tfreya的个人专页

貪方便，叫外賣平時嗌都係椰皇燉蛋白，熱同凍都咁出色，其他雪糕雪條果類，外賣一定唔可以叫，嚟到一定溶到唔見晒。 今日難得有時間，就打算過去試下食下堂食。夏天天氣熱，叫一個餐牌上嘅芒滋枝同埋抹茶雪花冰。熱天食冰食凍嘢最啱，😋😋😋超好食。呢度係尖沙咀難得一見嘅甜品店 。地方又大，坐得好舒服，可以一大班人坐低傾計食糖水都唔會覺得逼，最好就係好食得嚟，又唔會話好多人要等好耐，腦細員工都無話一路趕住要下一輪咁 chur 食客。難得。…查看更多

好有良心嘅小店，新張期間重有九折好抵飲。 舖頭有個好搶眼嘅大倉鼠招牌，係佐敦近尖沙嘴位置，好方便又近我返工，所以試飲咗3日。 第一次飲花香蘋果茶，清甜解渴小甜已經好夠甜。抵$25第二日試吓佢個 *top8* 吱吱宇治抹茶鮮奶奶蓋，好濃嘅抹茶味好飲，飲完飽哂。$33今日飲埋黑糖珍珠厚鮮奶，有香濃嘅焦糖味好特別呀，同其他珍珠奶茶店嘅黑糖味唔同㗎! $30係尖沙嘴位置呢個價錢真係唔話得呀平均都係25蚊杯!大家要快啲去試吓呀! …查看更多

今日行銅鑼灣諗起想食芝士就上網睇下有咩選擇。見到呢間有芝士又有炸雞重有買一送一就試下啦!去到餐廳嗰時係12點唔係好多人。叫完餸後開始多人，好彩早到咗。火鍋上枱要等芝士熔化。。我已經忍耐唔住去搞拌芝士試味炸雞配芝士真係好好食，重要有唔同嘅炸雞口味。我最鐘意都係食韓式炸雞小小辣配芝士好夾!配菜就無咩特別，個人諗法我覺得配薯條好食，薯條份量多d就好喇。。食埋年糕就比較飽。最後我都食唔哂。 我就無+$1食多件，已經好飽肚喇…查看更多

天氣急降氣溫只得大約10度，又是吃火鍋的好季節，決定來這家嘗試外賣打包火鍋。來到這間餐廳這間餐廳是做放題的 如果外賣打包的話 有二人分 四人分和六人分選擇。我們選擇了特級美國榖飼牛套餐四人份 $688。丸類則可以同20多項之中選擇24粒，椰菜及麵食則選擇六款，是令限定選擇三款，和自選湯底一款。選好了之後等侍應幫我們包好，與此同時我也在這個場地逛了一下，看見非常多的自助食物和醬汁可以選，其實最平的放題只需要$158 就可吃到非常便宜呢！回到桌後將所有食物放在枱上，擺設得井井有條，非常美觀。湯底有二大瓶一定夠打火鍋，蔬菜新鮮 丸類也好吃。肉類我們四人分給了兩大盤，還有兩大盒牛肉，每一款質素都很高很好吃真心強烈推薦想在家打邊爐的你們 價錢不貴之餘 慳了很多時間採購食材，加上這兒的食材質素高！…查看更多

有位朋友是點心精 最愛吃點心知道呢一度新開左一間行精緻路線嘅餐廳 就急不及待咁叫咗我嚟啦一入到去覺得環境好舒服 好光猛 侍應帶咗我哋去卡位 餐具擺位已經感覺出呢一間質素將會好好我哋兩個人叫咗去骨沙薑豬手$58 豬手已經去骨 進食非常方便 配上一塊塊沙薑 非常少見 非常開胃的前菜創作六色拼盤 $198 ，每樣點心均有兩件 最適合兩個人黎食~ 金箔蟹粉墨汁鮮蝦餃 超級有驚喜 餡入邊係滿滿的蟹子 非常好吃 海膽鳳眼餃 則有很多海膽放在餃上邊 日式和中式混合 味道很特別！其他點心也很重本 ：一口燕窩蛋撻 原隻鮑魚雞粒酥 都係出邊茶樓少見嘅高級點心！在要多個黑蒜鳳爪排骨飯 $68 用石鍋送上 全程飯都係熱辣辣的 再配上龍蝦汁豉油 非常鮮甜美味這兒環境舒適 侍應態度好 點心特別又好吃 值得來試一試！…查看更多

