ahdap的个人专页

一直想試 Say Cheese，終於有機會夾男朋友陪我食，講明要食意粉，理鬼得佢想食添好運。三點左右到，唔需要等位，環境尚可，小碟印著嚴重折舊小太陽 “22-28 C Sunny”，未知會唔會隨住天氣換上。點了 Brunch Menu 裡 Spaghetti Carbonara 和 Chicken Fettuccini with Truffle Sauce，價錢八九十蚊將軍澳中心都算貴。席間發覺餐廳非常受小朋友歡迎，可能同雪糕作賣點有關係，更具吸引力可能係門口幾筒 Cereal，由唔夠高既小童至發育中既中童行過都忍唔住要扭啲黎食，媽媽見小朋友食得咁過癮，鬧仔同時自己又試下。服務細心，要坐近門口有先問我地介意否，偷聽到廚房話先出雪糕逗小朋友開心，等左一輪黎錯左個九唔搭八列於另一個 menu 既炸魚薯條，侍應都補救得幾快。食物方面，意粉兩碟，沒什影相價值（或請參考lamyeeeee 2018-02-19 食評），Carbonara 唔過咸，有芝士味，但 sauce 太 thin，似乎想煮 al dente 但略略生了一點，Fettuccini 唔掛汁，一個唔留神唔記得左有 truffle 味，雞肉有點鞋，若果定價六十蚊算唔錯。總結，離開時忘記了試 Cereal，有點可惜。…查看更多

U magazine見到有蟹粉蝦多士，特登夾男朋友搭車去試。去到發現幾特別，一片中國特色呃鬼佬格局，正正似北美 target 鬼佬嘅中國餐館咁，事實上過半客人都係外國人，空間感夠坐得幾舒服 ，燈光偏暗。最痛苦係叫食物過程校率極低，點心紙有價錢無圖，另外有一本餸菜圖有圖無價錢，號碼唔順序，有圖又未必有得點，加上餸菜中文叫奇奇怪怪，反而睇英文先知點煮，e.g. 牛高碼大骨 = 24 hours sous-vide US bone-in short ribs，附近幾枱客都同樣好似 open book exam 咁揭來揭去揭到頭都暈。員工服務非常好，可能因上述原因對菜色都很熟悉，加茶注意度媲美酒店，鐵觀音茶味還好。被員工多次推介片皮鴨，男朋友嚷著要食，但明明係去食蟹粉龍蝦，當然唔理佢。 食物擺放精緻，蝦幾爽，蟹粉夠味，龍蝦熟度適中，但全部都好油膩。總結，呃鬼佬格局，食物唔錯，價錢偏貴，兩個小食加一個飯已經５百幾蚊，茶錢近廿蚊位但都只有普洱香片壽眉鐵觀音選擇。…查看更多

星期五8:15pm入座，竟只淨低 Chicken Burger, Pasta 同一款 Risotto 未賣完，問題在於我地企門口呆等半小時多，帶位貌似 Manager 的從未提及 menu 上大部份已沽清，諗好哂食咩被呃左入去坐先從侍應口中得知，無理由到另一間再排過隊，焗住要再諗過。餐廳明明好多空間，二人枱卻安排到一張貼一張，夾在中間不太自在。男女侍應除帶位那一位之外都態度親切有禮，可惜叫完兩個 Pasta 又是呆等半小時，眼見厨房出了十幾廿個 Chicken Burger，都快要睡著忍唔住催一催才有得食。Pasta 方面，Prawn Linguine presentation ok，軟硬 al dente，味道偏咸，Chili 太重手，雪蝦無味，份量適中。carbonara 的煙肉也挺重口味，但意粉配上蛋都不錯。另外 menu 有點 Pizza Express 影子，但中英名稱奇奇怪怪，未知是否餐廳融入港式特色一部份。有一個角落讓小朋友玩樂，應該是餐廳 target 附近新家庭特色一部份。總結，想試的無機會食，Pasta 正常，有 Main 買一送一 offer 還可以接受。…查看更多

早知就應該上黎睇左食評先!!一入到去,,唔係好多人,,但係已經見到D waitress黑口黑面,,根本無服務可言一坐低,,見到個waitress係度話隔離枱個男人,,雖然聽唔明佢講咩,,但見到個男人個樣好無辜,,叫左個雙皮奶,,本身好鐘意食香港個間諗住澳門的會滑D好味D,,所以黎試下,,但點知一上,,好似其他食評咁講,,雙皮奶根本無雙皮!! 咁做咩叫雙皮奶!! 連單皮都無!! 不如改名叫做無皮奶啦!! 貨不對辦!!再試,,係熱,,但無香港的咁熱,,味道麻麻,,唔會再有下次嬲得滯無映到相…查看更多

名牌效應點解佢D野咁細碗但可以賣到咁貴,,都幾多人等位,,等左一陣,,帶左我地上2樓,,要搭檯,,雖然我唔介意搭檯,,但點解唔問一問/話一話俾我地知先呢..兩個人叫左個蝦子撈麵同水蟹粥第一次蝦子撈麵,,食味道一般,,唔覺得有咩咁特別,,真係好細碗,,得一隻手咁大,,仲要賣30幾蚊而家粥同蟹分開煲 佢地D味好似好分開咁,,粥就得粥味,,蟹得好少好少肉.. 又係好細碗,,50幾蚊如果佢地減一半價我就覺得OK,,90幾蚊得兩碗咁細,,又唔係特別既野,,我真係覺得好唔抵食…查看更多