沾沾屎的个人专页

今日七個人諗住試新嘢，結果奶嘢，貴夾唔抵，338套餐有八款海鮮好似好抵食，但樣樣得一兩件，份量異常地少，四款指定海鮮每人包括有半隻偏細龍蝦、一隻大元貝，但殼大肉細、一隻正常大小鮑魚、蟶子無比我哋，依家睇番人哋之前post嘅菜單先發現漏咗比我哋，㕑師發板六款海鮮最奶嘢，每人有幾粒蜆、兩件小魷魚、一隻正常象拔蚌仔、一件班片、兩塊小鱔片同埋兩隻蝦係咁多，收338仲要加一，嚟咗兩盤海鮮就話齊曬係咁多，我心諗我哋七人分開七份份量真係好L削，話送刺身但無貨最後變咗送一人一隻什麼壓力蠔，連殻焗，算大隻但個殻有少許異味，食曬海鮮一D飽意都無，最後要散叫，散叫又貴又唔抵，手打四寶丸四粒要48蚊唔好去搶，最後叫咗四粒雲吞，一碟魚皮同兩碟響鈴，一碟安格斯肥牛（好細碟，每片切到又薄又幼，淥完縮埋水每片好似一蚊銀咁大）食完吹下水走人。叫咗啤酒中裝五支、大凍檸茶三杯七個人共3300，每人471，好貴，去其他任食火煱或粥底火煱盛價比仲高又平又多選擇又好味仲一定飽。唔怪得佢個場好大，但全場得幾張枱好冷清。呢間嘢搞廚師發板最奶嘢，餐牌show出嚟有睇頭果D好似北寄貝、貴妃蚌、蟶子皇等一定唔會比你，只會比兩舊仔魷魚，基圍蝦、蜆、薄鳝片果D cheap嘢你，好彩一早我哋話唔要青口，佢哋話無貨，如果唔係我相信一定比青口我哋。…查看更多

我食個簡單嘅早餐啫，肯德基話曬都係大連鎖店但都做唔到，要乜無乜，我叫家鄕雞扒早餐，佢又話無家鄉雞扒，得番燒雞扒，咁我接受啦，跟住同我講無腸仔，叫我轉火腿，基本上個早餐已經比佢哋改到完全唔係我想食果個，無選擇嘅早餐，駛乜幫襯你我之前夜晚都幫襯，都係同一間，因為近酒店方便買外賣，但呢一間D雞比起其他分店炸得特別燶，特別深色，而且得個咸字，食唔到佢話用香料泡製嘅味道，呢間唔掂，都係長沙灣廣場果間味道最好…查看更多

員工服務態度真係好差，我和另外一個女仔在門口等安排入座，個較肥嘅女員工問完我哋幾位之後顧住講電話，再不理我們，而我見到裡面同外面都有空枱，之後又有個新客嚟，裡面較肥嘅眼鏡男員工即刻問佢幾位就即刻帶佢入座，咁我哋嚟先，點解遲來嘅人會有位先，完全無視出面門口等緊位嘅人。個肥女員工繼續講電話，我等咗一陣，見無人理我就走了。我今次無幫襯，以後亦不會幫襯，但可寫下之前的經驗。我今次去只因為在酒店門口，我又肚餓諗住唔駛等，結果裡面有位，但都要你等，仲要無人理。裡面好迫，食物好普通，價錢唔平，一碗火腿通差唔多40蚊，出面食連埋雙旦多士都唔駛40，質素又差唔多，總之又貴服務又差又迫唔知點解D人仲去幫襯。…查看更多

吃了很多次lunch同晚市打邊爐，五色湯底同肥牛超正，念念不忘。依家無左晚市，個個禮拜六食下lunch都好高質。但今天好不開心，間鋪門口無職員，我們便自動量體温先，個女伙計走來叫我地量體溫，我地話量左，點知個女伙計態度語氣超差對住我地話「我睇唔到喎」，真係好差好差，加一服務喎，咁樣對D客，估唔到呢間嘢D服務響疫情下變得咁差，無曬mood食都唔想食, 疫情下不斷支持你，你卻咁樣對我們D 客，出面大把選擇，又平又靚，以後不會再幫襯。…查看更多

呢間嘢都頂癮，早餐要在門口買左飛先，但個收銀永遠無人守住，入面員工顧住送餐都唔理,有個員工出嚟送餐，我就順便問佢你地賣唔賣嘢㗎，佢大聲話叫我等等，之後番去好遠嘅廚房繼續處理佢嘅送餐，最搞笑餐廳裏面都無乜客，仲乜要我等，人人朝早食完早餐趕住返工，見你地無乜人諗住應該會快，但點知偏偏要等，其他附近餐廳人多反而唔駛等，食物ok啦，最好味係明太子牛角包，食過一次，因為次次都無人收錢，每次唔知等幾耐，好難幫襯，但服務真係失敗。…查看更多

