Tinawcy的个人专页

呢間沾麵我見個評分都幾高，所以我就去試吓啦🤤咁我就叫咗個特濃豚骨沾麵黎試吓啦上個陣佢地係用石鍋上嘅，到食完個吓我都重摸到個石鍋係熱嘅，絕對保到溫，如果覺得唔夠熱重可以用電池爐整返熱佢。佢個沾麵係可以揀麵嘅軟硬程度，咁我就揀咗正常嘅，佢個沾麵跟有2塊叉燒，叉燒略略咁燒過吓，薄得黎又好香甜，肥瘦好適中。溏心蛋溏心嘅程度唔錯，唔會太硬或者過熟。個沾麵汁夠濃，唔會太油同埋太鹹，d麵係掛到汁嘅。咁佢下午茶時間重可以+$20要多碟小食，咁我個日就加咗2隻醬油黑椒雞翼黎試吓雞翼上枱個陣夠熱，一句講曬：皮脆肉嫩多汁🤤我重叫咗支波子汽水黎飲，好有日本嘅味道，$18黎講價錢算可接受，幫你開埋先上枱，服務一流。…查看更多

銅鑼灣開咗好多間賣pancake鋪頭，今次就黎到依間去試吓佢地嘅pancake啦。我地2個人一共叫咗2個pancake同1個sandwich首先試咗個Egg sandwich個egg sandwich d蛋又嫩又滑，重好有蛋味，甜度適中，個麵包唔會太厚，反而中間個蛋重厚過塊麵包，絕對係抵食又好食。之後就試咗個Mandarin Honey個pancake好厚身，上面本身已經有塊牛油同埋糖漿，之後重有重點蜜糖，畀咗一小瓶畀我地自己淋上去，令到成個pancake充滿甜甜嘅蜜糖味🤤之後重試咗個Dark Chocolate個Dark Chocolate就有好濃厚嘅黑朱古力味，上面重有cream同酸酸甜甜嘅士多啤梨，簡直係一流，同黑朱古力勁夾勁好食。…查看更多

琴日同班姊妹出去食飯，想搵個坐得舒服d又傾到計嘅地方，就揀咗Beans啦佢個餐牌都有好多選擇，重要係跟set有杯野飲，超抵食👍🏻我地叫咗個黃金蟹肉意大利粉，佢上面重擺咗個蟹殻做裝飾，食落都多蟹肉，重有蟹柳，總之就係正啦🤤本身就好鍾意食菌類，所以又叫咗個黑松露什菌意大利飯，無論係黑松露定什菌都好足料，隨時隨地重多過d飯🙈之後重叫咗個開心果馬蘇里拉芝士薄餅配蜜糖，不過冇影到相，d蜜糖畀得好夠，成個薄餅都係芝士，而芝士上面鋪滿咗碎嘅開心果，勁好食！野飲方面我就唔想飲跟set嘅野飲，叫其他野飲就野飲嘅正價減8蚊，咁我就叫咗杯凍榛子朱古力，榛子味同朱古力好夾，唔會話太甜，上面重有d cream令到杯野飲更順滑，更易入口。…查看更多

不嬲都好鍾意食韓國野所以一見Goobne Chicken d 炸雞，烤雞款式新穎就吸引咗我去試吓啦😍咁我哋就叫咗佢推薦嘅蜜糖香滑烤雞（無骨）就咁睇落去都已經覺得好好食，尤其是我最鍾意食甜嘅嘢，蜜糖芥茉醬同啲雞件好夾，份量對於兩個人黎講係啱啱好🤤之後我哋仲叫咗個韓式炒粉絲雞蛋卷黎試吓。啲粉絲同雞蛋卷好夾，佢上面重吱滿咗茄汁醬，除咗蕃茄醬之外，佢仲比咗兜千島醬我哋，無論係點蕃茄醬食定係點千島醬食都一樣係咁好食。又於得兩個人嘅關係，我地唔係試到太多餸，所以我哋決定下次再嚟食過🤤請大家期待下次食評啦😆…查看更多

聽朋友講呢到嘅番茄通粉好好食，所以就決定今日夜晚黎呢到一試🤤個番茄通同佢個名一樣，真係特濃，啖啖番茄味，配埋個牛乳炒蛋，簡直係一流。之後重跟餐配咗瑞士雞翼，一樣係特濃，瑞士汁完完全全咁同隻雞全翼融為一體，極道鮮甜美味🤤見到重有個冰室炒意粉，就叫埋黎試吓啦，個炒意粉並冇炒到乾淨淨，充滿番茄味又帶點微辣，仲配有火腿，香腸，雞肉炒埋一碟，食落啖啖肉😍野飲就試咗個阿華田脆脆，好夠味，面頭仲有一粒粒嘅阿華田脆脆，超正！埋單都只不過係$120多啲，真係超抵食又高質😍…查看更多