友人說，此餐廳的中菜很有名。不嗜中菜的我們對此沒有多大研究，不過也無所謂，試試無妨。檯面上的前菜，花生及提子，都不俗。糯米饟入糖蓮藕，口感一流。東坡肉，跟一片包。東坡肉的醬汁美味，不具一般的油膩感。唯個人認為每人一件包份量不足，另加配白飯定能大快朵頤。原本不知道這是炒辣椒，吃了才知道，但是辣得過癮，味道好像吃乾扁四季豆我忍不住吃了很多，聲明不能吃辣的不可以點這個。張生記老鴨煲。鎮店招牌菜，很足料有我最喜愛嘅筍。湯色香味俱全！靈隱寺素燒鵝，略嫌太油膩。蝦肉小籠包捨得。桂花酒釀丸子。…查看更多

今晚同朋友係旺角行街, 係Openrice搜下附近頗為好評既餐廳啦, 朋友話 Day and Nite by Master Kama睇落唔錯。餐廳以藍白色為主調,再係同各種龍蝦公仔裝飾. 餐廳主題簡單直白就係食龍蝦. 以及各種龍蝦同海鮮配搭既菜式, 包括Burger, Pizza, Pasta, Master Kama Pot...等等...唔想食龍蝦都有其他唔同選擇, 好似我地咁,頭盤就order咗鬆脆香口既酥炸大啡菇,同芝士三文魚味濃郁既煙三文魚芝士墨西哥薄餅。朋友比較三心兩意, Day and Nite既招牌菜式, 自由配搭既Kama Pot就啱曬佢啦! 湯料,配料,到主食都可以有唔同選擇。 今次朋友order咗龍蝦濃湯+日式叉燒糖心蛋+手打烏冬。係呢個fusion 餐廳可以食到唔同食材日本烏冬同龍蝦湯結合，果然夠特別。 啱曬鐘意唔同口味既朋友，鐘意龍蝦同海鮮就最好既選擇。我朋友就最鍾意食龍蝦啦! 我地叫咗一客龍蝦番茄扁意大利粉。意粉配上龍蝦番茄汁夠入味。另外龍蝦大大隻啖啖肉，仲有黃金色蝦膏，鮮嫩爽口。我地仲order一客龍蝦Pizza添 ，Pizza皮邊香脆， 餅身鬆軟。配料亦都唔少架：包括:拉絲芝士，龍蝦粒，蟹柳，貝粒等海鮮好足料! 4人埋單，1人約$150左右，價錢都唔算貴。下次出旺角，又唔知有咩想食，Day and Nite by Master Kama 都係個唔錯既選擇!果然冇令人失望呀👍👍👍…查看更多

星期天同屋企人去飲茶 之前睇過其他人嘅食評感覺不錯 就一於去試試啦!入到去裝修環境相當不錯，餐具非常精美，睇一睇點心紙 ，都好多款式揀，因為我哋兩個人不算太肚餓 所以我們叫了幾款點心：虎皮釀尖椒($49)本身怕尖椒辣，幸好不辣，魚肉也不腥鳳爪排骨飯($58)份量大，熱辣辣，侍應還細心提醒我們先焗一焗會更香鮮竹牛肉球($32)比起其他酒樓的牛肉球大粒得多，呈粉紅色，新鮮!侍應到最後還送了每人一碗芋頭西米露糖水呢 吃得我屋企人好開心！…查看更多

週一下班應朋友約，一試這間樓上火鍋店。  我們點了鮮魚清湯窩湯底，賣相平凡，淺嚐發覺並不簡單，魚味鮮甜濃郁，根本就是能夠直接喝的湯，實在驚喜。火鍋醬料九格醬料，包括麻醬、沙茶醬、麻油、芫荽、薑蔥等等…選擇頗多。漁火四色丸，以店名命名的一定不簡單。送來的四種丸，包括手打鮮蝦丸、墨魚丸、牛筋丸、鹹蛋豬肉丸。在外店沒有嚐過的鹹蛋豬肉丸最令人喜出望外，味道新穎獨特，朋友都讚不絕口，不愧為鎮店之寶！漁火特選牛盛薈。以刺身船的造型，盛住分量碩大的五款不同牛肉，有和牛粒、牛舌、牛里脊等。分量之多，兩個人竭盡全力才能吃完！估計三個食量較小的人攤分還是綽綽有餘！…查看更多

