wpsgloria的个人专页

今天晚上一行12人惠顧，本人第一次光顧，朋友特別推介炒瀨尿蝦及冰鎮咕嚕肉，是地道小菜館，都預咗環境迫， 嘈雜及樓面服務一般，但點菜嘅哥哥係有啲唔耐煩嘅，純想為食而食，10道菜沒有叫飲品，連食完離開只不過75mins. 結賬$1750。正當結賬離開時見到舖面玻璃有poster 寫著8人以上送3支啤酒，舖內不覺有這poster, 但由坐下、點菜及離開都沒有人告訴我們有啤酒送，返入舖問番點解冇送三支啤酒，幫我們落單的大叔回應：以為你們不飲。我哋都唔知，你亦沒有問我們，點解會以為我們唔飲？又辯駁話我哋冇嗌其他飲品，「以為」我哋唔會飲嘢，連感到「唔好意思都沒有」，既然係送，就大大方方送俾個客，叫我哋下次幫襯再飲過，唔會有下次。原售買每支啤酒40幾蚊。講返食物質素，避風塘炒去殼瀨尿蝦係幾好食嘅，但價錢都偏貴，中size $600（大約起咗肉10件），煎蠔餅個樣好大碟鬆脆，但非常之小蠔，鐵板豬腸，味道太鹹，冰鎮咕嚕肉係特色嘅，但係我都係喜歡傳統嘅生炒咕嚕肉，瑤柱蛋白炒飯一般，落單時話要浸瑤柱，所以食曬其他餸才來。茶都冇杯，淨係比壺熱水。總結：其實係這些地方食都預咗這環境及樓面服務都似大排檔格局，食物水準一般。如果係做噱頭優惠嘅，咁麻煩主動提供返個優惠，就不要冇問冇提供就「以為」客人不要這「優惠」，我唸沒有客人會被動不要優惠㗎，這様回應真的笑不出，就是這一點，就算食物質數幾好，也不會再光顧，因不老實的回應，態度有點串，朋友們心裡不爽😰原本一餐普通晚餐，最後係bad ending。若果，店舖主動送三支啤酒，相信不一様的結局及心情。…查看更多