yt.t的个人专页

餐廳環境、服務同食物都係頂級。難怪連續獲得2年米芝蓮推介。而家仲推出左宮崎牛套餐，人均都係498，好抵食🥩【前菜】 特製宮崎牛他他配芝士及法包牛肉切得幼細，油脂分佈均勻，肉質嫩滑，調味更加洽到好處，配上微鹹芝士同即烤既香脆法包，層次好豐富。 輕涮西冷薄切海苔汁清新，帶出牛肉鮮味，迷你沙律可以平衡返油膩感。 壽喜燒風牛板腱配日本蛋牛肉索哂d醬汁同蛋黃，入蛋香味濃郁，鹹甜既醬汁好惹味🔥【燒肉】 薄切牛舌芯配蔥汁，爽口彈牙，蔥汁既鹹味提升左牛舌既鮮味 特上里脊肉油花分佈靚，入口即溶，鎖住左肉汁，入口即溶。 北海道豚五花肉油香味好突出，完全食唔到豬騷味，燒到燶燶地，食落好香口 特上肉眼心肉味濃郁，肉質好柔軟，點少少鹽同wasabi 已經好好食🦐【海鮮】 虎蝦同原隻帆立貝都好新鮮，帆立貝燒完仍保留海水味。虎蝦預先開左背仲清埋泥腸，好貼心🍚【飯/麵】 加配嘅宮崎牛薄切牛塊配日本蛋同白飯（+$168）絕對值得升級。牛肉燒香後鋪喺熱飯上，再淋上蛋液，簡直係日式丼飯既最高享受🍨【甜品】 黑糖香濃不膩，雪糕好滑，好食得黎又解膩…查看更多

上次試過旺角店，今次專登試埋中環店。2間一樣咁多人排隊。亦都一樣咁高質。🥩 Beef A Set牛肋骨油脂分佈平均，牛味濃郁，啖啖肉香。腹心肉肉質較嫩，入口即化但唔膩。三走肉都好出色，可以一次試唔同部位。🍄 黑松露韓牛生拌牛肉 韓牛切得幼細，配上黑松露醬，。生牛肉鮮甜，加上三文魚子同魚子醬既鹹鮮，口感同層次都好豐富。🍲 牛肉海帶湯（跟飯） 湯底清甜。白飯吸收哂湯底既精華，食完燒肉清清油膩感就岩哂🍨 濟州爺爺（黑芝麻雪糕） 造型好凸出，雪糕入口黑芝麻味香濃，甜度適中。🍹 金桔百香果梳打 金桔百香果梳打酸甜平衡，果香清新，飲完好醒神。🍹漢拿峰梳打偏向柑橘既清新香味，味道同賣相都一流…查看更多

天氣開始凍又係時候打邊爐，餐廳由湯底到食物都好出色，裝修同擺盤都好有心思。🍲 龍皇酸香湯（石斑魚酸菜湯）湯底酸辣開胃，石斑魚片厚薄適中同無腥味，魚皮仲充滿骨膠原。配料既芽菜同豆泡索哂d湯，完全入哂味🐮 大滾友牛肉拼盤牛舌爽口彈牙，牛展筋位令口感更豐富，牛柳粒好夠淋，肉味濃郁，其他部位都各有特色，拼盤誠意十足。🐙 金屋藏嬌和牛墨魚丸墨魚丸彈牙，咬開有微微和牛油脂滲出，提升左鮮味🔔 即炸響鈴即叫即炸，酥脆唔油膩，用黎吸湯力強岩哂🎋 竹笙清甜爽滑，煮後仍保持爽脆口感，味道層次分明。🍗 陳年花雕醉雞雞肉嫩滑，酒香濃郁但會太搶，仲食得出新鮮雞味🦀 蟹黃餃大大隻，蟹黃餡料飽滿，唔會有腥味，值得一試。🍜 蘭州拉麵手拉麵質地彈牙，落湯煮幾分鐘已經好入味，配牛肉一齊食就更加好🥬 油麥菜新鮮爽脆，食左咁多肉都要食返d菜平衡返。🍹 自家製足料竹蔗茅根飲品方面，竹蔗茅根清甜解膩，唔會太甜，大大支好抵飲…查看更多

