之前看見社交媒體網站他的廣告一直想嘗試， 心中已經諗住唔會太大驚喜但係希望都唔會有失望 ，正常都 ok 了。。本人甚少寫食評但係真係好想講畀沙田大圍區嘅朋友知道實情每位$258海鮮套餐簡單講 所有海鮮都係唔新鮮嘅, 其他丸餃類肉類菜類還可以特別想講的是一段小插曲， 同家中父母去試食已經問店方”老人家飲唔到冰凍飲品請問有沒有滾水” 對方老闆答我 ”我哋冇滾水只有支裝水， 即係想客人叫飲品” 其實我心諗一間食店點會冇滾水呢，咁你啲湯底係點煲出嚟呢 。。我都明白食店係想在飲品裏賺錢但係我覺得應該有彈性處理， 之前在他的社交媒體網站已經有人留言這一點，都說水茶都不能供應強迫客人付費飲品， 我的家人點了一罐汽水收費20元還要加一另外，店方真的好有個性，客人已經到了還在不斷播大聲音樂，另外有開電視， 其實有冇諗過客人食飯係想傾計或者睇下電視唔係喺度聽佢想聽嘅音樂， 之後佢見多一台客就關細聲一點，但係持續地播音樂最搞笑當時東張西望播緊深圳消費嘅節目 ，老闆過嚟收碟嘅時候冇啦啦自己講一句“在港消費好好多” 我們四人你眼望我眼 ，心照吧店舖好細其實都幾逼， 如果想坐得寬敞寧靜可以傾下計， 我諗大家就不要選擇這間店了本人總結不會有下次相中嘅海鮮其實就同之前留言嘅朋友所講嘅一樣各位自行判斷吧
…查看更多
…查看更多
