cyjenny的个人专页

今時今日$30食到一個什扒餐而味道又OK嘅，真係冇得投訴多謝旅發局優惠！店內有位女職員，態度非常好和熱心，見到我一個女士不知如何入手切份雜扒，主動問我需唔需要比隻碟我分開切啲扒，由於我嘅食量唔多，最後我只係食咗一件豬扒同條腸仔，其餘就要拎走，職員亦好熱心問，係咪啲嘢唔好食，點解食咁少，要讚…查看更多

上星期撳到旅發局優惠，食滿$200減$160 ，以為撳到優惠，好抵食，點知…….. 午飯時間入到去，好多吉枱，已經心知不妙，一個人，諗住叫碟薑汁炒芥蘭加個淨雲吞水餃，叫多杯豆漿，啱啱好$200！薑汁炒芥蘭叫價$115，但上枱時碟芥蘭就同平時油菜碟芥蘭冇乜分別，只不過落油炒咗兩下，冇薑味，好多油，比普通油菜大碟！如果唔係用優惠，我應該會即刻叫佢拎走！雲吞水餃不過不失，但唔明點解會係米芝蓮，出邊大把選擇而又好食過佢難怪旅發局送$160，咁大隻蛤乸隨街跳…查看更多

有Accor Plus會員諗住試新酒店午餐，兩個人半價，但個人對酒店服務絕對係失望食物選擇：去之前已經知道只有三個Bento選擇食物質素：叫咗Bento 2, 湯/沙律和麵包普通，主菜牛扒，一個字韌，落單時又唔會問你牛扒要幾成熟 Bento跟炸物，完全食唔出係乜，配菜條紅蘿蔔唔新鮮有怪味，可讚嘅係八爪魚沙律，有鮮味！連杯咖啡都係苦 (可能我飲唔慣啦！）環境：環境係舒適的，和風設計，枱與枱之間有距離，唔會覺得好侷促服務質素：有好大嘅改善空間！我哋入到門口，完全冇人理，有侍應見到我哋企喺度，都寧願繼續鋪枱，唔過嚟問幾位，當時餐廳只有三枱客， 侍應多過客，我們一行四人，坐低後，水只斟兩杯度，要提先再斟兩杯，甜品又係，只上兩份，然後又話廚房漏咗到埋單，攞咗你張卡10分鐘，都冇人攞返張單嚟簽，原來張單擺咗喺櫃檯，冇人處理大家都好似唔願意做嘢咁！返到公司，發現佢哋都冇入會員號碼，咁點樣儲分呢，打返去問，佢仲同我講積分要兩三日後先會反映出嚟，佢哋已經影低我個會員號碼，然後我答佢，你張單上面冇會員號碼，你哋從來都冇影低過我張會員卡，然後先叫我重新提供會員號碼，開頭坐底，侍應or經理仲講集團要求幾嚴謹，一餐飯後發覺，佢哋其實非常馬虎總括嚟講，大家都係Hea做！…查看更多

星期六到大坑走走，見到一間傳統小店，聽說在深水埗已開了40年，剛搬到大坑兩個月，老闆剛剛煮好新鮮魚翅，好香呀，忍唔住買咗一碗返屋企！返屋企簡單煮返熱，就可以食，足料又唔太濃味，高湯清甜回頭率高…查看更多

朋友見到食評對這小店大贊，所以揀選這間小店為我慶祝生日，第一次試串燒Omakase, 大家都滿心期待，誰不知係一次慘痛嘅經歷店舖不大，全晚只有三枱，包括吧枱六人（相信其中一名食客係熟客或店舖股東之一），全晚高聲呼叫，我們一行三人根本聽唔到大家講嘢，隔離枱一對情侶，都睇得出佢哋非常不滿，不停咁問仲有啲咩未上，食完即走，感覺如置身大排檔最恐怖嘅係，疫情嚴峻，侍應竟然拉低咗口罩上菜，嗰刻真係O咗嘴食物方便，全晚最有印象嘅應該係燒蟹腳其餘食物質素，確實係一般沙律三款前菜六款串燒 （包括蟹腳）燒鰻魚唔夠乾身，豬頸肉太韌，溫泉蛋蛋黃不太流心，好難混合與免字雞肉一齊食，燒牛脷嘅醬汁，混入左麻辣，係香口嘅兩片烏冬甜品男士們應該唔係好夠食！如飲sake, 還是點支裝好，house sake 朋友飲完有啲頭痛總括來講，平均$1100位，可以有好多選擇…查看更多

