YanCheng8091的个人专页

今日到新都會試試呢間cafe,本身都無咩特別不滿，野食唔特別好食已算，某一男職員（肥，戴眼镜）態度好差，拎碗湯來時，瀉左碗湯，不旦止無道歉，仲要唔出聲擺底左就行開就算。上菜時，明明另一邊無人坐，硬係要有人的位置上菜。食物（撈烏冬）偏甜，唔好食…查看更多

中午去食，叫左個海鮮天婦羅烏冬，好難食...食完個人覺得反胃，睇下張單，竟然要加一。請問加一服務費，個服務去左邊。order野食，自己畫紙，賣單要企係cashier 一陣都無人理會..真係今時今日都有咁差的食肆..…查看更多

係網上睇到介紹，所以走左去食。叫左小鍋米線（酸辣），另加凍咖啡。米線都幾好食，好辣下。可惜咖啡係由三合一即溶咖啡沖的。吾太好飲。最差係個收銀阿姐（長頭髮阿嬸）化到濃妝，仲要態度差到要死。下次吾會想食，見到佢都無胃口。…查看更多

係OpenRice 多數睇人地的食評，好少去寫下感受。今次食到間物超所值的私房菜，忍吾住要打返篇文讚好下。適逢情人節，在朋友的推薦下，和男友去左一間私房菜法國餐廳晚餐。地段不錯，在海港城對面的樓上鋪。一入餐廳，燈光柔和，好有情調。餐廳佈置簡單舒服。我地叫左份今日新鮮運到的法國生蠔和8 course tasting.每一道菜都整得好精緻，好有心思，真係視覺同味感的享受。當中我最喜歡個鵝肝，煮得好香，口感又吾會好散，食完個味都一直存留係個口度。而家打緊篇食評，都回味緊個香味。另外個甜品，真係見到都心花怒放。好靚啊。另外都要讚下d職員，好好服務態度。每一道菜都好仔細的介紹。亦會因應主菜去介紹酒類。好周到。最後還有亮點，就係洗水間。一樣佈置得好舒服，同物品齊全。有晒牙線，棉花，漱口水同保濕噴霧。真係見到都哇一聲。呢間餐廳，一定要encore...…查看更多