Felicia L's Profile

火鍋店近幾年越開越多，要找些高質素而性價比高的火鍋店越來越難。今次誤打誤撞去到土瓜灣一間火鍋店，裝修時尚，乾淨企理，見價錢合理，入去一試。👍🏻👍🏻一入門口，侍應招呼殷勤，有笑容，安排我和朋友坐卡位，卡位寬敞，足夠四至六人坐。🕺🏼🕺🏼打邊爐當然最緊要係嘢食啦，叫咗個牛肉拼盤，有8款，款款新鮮，仲有刁鑽部位，牛黄喉同牛骨髓，一食已經知係新鮮貨。賣相靚，份量多，我同朋友都十分滿意。另外必要推介嘅係炸響鈴，坊間都有好多即炸嘅響鈴，但係呢度做到即炸而唔油膩，仲要入口鬆化。湯底點咗鴛鴦鍋，雞湯味道濃郁清甜，麻辣鍋辣味有層次，唔係一般貨色得個咸字。黑松露蝦餃，自家製，蝦肉彈牙鮮甜，黑松露味剛剛好，好balance，唔會蓋過蝦嘅鮮味。🦐🦐由於唔係太肚餓，冇特別點其他餸，但係見隔籬枱啲刺身海鮮都好新鮮，下次可以一試。🐟🐟正如標題所說，打邊爐，新鮮才是王道，環境好，服務好，賣相好，全是bonus。十分滿意的一餐！😋😋…Read More

城中扒房，自問去得不少，尖沙咀、中環、銅鑼灣，好食的扒房選擇很多，今天到大埔一趟，竟然有意外驚喜。食牛扒最緊要的是肉的新鮮程度及質素，這裏的牛扒放在透明的櫃中，由客人自己選擇，新唔新鮮，一望就知。由於這裏的選擇很多，我和幾位朋友，一人點了一塊不同的扒。點了Dry aged咗21日肉味濃啲嘅Hanger Steak，一支骨的Prime Rib，非常之嫩口嘅Veal Chop，同埋大T骨Porter House。其中一位朋友不吃牛，便點了罕有而肉味香濃的蘇格蘭羊西冷。配菜方面，經理推介牛肉飯，心想扒房食飯有啲怪，但經理話要一試，飯中滲入淡淡牛油香，似海南雞飯嘅牛肉版，值得一試。另外也點了西瓜BB沙律， 十分新鮮和特別，$78真係好抵食。這裏的選擇及質素勝於幾間香港數一數二的扒房，Rxxh’s Chxxs, Mxxtxx’s, Laxxy’s等，我估這幾間出名的扒房很多支出都用於租金，結果牛扒的質素不及以前。而這間在大埔的小店，租金可能比較平，所以願意花成本選擇較高質素的牛扒，這個價錢食到這樣高質的牛扒，好抵食，性價比高。另外不得不提的，這裏的Cocktail好好飲，好創新，我點了一杯用菊花浸出來的Gin酒，非常清新。餐廳裝修走型格工業風，服務殷勤專業(經理對牛扒的描述十分仔細，好似Wiki咁)。雖然Full House，但服務勤快貼心，是一間十分值得推介的高質扒房。後記：埋單時發覺張單有啲唔妥(俾我哋想像中平)，原來這間扒房冇收加一，咁好嘅服務仲要唔收加一，我當然好識做俾多啲貼士啦。…Read More

朋友推介，說這間餐廳可以在鬧市中我坐耐一點，不會趕人走， 所以便和朋友去試試。我們訂了7:30的枱，進去已經full house。食物方面點了兩個set dinner，朋友點了個Angus beef。牛扒肉味濃，點了五成熟，煎得剛剛好，不會太熟。我點的雞扒，外面煎得香而肉質非常嫩，黑松露汁也好吃。最後和朋友坐了兩小時，舒舒服服在鬧市中吃了個晚餐。整體服務不錯，價錢合理，以這個價錢吃到這個質素的食物，性價比高。…Read More

Pastaholic 這間餐廳名改得好，既然餐廳主打pasta，就一定試試他的pasta是不是有水準。首先，我們點了炸雞做小食，炸雞出奇地嫩滑，拍得住尖沙咀的韓式炸雞店。然後點了安格斯一口牛，牛味濃郁，有嚼口，由於是熱石上的，溫度夠熱，上枱時是medium，成數自己控制。滿心期待的pasta，水準也不錯，點了個蘆筍帶子蒜蓉意粉，賣相精緻，意粉al dente。餐廳裝修走美國風，座位寬敞，服務殷勤，是間不錯的平民西餐店。…Read More

