餃子姑娘的个人专页

星期六同老公仔差不多一點鐘來到,人都唔少,差不多八成滿。見佢獨沽一味賣拉麵,心想質素應該唔錯。我點左一個麵鼓湯底叉燒拉麵,而老公就點左一個豬骨湯底帆立貝拉麵。兩者都平平無奇,不過不失,麵質ok,但個湯底就真係平凡左d,沒有吸引人回頭的味道。個人而言,覺得佢份量少左d。小女子食量不大,但都只是剛剛夠飽。埋單的時候,發現原來要加一服務費,兩個人食要過百元,但全程不見有甚麼服務可言,奉客的又只是白開水(要茶的話,請比多兩蚊)。雖然話旺角租金貴,好多食店都要掙扎求全,但我地真係想不到有任何回頭的理由。…查看更多

試過幾次到此食lunch，試過佢ｄ卡邦尼意粉、pizza、燒豬脊骨飯。卡邦尼意粉同pizza都好好味。卡邦尼意粉個sauce好好味，好有水準；pizza有驚喜，賣相吸引，而且有8件咁多，個薄底好軟熟，雖然餡料只是芝士同辣肉腸，但感覺都好滿足，連湯或飲品，加一之後$53真係幾抵。我同妹妹每人即場食左2件，帶走4件，回到家再用焗爐焗熱都依然好味。至於燒豬脊骨飯，第一次食好味，個sauce紅紅地又酸酸甜甜，但不是茄汁，我估是用桑子或苺之類的水果做的。而且份量不少，居然有2條豬脊骨，雖然不是好大條，但都好夠食。但第二次食就有d失望，豬脊骨得番一條（比第一次食時大小小的），而最大問題是它的sauce，居然是牛腩汁（還有些牛腩碎的），完全九唔搭八。最好笑的是我朋友叫的是黑椒牛柳粒飯，來的時候真的嚇一跳，因為它不論怎樣看都是一碟牛腩，而食落都真是一碟如假包換的牛腩，個sauce就不是黑椒汁，而是和我碟燒豬脊骨一樣的牛腩汁。總之，來的食物和我們預期的差好遠。拉勻幾次的評分，我覺得這店都不俗的，如果她的水準能保持穩定的話，我覺得都值得推薦給大家。提一提大家，佢分上下兩層的，下面果層由於是行人通道旁的關係，只提供價錢較平的set lunch，而我坐的正是下層；至於上層是可以點menu內的食物，聽講佢的salad bar相當不俗。…查看更多

放工後買左一盒炸豬肉回家加料，份量唔少，而且炸得熱辣辣，上到車已經忍唔住食左幾舊，好好味，好脆口，不過真係好熱氣同埋幾肥膩下。以前去開西貢食開「咸豬肉雞飯」，d豬肉「硬掘掘」的，要浸湯先食到。但原來炸起後係好脆好鬆化的。另外，試過佢放在門口賣的「炸豬皮」同串燒。「炸豬皮」好硬，同埋好油，應該不太合香港人口味。串燒味道ｏｋ，沙嗲醬好味。但可惜是一早燒起，再用微波爐翻熱。下次有機會，都想試下佢ｄ雞飯同埋湯河。價錢方面，老實講，唔算平…查看更多

好貴呀!29蚊一碗炸醬麵但得好細碗，唔係誇張，真係食兩啖就無左，當下午茶都嫌佢少。雖然食落係好味，但真是啖啖都彌足珍貴。雖然話用料靚（新鮮豬肉及日本花菇）但呢個份量真是食水深左ｄ。價錢比人貴四成，但份量比人少六成，普通成年人應該食兩碗都唔夠飽。另外，那碗附送的湯，飲完之後非常口乾啊，看來下了不少「師傅」。這些食名氣的店家，還是試過，當見識下就算。…查看更多

上星期入開馬鞍山睇醫生，見無咩胃口，剛好路過此處，見到有我平日最愛的雲南米線，於是就入左去試下。叫左一碗酸菜肉米線（小）（$17）試下，份量都真係幾小下，不過對於我呢Ｄ病人就剛剛好。米線偏諗，湯底夠酸夠味，但好明顯是味精水，不是用雞或豬骨煮的湯底。至於酸菜肉，酸菜都算下得夠多，但所謂「肉」我就覺得連肉碎都稱不上，只是一些肥膏而已。整體而言，$17呢個份量同質素絕對唔抵。特別是對於食開「雲南風味」、「雲貴川」、「譚仔」、「南記」的朋友來說。而且佢仲有一個好大問題，就是食完超口乾口渴，我行到去新港城中心已經頂唔順要買野飲。本來諗住食得清清地，最後反而令喉嚨受罪，早知回家自己煮米粉食好過。…查看更多