呢間嘢朝早完全無冷氣，風都無滴，成三十幾度，又熱又焗，食早餐食到濕灑，個個一邊食一邊pu涼抹汗，坐耐D都會焗到病，見到D人無汗嚟大汗走，真係一間全香港最熱的麥當勞，食物來來去去都係果D，自取形式，無乜服務…查看更多

我們兩人去食晚飯，揀左五樣餸，之後叫個WAITER落ORDER，我講左第一個餸名，正常梗係接住講埋其他餸，個WAITER叫我等等未得，我問佢要等乜，佢話佢未寫好，唔該唔好講住，等佢寫好先再叫，我心諗唔係下化，之後我地每次要等佢寫好先可以叫第二碟餸，（我唔敢問佢寫好未，驚比壓力佢）我覺得好奇怪，我兩個人叫餸有限，就算我連續UP晒5個餸，都唔會咁快唔記得卦！乜依家D後生仔 WAITER記性真係咁差咩？叫完餸我地舒服舒服傾計坐好等食，同一個WAITER又話我地張枱阻住條路出入不方便，叫我地拍張枱埋去另一張枱，由於隔離枱係角凹頭位，拍左埋去入面D人就出唔到來，出入我地都要借比佢，我地話無路出入喎，依家好地地，叫佢諗清楚先係咪真係要拍，佢再諗又係喎，仲要同我地講佢之前諗得好清楚，好似佢無諗錯咁，好，費事同佢拗，唉，之後佢又話驚隔離的田雞窩會倒瀉，為左我地既安全，叫我地坐另一張角凹頭，但我地見到張枱大，個田雞窩又細點會咁易倒瀉，叫佢唔好咁驚青，但佢係都要我地搬枱，咁咪搬囉～其實我想講D客人坐後舒舒服服等食好ENJOY，最憎被受騷擾，既然張枱你覺得有咁大問題，點解仲要放響度安排比客坐，坐落左攪掂好晒又要人搬來搬去，呢間野真係奇怪！環境OK，之前我地張枱冷氣好涼，但由於我地被調到角凹頭位，冷氣吹唔到，加上食麻辣，去熱好辛苦，真後悔被調枱～食物質素高，好味，我同FD都讚不絕口， 田雞煲值得推介～價錢OK，可以接受～服務，麻麻地～衞生OK～…查看更多

好耐都無寫過食評,星期日父親節,入左元朗食飯,屋企人話想打邊爐,於是決定朗屏皇城酒樓任食火窩,但我以後吾會再去.入到去見到個場好大,但檯與檯就好逼,張地氈好臭,耐吾耐就有陣Up味從檯底飄上來,肯定好耐無洗地氈,去汽水機果邊針汽水都有UP味, Ｄ白菜仔有Ｄ黑色一點點,摸落去聞下是臭的,可能係某些昆蟲的冀便,好核突∼湯底等左二十鐘先有,叫了香茜皮旦,但好似清湯香茜碎,無皮旦……我地七點半入座,一行九人,佢話係任食,咁多人一開始梗係叫多Ｄ肥牛,你地都會啦,我地TICK左三碟肥牛,點知佢黎了一碟,得三塊,我地再入單, TICK三碟,又係黎一碟,之後不斷入單,成晚都只黎得三碟肥牛,九個人,除開一人得一塊∼ 你地試過未？ 由我七點半入座開始入紙總數入左十幾張,以下最基本的打邊爐食品一直都無出現：四寶丸,雲吞,魚皮餃,墨魚丸,生魚片,龍蝦丸. 肥牛鱔片八點後沽清, 食左半粒鐘,食極來來去去都係果幾款：豬皮豬紅勝瓜娃娃菜豆腐水魷車仔餸,問侍應佢話無出Ｄ食物一係就賣晒一係就叫我地再入紙,但紙越入多食品就越出越少,邊有任食場咁CHEAP,仲要一百蚊一位,完全吾值囉！諗住食熟食,得番古嚕肉一款,碗仔翅無晒,其他都吾知係乜,因為係吉既,又吾REFILL, 都吾知食乜好最好食係雪糕,咁就慘啦,我地來打邊爐嘛,吾係來食雪糕喎！！！以為我吾會再幫襯呢間酒樓！！！！！…查看更多

試個一星期五日返工都幫襯大家樂的早餐,因為碼頭無乜野食賣,但自從上一次事件,我以後都不再幫襯大家樂！好地地買份外賣早餐,叫了魚柳腸,個收銀次次覆我係魚柳腸,但張單就打魚柳旦,我又趕時間成日遞單到水吧先發覺,咁都算啦,因為忙中有錯好正常,但有一次又係魚柳腸事件,我發覺佢地比錯我,叫佢地換番咁好正常,點知個車尾負責包外賣個姓張個亞姐即刻黑晒口面,話我張單落魚柳旦,我話個收銀成日都落錯單啦,佢更加黑面,好0吾耐煩咁大聲叫”佢要魚柳腸,0吾係旦”,之後幫我PACK 外賣大大力,攪到我鬼咁尷尬, 又0吾係我錯,佢仲乜要發我老脾.攪到我食份早餐都0吾開心,之前佢的態度都好有問題,叫?巴叫客人取外賣都好鬼悔氣,但我都懶得理佢,今次真係忍無可忍先至寫食評！收銀同水吧的服務都好有禮貌,但次次比包外賣的亞姐破壞晒佢地0既努力！！！大家樂,你賣咁多廣告,又裝修得咁靚無非想提升自己的形象,但請你慎重考慮你的員工的服務態度,一個害群之馬足以直接破壞客人對你的印象！！！…查看更多

