FL食家的个人专页

本人懷着開心愉快嘅心情到此餐廳食lunch。估唔到喺圓方都可以咁樣嘅質素，又貴又難食，叫咗個生牛湯檬, 嚟到原來係米線, 不是檬粉！同埋杯海鹽咖啡苦過廿四味。唔會再幫襯。Thanks for ruining my day!…查看更多

入座起等左半個鐘都未有野食，本身勁肚餓，所以呢間餐廳只適合一啲唔肚餓，有時間等既客人光顧。食物方便一般，未食過一間拉麵嘅叉燒咁多筋。樓面方便，佢有比一壺水，但係冇俾杯，要問佢先俾。唔會再嚟幫襯！…查看更多

本身諗住除夕夜食好西，去咗一間望落幾靚嘅日本餐廳，點知中伏，叫左個西京燒銀雪魚，嚟到變咗舊碳，我叫經理過嚟，之後有個侍應過嚟了解，我話你望吓碟嘢，佢話係正常嘅，我同佢講我人生唔係第一次食西京燒銀雪魚，但係我係第一次見到咁樣嘅西京燒銀雪魚令我好surprise。佢先肯拎返入廚房換過碟…..其他食物都好難食，個烏冬冇味，牛油果忌廉焗蟹肉估唔到係苦嘅，極度失望！結論係：唔會再幫襯囉！唔會再幫襯囉！唔會再幫襯囉！請廣傳！…查看更多

呢間餐廳由朝早到夜晚都係排長龍，我經常一個人食，唔明點解餐廳裏面有咁多空位，我一個人佢都要我排隊。每次起碼排半個鐘！仲有到晚飯時段八九點，佢就會話食物沽清，好心入多少少貨，本身關十點，但八九點就已經話食物沽清，呢個現象已經係持續左好耐，唔係一時三刻！佢要有排長龍，玩飢餓營銷，羊群效應，居心叵測！…查看更多

上網見到推介，满懷希望去食下，點知就後悔了，一入門口就見到d員工黑口黑面，舉手舉左十分鐘示意落單，當我透明，到我開口叫落單，個老板晦氣地回應等下先，我明白可能佢好好生意，少一個顧客都吾介意，但做服務業，吾係甘囉，服務態度極之惡劣！野食方面，味道一般！衞生情況差，地方陝窄，不如改裝做立食吧啦！跟住又見到有個客等外賣，佢話等左十五分鐘，之後個老板竟然鬧個客話唔知佢等緊，但我眼見佢顧著同人打牙較！我後面枱客等野食等左半個鐘，佢都算有耐性，但佢最後選擇唔等，一肚火。真心希望佢快d執笠！…查看更多