emam的个人专页

約咗朋友放工去九龍城食飯搵好嘢食，經過一間居酒屋，異口同聲都話想食日本野，就入去試一試啦😁。好彩快一步，雖然係平日，坐咗一陣好快已經滿座。打開餐牌樣樣野都想食，店員見到好細心介紹咗幾款食物俾我哋👍🏼。🥢北海道半熟帆立貝 - 果然半熟程度剛剛好，帆立貝新鮮，味道鮮甜，而且仲好大隻添，正呀😋。🥢手燒白鰻魚（店員推介） - 肉質夠彈牙，仲好厚身添，真係好食呀👍🏼。🥢半熟吞拿 - 好似魚排一樣咁厚身，吞拿魚好新鮮。🥢炸忌廉薯餅 - 薯蓉配以好creamy嘅忌廉，甜甜地又幾好食喎🤤🥢原條深海池魚刺身 (店員推介 ~ 🐟一魚兩食）池魚刺身，肉質好鮮甜。食完刺身後，將淨餘嘅魚頭及魚骨拎去炸，粉漿剛剛好，唔會太厚，炸得好金黃好靚，食落去仲好香口，連魚骨都可以食埋，真係好好食好正🤤🤤，本人平時好少食池魚，店員果然無介紹錯😋👍🏼。當然梗係要配返杯啤酒🍻啦，其實店裏邊仲好多酒類可以order，下次gathering一定要介紹朋友，一齊再去食其他菜式😄👍🏼。…查看更多

放工之後約咗家姐去行下街輕鬆下，家姐突然想話行下囍帖街，翻新後真係好靚。行到咁上下，又到醫肚嘅時間，家姐記得朋友介紹過附近有一間樓上Cafe好正，於是乎我哋就去試一試。去到Cafe樓下，已經俾佢裝修吸引着，用以黑白顏色為主及牆上嘅畫全部都係手繪，非常靚，長長嘅樓梯上到去，原來全間餐廳都係以咁樣裝飾，而且仲有好多打卡位置，真係好靚😍。店員安排梳化座位俾我哋，然後睇到Menu入面，乜嘢都好想試，我哋就每人叫咗一個main course ，加咗$18仲有是日餐湯添😃。🍵是日餐湯係海鮮周打魚湯，果然材料夠晒豐富，味道唔錯吖😋。主菜分別揀咗，香煎加拿大有骨豬鞍扒伴薯菜配蜜糖芥末籽燒肉汁，果然係肉質鮮嫩，做伴菜嘅蕃茄又新鮮又多汁，而且個芥末籽燒肉汁好特別，好味呀😎。另外一個主菜就係，西式香草羊架配中式羊肉汁伴時令蔬菜，羊架夠羶味，喜歡食羶味嘅朋友不妨一試😁，伴菜仲有蒜頭同充滿羊味道嘅薯蓉(影相技術差影唔到😅)，諗起都流口水🤤。至於飲品，我哋分別揀咗，ULURU rose tea (Tea, Strawberry Purée, Rose Syrup, Rose, Rosemary)，淡淡的玫瑰花香味，而且仲有一朵玫瑰花喺飲品上面，味道清甜之外仲好靚添☺️，而另一杯係Lavender Dream(Tea, Lavender Syrup, Lavender, Lychee Purée, Lychee, Icing Sugar)，有清清薰衣草同埋荔枝嘅味道，好飲呀👍🏼，而且呢兩杯飲品好啱ladies☺️。雖然已經好飽，但係我哋見到Menu好豐富，所以忍唔住order多個小食😅，炸香脆粗直薯條配黑松露蛋黃醬，薯條炸得夠脆，而且個醬汁好正，超好味👍🏼。食完之後兩個捧住個肚回家，最衰就係我哋太飽，試唔到佢哋嘅甜品，我哋下次一定會再嚟試佢嘅甜品。…查看更多

適逢有個同事生日，老闆請食飯，估唔到老闆會有驚喜俾我哋，請我哋嚟到呢度食飯，感覺非常高貴，非常享受，環境非常之優雅食物又fusion ,最特別係餐廳為我地預備嘅一張大枱，兩邊都是圓形的，令到大家都可以彼此望到大家😚😚。食物的份量控制得很好，特別是那個斧頭扒，很足夠四至五人食！那個法式田螺，回味無窮，而且有我最喜愛的薯蓉，法式餐包也很香脆，整體上來講，食物及環境都很好，令我哋食得好開心，好放鬆，好享受這個環境👍🏻👍🏻！值得推介！…查看更多

朋友介紹這間海鮮火鍋，真係沒有介紹錯，嚟到當然真係要試吓佢啲海鮮係咪真係咁新鮮！ 食材很新鮮，環境尚算整潔，安格斯肥牛不可以錯過👍🏻每款海鮮都令我喜出望外，特別有我最喜愛的白鱔，真的是卜卜脆的，那個黃金炸魚皮真係可以一食再食，自製手打丸類，好鮮甜美味，雖然牛肉的價格較為貴，但真是物有所值的！最啱一大班朋友來吃，當然二人世界亦都可以😆，除了有火鍋的配料外，還有刺身，真係啱晒我，生食又得，熟食又可以👍🏻…查看更多

估唔到一間咁唔起眼嘅餐廳一間咁平民化嘅餐廳可以有咁大嘅驚喜，經過呢間泰國菜館，環境裝修好簡單，好似一間快餐店咁樣，冇特別嘅裝修，更加冇豪華嘅格局，不過實在太過肚餓，所以就膽粗粗走入去醫肚！呢間咁似快餐廳格局嘅泰國菜館，居然都有生蝦食，我當然都唔放過試吓啦，仲有佢個煎蠔餅，睇起上嚟好似幾正，仲有我最鍾意嘅咖喱蟹，全部菜色都令我喜出望外，同出邊一般大嘅泰國餐廳食肆有得揮，雖然環境不及大餐廳，但係味道完全及得上！值得推介！…查看更多

約左朋友食飯，佢提議去長沙灣食，我就即刻去搵下有乜嘢好食，喜歡食日本菜的我，又點會錯過日本菜的選擇呢😝一打開餐牌，見到樣樣都好想食，魚生刺身梗係首選啦，最後我都係選擇左食刺身飯，新鮮不在話下仲要件件好大舊，食得好滿足，海膽好新鮮，三文魚子卜卜脆，帶子鮮甜，仲有少少海葡萄做裝飾，呢一個係好少可日本餐廳都會有嘅嘢👍🏻，餐廳環境及服務態度好好，感覺好舒服！其實長沙灣原來都有不少美食，不過我絕對推介大家可以試吓依間！一定唔會令你失望！…查看更多

星期一的lunch，通常都係叫外賣😝，仲要今日咁熱，所以決定試吓紅茶冰室，平時見佢入去餐廳食嘢嘅人都好大排長龍，但係都依然咁多人去食，證明有一定嘅水準！👍🏻👍🏻今日叫左夏威夷豬扒，雜菜湯再加杯茶走。見到個飯盒，份量都好足夠，豬扒夠淋，估唔到呢個價錢佢可以比到兩塊豬扒我咁多，估佢唔到。唯一係啲汁唔夠多，啲菜太乾。至於佢個雜菜湯，真係好好飲，下次一定要再叫呢個湯黎飲。見到同事叫咖喱牛腩飯，佢哋話好味，下次我都要試吓。整體來講我都覺得算係好味嘅。…查看更多