前陣子有朋友介紹過這間火鍋味道不錯，但由於前排已吃過麻辣火鍋，所以今天來試試他的午餐。我和朋友分別點了兩個set lunch。我點的是麻辣牛肉湯拌麵，湯底味道不錯，辣味適中，配料十分豐富，牛肉和牛肚都炆得香香䭃䭃，有口感之餘又不會太鹹。我朋友點的是花膠濃湯雞拌麵，花膠夠厚，湯底味道濃郁，雞肉份量亦很多。這裏的飲品絕對是驚喜，朋友點了烏龍茶底的珍珠奶茶，茶味很出，奶味香濃。環境方面，坐得舒服，枱與枱的距離都算闊，在繁囂的旺角裏，算是不錯的選擇。…Read More

靚景。靚料尖沙咀有很多地方打邊爐，但要坐得舒舒服服加靚景就唔係咁容易啦。餐廳裝修走摩登加中式路線，枱和枱之間的距離夠闊，坐得舒服。食物方面點了招牌的嫩牛肉及牛肝，很新鮮。店員推介時令的聖子，說剛剛返貨，便點了半客，真的十分鮮甜。另外，豬腰片及龍躉片都新鮮彈牙。湯底點了鴛鴦鍋，麻辣湯底夠香夠麻，辣到適中，反而豬骨湯底有驚喜，配襯繩子，提升鮮味。店員服務殷勤有禮，價錢性價比高，食物新鮮，是不錯的火鍋體驗。…Read More

餐廳門外已經見到一個好大的Pizza爐，是正宗的石爐，心想Pizza應該不會差。果然， Pizza的溫度相當熱，base番茄醬味道微酸，上面的芝士新鮮，相當好食。waiter 十分有禮貌，環境不錯，值得推介。…Read More

食潮州菜豐儉由人，今次平食老店。滷水鵝骨香肉嫩，椒鹽九肚魚，蝦丸蟹丸，香口鬆脆，用料新鮮。胡椒豬肚湯夠辣，麵線炒得小油，還點了綠豆爽糖水。食到飽一飽，每人只是二百零蚊，價錢合理。…Read More

餐廳格調不錯，服務好，最緊要係食物新鮮。點了兩款蠔，兩款都鮮甜，爽口。主菜也有水準，沙律菜新鮮，和牛油脂分布平均，牛味濃而不油膩。豬手皮脆肉滑，配肉骨茶珠珠幾有創意。…Read More

鯉景灣有很多西餐廳可以選擇，這一家枱與枱的距離比較闊。和朋友點了兩個set lunch, 沙律新鮮，主菜的魚及三文治味道好好，服務也不錯，唯一的不足是上菜速度太快，未吃完沙律便上主菜，未吃完主菜便上甜品。…Read More

和朋友來個Happy hour, cocktail 選擇多，結果點了一jar sangria ，味道調得不錯，青蘋果切得細細粒，幾精緻。點了三個small bites , 雞翼和魷魚都好味。Service 好，坐得舒服，性價比高。…Read More

商場有好多餐廳選擇，見飲茶好多人，便試試這間西餐。服務態度不錯，店員殷勤有禮。點了Pizza和pasta，Pizza一般，不夠熱。但是pasta有驚喜，夠al dente 之餘又夠熱，帶子煎得剛剛好，味道好match。咖啡也不錯。…Read More

美式快餐店不外乎漢堡包和薯條，這裏的漢堡包選擇多，點了個原味和煙肉味，兩個都好吃。薯條加上芝士醬， 十分邪惡，但十分好味。milkshake 點了peanut butter ，好特別。坐outdoor對住海景，總括來說不錯。…Read More

經常說，對一間餐廳來講，食物固然緊要，但氣氛等也十分影響用餐經驗。這間餐廳以live music performance為主，食物可以算是配菜吧。我這次去的live Band表演專業，食物，紅酒，服務也不錯，值得推介。…Read More

來到西貢，泰國菜未必是你第一個選擇，但擁有無敵海景的泰國菜就不同了。坐outdoor會有180度沙灘海景，感覺已值回票價。食物方面點了個二人拼盤，份量很多。柚子沙律味道最好，炸物也不錯。最後來個芒果沙冰，感覺好chill。…Read More