由頭盤到主菜，每一道菜都展現出廚師對食材嘅細膩掌握同創意配搭，整體體驗令人印象深刻。🥗煙三文魚沙律卷鹹香既煙三文魚包住爽脆既沙律菜，酸甜既沙律汁食落好開胃🦪 日本生蠔生蠔新鮮肥美，海水味濃郁，唔使調味已經非常出色🐚 鮑魚鮑魚經過慢煮處理，口感柔韌中帶彈性，食落有淡淡既清酒香氣。帶子鮮甜，配上爽脆嘅小黃瓜，口感對比鮮明。海鹽泡泡為整道菜添上輕盈既鹹香🥩 澳洲牛柳粒牛柳粒煎得外脆內嫩，肉味濃郁，油脂分佈平均，竹炭鹽帶出左肉味層次。🍲 花膠鏗魚麵豉湯湯底濃郁，麵豉香氣撲鼻，花膠彈牙，仲飲得出鏗魚既清甜🍚 黑松露海膽炒飯炒飯粒粒分明，黑松露香氣濃郁但唔會過火，海膽嘅鮮甜同油潤感完美融合，…查看更多

原價$938既炭燒大閘蟹蟹粉雞湯金勾翅全宴。餐廳新推出折優惠價，連同原價加一服務費折實價$838一位。星期五六日廚師發辦串燒拼盤，其中一款自動免費再升級做蟹粉蟹肉釀雞翼。Free Flow包括 House Sake， Sapporo 生啤 ，各式汽水 同薑茶。Sake仲免費升級做任飲大嶺三粒米。仲可以無限追加一蚊一隻日本兵庫縣生蠔，食幾多都得～✨️炭燒大閘蟹蟹粉雞湯金勾翅全宴🦀 煙燻花雕熟大閘蟹海蝦海鮮拼盤 煙燻香氣滲入蟹肉同海蝦，花雕酒味香濃但唔會蓋過蝦蟹既鮮甜🦪 蟹粉明太子醬炭燒珍寶蠔 蠔夠大隻，肉質爽口，炭燒香氣十足，蟹粉同明太子醬配搭出奇地夾，鹹香中帶少少甜，口感好豐富。🔥 火焰玫瑰大閘蟹蟹粉蟹肉雞湯金鉤翅 上枱時店員會即席點火，火焰效果好睇之餘，仲聞到酒香味。雞湯濃郁，蟹粉蟹肉鮮味突出，金鉤翅一梳梳咁放入口，食得好豪氣🍢 炭火串燒拼盤（和牛、豚肉、粟米） 串燒火候掌握得好，和牛油脂好香口，豚肉嫩滑，粟米夠甜。最有驚喜係蟹粉蟹肉釀雞翼，雞翼裡面塞滿蟹粉同蟹肉，每一啖都好滿足🍲 日式火鍋 鹿兒島既A5和牛油花分佈靚，入口即溶，配埋清甜雜菜，湯底唔會太濃🦀 清蒸大閘蟹（5兩） 蟹膏飽滿，蒸得啱啱好，保留到原汁原味。🔥 炭燒大閘蟹（5兩） 蟹肉多咗一份炭香味，而且更鮮甜，比清蒸多一層風味。🇯🇵 日本牡蠣 鮮味爆燈，肉質爽口，冇腥味，配少少檸檬汁更加好味…查看更多

套餐有鮑魚、和牛同鵝肝，人均1000都唔使，期間限定提早預訂仲有85折，好抵食⭐️海陸套餐($1280 2人前）🥔 日式薯仔沙律 味道清新，薯仔綿密，沙律醬酸酸地幾開胃。🐟 美國銀鱈魚 鱈魚肉質滑嫩，油脂豐富，煎到外脆內嫩，鹹味岩岩好🦞 澳洲青龍蝦配龍蝦膏牛油汁（+$300） 現場即點即撈，絕對唔係急凍貨，龍蝦肉好彈牙，龍蝦膏同牛油汁香濃，如果可以加多塊多士嗦埋d汁食就完美～🐚 南非鮑魚 用左南非既孔雀鮑魚，鮑魚厚身爽口，海苔忌廉汁帶少少海味同奶香，提升左鮑魚既鮮味🐮 牛舌芯 牛舌芯好彈牙，牛味濃郁，少少鹽已經好夠味🦆🥩 香煎鵝肝配紐西蘭牛柳 鵝肝香脆，牛柳嫩滑，無花果黑醋汁既酸甜平衡左油膩感同增添果香，令層次更豐富。🥩 鹿兒島和牛薄燒（+$150） 和牛油花好靚，薄燒火喉啱啱好，入口即溶，入面包住大量蔥，好香口🥣 昆布白蜆湯 湯底清甜，昆布鮮味突出，仲用左頭先既龍蝦頭一齊煲，飲落好舒服🍚 薑粒櫻花蝦炒飯 炒飯粒粒分明，薑粒提升左提香味，櫻花蝦增添左鮮味同口感🍨 荔枝雪糕 荔枝味濃郁，唔會太甜，好清爽…查看更多

