元朗神雕俠侶的个人专页

開左無耐諗點住試下，打電話去book會book到 唔太難book, 一心以為元朗新開酸菜魚好期待🤦🏾‍♀️點知........ 忍唔住到入嚟比個食評先講食物，- 起菜速度: 正常，逐樣逐樣出- 份量極少，少到我哋一同4人，3女1男，只覺得飽滿度6成，但我哋共叫左7樣餸，3碗飯，三杯啤酒，都！唔！飽！- 先係涼拌薯絲, 涼拌份量少都無所謂;- 四季乾扁豆份量比出面少，串燒每碟3串;- 干鍋肥腸，辣椒多個肥腸，加埋約10件左右; (無影) 重點嚟🔥🥵係酸菜魚，叫左最大嘅份量，一上以為比左例牌既我哋，問之下，有個姐姐過嚟話「係大嫁，望d魚片大塊就知🤔」🤷🏿‍♀️目測魚片唔過15片，配菜亦好少，相比出去食十二味/廚13/同辣媽，完！全！細份好多多多！成餐飯大家都就住食甘，眨眼食晒都唔覺得飽！P.S例牌同大份量既酸菜魚同一個size既煲上，唔好用碟既大細去分。-最後，糍粑甜品共六粒, 黑糖都唔多，仲要有條毛係上面，新開2個星期都無，衛生已經甘隨便，真係唔掂🤢 總之，甘既價錢、服務同味道，係元朗就食其他好過，同特登入嚟更加唔好試，出面好食既大有人在。再到環境，凍d同怕凍都唔好坐出面，無暖爐。本身book左枱留入面，但留左出面枱，話無得轉，都無所謂，當初新開張多人等。不過，都無下次🥵…查看更多

近年四圍都有哂各式各樣嘅雞蛋仔鋪，款式五花八門，但係咪間間都好食我就有啲保留。今次試嘅係bove 位於元朗嘅分店，鋪頭位置喺俗稱元朗食街嘅又新街隔離。所以週未時間去買都會見到門口有條短短嘅人龍。鋪頭有雞蛋仔、夾餅、梳乎厘等等嘅甜品。每種小食又再有唔同嘅味道去揀，第一眼落都覺得幾花多眼亂。咁今次就試咗一個平平地$18嘅班蘭味雞蛋仔。估唔到都幾有驚喜，由於底雞蛋仔喺整完之後，店員會搵風扇吹一陣，令到雞蛋仔嘅表面非常脆，而入面係做到實心又鬆軟。唔似有時喺街邊食到嘅空心雞蛋仔，似食雞蛋餅多過雞蛋仔。配合埋淡淡嘅班蘭香，為正宗嘅外脆內軟雞蛋仔加上創新嘅味道。不過等候都要啲時間，通常要等10分鐘左右，而且職員嘅態度都唔算好友善。…查看更多

去開九龍塘，當然要食返讀書時代經常幫襯嘅六合。由於附近嘅餐廳數量唔多，想食正正常常嘅港式碟頭飯通常都會揀佢。六合粥粉麵飯類都有，但我自己都係食飯類多。我最鍾意嘅就係洋蔥豬扒飯。一碟四十幾蚊左右，有兩大塊豬扒。豬扒肥瘦適中，咬落都夠鬆。而且火喉控制得好，豬扒煎得好香得黎又保留到豬扒嘅肉汁。面頭加上清味嘅洋蔥汁，令成碟飯唔會太乾。一定夠飽肚另外黎到六合食飯一定落佢嘅辣油。有別於一般茶餐廳嘅辣油，呢度嘅辣油辣味較輕，香味較重，用黎撈飯嘅話就算無哂餸都依然咁好味。不過食親六合嘅飯都會有啲口渴，都會想叫杯野飲，但凍飲要加$10，喺學生時期嘅我經常都唔捨得加，唯有飲檯面嗰出哂煙嘅熱茶。…查看更多