見到樓下兩位朋友猛讚大煲皇,所以都好放心去試,果然無介紹錯,一食令人回味無窮.叫了一碟細的手切肥牛,$88, 簡直一絕,一定要試,不是普通的本地肥牛,新鮮,入口即溶,份量多,特價豬骨煲$44,抵到爛,豬骨入味,豬骨湯好香濃鮮甜,我飲了兩碗湯,完全吾覺得口渴,我相信是無落味精的,竹笙$16,完整一條條,不是碎濕濕的,西洋菜$16,勁大籃,新鮮~~大枝普通啤酒$10,正常價,加埋其他雜費,兩人食每人都係$105,真係0吾貴,試過你就知話正~~~…查看更多

聽講印度咖喱可以去濕(0吾知係咪真),佐敦咖喱又咁出名,所以我尋晚特登走去試下,睇下恒河好味Ｄ定佢好味Ｄ,點知佢輸恒河成條街。叫了二人餐,咖喱羊同牛腩,D咖喱無驚喜,好淡好稀,肯定一早煮好晒慶住,(恒河是即叫即煮的，又香又濃) , 叫了大辣,但完全0吾辣,我要加好多鹽落Ｄ咖喱度先至有Ｄ味。跟餐送小食,是脆餅,點綠色醬（我估綠咖喱）,ＯＫ啦, 跟餐叫了凍奶茶,味道似紅豆冰的奶水,無茶味,反而跟餐的燒雞就好好味,但我地一心想食咖喱嘛,我諗如果用佢Ｄ咖喱整咖喱蟹,簡直浪費只蟹！！！…查看更多

呢間飯店響我屋企附近,食過兩次,我覺得好差∼∼ 第一次好夜,附近有間正斗豬骨煲,但0吾想食得咁HEAVY, 見呢間野仲開緊門, 諗住經過睇下有乜食,個老闆(我估)叫我地入去坐,話乜都有得食,但見到門口Ｄ打冷野都賣得七七八八,佢話可以炒小菜, 咁咪幫襯下囉,入到去發覺原來都係無乜野食,好多小菜都無,但我地叫小菜時,佢好似好0吾願意咁,(我地諗可能佢要開爐炒,埋怨我地點解0吾叫賣剩的打冷食物) 結果我地叫了以下食物：(1)炒蜆(因蜆不夠,故換了一半聖子)好多沙,0吾新鮮(2)豪仔粥勁少豪,好多沙(3)炒菜心正常Ｄ野0吾新鮮,同埋Ｄ野賣晒好心就關門啦,開到咁夜,仲呃人話乜都有得食,我覺得佢地做生意好0吾老實囉！其實無諗住幫襯第二次,近排見到好多人幫襯佢的打邊爐,咁咪諗住比個機會佢再去試下,點知又係好差！！！叫了以下食物：(1)四寶丸,簡直不知所謂,是凍肉鋪的肉丸同魚蛋,不是手打的,仲要每粒切開一半,望落好似好多咁,實質得八粒(牛丸豬肉丸墨丸魚蛋), 30蚊,0吾好食.(2)手切肥牛,賣118蚊,好細碟,味道OK(3)黑柏葉餐牌標35蚊,落單時佢話要40蚊,話未UPDATE餐牌喎,算,豪比佢,鬼叫中意食,點知來到柏葉是淺灰色的,好UN有怪味(4)唐好拼油墨菜正常,20蚊算抵兩個人食每人125蚊, 咁0既價錢,我去正斗食好過！！！我發誓以後都0吾會再幫襯呢間野！…查看更多

之前食左好多間牛腩,但都無乜覺得好食0吾好食,因為每次都係為左食飽而幫襯,直至同事介紹食中環九記,先發覺原來一碗清湯牛腩可以整得咁出色,自食完九記之後,我再沒有食其他鋪頭的牛腩了,有時仲突登出中環食添！…查看更多

我地通常食宵夜果場,都食了好幾次,D選擇都好多.雖然好夜去,但Ｄ料都好新鮮, 牛肉同牛仔骨勁好味,白色魚（我估係石斑卦）都0吾錯,有蝦有蟹有蜆有聖子都算新鮮,人參湯亦好飲,咖喱蟹同召鹽瀨尿蝦都好野味.男經理好好人,佢認得出我地成日幫襯.我話無帶九折咭.都給我地九折,真係0吾話得…查看更多

食過好多次,因為又平又好味,腩肉不是肥豬肉,不un又好入味,春卷必叫,大條料又夠,味道似浸過湯的炸魚?,配埋豆漿,簡直一絕,最中意落佢地Ｄ辣椒醬,應該是秘製的,出面食0吾到。…查看更多