與喜辣的朋友慶祝生日，選擇朋友家就近位於西環的一間重慶式火鍋店 - 十二味熱辣火鍋莊。看到介紹提及乾式拌火鍋，特意來到這裡一試究竟。 首先我們點了招聘菜 - 「沸騰脆鱔」。鱔片鮮嫩，脆椒香脆而不辣，再加上麻椒，口感香脆麻，適合不太能吃辣的我。 但當然火鍋是這兒的主打, 我們點了「番茄薯仔湯底」，番茄湯底濃郁鮮甜。 火鍋料如肥牛、四寶魚丸、豆腐皮、蔬菜拼盤也非常新鮮。吃到我們翻肚而回。總括而言，十二味熱辣火鍋莊頗具水準，拍得住內地某知名火鍋店(海X撈)，值得下次再encore！不僅火鍋出色，小菜味道亦不錯，乾式拌火鍋更是新穎！值得推薦。…查看更多

銅鑼灣，香港最繁忙的地段，在此地覓食，尤為困難，食店都擠滿了吃午飯的上班族及遊客。為避走人潮，走進遠離大街的食店碰運氣，大不了不再去該店就是了。我們點了一道「蘭州牛肉拉麵」，另外點了兩道菜「紅燒醬牛肉」及「蘭州大盤雞（小）」先上菜的是「紅燒醬牛肉」，牛肉相當軟綿，稍帶辣味，味道不錯。然後上的是「蘭州牛肉拉麵」，清湯牛肉麵，麵是總共分十一種，總有一種合口味。我們就點了較幼身的細麵，再來可以再試其他麵食比較一下。最後來的「蘭州大盤雞（小）」，形態嚇人一跳，令人意外。顏色全紅彷彿有令人噴火的感覺，對我們不甚吃辣的人為帶有警號的顏色。淺嚐一下，發覺辣味不重，反而麻勁十足。最後我們還偶爾用當中的辣醬佐拉麵進食，又是另一番風味。這樣，就概括了我們的「銅鑼灣新嘗試」，是在鬧市中另外一個不錯的選擇。…查看更多

今日生日正日。太太說平日多於銅鑼灣、尖沙咀覓食，今晚去中上環一帶找一些特別的。香港日本菜餐廳多如繁星，質素差距很大，但能立足於中環地段的大抵都有一定的功夫，所以對晚餐還是有期待的。初到餐廳，裝潢不錯，是典型的日本風格，我特別喜愛座位旁邊大大小小的和服木偶。座位不多，但碰巧是平日下班時段，在中環區用晚膳的人本就不多，所以不見得特別擠擁。太太下班都有點累，不太想細看餐牌的項目和網上的資料，反正我有三文魚就好了。便隨意選了其中一個二人餐。就看餐廳如何安排食物吧。溫泉蛋蟹肉沙律。五點刺身。魚肉新鮮，肥美豐腴，油香滿溢，唯二人餐的分量剛好二人份各一件。倘若再次光臨，可單點刺身為主食，更為滿足。蒲燒鰻魚。天婦羅盛合。太太對此讚不絕口，“虎蝦！”。確實，以虎蝦這食材作天婦羅的餐廳非常少。魚湯野菜烏冬。整個套餐最後一道菜。魚湯非常濃郁。日本雪糕（紅豆味）。太太不太喜歡帶"沙”的食物，例如紅豆沙、薏米蓉，所以造就了我吃了差不多兩球美味的雪糕。…查看更多

同朋友約到銅鑼灣食午餐。我之前已經喺尖沙咀「莆田」分店試過，今次去銅鑼灣都有啲期待。朋友鍾意食啲甲殼類嘢，所以特別叫佢嚟試下佢啲蟶子菜式。今次佢有 HKD198 兩款蟶子菜，我哋叫咗「蒜蓉蒸蟶子」同埋「冰爽酒糟蟶子」。我自己鍾意食熱嘢多啲，所以「蒜蓉蒸蟶子」岩我口味多啲，但朋友點嘅「冰爽酒糟蟶子」，佢就覺得唔錯。呢個「水晶豬蹄凍」賣相好好，連埋佢啲微辣嘅辣醬汁一齊食，好似食緊辣味嘅啫喱，感覺一流。「紫菜扁肉湯」，紫菜味道清新，加上福建特式扁肉，有平凡之中見不平凡嘅感覺。中菜點都要有米落肚，「紫菜燜飯」岩岩好 =)。…查看更多

