呀瑩的个人专页

同男朋友去完西九海濱長廊就去左佐敦搵野食，路過條街有間新開既墨西哥菜，見入面裝修比隔離果間一樣係墨西哥菜既靚同menu較吸引我就話入呢間，起初男朋友都有點猶豫因爲佢麻麻地墨西哥菜，但最尾覺得冇入去真係會勁後悔🥰。入到去侍應都好nice,會介紹我地食邊d比較多人鐘意order既菜，亦同我地講佢地11月頭先岩岩開張，而家先開左第二個禮拜，同埋一坐佐會送上墨西哥片比每枱客，之後我地諗諗下都點左佢介紹既豬脊扒同芝士夾餅。其實佢夾餅有幾隻，部份可以揀豬/牛/雞/素，而我覺得芝士係普遍香港人都一定岩既，所以揀左芝士！🤤上菜都算快，黎到個賣相都幾吸引，而且好香，個豬脊扒好juicy好多肉汁，配菜既薯泥同有隻酸酸地既蓉都好好食，睇得出廚師好有心機煮，而且價錢唔貴cp值好高！而個芝士夾餅好有驚喜，入面餡料好多，又多汁一d 都唔乾真真，而且佢配左3隻醬（芝士、牛油果醬同墨西哥片果隻醬），男朋友平時唔食牛油果但佢對呢隻牛油果醬愛不釋手，侍應話佢地用近鮮牛油果整，得我地都同侍應講我地對呢餐好滿意真係好好食充滿驚喜！🥳🥳🥳下次想帶成班朋友黎食，我想上晒佢其他既菜！都推薦大家試下呢間新開cp值高又正既餐廳💁🏻‍♀️…查看更多

男朋友生日既難題係佢想食上湯龍蝦伊麵，但出面油樓同餐廳既都係波士頓而唔係龍蝦，好開心係食到呢餐好好食又有龍蝦又唔係貴既私房菜👍🏻，食完同男朋友都好滿足！預約日子前老闆會send 手寫菜單比你過目，因為事前要求想食上湯龍蝦伊麵，所以老闆會加埋入菜單到，你ok老闆就會依菜單當日出菜😚！環境雖然似大排檔，但見到黎既都係熟客，而且要預約但當日平日都滿晒場。食物方面真係色香味俱全，而且份量都多，我地兩個人都勉勉強強先清到晒。上湯龍蝦伊麵有一隻龍蝦開邊，伊麵多汁好食，龍蝦亦好鮮甜；胡椒豬肚湯亦好好飲，佢既湯渣都會上埋比你，份量都幾多；椒鹽炒鮮魷亦好爽，唔會似太油淋淋或者太un；蒜蓉蒜蟶子一上枱已好香蒜蓉味，食落亦好鮮甜同重蒜味，一個字正！同男朋友食完都一路行一路回味，下次想試下同成班朋友黎食！中菜都係一班人食開心點😊…查看更多

個哥哥好NICED生果好多D YOGURT好滑又唔係好甜...好好味=]]好鍾意食果隻好似雪糕又唔係雪糕既感覺岩岩開果陣食過幾次但之前太凍又冇食一排今日食番搭車果陣好想番轉頭食多杯^^今次加左士多啤梨,奇異果同埋好似燸米咁粉粉地既粒粒撈埋D粉口感好好夏天會去食多D =]]…查看更多