星期五午飯時間去米線陣買了一碗米線外賣，我一向都好鍾意佢哋嘅酸辣湯底同蕃茄麻辣湯底，但係琴日真係令我驚嚇，食到三份一嘅時候，發現肥牛黏住好大嚿保鮮紙，見到咁嘅情況即刻冇晒胃口，我即刻影低send咗去米線陣FB投訴，點知發現佢哋已讀不回完全不負責任！係人都知塑膠預熱會產生治癌物質，處理食物時咁唔小心，仲要咁大舊保鮮紙都可以放落去，見到投訴又唔回覆，咁大間飲食集團點解可以對食客咁不負責任！大家下次食嘢真係要小心啲，睇清楚，先放落口！…查看更多

諗住試吓新開台式便當，點知買完發現中伏:(一等就等咗45分鐘，一個鐘頭lunch，等外賣等咗45分鐘，返到公司得返10分鐘食飯，食茶餐廳冇咁嬲買得便當就係諗住快，點知仲耐過食茶餐廳，一路等就一路爆粗最頂癮嘅係，佢啲嘢完全唔需要煮，全部都係現成，只係需要放入個盒外賣，連埋收銀員，總共有五個店員，但都可以咁耐，呢啲真係冇下次！呢句說話，排係我前邊嘅人都講咗唔少！至於味道，唔會話佢難食，普普通通，但絕對唔係好食！如果想試，真係好多時間先好去買…查看更多

兩星期前來了一次，今日原班一馬再來為同事慶生雖然menu一樣，但七月多咗個恒生信用卡優惠，用恒生信用卡付款會送多一杯香檳依舊，我們揀了short testing menu, 由於同事生日，餐廳安排menu上寫上happy birthday, 再叫主廚簽名，再送上小小一件蛋糕作心意由於上次食嘅鱈魚感覺同個汁唔係太配，今次餐廳亦換了snapper,魚味比較濃，配上用魚骨煮成嘅汁，好味另外餐廳返咗澳洲黑松露，所以特別加上烤蔬菜上，黑松露香氣四溢不得不讚餐廳嘅牛油同麵包，話係麵包質感好似muffin, 牛油亦是自家製，真心好食！雞，皮香肉嫩，醬汁用焦糖化的蜜糖芥末醬，加上一片青菜同白蘿蔔，感覺不太膩.…查看更多

人龍茶餐廳，一般都要排隊，誇張到要排去對面馬路，見到條隊都卻步今日經過唔洗排隊，二話不說去試下！點咗d人氣小食，同大家分享下：凍檸茶 - 傳統茶記沖嘅檸檬茶，一飲就感覺到同普通連鎖快餐店不一樣，檸檬茶粉絲要試呀！紅豆鴛鴦 - 大大杯，好多紅豆，正火腿小奄列 - 小奄列，應該叫大奄列先啱不過個人覺得，唔落豉油好味啲，因為豉油個味道同個奄列唔係好夾豉油王雞翼 - 雞翼好入味，難怪咁多人食鹹牛肉蛋治 - 餡料大份過麵包，份蛋厚到呢，食完飽晒…查看更多

同事介紹左一間銅鑼灣上樓私房菜，雖然地方細細但菜式卻是出色！下次會試椒鹽奄仔蟹！介紹一下我食咗d乜荔枝柴茶熏雞 推介 茶熏味濃，皮脆肉嫩山楂茶真材實料煲，唔太甜帶點酸，好適合夏天飲消暑，仲可以飲到山楂渣反沙芋 - 依家唔係度度都食得到梅菜蒸菜心 蠔仔雞蛋仔 - 特色菜，打卡好，每一粒都有只蠔仔，但味道一般冰鎮鮑魚 - 夠大隻又爽口 櫻花蝦海鮮炒飯 - 一定要試，好鮮味，蝦同元貝都超新鮮 燜魚腩 - 平時要訂先有，今日咁啱燜咗兩煲，好入味…查看更多