餐廳環境乾淨，碟碟菜都好大碟價錢又唔貴，同朋友傾計食飯就岩哂🐟酥炸血鰻 外皮炸得酥脆，內裡血鰻鮮味濃郁，冇腥味，配埋少少椒鹽，送酒酒一流。🦆 滷水鵝 滷得夠入味，鵝肉嫩滑，鵝皮有油香但唔膩。墊底既豆腐索哂d滷水汁之餘，口感仲好滑🐟 煎封大鷹倉 鷹倉煎到外層微焦，鎖住左魚油，肉質細嫩，而且冇乜骨，好啱配白飯，食到停唔到口。🥩 蜜椒脆皮薯仔牛仔粒 牛仔粒煎得啱啱好，外脆內嫩，蜜椒醬甜中帶辣，夠惹味。薯仔炸到金黃香脆，吸晒d醬汁，一啖牛一啖薯，絕配！🔥 招牌小炒皇 火喉十足，材料齊全：魷魚、蝦仁、韭菜花、腰果等等，炒得香口又唔油膩。…查看更多

餐廳好闊落，裡面分開omakase同鐵板燒區，但今次呢個set就刺身、壽司同鐵板燒都有，變化多d🌶辛子大根微辣既大根爽脆清新，仲食到甜味，🐠左口魚左口魚卷住海膽，口感層次豐富，海膽既鮮甜同左口魚既魚油香一齊食，好夾🐟梭子魚刺身油脂適中，鮮味突出，切片厚薄恰到好處。🍣 壽司鰆魚：油脂豐富，入口充滿魚油香金目鯛：肉質細膩，味道鮮甜拖羅：入口即溶，油脂分佈靚平均海膽：味道鮮甜🐟煎馬友配柚子汁馬友煎得香脆，魚皮焦香，魚肉嫩滑，柚子汁酸酸地，中和返油膩感🦐 黑虎蝦蝦肉彈牙，蝦膏汁濃郁鮮香，海苔粉加左海鮮既香氣，味道好立體。🦪 牛油煎蟶子味道鮮甜，牛油香令蟶子更加惹味，櫻花蝦增添脆口感同鮮味🥩 美國特級牛肉薄燒牛肉薄切但肉味濃郁，入面卷住既蔥蒜香氣撲鼻，7成熟，唔會過熟，仲保持到肉汁🍚 鐵板炒飯 + 炒芽菜炒飯粒粒分明，帶有鐵板香氣，配料豐富。芽菜炒得爽口，簡單但不失水準。🍵 自家製抹茶奶凍抹茶味濃而不苦，口感輕盈軟滑，甜度適中🍈🍐 水果：蜜瓜、梨蜜瓜香甜多汁，梨清脆爽口，清新解膩，為整餐畫上完美句號…查看更多

餐廳位於海港城，環境同食物質素都好好，店員仲會幫手燒肉，撓埋雙手等食就得👅蔥燒厚切牛舌牛舌切得夠厚，裡面塞滿蔥花，咬落去有彈性又唔韌🥩 日本產和牛肩肉盛油花分佈靚到好似雪花咁，入口即化，肉香濃郁，唔使點醬都已經好有層次。🍞 燒鵝肝多士係奢華之選，鵝肝煎到外脆內滑，配上香脆多士，一啖落去油香四溢，中間仲搽左無花果醬，食落唔會膩🥬 韓式泡菜煎餅煎餅外皮香脆，食落辣辣地幾開胃，當主食都唔錯🦐 醬油蝦大大隻赤蝦，蝦肉爽口，醬油味唔會太重，反而帶出蝦嘅鮮味🍚 嚴選牛骨髓石頭鍋飯骨髓溶入飯粒，香濃得嚟唔會太膩，石頭鍋底仲有少少飯焦，香口到不得了。…查看更多

