我哋叫咗人氣拉麵，拉麵味道可以，但服務態度有啲問題。事緣我喺商場買咗個養生壺同枕頭，想簡單食個晚餐就返屋企。我見未食過呢間拉麵，就入去食下。餐廳無需要排隊，見到有兩三張枱是吉的，吧枱亦都是吉的。侍應安排我們坐餐廳中間的其中一張吉枱。坐低後覺得冷氣太大，我哋問可否調個旁邊的吉枱。侍應話冇問題，咁我就連我的東西搬過去隔籬枱。喺我坐唔夠1分鐘，侍應又安排另一對情侶坐我們隔籬。仲要好大聲咁同我講，麻煩你搬開啲嘢去另一邊。喺我搬緊嘢之際，旁邊的情侶就話我的電話放咗喺佢哋枱面。其實我只係放咗喺調味料位置附近，我是否回到小學呢？其實由我開始食到我走的時候，我旁邊那張枱都是吉的，真係有需要安排坐得咁迫嗎？個人嚟講，我唔會再幫襯這間拉麵店。食得有啲唔開心。…查看更多