知道中環有間國際出名咖啡店☕️之後，特登返工前都黎買返杯對於每朝都要有返杯咖啡係手既我黎講%真係暫時全港最岩心水既咖啡整體以簡約設計為主，menu 上既選擇都唔多只有latte, americano, espresso, macchiato每款可以簡豆，我就簡左mix既無花巧，但一入口就覺得唔簡單淡淡既果香係口中徘徊，帶住苦澀愛咖啡之人，就會明白，苦係咖啡既精髓所在有杯45-50既咖啡，係中環既地段仲可接受既好有衝動想買佢d豆返去沖黎飲🤣🙈凍既，同熱既都甘香，甘濃每杯都用心製作…查看更多

日式燒肉好少有放題，所以鐘意食日式既你可以一試先講環境，一入到去燈光暗暗，都幾多位，仲有榻榻米，所以比人感覺都幾日式。2人以上起入坐就會先送一盤刺身有三文魚，帶子等，最驚喜係有海膽都唔差，同送一盤海蝦同牛既燒肉比我地燒住先可以慢慢簡野食，都幾貼心食物類型，主要為牛，豬，雞同海鮮鐘意食肉既一定會好滿足，因為都幾多種類最推薦係厚切牛胸腹，好juicy同好香牛味海鮮都唔錯，帶子同蝦幾入味最欣賞係上菜時間都幾快不過覺得貴左啲，星期六日假期，加埋一要350一個人，試下就算…查看更多

位於海邊既海天酒樓，有3層，最鐘意坐最頂個層，可以望住個海飲茶，格調一流點心有好多款，傳統既，新式既都有每次必叫既蝦餃最推介，蝦🦐好爽好大隻牛柏葉好大籠，食極都仲有甘鮑汁鳳爪65蚊係比出面貴，不過好大碟，都幾淋整體點心，係幾好味，唔係hea整都即叫即蒸，可能比出面一般酒樓貴，不過有水準同有環境，唔會好噪，想假日同屋企嘆個靚茶，可以考慮。不過比較遠左啲，建議揸車黎比較方便聽講哩到出名煲仔飯，下次可以試下。…查看更多

東涌被淪陷之後，原來仲有個隱世既韓國餐廳唔係同事帶都唔知一個公園入面，竟然有間平民價既正宗韓國餐廳唔好以為甘入無人，中午時都要等位。但裡面都幾大，仲幾舒服，因為落地玻璃組成既。前菜款式多，仲好好服務問我地夠唔夠叫左個什錦拌牛肉飯，份量都夠，但飯唔太熱肉比較碎粒，味道偏淡。之後仲試左seafood pancake，比較多粉同冧，個汁比較咸左啲。整體而言，如果係東涌唔想搵多人既地方享受一餐，可以試下，因為係韓國人開都比較傳統好多韓國團人都係到食最緊要，價錢平民價，食到都唔錯既韓國野。…查看更多

本身唔係好好海膽，但朋友介紹到韓國fusion的餐廳，見到隔離枱食緊都已經好吸引，所以就試左海膽撈麵。意外地，竟然比我想像中好易接受同好味，唔係輕易會夾得開，代表海膽好新鮮，食完個口回甘有甜味好creamy。配上韓式辣撈麵，感覺幾新奇，但略厭辣左d，要不停飲水。如果怕辣既朋友就，就可以試下其他。 係韓國人開既，所以都比較傳統。…查看更多

係我食過最好食既沙嗲牛肉麵招牌沙嗲牛肉好濃既湯底，係好香花生醬的味，所以個湯rich到好似汁甘。牛肉係即時炒好嫩滑，最驚喜係竟然可以配蟹王麵底，媽呀，係兒時既味道。仲有試過豬扒同炸雞翼麵，生炸到好乾身，不過都keep到肉有汁，再加多個即炸西多士，完全係港式茶餐廳的代表，份量好足，價錢都係20幾30一個。仲要全日都供應，唔使擔心只係早餐先有，隨時黎食就得不過位置都幾難搵，係條暗行到，建議開住map黎搵，同都幾多人，要排隊。…查看更多

