Jeanones的个人专页

呢間沾麵店經常都大排長龍，所以今次決定走入去試下係唔係真係咁好食！最後叫咗豚骨魚介拉麵同特濃豚骨魚介味玉沾麵，首先湯底真係無得彈，味道非常豐富有層次，再加上免費任落既炸蒜蓉、七味粉、黑胡椒，真係食到等唔到手！拉麵偏彈牙有口感，豚肉同筍都好厚切，整體來講真係無咩扣分位，一個字，爽！另外招牌特濃沾麵汁味道非常濃厚，不過如果食唔慣既人可能會覺得比較鹹，呢一方面就要自己小心衝量下…查看更多

呢日同女朋友去太古城廣場行街，行到攰攰地想搵啲野食當下午茶醫下肚，咁岩見到呢間舖頭有好多人排隊，即刻就買兩個佢既招牌千層葡撻試吓，估唔到又真係好好食喎！蛋味香濃順滑，千層酥皮又非常脆卜卜，最緊要係食落唔會好油膩，感覺唔會有負擔，真係好值得大力推薦…查看更多

去親銅鑼灣都一定會幫襯IKEA美食部，點解？因為佢係窮人恩物！雖然佢只係提供立食位，但勝在野平夠哂抵，只要你揀熱狗包餐，除左有隻大熱狗之外，汽水仲可以無限添飲，真係齋飲汽水都抵。肉丸同菜餅都係每次黎到必點食物，可能臨近收工關係，肉丸由平時5粒加多左兩粒比我，菜餅就唔洗講，一如既往既好味，仲點左一份雞翼，食哂全部野飽之餘仲係五六十蚊既價錢，真係值得我每次黎都幫襯！…查看更多

係D2place搵間價錢平民啲既餐廳真係好難，咁岩比我發現到依間友利冰室，裏面地方夠哂寬敞，搵位一啲都唔難。今次叫左炙燒日燒雞扒丼，滑滑既炒蛋配上雞扒，超大碗，對男仔黎講一定夠飽，跟餐加$8就可以有碗老火靚湯，今次係青紅蘿蔔煲粟米，大大碗味道濃郁夠晒火喉，其餘自選飲品或布甸都係每樣加$8，我對依餐飯相當滿意。…查看更多

呢間喺我公司附近既大快活我都經常食，一來因為位置方便，二來佢少鹽少糖，符合我健康飲食既需求，始終肚腩太大有礙觀瞻嘛介紹返今次食既菠蘿咕嚕肉套餐先，整體黎講係水準以上，成碟菜最緊要既係個醬汁，要夠酸酸甜甜先會開胃，呢方面佢做得好唔錯，我食到停唔到口，咕嚕肉都好入味，唯一係份量少左啲啲，如果係胃口大既朋友可能會食唔飽，我就剛剛好七成飽…查看更多

平時去大家樂都係食招牌焗豬扒飯，不過食得多都會想試下其他菜單，所以今次就試左無骨海南雞飯！唔夠60蚊就有湯、油飯、海南雞配上三個醬，喺今時今日既物價黎講，cp值真係好唔錯！至於大家最關心既味道方面，我覺得係合格有餘，海南雞嫩滑夠雞味，油飯都非常香濃，飯煲得剛剛好，唔會太乾或太濕。湯就正常發揮，最少唔會飲到個口好乾，味精唔太多，咁先符合宜家健康飲食既潮流呀嘛！總結黎講，作為一個一人飯餐，份量足夠，平靚正之選…查看更多

Boxing Day同朋友聚會，影完靚相有啲肚餓，係樂道經過依間泰國餐廳，我叫左一碗卜卜蜆船湯麵配金邊粉，另外加多杯熱柚子蜜。碗麵都好有份量，每粒蜆大大隻好有肉，個船湯底都好濃味，食完好暖胃同滿足，依間係我其中一間會再黎食既船麵餐廳，價錢我個人覺得尚算合理，有機會要再帶朋友黎一齊食先得。…查看更多

呢間食店平時行街都見過幾次，不過就未有機會幫襯下，今日出街肚餓想食少少野醫肚，所以就第一次黎光顧～兩個人叫左火鴨翅、燒賣同魚蛋，三樣嘢中特別要推介火鴨翅，不但止材料足，而且火鴨味道好特別，同一般碗仔翅好唔同，落埋白胡椒粉真係食到停唔到口，好味…查看更多

