itscansie的个人专页

見新開試業中比個機會，lunch time 大概等10分鐘入坐（其實有位但樓面好繁忙，無咩時間收拾）。入座後被Menu 上最貴嘅「鳥取和牛飯」吸引，即刻order啦，點知menu同實物落差實在太大。仲要$138，另加10%服務費，好唔抵。牛肉好乾好韌…無下次。…查看更多

一星期前已經想買杯Hojicha Latte試下，當時被告知冇得賣，得番Matcha Latte，當時已經覺得奇怪，既然冇點解唔入貨/從其他分店調貨？但都算，俾多次機會… 去到一星期後嘅今日，依然都答我冇得賣。咁即係點？又唔update menu，等客不斷摸門釘？咁樣真係好難令顧客對你有信心. Sorry唔會再幫襯。…查看更多

其實都來幫襯過幾次食lunch，印象幾好嘢食質素都唔錯。生熟食比較自己會prefer熟食。整個lunch set包一份沙律🥗+一個前菜（茄子，四季豆之類）+味噌湯+主食+雪米糍。但店面人手有限，好多時會唔記得上齊嘢。好似今日咁，最後都冇比到甜品我。上咗主食先上沙律。野食方面：牛舌都幾厚，配完珍珠米飯好快就食完；美中不足就係冇蔬菜，油分較多；唔推介豆乳雞鍋，雞肉唔滑嫩，湯底冇咩豆乳味。反而牛肉鍋係壽喜燒風味兼足料，更值得試。海膽吞拿魚飯啲魚蓉好似肉餅咁厚都唔錯，但論quality就見仁見智。…查看更多

It was quite surprising to find dragon fruit as ice cream flavor! Always wanted it but there was nowhere to have a try. But now... you can go to DAMA!Natural. Vegan. No artificial flavor. Cute. Looking good on photos. Instagrammable.Give it a try and it won’t let you down.…查看更多

幾年前好鍾意去IFC分店食，環境又chill，fushion菜都幾有創意，嘢食質素都唔錯，所以對今次佢哋係K11開分店充滿期待，結果有啲失望...因為新開同埋都係打卡勝地，用餐時間都只有90分鐘，所以冇辦法好好享受用餐環境。不過都理解，始終booking都full，亦都好多人walkin；樓面人數似乎唔夠，我地坐最入面，要叫好耐先有人理。anyways，態度都nice，上菜速度亦正常。至於菜式... 聽落真心幾fushion，都好驚喜，但全部都好重口味好鹹。 食幾啖就想收手。最滿意係四季pizza，好足芝士，用料新鮮；碟芥蘭西班牙火腿真係鹹到癲，本身以為可以用火腿鹹香昇華芥蘭味，結果芥蘭本身鹹到唔需要火腿，真心敗筆。然後朱古力脆皮梳乎厘蛋味雖然夠香，但脆皮冇想像中脆，見仁見智啦。下次有機會再來，應該試西式嘢穩陣啲。…查看更多

今次同同事一齊過來食lunch，好耐冇食過crepe，真係好期待😊$12x Set B就包一鹹一甜嘅crepe各一個，加一杯嘢飲，食完真心飽，所以性價比都幾高。 先食鹹再食甜，可惜鹹味version嘅皮煎得有啲燶，但餡係好食嘅：夠creamy，雞肉都唔柴或者梅；至於甜嘅version叫咗butter&sugar，最基本嘅口味（對lemon juice實在有保留😅），皮同鹹嘅唔同，加上冇overcook，所以鍾意甜多過鹹😊…查看更多

公眾假期來食早餐，等咗15分鐘左右，坐低要咗份可以自選兩樣ingredients嘅三文治：義大利包（亦到可以選擇全麥麵包或法包）+雞肉+車打芝士。唔知係咪我期望過高，芝士只係超市片裝芝士.....而本身想要嘅牛油果，落單之後話已經冇晒。聽到好多檯都係咁，啲來佢哋要預好啲份量。到碟sandwich上來，全部都凍冰冰，雞肉談不上滑嫩但都唔會好難食。就算service ok，嘢食唔係好過關，都好難再來幫襯。…查看更多

味道方面冇咩好挑剔，服務亦都唔錯，唔洗自己燒肉，係金鐘呢頭算係咁。 唯一係講係上菜順序有啲混亂。以為一開始燒完菇類茄子就完，點知突然食食下肉又上啲菇同茄子來，感覺奇怪咗啲。…查看更多

Ordered a baby strawberry lemonade cake a month ago for my friend’s birthday. I have to say: WE LOVE THE CAKE SOOOOO MUCH! Not just the look but also the flavor. Everything was so on point and we knew that the cake was made with fresh ingredients. Words are not enough to express how great the cake is. …查看更多

想試呢間素食好耐，無奈身邊個個都係「食肉獸」。難得有朋友想係呢度食生日飯，終於得償所願❤️。晚市可以散叫菜式，亦可以選擇四/六/八道菜套餐，價錢498起。我地兩個人都選擇四道菜嘅set，然後單叫一份蓮藕菇餅，再加一壺番茄紅菜頭茶。staff強烈推介pancake同栗子米糕，但食完套餐已經好飽，所以放棄😂首先要讚下環境同服務：裝修好貼合主題，而且座位舒適，都算靜，慢慢坐下食下嘢都係一種享受。每上一道菜staff都會介紹下道菜，幾貼心。overall食物都好精緻，細細份慢慢食原來都幾飽肚。最鍾意係栗子湯，菇凍，同蓮藕餅。用最簡單嘅食材，引出食材最「正」嘅味道。遺憾嘅係跟炒飯嘅大醬湯實在太鹹..... 飲唔落； 同埋福袋入面有我唔鍾意嘅荽茜。 雖然係咁，有機會我都會再來食。仲提下大家如果要來呢度慶祝生日之類，切餅費盛惠$200。但如果唔係度食佢地都可以幫你keep。…查看更多