小食站位於巴士站旁，到好夜都仲未關門。最岩返夜收工一落車就可以買啲野食返屋企宵夜。食物種類都算多，有咸有甜。我今晚就揀咗個朱古力香蕉Q餅。老實講味道一般，成個餅偏硬。加上配料只得香蕉同朱古力醬，食落其實有啲乾。不過價錢合理，$22一個。以呢個價錢黎講，作為宵夜食物都算ok嘅。…查看更多

無諗過樂園既野係算可接受個日入去探索家酒店住左晚先入去樂園玩，因為知道樂園入面d野唔好食，又貴，平平地都要百幾2百蚊，所以就試下係酒店餐廳食左先。叫左個牛扒，面頭一層牛油同蒜，好香同好夾既，不過食落有點滯，又遮蓋左啲牛味。不過算係樂園入面較好食既，服務真係十分好，好有禮貌同好好笑容。預左酒店食，價錢一定唔平，280左右一個餐。不過，我覺得好過入到樂園先食，環境又光同舒服，所以都如果經過可以去試試。…查看更多

環境無得輸岩哂情侶同閨蜜打卡因為無得預先book位，所以如果想坐得2張既心型卡位就要預早少少時間去等。個日因為慶祝生日，d fds就7點前去攞位，等左5分鐘就有啦好好彩。無諗過係ifc有唔係太貴既西餐價錢中等，不過份糧都較少。前菜既牛柳幾推薦，煎到外脆內冧，而且配埋一d柚子粒，感覺好fresh既開胃菜。之後黑松露意大利飯，好creamy好rich,不過食完會好飽。反而，d基本野黑松露薯條就有d hea，唔太熱同只係鋪d黑松露係面。不過有特別節日去食下環境，都可以接受…查看更多

四川風味小店，一次午膳時間路過，見到有酸辣湯粉皮，覺得幾新奇，平時喺其他米線鋪都唔係成日見到有粉皮，於是入去試試。當日我叫咗一個酸辣雞絲湯粉皮。職員服務態度都友善，落單後5，6分鐘左右就有得食。可能因為叫咗酸辣，湯底比起一般四川麻辣米線清，食到酸菜嘅甜味同埋 肉燥嘅味道，有別於平時只係感受到濃湯嘅味道。粉皮都好爽好吸到湯嘅酸辣味，雞絲都幾滑。整體黎講清得黎又帶有四川風味。不過食完始終有少少口渴，份量就岩岩好，去開土瓜灣經過可以試下。…查看更多

每次去大浪灣滑浪都必定幫襯嘅小店。一去到，喺可樂租塊板就落海玩，滑到攰上去食個飯補充體力再玩過，完咗仲可以買條雪條食住走。非常親民嘅價錢，加上老闆嘅人情味，係一間可以令你無憂無慮喺海灘享受一天嘅人情味小店。食物大概有午餐類（炒飯面、雙併飯、湯面）、同下午茶兩種。我自己最鍾意食雙併豬扒雞翼飯，夠大份又好味，佢嘅辣醬亦都非常惹味，食飯類時候可以試下落啲。如果想食得輕盈啲，下午茶嘅油脾都係十分好嘅選擇。最緊要係價錢非常平，一碟飯$30-$40，而且份量十分足夠，唔洗怕去到石澳就預咗一定要比好貴先醫到肚。…查看更多

試過一次之後，個味成日浪住係口到所以共去左3次忍唔住要分享，每次都保持水準，無失望過個人推薦大蝦🍤粒意必食，我食左3次都要encore返。師傅係即叫即整，預等20分鐘左右，係有點耐。但係有我係澳洲食意粉有得揮，蝦好大隻，燒得好彈牙，d意粉最特別，係好似薯條形，但幾有咬口，同個汁勁好味，好夾。dinner set都抵食既，不過個牛扒mama地，有d硬。估唔到甜品都即叫即製，心太軟唔甜，係黑朱古力流心，熱拿拿。整體意見，環境細細，係一間bar，但有高質食飯，住得近近地唔使再出到好遠食西餐。…查看更多