Cat_Dog的个人专页

餐廳新開試業中，外觀都算唔差，餐廳都算枱數多，所以都多人幫襯，中午12點左右就要開始排隊。食物款式都算多選擇。因個人喜好，當日一心要試吓佢哋嘅焗肉醬意粉，店員竟然回答肉醬意粉賣哂😵‍💫，我相信佢哋為方便所以唔特登整，想客人都叫午餐算。唯有就轉食午餐啦。都見到有人食扒餐，價錢唔太貴，份量又多。有機會都可以一試。餐廳上菜速度都算快手。職員服務態度都好友善。但唯一的問題是餐廳抽氣不足，每次食完成身都有陣油煙味，都幾難頂。🙈…查看更多

琴日同朋友入咗女人街搵野食，真係唔同哂，冇乜選擇了。一係就吉鋪，一係就幾間都食拉麵。行行下見到間越南野食，見鋪冇乜人就入去試吓啦。坦白講價錢唔貴嘅，二人點了河內酸辣海鮮湯檬、越式豬扒撈檬、手打墨魚餅。 職員送上酸辣海鮮湯檬，第一時間當然試吓佢個湯頭先，一飲粗口都想爆，咩料呀⋯⋯首先唔好講鮮味，當然冇啦，只係飲到鹽水加蕃茄水再加辣油水味😵‍💫，賴尿蝦同蝦嘅肉係實同柴嘅，扎肉就實兼冇味，豆卜索咗啲辣油水味都真係幾攞命。手打墨魚餅都係失望， 只係食到鹽味加粉，豬扒撈檬，花生都冇粒，豬扒又係柴實。…查看更多

知道深水埗總店成日都大排長龍，多人到都唔想去排。後來知道在灣仔開新店，有天星期日諗住去試一下，點知星期日唔開門。最近見佢一至日都開門營業當然即刻就走去試一下，睇吓係咪真係咁好食值得大排長龍。當日星期日中午12點左右見冇人排隊就嗱嗱臨走入去試一下，當然要試一下出名嘅豬潤啦，就叫咗一個豬膶炒蛋麵同凍咖啡。豬潤麵一到，一睇嘩咁厚切嘅啲豬潤嗰刻嚇一嚇😵，首先當然第一啖就飲一下湯啦，好大陣薑味好微弱嘅豬潤味😓，跟住再咬一啖豬膶，中間咬唔斷有根😵‍💫，麵同蛋就普通。每一嚿豬潤都係有根，但肉就爽淋嘅。咖啡就係好普通嘅茶記嗰種。總括，唔值咁貴同唔明點解排隊。（好在唔洗排） 😅…查看更多

見新開張，行香港人最喜歡嘅日本風，店舖裝修以木色為主，都幾光猛。當日午飯時間一點左右冇乜人唔洗排隊就入去試一下。一進入店員介紹這裡是手機下單，都簡潔易用。菜式不是很多款式。我們三人各自點了不同款式，試一下。（分別係意粉，拉麵，焗飯）首先第一款到來食物是蟹腳意粉，一來到就已經聞到，食落就一個字形容‘’腥‘’🤮第二款叉燒拉麵，睇樣都ok，食落一個字形容‘’咸‘’ 成碗麵最好食係啲筍冇臭味同隻蛋。😅第三款比目魚焗飯較正常啲，但唔可以講係好食。第四就係咖啡冇乜味。總括，環境潔淨，員工服務好，食物有待改善。…查看更多

細個已常常光顧嘅一間粉麵店，到今時今日單併雙併都只售$21。足料抵食👍🏻店鋪員工都非常有禮，唯獨只有一位攣長髮阿姐態度非常差，常常呼喝客人，客人舉手示意落單，佢就扮睇唔到，扮忙。老闆娘這麼多分店，希望可以改善一下。食物方面係值得去食（鮮牛肉，鯪魚球）👍🏻…查看更多

