asian beauty的个人专页

我算是熟客，近兩年都經常去食午餐，店員經理大致上都認得我。今日給辣湯搶喉，不停咳嗽，斷斷續續大約都有兩三分鐘，未試過咳咁耐，眼望到經理施施然然坐喺度睇發票撳計數機，其他店員喺度睇手機打牙教，冇一個人埋嚟問一句，斟杯水。到我咳完之後，離遠叫其中一個玩手機嗰個侍應攞杯水俾我，先至慢慢拎杯水過嚟。當時係兩點幾鐘冇乜生意，佢哋個個都好得閒，埋單嘅時候又係呢個侍應幫我埋單，問我要唔要單(我都嚟食咗幾10萬次飯， 冇一次要單要你張單做乜嘢?）多謝都冇一句。跟住又另一個成日走埋嚟同我講廢話嗰個侍應，同我拜拜。我咳成咁都唔會埋嚟斟杯水，平時又懶係熟咁廢話多多，平時都唔多鍾意答佢，不過禮貌上都應酬下。拜拜？真係冇下次。拜拜！！我投訴過兩次：一次就係大腸雞翼香鍋，大腸同雞翼乾爭爭乾到不得了。 我本來以為系田雞香鍋咁樣有啲汁，點知原來一啲汁都冇硬倔倔， 跟住佢哋話再配翻啲餸俾我都係乾噌噌，咁以後就冇再叫呢個餸。啲侍應有說話俾你聽，心諗，費事同你計較，算數。第二次食到佢冬天嗰個辣羊肉，所謂辣羊肉一啲都唔辣配菜嘅蘿蔔，酸咗，我冇食啲蘿蔔，今次我食完埋咗單之後話俾經理聽佢啲蘿蔔酸嘅，我叫佢自己去試吓。響當時，同埋之後我再去食飯，佢都冇同我提過，亦都無講過一句唔好意思。我都算數，我去食嘢唔係因為佢哋啲夥計， 只係因為我鍾意食辣嘢，附近亦都冇乜嘢多選擇。不過因為有呢班騎呢古怪嘅服務員，我唔會再去幫襯佢哋。仲有十二味分店，佢哋出品嘅水平，只係算中下。…查看更多

老公同我都係日本飲食文化擁戴者, 超級新鮮嘅魚生, 當然係至愛啦 幾個月前, 發現相熟嘅按摩店對面開了這家壽司店, 2人一試愛上!:) 跟住呢幾個月, 我地好多時都嚟呢度開餐, 老公仲帶過好多同事, 朋友同親戚嚟食飯, 佢地個個都好滿意 熱烈推介嘅必食item喺 fatty tuna 同海膽, 前者超級新鮮, 入口溶化...後者用北海道高級貨, 超級鮮甜有海水味...諗起就食指動! 仲有, 佢地服務好, 每位侍應, 壽司師傅, 經理, 甚至老闆 Mr. Hiroshi, 都係態度親切熱誠的!!!! 收費亦相當合理!!! …查看更多