Ms. SoSo的个人专页

長年o係外國生活既表哥最近回港探親, 我就盡地主之誼帶佢周圍逛逛~~早前聽佢講想買釣魚用品, 問friend知道佐敦區有好幾間, 所以就約佢去買野, 順便諗住去廟街行下。閒談間佢話德國好難食到靚刺身, 好恨o係香港食, 霎時打亂原先個plan, 就急急搵間sushi店, 見到佐敦區較企理的選擇有呢間, 就帶唔多識中文既abc老表黎試下~~我地叫既主要係sashimi, 仲有少少小食, 都比我預期中好食同新鮮~~~我地叫左4款sashimi, 有salmon, 甜蝦, 北寄貝 & 魷魚, 全部都好新鮮又夠凍, 尢其係北寄貝好厚身又鮮甜, 值得一試!! 老表食salmon食到合埋眼, 一路食一路話好delicious, haha, 我諗佢返德國都好難食到咁新鮮的!其實係我自己想食, haha, 我同老表講係Japanese sweet potatos, 佢初頭見都唔信, 食落就知, 仲話好味過以前食開既大大舊蕃薯~~另外每人食左隻燒生蠔, 夠juicy同香口~…查看更多

自從上年同屋企人黎食過之後, 隔一兩個月就會同佢地再黎, 老人家都係鍾意食中菜多d~~ 不過新年諗住打黎book位食團年飯, 先知道佢地會關門一段時間內部重組, 聽聞係廚房班底會大換血, 早幾日佢地打黎話星期一重開, 仲話有好多菜式, 所以就book左星期三黎試試, 果然無令我地失望!!!原來佢地加左好多川菜入menu, 老媽子最愛辣野, 岩哂佢口味 晚市仲有打邊爐, 不過我地都係食小菜為主~~我覺得有幾款都幾值得推介, 大家可以試下~呢個餸同平時生炒骨/沙拉骨有d似, 佢揀既肉再"淋"滑同大件, 又唔係好多骨, 味道偏濃, 送飯一流再黎係媽媽至愛叫我一定要push 既水煮大龍躉, 龍躉肉又白又滑啖啖肉, 皮qq好煙un, 仲有d酒脂咁好香, 最緊要係麻辣度適中唔會搶哂魚味, 令我驚喜既係撈左一陣發現鍋底係配埋薯粉架!!! 用少少辣汁食薯粉, 真係愈食愈過癮!之後就個店長推介既樟茶鴨, 本來我地想食炸子雞, 不過店長話中意食鴨既一定要試呢個, 係用茶葉黎薰鴨, 第一啖食落好得意, 以為自己食緊德國燒咸豬手, 食真d好有煙薰味, 岩重口味一族, 好過大時大節下下炸子雞咁悶oY!!!最後要講下呢味伊麵, 係落足黑松露的!!!細佬知係矜貴野就搶食3碗, 一大碟全部清光!…查看更多

本身約左3個friend happy Friday 諗住去佐敦d大排檔食下地道小炒，行過吳松街有個firend同呢間舖既姐姐傾傾下..又話想食串燒..見$188任食..個menu都有幾多野揀仲有埋野飲，所以就試下啦﹗我地一開始梗係把握時間叫左好多肉類串燒先啦，原來呢度都有幾多燒海鮮喎...每人仲有一款矜貴既前菜tim~~~我叫左鵝肝多士，真係無諗過放題都有鵝肝食到...好肥美哦~~hoho!我d fd叫左羊架同埋燒生蠔貪抵食...羊架有兩大件..加埋d孜然粉好香口~燒生蠔有3隻, 夠juicy,要同d蒜茸同汁一次過食先夠和味~~ 我地仲叫左好多野食..食到個個停哂手...haha! 飲左兩杯菊蜜, 真係飽到我不得了......so full!!!我個friend見燕京任飲一下飲左3罐, 飽到佢唔多食得落tim..埋單$188唔駛加一，下次有多搵多一兩個friend再黎擦過﹗…查看更多

去開荔枝角道幫公司買辦, 同另外兩個女同事Lunch time 見肚餓周圍搵食, 見到呢間四四正正 叫"粵川棧"既鋪頭, 咪試下佢既午夜套餐~我地每人叫左個餐再share 一齊食, 分別叫左招牌口水雞, 蒜泥白肉同埋麻辣肚絲~~ 口水雞夠香辣同嫩滑, not bad!呢個麻辣肚絲好醒胃呀, 肚絲爽口彈牙, 最緊要夠哂入味, 又辣又麻, 味覺刺激得黎都食都肚絲既肉味, 送酸辣米線絕配~加埋飲品每人都係$32, 學生餐仲平$6蚊, 都幾抵食喎!…查看更多

尋日同屋企人去柴灣拜山，約左ｏ係筲箕灣集合醫肚先．．見到呢間叫”囍館”既中菜館．．ｄ相幾吸引, 價錢又合理．．所以就入去試下～　我地一行８人叫左幾個小菜，兩個午市套餐，一個炒飯同伊面，食到個個都捧住個肚～蛋白同蟹肉又滑又鮮甜，配埋伊面味道清而不膩，正！牛柳軟滑夠大件，西冷汁酸甜味岩岩好，配白飯一流！呢個唐生菜極力推介，雖然樣貌平平，不過唐生菜異常爽甜，配蝦膏同脆蝦米，十分好味，屋企人個個食到lam lam 脷~呢個好似係招牌炒飯，果然有d料到，有少少蝦米配埋十分香口，飯亦炒得好乾身，值得一試！桂花蜜香味濃郁，未食過咁特別既炒鱔，very nice! 唯一係少左d..多兩件就好d喇~呢個雞煲就普通d，蜆芥味唔夠突出，同埋多汁得濟..另外叫左兩個午市套餐，蒸飯都相當不錯~~另一個冬蔭功湯面都夠哂辣同惹味~最值得推介都係個燉湯, 是日響螺節瓜雞腳，名足料又清甜，好有屋企住家湯既感覺，加$5真係超值！最後埋單每人$50度, 一家大細食到飽飽仲抵過去飲茶~~…查看更多

尋日返工早左出門, 經過佐敦永安後面見有間茶餐廳新開張咪去試下~叫左個歐陸早餐配魚柳, 個餐黎到都幾吸引, 同鋪頭display既相差唔多, 十分豐富!魚柳香脆好好味:) 肉質幾滑, 仲有3件tim, 夠哂足料~ 牛乳炒蛋仲有驚喜播~~ 味道濃郁香滑, 蛋同牛乳既味配合得幾好~ 好快就食哂lu!香草牛油粟米都好ok..又甜又香..兩件多士都好厚..真係食到好飽!! 我諗男仔食都夠哂飽~連飲品埋單都係$28, 食到飽飽返工..個lunch都係食少少野就ok! …查看更多