在灣仔做左幾年野，都唔知有呢間隱閉小店。只是偶然於openrice得知，第一次去搵唔到，因為openrice所顯示的地址是錯的，應該是過隔離幾間鋪先真。入到去，座位唔多，中間一張長方檯，其餘都是「面壁」檯。穩陣啲，叫左其他食家介紹的「dark soup noodle」，感覺好新奇。情況就好似下面食家介紹的一樣，似「淋」版的豬腸粉，但是有一些黏液包住的，食時覺得有啲核突。粉的份量不多，反而豬腸同炸豬肉都唔少。味道都還可以，有ｄ人可能覺得夠味，但我覺得偏咸。食完到收銀處比錢，我同佢講「dark soup noodle, how much?」佢收左我 $28，當時我心想：「嘩！乜咁貴」比我平時食開的春園街「泰好味」的 $22 湯河(一餸)貴唔少。回來之後，見到其他食家話只是 $25，唔知係唔係今年加價加左$3蚊，還是佢唔老實收貴左我。Anyway，這列為一單懸案。但個人覺得，如果真係$28就不值得再去；如果是$25可以偶爾一試。最後一提，食完都幾口喝的。…查看更多

相約好友去食午餐，一點鐘去到,已經見到好多人在等位,幸好好友先到霸位,唔駛罰企。入去到見到佢杯上面的logo，先知原來係「綠野仙踪」的分店。朋友叫左一個炸豬排+肉燥飯的套餐($38),見到都幾大份,不過感覺都幾熱氣下。朋友餐飲選左珍珠奶茶,唔知係唔係熱飲的關係,佢話好甜呀,飲到最後都係飲唔哂。我就點左一個京燒排骨麵+柑桔薑茶($36)。我覺得好味啊,個排骨好入味同好鬆化,麵質彈牙,仲有兩條菜添。而且有三大舊排骨,size唔細,都算抵食。個柑桔薑茶都不欺場,味道好濃,特別是薑味都幾辣下,去到最後幾啖我都覺太辣飲唔到。順帶一提.此店是有加一的。不過繁忙時間,都沒有甚麼服務可言。猶幸裝修尚算骨子,雖然座位狹窄,但都坐得舒服。埋單每人約40元,在灣仔區來說,價錢合理。應該有下次的。…查看更多

次次去都會食佢d湯粉，$22有一個餸，可以選米粉、河粉、金邊粉等。另外亦有三種湯底選擇。三種湯底我都試過哂：清湯、椰汁雞湯同埋冬陰功湯。清湯無咩特別，同埋都多油，唔算特別清；椰汁雞湯好味，佢ｄ味好特別的，帶少少梆味，但就有幾濃烈的酸味。酸酸甜甜咁，好開胃的。至於冬陰功湯，我見好多人食，但我個人就覺得好辣，唔係好受得到，第一次食差d變左孖潤腸。所以我以後都只會叫「少辣」，無謂令自己咁辛苦啦。餸方面，次次都叫魚餅或豬頸肉，兩種都好味，推介。提一提大家，呢度平日上班日子下午午飯時超多人的，所以我次次都一個人去，咁就易搵位ｄ。如果多個一個人咁就最好等齊人先入座，如果唔係間鋪ｄ阿姐會勁唔like的。…查看更多

最近這店成為了我的飯堂之一，由於本身極愛吃米線，所以次次來都會叫豬軟骨米線（＄22）。它的湯底是魚湯底，賣點是沒有味精，雖然沒有譚仔的麻辣刺激，但都幾好味。豬軟骨肉質鬆軟，酸酸地好好味，米線亦軟硬適中，價錢都合理。另外，又試過潮式蠔仔粥（＄26），佢d粥底都是用魚湯煮的，蠔仔夠多。至於味道，唔係唔好味，不過就咸左少許，所以唔可以食得多。對我來說，都係食米線穩陣d。題外話，話說尋晚見到隔離檯的女同胞忽然比一名女店員指著說「喂喂喂，你唔可以咁架！」望下啦，原來女同胞吐痰在檯底，店員之後就立即拖地。然後，又拎杯水比女同胞，講左句：「你唔舒服就飲杯水啦」。我覺得感覺唔錯，雖然這裡的店員(多數是中年婦女))不是溫文爾雅，但態度幾好，幾親切…查看更多

星期日路過佐敦，見佢新開張無幾耐，於是入去試下。我地5個人叫左好多野食：公仔麵餐($20)：呢個好抵，20蚊居然有3餸,，仲包野飲。可以選香腸、餐肉、煙肉、蛋、肉丁……都幾多選擇，質素唔錯。其中，沙爹牛肉同雪棻肉絲最好味。本來我地最初只叫一個，後來都忍唔住再order多個，因為真係仲抵過自己煮。沙拉骨($48)：見到有檯外國客讚好味，猛話「very good」，於是叫來試下。真係幾好食，個汁好特別，聽到老闆講用「mango」做汁。呢個幾正。水餃($18)：水餃好自家風味，個湯底係白色的，店主話係自己餚豬骨湯，無味精，當堂覺得店家好有誠意。糯米飯($15)：係蒸糯米飯，比一般炒的軟熟。我本身唔太喜歡食糯米飯，但都覺得呢個好味。碗仔翅($15)：入口比較杰身，有肉絲、木耳，但無粉絲的，唔似一般食開的碗仔翅。友人覺得奇怪問老闆。老闆話佢地唔同一般做法，係用魚唇代替。嘩！十五蚊有魚唇食，又幾抵。鹵水鴨舌、乳鴿：鴨舌肥美，乳鴿肉質好嫩。但個人覺得個汁可再濃味ｄ，如果鹵得入味ｄ會更加好食。5個人食左二百幾蚊。總括來說，幾好食同幾抵食，有下次。…查看更多

