stephanielam18的个人专页

朋友今日帶我黎呢間餐廳，話可以生蠔任食，除咗生蠔仲有沙律，主菜，意粉，甜品，都幾抵食。Parma Ham沙律Parma Ham食落好香口，咸香味適中，包埋沙律菜喺入面，好fresh。甘旬忌廉湯甘旬味好濃郁，好creamy,好滑，個蒜蓉多士烘得好脆口，用黎點湯食一流。呢3款蠔嘅size都幾大隻，每隻都好新鮮，係即開即食。日本宮城生蠔,食落比較爽口澳洲哥芬灣生蠔，食落好重海水味，好重蠔味法國諾曼第生蠔，食落好creamy，但都幾爽口黃油蟹粉手工意粉意粉嘅質地非常爽彈，煮到啱啱好，呢個意粉嘅黃油蟹粉非常足料 ，勁多蟹粉，每條麵都沾滿晒蟹粉，蟹粉都好鮮味，勁滿足。香煎比目魚扒配香草忌廉檸檬汁魚嘅外皮煎得好香口，焦焦脆脆，魚肉食落好軟滑，完全唔腥，個醬汁有少少檸檬嘅酸味，同魚扒好夾。黑碑極黑安格斯牛助骨牛肋骨嘅牛味好重，食落肉質幾嫩，完全唔柴。今日甜品係巴斯克蛋糕，食落芝士味好重，唔算太甜，味道啱啱好。個餐包咗每人一杯紅酒同白酒，飲落好順喉，好易入口，唔錯。店員話8：30後入座仲可以任飲紅白酒，非常抵食。…查看更多

今日同朋友去中環chill一chill，見到呢間有串燒食嘅酒吧，都幾有氣氛，佢地串燒同酒嘅款式都幾多，價錢唔會太貴，就去試一試。呢款人氣豚肉組合都幾抵食極品即燒乳豬，呢個乳豬真係好正，豬皮勁脆，d肉好juicy,燒得啱啱好。除咗荔枝豚肉卷，椒聽日本黑豚仲有炭燒豬頸肉，真心抵仲有呢款人氣雞肉組合有招牌雞皮墨魚滑，雞皮好脆，墨魚滑夠爽彈，mix埋一齊幾好食。另外芝士雞肉串，雞肉軟骨棒同蜜糖雞翼，每款都好好味。招牌茄子燒茄子勁淋滑，加上大量蒜，好惹味。炸大八爪魚足份量都幾多，炸到外面脆卜卜，而入面d八爪魚完全唔韌，好惹味。黑松露烤蝦多士呢款都幾有特色，黑松露好香，加上蝦膠爽彈鮮味，好夾。招牌無骨自鱔串白鱔都好厚肉，食落好爽口，個皮勁Q彈，好新鮮。香蔥燒蟶子王都幾大隻，內質好彈牙爽口，味道好鮮甜，燒得啱啱好，冇overcook，唔會韌。我地叫咗勁多串燒，每款都好正，燒得啱啱好，食到停唔到口。食串燒唔少得叫酒飲，我就叫咗Vodka Lime，飲落有淡淡嘅檸檬香味，唔錯。…查看更多

今日經過旺角，見到呢間新開嘅越南餐廳，裝修得幾有越南風情，睇吓餐牌，d食物種類都幾多，價錢都唔貴，所以入去試吓。手打蝦餅(大)炸餅外皮炸得好香脆，唔會太油膩，蝦餅非常爽口彈牙，點埋雞醬食一流。地道越式炸香卷啱啱炸起，熱辣辣，外面好鬆脆，入面涵料非常足料，唔錯。豬扒炒金邊粉份量都幾多，豬排好嫩，一d都唔柴，金邊粉炒得有鑊氣好乾身， 唔會太油膩。越式香茅雞翼撈檬粉雞翼好重香茅味，幾香口，雞肉好juicy,檬粉好彈牙，個粉酸酸甜甜，好開胃。鮮世果沙冰應該係用真果肉打成沙冰，好香芒果味，唔會太甜，上面仲有芒果果肉，正。…查看更多

Fish & Chips有2塊炸魚，外皮炸得勁脆，入面魚肉好嫩滑，好有鮮味，d薯條炸得好香脆，外脆內軟，食到停唔到口。Iron Grilled Flank Steak牛排叫咗7成熟，煎得啱啱好,完全冇overcook,食落牛味好重，肉質都幾嫩，芒果梳打非常夠汽，飲落好爽，好香芒果香味，唔錯。Hojicha Pancake焙茶味嘅班戟都好少食到，估唔到呢度嘅焙茶味非常濃郁，好香茶味，個焙茶cream好滑，好creamy，上面仲有朱古力脆粒增加口感，仲有煙煙韌韌嘅黑糖蔗餅，增添日式風味。…查看更多

