Littlepak的个人专页

是日lunch, 同同事一齊食呢間，提前有bk, 去到唔洗等，即入！舖頭唔大，有日式居酒屋感覺！有lunch menu, 灣仔區嚟講，價錢中等，唔平亦未去到最貴！諗住佢主打串燒，當然食個串燒餐，個餐一嚟到即刻呆一呆，日式居酒居原來都會咁唔齊整！燒飯團散晒，仲要支竹籤調轉擺落個碟度！即場問咗店員，佢話個師傅新嚟！原來新師傳燒到不成形，係要個客幫手啃咗佢？唔理好醜，試咗味先，之後又嚇親🤦‍♀️最左點睇都覺得似牛，問店員，原來真係牛，個餐牌寫”串燒雞肉配烏冬定食”, 冇提過一隻牛字，而本人係唔食牛的！店員有講幫我換咗佢，費事等，就掉埋一邊食其他嘢！個飯團就當然一拎就散晒啦，望落好似有啲醬油係面，食落就冇乜味，只係一舊乾爭爭而又有啲燶嘅飯！左三果串大蔥燒鳥，眼見都知佢燶㗎啦，嘗試擺咗落口，果然係苦嘅，唯有剝咗出邊啲燶位食入邊！左四又係乾柴到嚇親，好耐未試過呢啲質感嘅雞肉！雞亦同車厘茄就冇乜特別，食落冇乜味，但至少係入得口！其他嘢都係正常，唔差都唔係標青，最好食竟然係個茶碗蒸，食落有鮮味，蛋蒸得都幾滑，又有啲料係下面，唔會過鹹！食完呢餐盛惠178 再加1，lunch 嚟講唔係最貴，但都絕對唔係平，以佢呢個quality, CP value 係低到落地心！總括嚟講，近排食過啲餐廳，佢都算數一數二差，不可再！…查看更多

是日口痕，又心郁郁想食倆口，冇嘢做12點零就行過去，前面已經排緊幾個人，去到12點3，條龍已經轉彎，排到去尖沙咀🤣排咁耐，當然食番夠本，兩個包，兩個壓餅加兩串炸白玉香腸包: 台灣腸係超出我想像嘅多，每一啖，直至最尾都可以咬到腸，醬汁惹味，加埋啲蔥同青瓜又可以解膩，揸車番屋企途中已經搞掂咗個包！傳統刈包: 正常發揮，不過不失，柚子醬晝龍點睛抹茶壓餅: 之前兩次都食唔到，今次終於畀我買到！抹茶味好濃，一咬開就爆出嚟，鐘意抹茶一定要試！芋頭Oreo壓餅: 之前試過肉鬆，今次試埋Oreo！完全第二種味道，個人覺得Oreo 有啲搶味，唔係太食得出芋頭味，但隔離果位就覺得兩樣嘢幾夾！炸白玉: 黃豆粉味唔出，黑芝麻一如既往咁高汁！總括嚟講，嘢食高質，等候時間略長，但值得一試，經開元朗國必試！P.s. 我究竟幾時先食得到朱古力味壓餅🥹…查看更多

是日lunch, 見個價錢幾抵，同同事落去試下！有bk, 去到就入得唔洗等，話食45分鐘，不過由頭到尾都唔full, 所以我哋食耐小小，都冇趕我哋走！Lunch set 包starter, pizza and dessert 仲要樣樣都唔係hae，金鐘嚟講真係算抵食我哋三個人嗌三個唔同starter 同 pizza Starter: Cold cut boardGreek salad Fried zucchini flower 頭兩個中中肯肯冇乜特別，炸花有驚喜，入面fill咗芝士再包粉炸，鬆脆得嚟又唔會過膩，加埋酸酸的嘅蕃茄sauce, 幾開胃！Pizza: MargheritaCarbonara辣肉腸三個pizza 都above average, 係本人最鐘意嘅薄批，食淨批邊點橄欖油黑醋，非常之正！Margherita正常發揮，辣肉腸小小辣幾惹味，carbonara 有驚喜，每片pizza都有一粒蛋！Dessert White chocolate mousseTiramisu 兩個都高質，唔會過甜，mousse 好重奶味，面頭有啲開心果碎，味道好夾！兩隻甜品都大大杯，一啲都唔hae! 總括嚟講，金鐘附近嘢食抵食夾大件，可以encore, 環境都唔差，唯一一樣就係餐台有啲細！…查看更多