呢間媽咪雞蛋仔我一般都係去銅鑼灣嗰間食，今次去到尖沙咀有啲肚餓，所以又黎幫襯下，今次叫咗伯爵茶朱古力雞蛋仔試試，整體來講不過不失，雞蛋仔保持水準，質地夠脆香同有蛋味，唯一係伯爵茶味道唔夠濃郁，所以呢方面有啲失色，下次我可能都係會食返原味雞蛋仔，好似Steven Jobs咁講，less is more!…查看更多

聖誕節假期逛街逛到去荃灣如心廣場，網上見到呢間台灣餐廳評價不錯，加入價格相宜，所以一於幫襯下試試佢！我哋總共叫咗半筋半肉麵、魯肉青菜同香腸魯肉飯。先講半筋半肉麵，真係好有台灣地道牛肉麵既風味！牛肉好腍好有牛香味，湯底好濃郁，食得出層次感，加埋麻辣麵一齊食，真係食得好爽，成個人仲愈食愈熱，冬天食禦寒一流！魯肉青菜份量非常足，香港地最奇怪既地方係菜比肉貴，所以有咁既份量都算係值回票價！香腸魯肉飯相對之下就比較普通，不過台灣腸都係非常好味，肉味好濃，呢個真係無得輸！總括而然呢間餐廳絕對係水準之上，加埋佢相對比較經濟實惠既價格，真係CP值滿滿…查看更多

呢間居酒屋喺APM已經屹立不倒好多年，證明佢一定有獨特優勝之處，佢最有名既就係關西燒，可以自己選擇入面加咩餸，最多三樣。整體來講係水準之上，特別係啲汁好惹味絕對會刺激到你胃酸分泌，愈食愈多！串燒叫左鵪鶉蛋同牛舌，鵪鶉蛋發揮正常，牛舌就鮮嫩多汁，推介最後叫多個炸雞烏冬用嚟頂肚，炸雞不錯吃，不過脆度就差少少，烏冬入口順滑，配熱湯一齊食成個人暖笠笠～…查看更多

今日晏晝特登搵女朋友一齊想鋸下扒食，所以就去咗金鳳茶餐廳食午餐，侍應服務就預左一般架啦，但係估唔到食物味道都⋯⋯差強人意。我哋叫左一個黑椒牛柳配飯同牛肉炒麵，總結黎講，牛柳太靭太多筋，炒麵太咸，食到要不停咁飲水，以佢名氣黎講真係失手失得有啲嚴重⋯⋯可能晚餐啲扒會比較好食，午餐就真係好一般，希望係單一事件啦…查看更多

好多人黎呢間餐廳都會推介食潮州菜滷水鵝，我呢，每次過嚟就一定要叫韭菜豬紅，唔誇張咁講佢係我心目中前三既豬紅，啲汁非常濃郁入味，豬紅爽彈又唔腥，呢個質感真係唔係咁多間餐廳做得到。價錢方面要75蚊一份，唔算平宜，不過師傅次次都裝到個外賣盒滿晒，絕對唔會呃秤我一個人都可以食晒成大碗豬紅，證明真係好食到舔舔脷！…查看更多

呢間雞蛋仔店都幾出名，睇佢門口貼晒同明星既合照就知啦，不過價錢一啲都唔便宜，要差不多三十蚊先有一底雞蛋仔。味道方面係水準之上既，雞蛋味濃，質感都夠香脆，如果突然間有舖懷舊小食既癮都會走過嚟懷緬吓食既唔單之係雞蛋仔，仲有童年既回憶，成件事即刻升華晒…查看更多

呢幾日天氣急降，凍冰冰梗係約埋朋友食火鍋暖下個身啦！今次試呢間紅火鮮料火鍋專門店，地方都唔會太逼夾，不過一開始分到既枱位置唔太好，老細見我哋坐得辛苦仲幫我哋轉左去坐卡位添，呢個要抵讚佢既Menu都有啲複雜，除咗有三個豪華等級外，星期一至日唔同時段既價錢都唔同，仲要選擇食中日韓邊個套餐，即係火鍋、刺身同韓燒，我哋都思考鬥爭左好耐先決定食書放題。綜合嚟講，刺身同雞煲都係水準以上，絕對無偷工減料，我哋食完成隻雞既雞煲其實已經飽左一半之後再叫清湯火鍋，啲火鍋配料既鮮味都好足，亦都有好多選擇，特別係有田雞食呢個係驚喜唯一係兩個鐘真係唔夠時間食，仲有時限半個鐘前就會cut單，如果要叫野真係要自己睇住時間啦！…查看更多