冇諗過女人街裡面會有一間不錯的小店！見到網上介紹，抱著一試無防嘅心態便同友人試一試！仲可以OpenRice 訂坐真方便！不過黑仔事件簿，坐低先知其中一部冷氣壞咗，真係熱到冇朋友加上外面有人排隊，食完店員就馬上遞單我哋埋單（有禮貌地）咁只好埋單走人，如果想坐耐d,這裡可能唔太適合！至於食物，除咗個湯比較麻麻地，大致上係幾好食嘅蘋果合桃藜麥沙律好清新,尤其是個汁,食落有好fresh嘅感覺！辣味乾番茄大蝦扁意粉小小辣好惹味豬鞍配黑醋蘋果醬味道啱啱好加上紫薯蓉，唔錯荔枝紅茶大大杯不太甜黑松露湯 & 餐包 （送的）湯感覺怪怪的，味道:(，既然係送，咁唔好咁好要求啦！…查看更多

早前旋風式襲港，日日大排長龍！人人大讚日本梅丘壽司幾咁出色，大家幾咁期待去試！今晚八點左右，唔係洗排隊兼仲有大把吉枱大概熱潮已過，咁就去試下啦！個人覺得檔次同味道跟千両差不多，但卻比千両貴，這性價比相對低！最深刻的是蝦壽司，蝦頭有蝦膏而唔惺，係香甜的，所以好新鮮平成卷 - 海膽有海膽味但紫菜好香，如果點海膽軍艦叫價$88一件，真係有點兒那過紫菜湯 - 算比較足料，味道一般雙球雪糕 - 綠茶味道OK，但雪得太硬，提議放一陣先食，唔係牙都軟埋…查看更多

兩個吃貨聚在一起，當然要食好d, 諗住試新野！一直想試大官廳，個名好有氣派但兩個人食得唔多，所以揀咗tasting menu! 一品頂戴 - 個名好勁，但味道普通，食材亦是普通，食完已經有d飽肚！燉響螺湯 - 味道鮮甜焗釀鮮蟹殼 - 蟹肉係多，但味道有d似去飲宴嘅感覺山葵脆蝦球 - 蝦球彈牙，山葵味濃，感覺普通大官烤鴨 - 真係普通烤鴨囉，不過多咗d配料三絲扒波菜 - 波菜幾爽口，配上鮑魚絲，花膠絲同海參絲，感覺上名貴咗金腿瑤柱蛋白炒飯 - 飯炒得幾香，但食到最尾已經好飽，所以食唔晒甜品蛋白杏仁茶 - 咪就係一碗蛋白杏仁茶囉！總體來講性價比低，只屬中檔次中菜，冇乜特色！但沒料到用餐期間，旁邊的牆上出現兩隻小小強，馬上叫人來處理如果$1000位，可以好多選擇！…查看更多

今天見到FB話銅鑼灣開咗永年士多，所以即刻去試試，冇諗過咁乾淨企理，以為係傳統車仔麵店！魚旦用咗我最愛嘅陳皮魚旦，蘿蔔夠淋夠入味，粗麵夠爽口仲有特飲，我點左紅豆奶茶冰同埋綠茶紅豆冰，兩個味道都唔錯…查看更多

之前睇Magazine 介紹花膠車仔麵，堅持唔落味精，一直想試佢嘅鮑汁炆花膠，今日終於一嚐滋味名不虛傳，真係要讚一個！$12食大過手掌嘅花膠，價錢簡直實惠兼親民佢哋手打墨魚餅，又香又彈牙，亦係值得推薦！ 反而秘製豬頸肉有d太腍，口感一般，非一般食開嘅豬頸肉蘿蔔OK夠甜！ 酸齋如果分開上，就唔會被湯浸到腍晒，咁會再好味d，配上甜醬，味道還不錯！湯底選了麻辣湯中辣，味道香口食完麻辣後都唔會太口喝，相信冇落味精是真的…查看更多