Bookmark 咗好耐，終於嚟試一試佢，提前有bk, 入座計食個半鐘！一出𨋢就有驚喜，啲波波燈好靚，即刻趁冇乜人影幾張相先！主打西班牙菜，嘢食選擇唔算太多，但各類都有啲！薄切慢煮八爪魚: 真係幾薄切，有小小咬口，啲汁酸酸的，係冇試過嘅味道，同八爪魚都幾match! 黑毛豬火腿茄子卷: 有驚喜，個配搭新奇得嚟又幾fresh, 當沙律咁食都幾perfect! 薯仔蛋餅: 見個個都嗌，但試完有小小失望！個樣絕對係靚，一切開流汁同埋好香蛋味，但食落有啲油膩，同埋蛋味唔係太出！西班牙海鮮飯: 今餐最失望呢個，調味fail, 飯太淋，海鮮幾多同埋新鮮！ Churro: 好食，炸得啱好，甜度ok, 肉桂味都恰到好處！總括嚟講，嘢食普通，但環境唔錯，服務都perfect, 三五知己放工happy hour 好選擇！…查看更多

知道muse好耐，今次終於bk嚟試下！餐廳位置有啲隔sip, 揸車去就最方便，停車位都唔少，泊車HKD20/hr，先到先得！入座起計，lunch 食85分鐘，minimum charge, 150/p.一早諗好食咩，去到就嗌，唔洗哂時間！荔枝沙冰: 絕對係畀顏值吸引，好igable, 飲落正常，少甜咗都係頗甜！黑松露帶子crepes: 呢餐最失望呢樣，crepes 入面包咗椰菜，面頭又太多醬，完全食唔到crepes 原本嘅質感同味道，咪話鬆脆，直頭淋晒！Fish finger and chips: 正正常常，勝在夠熱辣辣，魚同薯條都好鬆脆！煙三文魚意粉: 最驚喜呢樣，惹味得嚟又唔會油膩，煙三文魚都畀得多！嚟得呢度，梗係行下影下相，雖然撞正落雨，但都可以影下室內，係幾靚幾有心機嘅！總括嚟講，嘢食正常，服務好好，得閒假日一家大細不妨一試！…查看更多

想食芋圓好耐，是日經過，買碗番屋企試！Set死果啲唔係點啱食，自己組合，叫咗椰奶+三色丸+包心芋泥球+小丸子！($39)先講份量，呢個價錢嚟講，有啲偏貴，包心芋泥球得一粒，三色丸都係兩粒起三粒止，小丸子最多！味道方面，有樣嘢好抵贊，所有嘢都冇乜甜味，食落唔會覺得太重負擔！三色丸一樣味，口感煙韌，包心丸有小小驚喜，唔過甜之餘食到芋頭味，小丸子就正正常常！總括嚟講，cp value 唔高，食物亦冇乜驚喜，勝在唔死甜，經過可以一試！…查看更多

之前幾次放工撞板，終於搵日放假，星期四下晝around 4點，行過去試下，雖然部分嘢食賣晒，但終於食到！菠蘿雞包: 因為拎番屋企先食，包有小小浸淋咗，但味道ok, 雞大大舊，好多羽衣甘藍，菠蘿都有烤過！成個包完全大過我預期中，食完一個包已經差唔多飽！芝士壓餅: 是日得番芝士，照殺！食落有驚喜，好似讀書時期最傳統味道嘅芝士飛碟，一咬爆啲芝士出嚟，好滿足！炸白玉: 又係super size, 好大粒，加厚厚嘅芝麻粉，食落似炸黑芝麻湯圓，煙煙靭靭，好好食！總括嚟講，好滿足，嘢食大大份，味道ok, 有機會一定試埋其他口味！…查看更多

