eps_hea的个人专页

每次經過TST華嫂門口總有長長嘅人龍，令我打退堂鼓，今次見條龍算短，就拎飛等食，等左十零分鐘就有位。店員好主動同客人講普通話：兩位嗎？裡面兩個坐一邊。我地點左：雞翼煎蛋肉眼筋冬陰功湯米線，豬扒雞翼蕃茄湯米粉，熱話梅柑桔同埋熱柚子蜜。冬陰功湯香濃微辣，略鹹，米線較腍，非常掛湯。 雞蛋燶邊，煎得很香，咬一口後，蛋黃汁流落米線上，又讓隨後吃到的米線別有一番滋味。 雞翼煮得非常入味，香甜而不膩。豬扒同雞翼都係穩陣之選，豬扒成隻手掌咁大塊，又香又鬆軟，十分惹味。雞翼好入味，正常發揮。蕃茄湯底一定冇揀錯，好香濃茄味仲有蕃茄肉，湯底都飲左大半碗。熱話梅柑桔入面有一粒話梅同一片柑桔，微酸，飲落幾舒服幾解滯。熱柚子蜜甜中帶酸，杯內有少少果肉同柚子皮，正常發揮。呢間啲位坐得好密，是日安排坐6人枱，中途走左3個，又黎兩個，再搭多一個。同埋或者呢度大半都係遊客，店員對住客人都係主動轉普通話channel，佢地上菜同執枱都好快手。…查看更多

呢間小店開左都有大半年，由早市做到下午茶。鋪面唔大，得十零個位，外面都有兩張枱方面煙民同毛孩主人，不過都幾熱下。最愛佢嘅歐陸早餐，有肉有蛋有菜有包有沙律，賣相靚仔有誠意，味道唔錯，食完飽到中午，五十幾蚊非常滿足。平日午市都好旺場，推介佢嘅鰻魚飯，大大條鰻魚十分吸睛，估唔到仲有配沙律菜，賣相靚仔之餘又健康左，配埋飲品都係70有找，CP值好高。另外醉雞都唔錯，酒味香濃，雞髀都唔使加錢（姨姨話有就儘量畀），雞肉都幾滑，值得一試。（午市可配飯或米粉）午市牛扒餐配沙律蜜瓜，十分清新，係on diet女士嘅健康之選。麻辣豬頸肉炒麵夠鑊氣又惹味，可惜呢個係精選午市推介唔係長駐款， 啫辣嘅人一定啱。值得一提係佢地有隻秘製汁好好味架，酸酸地又清新好開胃，用來點包點肉都好好食，大家去開可以試下。…查看更多