除左火鍋之外，仲有點心任食，價錢由2百到3百幾就可以邊打邊爐邊食點心，抵到冇人有✨️至尊澳洲和牛火鍋餐湯底🍲台式牛肉湯拼菇菌湯，牛肉湯底香濃得嚟又唔會太膩，菇菌湯清甜，想食健康d就岩哂🥩 牛肉方面澳洲純血和牛油脂分布真係平均，食口即溶-澳洲無激素牛板腱肉味濃郁，咬落去有彈性- 牛五花趾膠質豐富，爽口彈牙🐓鳳爪炆得入味，啖啖都係香濃豆豉味🥛大良炸鮮奶外脆內嫩，奶香濃郁🥓排骨夠腍，仲食到蒜香味蝦餃晶瑩剔透，蝦肉爽口彈牙🐂牛柏葉爽口冇腥味，配埋辣椒油更加惹味。🐽燒賣肉汁豐富，豬肉同蝦肉比例啱啱好，唔會太肥膩金錢肚炆得夠腍，醬香味濃郁鹹水角外皮香脆，內餡仲好豐富另外自助區仲有唔同既丸類、蔬菜同熟食最後仲有每人一杯Haagen Dazs…查看更多

呢間日式串燒居酒屋，主打食豬，豬既唔同部位既都有，必括一d平時比較少見既部，鍾意食串燒既一定要試下🐟刺身盛有三文魚腩、赤蝦同帆立貝，三款都好新鮮，有壽司店既水準🔥 西班牙黑豚肩肉串 充滿肉汁，調味啱啱好，仲食到黑豚本身既肉味。🔥 西班牙黑豚豬頸肉 豬頸肉肉質爽彈，咬落去有層次，啱晒鍾意有咬口嘅朋友。🔥 西班牙黑豚夾心肉 肥瘦分佈平均，燒到微焦，入口即溶，配埋啤酒簡直係絕配！🐷 豬脷 切得薄薄地，口感爽口，冇腥味🐷 豬小腸 口感軟糯，冇內臟既臭味，幾特別🐷 豬肝串 內裡仍然保持到嫩滑，唔會太乾，幾有水準。🐷 豬心串 煙韌有彈性，冇腥味，食落去有啲似雞心咁爽口🐷 豬腰子 處理得好乾淨，冇異味，外脆內嫩，加少少七味粉味道會更突出。🌱 蒜芯豬肉卷 蒜芯爽脆，豬肉薄切包住，燒到微焦，口感好有層次。🌱 秋葵豬肉卷 秋葵燒完食落冇咁滑潺潺，配埋豬肉一齊燒，口感好特別，唔會太黏，反而有啲清新感。🥚 豚肉鹌鹑蛋卷 鹌鹑蛋嫩滑用豬肉包住之後多咗啲油香，食落幾得意🌿 九條蔥豚肉卷 豬肉包住蔥段，入口有啲甜味，好開胃。🐚 鹽燒鮑魚 openrice 2-3人。訂枱就有得送。鮑魚新鮮彈牙，鹽燒之後保留咗海水味，冇加太多調味，食得出鮑魚本身嘅鮮甜。…查看更多

平時食放題講常都係日式食物多，但呢度就中式食物都唔少，而且甜品仲有近期大熱既開心果，都算有心思刺身有帆立貝、赤蝦、仲有較少見既藍鰭吞拿同象拔蚌。吞拿魚油份充足，入口即溶。象拔蚌肉質爽口味道鮮甜🍒 櫻桃鵝肝 第一次見放題有得食，鵝肝香滑濃郁，櫻桃酸甜中和咗油膩感海鮮方面除左香港人最愛既松葉蟹腳等等既凍海鮮，熱盤一d都唔輸蝕；🦐 油鹽焗大頭蝦 簡單嘅調味突顯蝦嘅鮮甜，蝦肉爽口彈牙，蝦頭既膏好香濃🧄 金銀蒜蓉粉絲蒸蟶子皇 蒜香四溢，粉絲吸晒蟶子嘅鮮味同蒜蓉油香，蟶子肉好爽口，平時幾十蚊一隻，呢度竟然任食甜品除左Häagen-Dazs 同多款甜品任食，呢度仲有開心果，另外仲有nutella醬機，想食幾多自己加～🥖 法式麵包開心果誘惑 最後甜品收尾，麵包外脆內軟，開心果醬香濃而唔膩。細細件過下口癮岩岩好…查看更多