話說朋友的媽媽一直好想食‘寶蓮’的素鴨同想試下這裡的齋菜，但我和朋友之前已食過‘寶蓮’，都已覺得不太特別及好食。見Auntie 咁想食就帶她去一次，點知上網搵下先知原來執咗，變咗家族分家嘅「翠蓮」。見都有素鴨食就算啦，照帶Auntie 去。一行三人差不多行到門口見咁多人，心諗唔係嘛轉咗名好食咗咩？？行到門口先知原來啲人係買門口啲齋小食。😓咁好啦，直接推門進入，一個黑面著便服嘅女人大聲問幾多位，朋友答三位，黑面女人回應直入啦，咁我地就一路入經過類似行仔廚房廁所嘅地方入到去坐低。朋友打開餐牌研究時，就同Auntie 說好似有自助餐齋食，但搵唔到餐牌有寫，心諗可能轉咗名冇，就嘗試問下侍應有冇啦。叫了部長來問一下「唔該有冇自助餐呀？」，個部長好大聲一句飛埋黎答：「今日初一呀⋯⋯」就走咗。我地不是拜佛何來會知道今天是初幾呢？？？你有必要用這種態度回答嗎？？？😡咁我地就慢慢睇餐牌食咩，另一侍應走埋黎大聲問食咩？我地只想到兩樣餸同要叫碟齋鴨，我地話畀碟芋頭魚呀，佢又一句大聲飛埋黎，「講Number 呀！！」大佬呀鬼知道落單要講Number 呀？你有必要咁嘅態度嗎？落完三樣菜，我地話再睇睇餐牌一陣先再叫，侍應即黑面轉身走。隔一陣我地再叫侍應埋黎落單，佢啲態度已唔多想應咁。上菜：第一味Auntie 最想食嘅齋鴨上枱了，睇賣相已覺麻麻，食落口時，成口都係油。睇見Auntie個失望樣。第二味芋頭魚，冇乜味道，冇驚喜。第三味法蒲卷，水汪汪爛爛地，難食。第四味粟米粥，冇特別。最後係竹苼靈枝菇湯麵，麵好大陣鹼水味，啲湯都好鹼水，配料咸咸地，只能講哩窩麵係最有味嘅⋯鹼水味加味精味。為咗免浪費食物，我地慢慢食哂啲餸。終於食完。在Auntie去了洗手間時，部長就埋黎說，你地係咪去埋廁所走嫁啦，我地話係，佢嗱嗱聲拎走張單話，咁你地埋單啦。隨後轉身向坐了喺我地後面張大枱嘅三位客人講，你地轉哩張枱啦。跟住另一侍應即時走過黎執哂我地枱面啲野，想飲多啖水都唔得。總結就係食咗餐一肚氣又難食嘅素菜，以後都不會再光顧。😤…查看更多

相約朋友天后晚飯一心諗住食西餐食意粉就選咗此餐廳，當晚點咗兩個set dinner。首先講吓個餐湯，茄汁加醋咁，超酸，酸到爆。😖跟住來個意式青口蘆筍扁意粉，賣相好似好靚好足料咁，一試個青口，咸到爆十足十食咗十匙鹽落口咁🤢，已經超冇癮，諗住都有個飯頂下，最後來個辛香惹味冬陰公燴飯，見到啲飯一劈野咁，再又見到有咸青口，已經不寄厚望，唯有試下飯裡面隻大蝦，一咬入口，真係媽媽聲，蝦都咁咸！！！🤢有冇搞錯。😡用二百蚊去食哩餐晚餐真係有啲谷氣。😤😡😤😡…查看更多

突然好想食意粉，就喺朗屏附近搵下，行過見安娜門口好多人等位，諗住好好食㗎咁多人等，又未食過，就諗住試下啦。首先攞位先，大約等咗十分鐘，等候時見門口個姐姐叫飛時已好串，心諗，嘩，咩態度。到入座啦，座位好密，我兩人被安排坐6人枱，拍住坐，已經唔係好滿意，見大部份人都食扒餐或晚餐。我點咗個豬扒會意粉，朋友就點咗個牛肉飯（兩個都加10蚊跟餐）。首先黎多士，多士簡直薄切，忌廉湯冇味，羅宋湯一般，到個豬扒意，豬扒超實，total有兩塊，但食咗半塊，真係咬唔落去，意粉就超林。朋友個飯，牛肉嗱到超林，唔好食。:(凍奶茶味道好怪。哩餐飯食到超冇心機，兩個都食唔哂，食唔飽。仲要畀加一服務，完全冇服務可言。唔會再幫襯…查看更多