因為朋友推介所以夜晚來試水炊雞二人set，結果正如佢所講：1） 環境好chill當晚來得兩三檯客，加上播放令人放鬆嘅音樂，可以慢慢享受同朋友一齊食飯嘅時光；2）良好貼心嘅用餐體驗staff會逐一上菜，同埋介紹每一個步驟，同點樣食最好。3）雞湯好飲好濃首先staff建議我地飲一次原味雞湯，然後逐步放入雞肉，蔬菜，同飯熬粥，昇華味道。雞肉亦好嫩滑，值得一試。*如果想試水炊雞夜晚嘅experience會完整啲。另外唔建議lunch來食牛肉飯。試過一次，啲牛肉老身，唔值呢個價。…查看更多

平日要翻工來唔到，係別無他選嘅情況下唯有星期六來打卡。等咗大約半個鐘到先有位🙈（好彩前面有兩個哥哥仔放棄唔排）入到來先正式望下環境。裝修以粉紅色同花牆為主，幾浪漫公主feel：本身見到openrice食評有下午茶餐menu，但來到問人先知原來要提早預訂，正常menu對於只係想飲下嘢食個甜品嘅人來講選擇都叫ok：粉紅公主👸🏻唔鍾意太甜嘅人未必鍾意，不過外型睇粉粉紅紅咁都係「呃like」嘅打卡飲品。杯沿邊都沾上紅色粉末，食落似🍓味。日本明太子素麵聽聞呢種麵都有幾百年歷史......好味，但質感對我來講同超市買嘅上海素麵差唔多味（應該係我太愚鈍分唔到🙈）。撇除麵來講，個湯汁唔漏，帶點明太子的鹹香加辣味，再配蝦乾同溫泉蛋，係值得一試嘅dish。至於個蟹餅。。唔係我杯茶🙈所以唔評論啦。玫瑰茉莉果茶精緻，instagrammable，果嘅甜同花嘅清香幾balance。流心抹茶撻推介大家一試。隔離個雪酪係紫米露嘅味，溶得好快要趁早食，配上朱古力脆片都幾正。抹茶撻上嘅時候仲暖，一冷一熱，食起上來…查看更多

之前一直唔知有呢間餐廳嘅存在，直至朋友話想食日本嘢，先特登search，但原來呢間係韓式餐廳？？我地係平日過來食lunch，朋友都揀佐lunch set食（其實都幾抵食），但我揀唔到，於是叫佐個帶子釜飯。等佐20分鐘左右來到。上面有幾多蟹籽鋪係面，加埋芝麻同紫菜，撈埋啲飯食既起到調味作用，都變得有咬口。帶子同蜆肉不過不失，以呢個價錢quality可以再好啲。我地雖然正值最繁忙既午餐時段過來，但都唔洗等位，不過侍應得兩個，所以多客起來落單或者有咩需要就要等下啦。…查看更多

星期六同朋友來觀塘畫畫，話食過好味想帶我去試下，所以一齊來食dinner。餐前小插曲：四點左右打電話去餐廳，問有冇得Book檯，佢話已經full，可以6點去排隊拎籌。咁我地一聽以為個場好旺，所以打算畫完畫再去碰運氣。去之前再打電話俾餐廳，問宜家多唔多人排隊，大概要等幾耐，佢話有人排緊唔知等幾耐。咁我地都係去望下先，結果去到唔洗等位，入面仲有好多空檯。所以好想知道究竟發生咩事？Anyway入到去餐廳環境寬敞，但偏吵（好多一家大細聚餐）：我地兩個淨係叫佐一杯Mojito（芒果味）、一份四成熟肉眼扒同一份黑松露薯條。孤陋寡聞，第一次來到Mojito可以揀口味既餐廳。但杯嘢一啲芒果味都冇，同原味冇咩分別。四成熟肉眼扒就有驚喜。牛肉味濃郁，冇overcooked，肉滑唔會韌，隔離仲有薯角做side dish，質素唔錯。黑松露薯條上面有芝士，醬可以refill，都算抵食。總體來講都推介大家試下。…查看更多

上星期五終於來到呢間廣受素食朋友推介既餐廳。正值午餐時間來，雖然人多，但好在座位唔算逼，檯與檯之間都有一定空間。我地係食午市自助餐，所以埋位之後就出擊搵嘢食。揀嘢食既地方集中係餐廳一個角落，一開始人並唔多。炒麵呢啲基本菜式都有得選擇。仲有素食壽司區，算係全場最吸睛既area。🍣素壽司既壽司飯有醋味適宜，粒粒分明；第一次食素食刺身，口感都似真魚生，有啲魚味，都幾好奇點樣用蒟蒻整出來。食物質素整體出色，但好遺憾冇素叉燒食😔如果有一定錦上添花！同埋個胡椒苦瓜湯胡椒味唔重，似係落佐好多胡椒粉既湯。羅漢果水都偏稀。…查看更多