陳健的个人专页

太太偶然在附近下班，在沒有心水選擇下我們進入了“青越亭”...大約晚上9時，餐廳仍然有8乘顧客也算不錯。看過餐牌我們點了兩度菜，分別係“三寶撈檬”及“芝士海鮮冬陰功焗金磚”先介紹“三寶撈檬”，三寶分別係雞翼,豬扒,扎肉，雖然撈檬係凍食，但我無預期雞翼同豬扒都係低於人體溫度，豬扒約有1cm厚度，正嘛??但料不到那是份子料理，外貌是豬扒但實質是樹皮，我係一個盡可能都唔想浪漫食物嘅人，最後有勞大小臼齒們將樹皮磨漿吞掉，檬粉也很能襯托街外細雨，盡是是綿綿細碎。再嚟係後上“芝士海鮮冬陰功焗金磚”，如果前者是份子料理，那這一道就是恐怖份子料理，在點菜時我承認我有兩處疏忽，首先不應盡信餐牌照片，其次，好地地食越南菜就點乜春嘢咩冬陰功咩焗芝士丫，侍應一擺上枱，完全與相片不乎，我爭啲忍唔住叫媽咪!!!我明明要小姐你突然畀男人我?!但基本太太就坐對面，我不能過份暴露我人生閱歷，所以這度氣我嚥得下，所謂嘅“芝士海鮮冬陰功焗金磚”，係將一個大包頂掏空，調色師精調出一種粉橙色無味芡汁，我敢講，受過正式訓練嘅特工都未必食得出冬陰功味，更何況我一介草民，而被粉橙油浸住嘅有蝦,蛤各二同魷魚粒，蝦,蛤入口一咬竟然流出用嚟烚蝦烚蛤嘅嗰啖水，蝦嗰啖重要係有雪味嘅水，而處於高層嘅水牛芝士碎，根本無焗過，硬身含雪味!!!!對不起所有食材，呢個組合食唔到一半。全單要港幣165元正，天呀!!!如果可以畀我喺呢個價錢上加一個小數點，我會放喺1前面，倘若為停售呢兩度菜上加一期限我希望係一萬年!!!!…查看更多

獨自路過附近，本想找間cafe坐下，碰巧經過"富山麵包店"，見門口凍櫃粟子撻頗新鮮，(因為如果放得耐粟子蓉表面會變乾)，於是貪吃買了一個，誰知味道比集團連鎖的要好，粟子蓉不會太忌廉，口感帶粗有真實感，撻皮夠脆，還只售$4.5，最後買左半打回家…查看更多

一直都喜歡食上海菜，但就未遇到一間令我翻啅嘅衝動，昨日抱住一試心態光顧"三分俗氣"。店舖裝修簡單但感覺衛生，餐牌選擇多都啱人多去食，當晚點了六道，均水準或以上 : 酸辣湯 ; 酸辣比例適中，重要係食完唔口渴。擔擔麵 ; 麵質爽滑，湯厚味濃，但帶麻辣，未必人人啱。醉雞 ; 入味，雞皮爽，肉滑。手爪餅 ; 好夠酥，入口有多重口感。素菜包 ; 料很滿，素菜料切得好細口感棉滑。南瓜餅 ; 想像係煙韌，但實物較粉較實，唔係話差，但非我愛口感。全單$210有找，很滿意…查看更多

當晚點左一客冬陰功，一客咖喱海鮮農夫包及蛋包金邊粉，三個菜加起來嘅海鮮包括有蝦，青口，魷魚，魚塊，全部都係雪藏貨，冬陰功上枱唔夠熱，蝦肉"煤"，咖哩包無咖哩味，海鮮除青口無炸過外，所有都炸過"隆"，金邊粉配料唔得，唯味道尚可，完。…查看更多