聽講佢幫烏克蘭籌款，又有得試下新嘢，當然要嚟試下！一入門口畀個裝修吸引，好東歐，仲要成個bar 枱上面都係Vodka, 傳說有65度，但lunch 唔想飲到一舊嘢，下次開番晚市先試！包: 跟包有葱同豬油，見到呢三樣完全唔關事嘅嘢一齊嚟，仲特登上網check, 原本係佢哋嘅傳統食法，搽完豬油係包再加葱一齊食！個包如果要形容係重味10倍嘅法包，再加葱，反而係冚咗一半葱味，冇咁刺激之餘，又幾夾，係冇試過嘅味道，一場嚟到，一定要試！Hereing under fur coat: 必叫沙律，好海鮮，成件事fresh 得嚟又好味，又睇得又食得又影得，必試！湯: 從來未試過嘅combination, 煙肉腸，橄欖同酸瓜，如非必要，唔好試！Manti: 非常巨型嘅餃子，鐘意食羊必試，調味好惹味，加埋煙韌餃皮，好味，加埋salsa 醬同sour cream，fresh得嚟又好夾，highly recommend! Chicken Kiev: 見佢寫雞胸，預佢會鞋，但估佢唔到嘅滑嫩！中間有類似香草醬嘅嘢，同雞好夾, 跟餐薯蓉fail! Honey cake: 一場嚟到唔係唔試呀！有足足十二層，大大件，奶味濃郁，仲有小小酸忌廉味！食落似乎有羊奶味，唔知有冇feel 錯，老闆娘太忙，冇機會問佢！總括嚟講，嘢食好掂，服務一流！唯一一樣係啲嘢食全部偏重口味，但相比起味道，呢樣可接受！有機會一定要試！…查看更多

九展做嘢，lunch time 行過去大渣哥，遲咗小小，過到去條龍排出尖沙咀！但咪以為要等好耐，其實好快，啲人都係食完就走，舖頭又多位，兩三個字已經入到！大渣哥出名多嘢食，揀到眼都花！自己一個，食個獨獨仔魚香茄子飯！大大碟，味道不過不失，正常茶記水準，勝在茄子唔會太鹹，餸飯啱啱好！總括嚟講，嘢食ok，服務十分之好！事關我太趕，唔記得㩒錢，原來成個袋都係得番50蚊同啲大餅，老細叫我下次先畀😂😂最尾好彩搵晒啲大餅出嚟都夠畀！經開一定要試！…查看更多

星期日下晝，好想食甜品又唔想出街，即刻delivxxroo! 烘面棉花糖麻糬朱古力窩夫: 外賣好快到，雪糕球都冇咩點溶，雪糕本身普普通通，勝在入面有啲chocolate chips, 有啲咬口！窩夫出色，外脆入軟，加埋麻糬真係冇得輸，窩夫本身唔會太甜，加埋棉花糖啱啱好！牛乳燒仙草: 見個名一心諗住佢係熱甜品，原來係凍😂，入面係一舊舊仙草，仲有芋圓同地瓜圓，煙韌有咬口，幾高汁！總括嚟講，嘢食高質，價錢都算合理，經過不妨一試！…查看更多

星期六下晝，2點半先得閒去醫肚，轉個彎見到鮨政，3點完lunch time 閂舖，但都肯畀我哋入去食埋先！雖則冇得放題，散叫都好開心！大部分丼飯，魚生飯都跟餐有埋湯，沙律同茶碗蒸！沙律菜新鮮爽脆，份量啱好，醬汁好fresh，好開胃！湯普普通通，勝在唔會過鹹！茶碗蒸一般，蛋唔夠滑，入面都唔多料！三文魚籽•蟹•海膽丼: 出色，唔記得問咩海膽，食落有甜味，唔腥，蟹新鮮唔過鹹！海膽三文魚籽丼: 三文魚籽多到食唔晒，本身已經夠鹹，唔洗再落豉油，咬落脆卜卜鹹香鹹香完全唔腥！總括嚟講，嘢食高質，cp value都頗高，夠鐘close 都唔趕客，服務高質，好值得一試！…查看更多