餐廳主打季節菜式，Lunch set既omakase 除左常見既刺身之外仲有天婦羅同煮物，食落豐富好多炑Lunch set（$1088）🍽️ 水母醋物 水母爽口彈牙，配上微酸醋汁，好開胃🥚 乾瑤柱蒸蛋 蒸蛋好似豆腐咁滑，瑤柱既鹹鮮味滲哂係蛋中，冬菇增添口感，簡單但美味。🐟 白鮭魚刺身 鮭魚切得厚薄適中，肉質有d爽彈，口感幾得意🥩 煮十勝牛板肉配大根 牛板肉炆得夠腍，肉味濃郁，大根吸晒牛肉汁，有d似清湯腩，好有日式家庭料理嘅溫度。🔥 鹽燒吞拿魚下巴 外皮微焦，魚油香撲鼻，下巴肉質嫩滑，鹽燒令魚油香更突出🦐 北海道瀨尿蝦天婦羅 天婦羅既蟬衣漿酥脆而唔油膩，瀨尿蝦鮮甜同有肉汁，咖哩鹽帶出鮮味之餘又好有新意🍄 山形縣舞茸菇天婦羅 舞茸菇香氣濃郁，肉質爽口，咬落去仲有菇既鮮甜，食肉獸都會岩食🍚 鵝肝飯 鵝肝煎得香脆，油脂滲入飯粒，好惹味🍲 赤麵豉湯 湯底濃厚，配料豐富，為主菜作完美收尾。🍨 焦糖杏仁雪糕 甜品部分絕不馬虎，焦糖味香濃，杏仁碎增添左口感…查看更多

以前係九龍城食過一次，原來而家尖沙咀都開左分店，座位闊落左之外，質素一樣保持到，食得幾開心🍣 鮑魚海膽海葡萄壽司 海膽味道鮮甜，配上爽口既海葡萄，鮑魚爽口彈牙，咬落層次分明🍚 三文魚籽海膽丼 三文魚籽鹹鮮有口感，海膽濃郁，飯粒分明又暖笠笠，好正！海味強烈但唔會膩，拌埋紫菜一齊食更升級！🎁 三文魚籽神秘盒子 上面有滿滿既三文魚子，紫菜裡面包住刺身飯，層次好豐富。🦪 北海道帶子卷配馬糞海膽 帶子本身已經鮮甜，加埋馬糞海膽就甜上加甜，加上一片爽脆既青瓜仲增加左口感。🔥 火灸壽司盛合 原條海鰻同鰻魚焦香味濃；帆立貝鮮味突出；左口魚邊充滿魚油香；赤蝦鮮甜爽口；三文魚同油甘魚火炙過後，入口好甘香，好有溫度嘅壽司盛合。🥩 爆盛慢燒牛肉丼 牛肉薄切介燒出焦香味，香而不膩，醬汁甜中帶鹹，加上蘭王蛋同飯一齊食，真係好滿足…查看更多

香港雖然有好多麻辣火鍋，但唔係間間夠香夠辣夠正宗，呢間火鍋除左鍋底正之外，食物都好有四川風味，而且價錢仲好抵，分分鐘平過返深圳食🔥 至尊窖藏牛油紅鍋 紅鍋香氣四溢，牛油味濃得黎又唔會太膩，辣味層次豐富，入口麻香但又唔會好嗆。🍅 新疆黃蕃茄湯鍋 湯底清新，配搭牛肉同蔬菜都好夾，唔食得辣既就岩哂🐮 小龍坎黑毛肚 黑毛肚入口爽脆，浸一陣湯就即刻吸晒麻辣湯既精華🐮 火山麻辣牛肉 牛肉薄切得夠平均，一路標汗一路食，食得好爽🥩 精品牛胸腹 肥瘦相間，油脂分佈平均，牛味濃郁之餘又唔失彈性。🥩 手切牛小排 肉質嫩滑有咬口，完全唔會柴口🥩 精品封門柳 肉質結實但唔韌，入口有牛脂既香氣🌶️ 椒麻脆舌 牛脷薄切，口感幾爽，麻椒味道幾刺激🩸 牛奶鴨血 鴨血口感好滑，用牛奶浸過令味道更溫潤，仲食到淡淡奶香🍤 四色蝦滑 四色蝦膠賣相吸引，每款都有唔同味道，🐼 熊貓筍 口感爽脆清甜，無論麻辣湯定番茄湯都好夾，食落好清新🐼 熊貓面 造型可愛，麵質彈牙，吸晒湯底嘅精華後更惹味，食得開心又飽肚，小朋友都一定鍾意！…查看更多