beutiefoodie's Profile

呢餐以人均五百蚊嚟計，幾個人夾埋一圍都要三四千蚊，但整體體驗完全唔值呢個價位。 先講服務，無QR code，落單好被動，湯底更加離譜，加湯竟然係直接落清水，食完頭輪之後已經淡到完全冇味，愈滾愈寡，好似喺飲熱水多過打邊爐。 牛肉質素亦唔合格，是但擺係碗入面，仲衰過喺樓下凍肉舖自己揀幾塊返屋企打邊爐，連一般平價連鎖火鍋店都比佢好。 以呢個價錢，本身預期至少有啲靚配料或者招牌菜挽返少少分，但無論海鮮、丸類定小食都只係普通貨色，完全冇驚喜。飲品方面都好失望，後期已經無再refill罐裝飲品。 如果肯再加少少預算，其實已經可以去酒店做自助餐，有靚環境、有服務、選擇又多，感覺仲開心過喺度硬食一餐咁失望嘅火鍋。…Read More

一間好好氣氛的串燒店，我係星期三平日晚上去，去到都坐滿70％，仲要大家都有叫啤酒飲。良心收費，比起同區其他工業大廈茶記平好多，食材（隻生蠔好juicy好大隻）,燒牛舌、尖椒等等，全部食物本身都好有質素，燒完之後都保番到味道，都物超所值。都好多食物揀，有唔同的肉、菜類、豆腐、海鮮，仲有雞泡魚干等小食！食素嘅朋友都可以一試😊服務又好，洗手間乾淨，又近地鐵站，放工後與同事聚會一流！！！我都係random search, 真心好驚喜及欣賞呢間小店。支持香港人的用心食店😊👏…Read More