見d人唔走，就知道值得等啦！菜單極簡單，去到只有一款湯底，只需要揀麵款，配菜多少同加唔加小食搞店侍應會連埋個蝦油一齊帶過黎係你面前落，個湯底真係好濃郁嘅蝦味，連d拉麵好入味，仲要好貼心唔洗剝蝦，非常鮮甜，湯底都幾乎飲晒仲叫左個小食，冇晒蠔就揀左個是日精選同鮑魚，真係好好食，鮮甜，食得出真係用心去整，下次黎會試晒d小食…查看更多

環境非常舒適有feel，踏入餐廳感覺已經唔錯，職員有禮貌又細心，有耐心介紹餐廳招牌菜連椰青都印有餐廳名，有心思紅磚豆腐 $128以為好辣，食落冇辣味，外層好脆，唔係普通鹽味炸豆腐，仲有d脆粒增加左口感炭燒沙嗲拼盤 $188性價比高，粒粒肉都好大粒，夠juicy，唔洗點個沙嗲醬已經好夠味酸辣脆皮手撕雞 $298好似食緊冬陰公味既手撕雞，好開胃，皮真係好脆，而且雞肉一d都唔鞋，好好食，入面仲有粉皮，真係中泰fusion泰式和牛炒河 $228河粉好特別，煙煙韌韌，會食上引，牛肉似係嫰牛肉，唔肥…查看更多

尖東餐廳多數都貴價菜，今次雖然都食得唔平，但食物質素有保證而且每樣食物上台時都用熱碟，真係好細心。蟹餅（必食推介*****）份量雖然細，但少食多滋味，非常入味，一開始覺得正常，食食下上左引，蟹味濃Ribeye 叫左5成熟，熱碟上，黎到真係岩岩好，好juicy，肥瘦識中，面脆內軟👍🏻生日仲有小cake同埋張即影即有送，服務態度很好…查看更多

大圍呢間敏華真係好失望，晚飯叫左個扒餐同小菜，個扒都還好，熱辣辣上台，個意粉得一小執都算，仲要係有d未熟，硬既另一個小菜，油到痴線，油浸豆腐，又喊又勁蒜，真係需要改善下…查看更多

【午市一人燒烤-馬場洞韓豚配特選牛肉套餐】 $178高質燒肉套餐，午餐黎講，d肉都對得住呢個價錢，份量絕對夠飽，每款肉都有2塊，仲有一隻蝦牛肉牛骨濃湯配飯 $88不過反而佢既熟食午餐就差小小，冇乜配料，本身已經有飯，個湯入面竟然仲有麵，轉其他配菜仲好啦。不過味道尚可。…查看更多

仙草牛牛 $65最好食就係佢既仙草，其他只係配菜，料好足，不過我覺得多返小小水會好d，雪糕就唔夠綿，雪糕加料一齊食又係另類口感，好似冇咁飽，甜度岩岩好芝士奶蓋白玉豆乳丸子 $42呢粒野係仙草牛牛入面既白玉大粒版原味好鹹好漏好飽，Oero味好食好多…查看更多

旺角韓菜，個餐牌d相真係好吸引，好邪惡，但事實又係另一回事，叫左個牛肉石頭鍋飯，竟然係微暖，完全覺得食緊擺左唔知幾耐既飯:(，除左溫度，其實味道還可以，最好食就係個蠔，$88 兩隻，真係好大隻好肥美 串燒嘢食都唔錯，起碼食得出係即燒…查看更多

出左名要排好耐隊既甜品店，平日非黃金時段輕鬆入座Matcha Cream Special 配白玉 $110刨冰真係超細膩，冰薄根根分明，而且啖啖都係綠茶味，中間帶有d餅乾醉，增加左個口感，冇咁寡，好細心，刨冰切記一定要由上食起，唔係就會掉晒落黎，值得推介既刨冰甜品之選…查看更多

12點開門，加上平日，輕鬆入座，一入門覺得間餐廳雖然不大，一眼望晒，但勝在個感覺好休閑，仲要對住海景火炙北海道帶子明太子意粉 $148試左個人人都打卡既主食，味道帶有點酸甜，加埋有小小沙律醬，有種食緊日式炒麵既味道，好特別 天婦羅炸蝦地獄蕃茄汁煙肉意粉 $138冇乜人打卡既主食，絕對有驚喜，微辣，番茄味重，天婦羅亦夠晒脆口…查看更多

永年車仔麵真係令人又愛又恨，車仔麵汁好獨特，辣又過癮，但偏好食個d又要加錢，閒閒地都要$100一碗，推介水魷，蘿蔔，豬大腸3樣必叫餸，菜都ok，食過佢既蝦籽菜芯，偏咸，食返腐乳通菜好過…查看更多

壽司郎以外之選，位置相當唔起眼，唔係用openrice睇都唔會經過呢度食野天婦羅壽司定食 $88天婦羅有驚喜，炸粉夠薄夠脆口，真係即叫即炸真心覺得好食過d壽司壽司湯烏冬定食 $98壽司就正正常常，唔洗排隊之下都會再食。…查看更多

懷舊港式茶餐廳，裝修老派格調，味道依然。蔥油雞扒撈丁 $66必食之選，雞扒煎過，都算juicy，上面有小小蔥油，已經好夠味，d汁係晒個底度，要撈左先好食加埋奶茶名物，滿足的一餐…查看更多

裝修白色簡潔，好有文青feel，好岩搵朋友坐低吹幾個鐘水，可惜入座時間得1-2小時，不過講明冇人可以繼續坐全日早餐 $148 （咖啡另計）半健康精選，有水果又有油炸野食，味道不錯，食到一半會覺得咸，有水果中和返香煎牛肉沙律碗 $148牛肉熟度岩岩好個底係沙律菜，加埋牛油果同南瓜粒，感覺健康推介…查看更多

午市食唔到一人餐，個2人餐份量都唔細，但冇一人餐咁抵食，麻辣湯底少不了，愈食愈辣真係好過癮，另一邊叫左個番茄湯底，一樣咁惹味，中和返個辣度，套餐包珊瑚蚌，好好食，就算落得耐左都好爽，又夠鮮，可惜套餐冇左嫰牛肉，轉左牛板腱冇左個主角，有啲失望。…查看更多

如題，裝修環境，杯杯碟碟都好氣派，價錢都一樣，點心確實比其他酒家唔同，但只可以話貴格唔抵食高湯瓜粒牛肉球 $48好普通，打卡點心，只係一個有湯既牛肉球瑤柱帶子菜苗餃 $78魚中龍皇牡丹蝦 $1082個最唔抵食之點心，價錢貴，冇驚喜，得個樣雪山叉燒焗餐包 $48香煎焦糖小米糕 $48呢2款點心反而好食，甜品類，叉燒餐包外面微脆，內夠熱，小米糕甜度岩岩好，好有口感，夠特別…查看更多