煎韭菜餃每隻都煎到金黃色，脆卜卜，外面香脆，入面d涵勁juicy,菜同肉嘅比例啱啱好，唔錯。辣醬爆雞排炒麵個麵炒到勁有鑊氣，唔會太油膩，味道唔會太咸，雞排都好嫩滑，醃得幾好味。酸辣小鍋米線我就選擇咗小辣，唔算太辣，小鍋湯底都有芽菜，酸菜，韭菜等配菜，呢度d酸菜都幾好食，好爽口，酸酸地幾開胃，米線好淋滑，豬排係分開上，豬排炸到脆卜卜，完全唔韌，唔會柴，食落都幾多肉汁，豬大腸清得好乾淨，個外皮食落脆脆地，應該係炸過嘅豬大腸，滷得好入味，幾正。涷檸樂檸茶夠酸，一d苦味都冇，加埋可樂，好爽。…查看更多

口水雞原隻大雞脾，份量都幾多，佢地嘅口水醬汁好香好惹味，唔算太辣，味道麻麻辣辣，夠晒香口，雞脾肉都好嫩清。豬大腸乾撈麵呢度d麵份量真係好多，好抵食，豬大腸都好多，豬大腸滷得好入味，清洗得好乾淨，而麵條都淋滑，吸收晒d醬汁，幾好味。炸豬手酸辣湯底薯粉豬手炸到外皮脆脆地，上面加埋孜然粉，夠晒惹味，食落勁多骨膠原，而薯粉煙煙韌韌，口感十足。招牌蒸餃餃子size都幾大隻，包得同平時果d餃子外型唔同，都幾特別，蒸餃隻隻都好飽滿，入面d涵都好juicy,粒粒都脹卜卜。…查看更多

今日週年紀念，緊係要食好d啦，老公book咗呢間鐵板燒，佢地餐廳款式都幾多，我地就簡咗極品海膽和牛龍蝦（十品），每道菜都好出色，款式好特別。墨西哥海膽玉子豆腐個豆腐好滑，加上好鮮味嘅海膽同三文魚子，mix埋一齊個味道好夾。魚子醬煙燻三文魚有機沙律菜卷沙律菜點佢地嘅黑醋汁，呢個沙律好開胃，加埋煙三文魚嘅咸香味，唔錯。法式鵝肝涷鵝肝好滑，好香鵝肝味，加上面嘅cream滑上加滑，而個菠蘿醬酸酸甜甜，令到成個菜變得幾特別。燒法國蠔皇隻蠔size都幾大隻，燒得啱啱好，隻蠔脹卜卜好鮮味，加埋d蒜好惹味。花膠燉湯個湯底係麵豉湯底，但比一般麵豉湯鮮甜，花膠好淋滑，有口感。北海道海膽燒半熟帶子帶子完全冇overcook,仲好嫩滑，上面加咗海膽醬去燒，所以可以增加鮮味。紫海膽燒慢煮溏心鮑魚鮑魚真係好入味，一d都唔韌，真係做到溏心效果。秘製海膽醬燒澳洲龍蝦龍蝦非常新鮮，肉質好彈牙，加埋海膽醬一齊燒，多咗份回甘味。澳洲海膽炒極品松本A5和牛和牛入面夾住勁多海膽，食落每啖都好豐富，和牛肉味勁重，好嫩滑，海膽勁鮮味。加拿大海膽和牛脂黑松露炒飯師傅勁有心機炒呢個飯，炒完之前仲加咗大量三文魚子同飛魚子，仲有蝦同海膽，所以個飯食落口感勁豐富，好好味。柚子海膽雪芭原來海膽同甜品都幾夾，柚子雪芭酸酸甜甜，好fresh,加埋黑糖同紅豆爆珠，唔算太甜，好正。…查看更多

今日黎沙田行街，新城市廣場都幾多野食，行過見到呢間專食日本產黑毛和牛，見到餐牌都幾吸引，一於入去試吓。佢地嘅set都幾多款式，都有1人餐可以選擇，我就選擇咗壽喜燒定食，d牛上枱真係勁靚，呢3片牛都幾大塊，份量一個人啱啱好，d雪花紋好靚，非常肥美，脂肪分佈好均勻，放落加咗甜甜地嘅壽喜燒汁入面煎一煎就食得，食落非常淋滑，好重牛味，入口即溶，而飯係珍珠米，煙煙韌韌，配牛一齊食，壽喜燒汁煮一煮d洋蔥同菇，味道都好正。…查看更多

今晚約咗朋友去尖沙咀食dinner，佢就帶我黎呢間韓國人主理，係香港第一間韓式炸雞店，佢話之前食過好好食，當然要去試吓啦，因為我地得2個人，所以叫咗2款菜式。原味無骨炸雞我最鍾意食原味，因為食落個皮係最脆，佢地嘅炸皮唔會太厚，非常脆口，調味都好惹味，而入面d雞肉好juicy,唔會柴，啖啖肉，食到停唔到口。鐵板燒牛仔骨呢度牛仔骨份量都唔少，牛仔骨食落有少少甜口，好有韓式風味，牛仔骨肉質都好嫩，外面有少少焦香感覺，非常香口。食炸雞緊係唔少得有汽飲品啦，一路食炸雞一路飲可樂，非常爽。…查看更多