一個人去食,叫左玉子叉燒拉麵,盛惠而盛惠$68,冇加一。上麵之前,會有一個細細的芝麻飯團,幾好味的。至於主角拉麵,我要左miso湯底,湯底ok,叉燒都夠林,隻蛋都好好味,可惜湯底唔夠熱,唔駛吹就可以即刻入口,食到一半已經係微暖。如果佢夠熱的話我覺得會好味好多。不過,應該都有下次的。…查看更多

之前試過幾次,質素還可以。但今次我地4個人叫左4個小鍋米線,一食落口,我真係想吐出來。佢d米線煮到勁"林",完全是過哂火,食落口口感好糊,好似漿住個口咁。問下其他3位同事,原來佢地都一樣。乜小鍋米線唔係應該一碗碗煮架咩?我地都好疑惑。個人認為,一碗好的米線,必須有3個基本因素。第一米線要軟硬適中;第二要湯底夠鮮;第三要夠熱。佢連基本因素都做唔好,實在太叫人失望。臨走時,我同老闆反映左,佢話會注意。希望呢d情況只是偶然發生,如果0係我有少左一個開餐的地方。…查看更多

由於公司在附近，每當公司有同事生日的時候，都會選擇到此慶祝。之前來覺得水準不俗，特別是那個三色飯，一個套餐有前菜、有湯、可自由選擇3款飯(用小碗盛著)、有甜品，連加一約$90，雖不算便宜，但在商廈林立的灣仔區而言，這裡不失是一個物有所值的好去處‧但最近一次去，發覺水準有點下降，前菜的蘿蔔很硬，我和朋友都放棄了。三色飯中的飯比較硬，魚生亦不夠之前的新鮮。朋友的天婦羅好味，但沒有汁附上，用來送飯感覺比較乾。最後可選甜品及咖啡，我每次都會選咖啡，因為雖然細細杯，但味道香濃。總括而言，在附近工作的朋友可到來試試，偶爾一餐感覺還是很好的。…查看更多

又係我餃子姑娘，之前07年12月已經寫過有關貴川的食評，話說上次去食已經覺得貴川ｄ湯底差左好多，無左以前好惹味的感覺，估唔到上次去食，真是非常失望，和以前簡直是兩回事，如果合埋眼食，真係食唔出係以前的貴川。我次次去到都叫腩肉，炸醬小辣米線，而金菇先生通常都食肥牛墨丸米線。金菇先生由最初勉為其難的陪我吃（他一向吃得較清淡）吃得汗水鼻水直流，到現在吃的時候已經神色自若，甚至還會帶朋友去吃。貴川其實真的帶給我們不少回憶，那時應該是03年的事，我和金菇先生還未開始，在戲開始之前，我就帶了他到貴川食米線，並介紹他吃小辣米線，他當時滿頭大汗的樣子，我到現在仍記憶猶新。之後不久，我們就走在一起，貴川也就成了我們的飯堂。到今天，我快要成為金菇太太了，想不到我們的變係轉變了，而貴川的味道亦變了。我知道世界上沒有不變的東西，或許貴川昔日那種味道就只可於我們的記憶中尋回。不懂得如何去評分，因為實在有太多感情因素於當中了。…查看更多

於佐敦做完運動,男友來接我,本來想到景霖食麻辣米線,但呢排自己皮膚唔好,所以比男友敕令禁止。於是就入左呢間星馬小店,兩個人叫左以下食物。招牌喇沙：都算好味，不過唔算正宗。湯底不算濃味，配料都係ｄ大路野，豆卜魚片之類，如果諗唔到食咩，選呢個都好。份量對我而言剛好，但對稍為大食的人來說，可能會唔夠飽。海南雞飯：呢個份量都足夠，有雞、有飯、有湯同油菜。油菜無咩特別，個湯男友話好味，不過我覺得係味精野。飯就黃黃地色，就咁食都幾好味。至於個雞都算交足貨，好滑同多肉，雖然肉味欠奉，但而家都無咩邊間做到有雞味。而且附奉的醬油可以彌補呢個不足，所以呢個真係可以一試。燒原隻鮮魷：呢個幾好味，燒得唔太乾同埋食得出好新鮮，而且佢個汁好好味又辣辣地，真係唔錯。不過，份量就比我想像中小，每人只得４－５塊左右。薏米水：飲落口感濃稠，有熟薏米同糖冬瓜，足料好味。…查看更多