同老公一齊下午茶，佢話想食熱嘢，我就推薦佢我之前食過嘅三文魚茶漬飯。早一個月香港天氣時冷時熱，成日作病咁，所以我就試下食茶漬飯，食完個胃都會暖啲！佢有兩種唔同嘅茶漬飯，我哋各自叫咗一款，另外佢都可以配唔同嘅茶。茶味唔同，味道都好唔同，第日再試唔同嘅茶！…查看更多

上網睇佢哋食嘅嘢都幾特色，咁就叫埋朋友一齊去食，順便祝賀佢哋屋企有新成員 =)。我哋大概 1930 去到，點菜嘅時候發現唔少菜式都已經沽清，我哋去到嘅時候主食掙係得返一樣，真係有啲愕然。不過都 Okay，我哋都搵到想食嘅幾味菜。「糖醋豬腩仔」(HKD78)，用豬腩肉包住啲紅蘿蔔絲，加埋個醬汁好清新，好好食嘅開胃小食。跟住上嘅係「蔥油餅」(HKD48) 配「黑蒜蛋黃醬」(HKD48)。黑色嘅醬汁，但係食落去係蛋黃醬，幾得意。之後我哋加多個「恰巴塔包」(HKD48) 同「士多啤梨乳清乾酪」(HKD78)。比較之下，鍾意「包」多個「餅」，因為「包」長型 ，方便食佢哋啲醬。我點嘅「‘港’式咸檸雞」(HKD158)，一聽個名已經夠曬吸引。鍾意檸檬同雞肉嘅我，點會唔點依個；幸運嘅係，佢都係當晚唯一剩返嘅主食，所以點都係點佢啦。賣相似韓國炸雞，我以為佢會係有類似跟咸檸醬嘅炸雞，但其實佢係將啲調味放曬入去啲炸粉同醃肉度，同埋係去骨雞！真係啖啖肉，啖啖咸檸味。「避風塘芝士蟹腸粉」(HKD168)。賣成百幾蚊嘅「腸粉」真係未食過，都幾期待。一嚟個賣相已經贏咗，芝士加蟹肉真係又係無得輸，最正嘅係佢啲腸粉都做到酒樓點心嘅質感。個人覺得係依間舖頭必食。我之後仲追加咗個包去食埋佢啲蟹肉芝士醬，正。「豆瓣醬浸椰菜花」(HKD78)，個人覺得有啲辣，太太話唔食得辣唔好叫，因為真係食唔到。「豆豉鯪魚凱撒沙律」(HKD88)，我哋都係諗咗一陣先叫，因為覺得「係咪真係得架？」。我第一啖覺得咸咗啲，加返多啲沙律菜又 Okay 啵。太太一路食一路話真係估唔到咁新咁有創意，我個人覺得太太打算返屋企試下整。味道：✮✮✮✮✮味道無得輸啦，咁樣嘅港式 Fusion 菜都係第一次食，除咗因為個人唔太食辣其中一味菜唔係特別喜好之外，其他都好好食。正。環境：✮✮✮✮舖頭對街，中門大開嘅格局，好在係橫街掘頭路盡頭，基本上無車，所以灰塵同噪音唔算特別犀利；係後尾有啲飲醉咗嘅外國人喺度擾攘（始終佢都算係酒吧），所以差少少；不過果陣都開始夜，我哋都差唔多走，影響唔大。服務：✮✮✮✮✮小店可能職員唔夠，有時候都要等一陣，好在我哋去時間唔算多人，都 Okay。見到個職員傳菜之餘仲會同我哋解釋每道菜其實係咩嚟（Fusion 菜佢唔解釋其實唔會知係咩嚟），算好好嚕。衛生：✮✮✮✮中門大開嘅地舖係要提防多塵土，但夜晚基本無車所以無問題，倘若有車就好難講。抵食：✮✮✮✮✮價錢合理，食物質素仲要無得輸 xP。…查看更多