同朋友下午茶去尖沙咀呢間cafe,都幾大間，裝修得都幾grand,入面好多梳化位，坐得都非常舒服，呢度都幾多款式嘅麵包同飲品選擇。Turkey ham & cheese croissant牛肉包烘得好脆，好鬆化，入面Turkey ham同芝士配搭得幾好。Roasted Beef Sandwich涵料好豐富有燒牛肉，甜紅椒，芝士，沙律菜等，燒牛肉都幾嫩，而個麵包外層都幾脆，入面軟淋淋。Pistachio Latte店員推介比我地，好香濃嘅咖啡香味，但都飲到有開心果味，加埋香滑嘅牛奶，好creamy。Mango Smoothie涷冰冰嘅沙冰，最啱咁熱嘅天氣飲，飲落沙冰好軟滑，芒果味好濃。…查看更多

今日喺奧海城食完飯，行過見到呢間糖水鋪，見到餐牌款式幾多，有幾個大subject,包括撈，燉，冰，糊，我地叫咗2涷一熱試吓。榴蓮飄香上面一大舊榴槤果肉，好香甜，雪到涷冰冰，入面仲有透明嘅冰粉，增加口感，正。特純榴蓮冰呢款都係一樣有一大舊榴槤肉，勁香，仲有大量爽爽地嘅爆珠同椰果，下面仲有似雪糕嘅榴槤冰，食落好creamy,入口即溶，榴槤控必食。椰皇蛋白燉桃膠呢款熱嘅甜品好滋潤，因為有滑嘟嘟嘅蛋白，有軟淋淋嘅桃膠，仲有d似蒟蒻嘅配料，上枱熱辣辣，食落唔會太甜。…查看更多

朋友今晚帶我黎呢間開喺工廠區入面嘅西餐廳，入到去裝修都幾靚，有高級餐廳feel,朋友話呢度d梳乎厘好好食，我一向勁鍾意食甜品，一於去試吓。石燒澳洲牛頸脊 + 糖心鮑魚配露絲瑪利汁佢地係用石燒板上，上枱咋咋聲，牛嘅生熟程度可以自己選擇，牛頸脊嘅口感幾淋身，完全唔柴，好重牛味，幾多肉汁，鮑魚一d都唔韌，好鮮味，而薯條炸到勁脆，入面軟淋淋，好正。特濃開心果忌廉麻糬梳乎厘呢度嘅梳乎厘真係好巨型，份量十足，梳乎厘嘅質地勁鬆軟，充滿空氣感，食落好香蛋味，上面鋪滿開心果味嘅cream，好軟滑，唔算太甜，加埋煙韌嘅麻糬同杏仁碎，口感好豐富。無糖可口可樂估唔到仲有好少有嘅支裝可樂，玻璃樽夠晒氣，爽…查看更多

經過荃灣，見到呢間新開嘅雞煲火鍋任食，價錢都幾合理，就入去試吓。呢度d雞煲係任加，可以無限refill,又幾抵，鍾意濃味嘅我，啱晒，d雞非常入味，我地叫咗小辣，都ok,唔算好辣，雞肉食落都幾嫩滑，我地encore咗2煲。食完之後就到打邊爐時間，火鍋配料都幾多款式，肩胛肥牛片肥瘦均勻，食落好重牛味，鮮牛肉都唔錯，食落都幾嫩滑，d餃都幾好，係自家制，粒粒都脹卜卜，幾足料。出面仲有各款汽水任攞，除咗汽水之外仲有即沖咖啡，奶茶等飲品。我見枱枱都有叫炸饅頭，我又叫黎試吓，即叫即炸，外脆入面好軟綿綿，加埋煉奶，勁正。…查看更多

今期係做港式情懷美食，都幾吸引，因為一向都好鍾意食港式小食，加埋台式火鍋，可以一次有2種享受。佢地嘅湯底都幾多款式，我地就簡咗鴛鴦火鍋，芫荽皮蛋豬骨鍋同鐵路豚骨鍋，2款湯底都好濃郁，要黎打邊爐就最啱。我地選擇咗level3極品吃到飽，呢個level牛肉都幾靚，肥瘦均勻，好重牛味，除咗牛，QR code點餐都仲有好多火鍋配料任點。今期係做港式情懷，我地都叫咗幾款試吓街頭格仔餅，碗仔翅，瑞士雞翼都唔錯，出面仲有好多台式炸物，台灣芋圓炸物同飲品任攞。…查看更多

朋友之前食過呢間正宗韓國刀削麵，話d麵好煙韌，湯底又好味，今日就去呢度食dinner呢度d泡菜係無限refill，泡菜係自家制，唔算太辣，好爽口，好開胃。海鮮韭菜煎餅外皮煎得好香脆好香口，入面仲有大量蔥同魷魚都幾大隻，爽口。花蛤刀削麵個湯底勁鮮甜，好重海鮮味，有大量花蛤，粒粒脹卜卜，完全冇沙，d刀削麵非常煙韌，吸晒d湯汁，好鮮味。炸醬麵係韓國傳統果款炸醬麵，醬汁係深啡色，味道好濃郁，d麵沾滿晒d醬，好惹味，呢個汁入面都有d肉粒，非常入味。…查看更多