見十二鍋出芫荽鍋，即刻去試！冇得bk，6點半去到，仲有位剩，限時個半鐘，好足夠！話明十二鍋，當然有十二個畀你揀，冇猶疑過，直接嗌芫荽鍋！加多3蚊有多芫荽，真係爆荽，又有芫荽醬，好濃味！鍋入面其他配料就正正常常，芫荽豬肉丸冇咩芫荽味！份量適中，食晒都好飽，加埋嘢飲啱啱好！臭豆腐失望，冇咩臭味，同埋係烚，唔係炸，係爭小小！總括嚟講，嘢食唔差，服務都幾好，幾個後生仔女小本經營，地點又方便，經過不妨一試！…查看更多

今次想介紹呢一間雞煲係喺美林邨入面,，朋友推介，係正美林巴士總站隔離，放工喺金鐘直接有巴士去到！雖然朋友話呢度有任食串燒, 但係我朋友又唔食牛同埋我又唔太肚餓關係, 就叫咗最平嘅198餐包每人三串串燒！雞煲有分小辣中辣同大辣，小辣都頗辣，唔食得辣嘅朋友記得嗌唔辣！個雞煲肉質嫩滑又夠曬惹味, 兩個人起計半隻雞, 分量都ok！串燒我哋叫咗芝士蠔,，蒜蓉元貝，豬腩片同牛脊肉！串燒嗰part非常ok，如果胃口大可以upgrade任食！至於火鍋就揀咗醉雞湯底，藥材同酒味都濃，本身菜單都可以添加醉雞肉，牛肉豬肉都各叫咗一碟，質素都比得上出邊嗰啲連鎖店！菜就冇得揀，得雜菜拼盤，新鮮爽口！海鮮推介鯇魚片，蚌片同，墨魚仔！另外鵝腸大推，爽得嚟清晒油膏！飲品就都係大路嘢，汽水啤酒同包裝茶！總體嚟講cp value極高，服務ok，值得一試！P.s. 我星期四夜晚都好多人，七點幾已經full曬，預早去或bk定先好去！…查看更多

久仰大名嘅solo, 終於有機會試！記得上次入大澳，遲咗少少，撞正tea time, solo要等兩個鐘，無耐已經買咗船飛，唯有等下次！今次早入去，終於有機會試！問定有冇海傍位先入去，門口嗌定嘢食，埋咗單先，嗌125餐，可以坐個半鐘！一坐低已經知點解成日咁多人！chill到爆，天公又作美，萬里晴空，係大風咗小小，不過可以接受！望住對岸啲棚屋同海豚船往返，成個人都平靜咗！主餐唔多講，本身都唔係期待嘢食！但甜品好高汁，適逢weekend有Tofo cheese cake, 真係食到豆腐味！木糠布甸都好出色，大大杯，食落唔會太甜，仲有杏仁脆片，好鬆脆！總括嚟講，嘢食正常，甜品出色，環境chill 爆，入大澳一定要試！…查看更多

去D2睇戲，冇咩時間淨，諗住快快趣醫肚，諗起飯丸屋！之前食過北角另一間，試過之後念念不忘！舖頭主要做外賣，出邊有張櫈，同一張三人bar檯，買完可以立食！都幾多種類揀，又可以跟餐or加料！揀咗炙燒明太子超值套餐，飯團有明太子醬，好惹味香口，飯略乾！跟餐揀咗麻薯波波，幾得意，煙煙韌韌，唔會太甜！黑糖豆漿偏甜，可能因為有黑糖，豆漿味冇咁出，個人唔係太欣賞！總括嚟講，嘢食ok，平靚快之選，幾個後生仔女睇舖，經開不妨一試！…查看更多