cK@food的个人专页

一排冇黎幫襯衫，今日有機會落灣仔，行左一輪都唔多想食飯，想再食粉麵類，最終由灣仔頭走到灣仔尾，記起有間華南炒麵，於是決定再來一試。一入到鋪內，已被d 呀叔呼呼喝喝，被指派坐位，再坐底又要被人不斷追問食乜。眼見大部份人都叫牛腩，但今日唔想食太多肉，最終決定點了片頭河。食落發覺質數已大不如前，d 片頭超油膩，一嗒食落去感覺成口油🤢. 服務已經一直都欠佳(完全無期望啦)，連食物質數都係咁差，以後再來幫襯都難…查看更多

已經好耐冇時間寫食評，但食完一餐超級難食既烏冬，忍唔住都要寫吓感受。 燒鰻魚飯: 份量細都算喇，飯又硬又涷，以為自己食緊鰻魚冷飯，鰻魚亦唔覺係燒過，完全唔合格 天婦羅蝦烏冬: 食完個飯好失望，寄望佢烏冬做出水準，可惜只係第一口有僅僅的彈牙感覺，第二口已經淋pat pat，難食到想放棄。炸蝦的粉厚過隻蝦，要拆皮先可以食入口，可惜隻蝦冇鮮味，唔知自己食緊啲乜.............. 難以接受及浪費 quota 的一餐....…查看更多

叫左個豬頸肉米線，清湯底係淡而冇味既味精湯，豬頸肉冇豬味，米線淋pat pat，樣樣都咁難食，好委屈下食完個米線後，要去第二度再食過補償!…查看更多

此粥店開業不久，粥底做得唔錯，腸粉即叫即做，新鮮嫩滑，已成為屋苑內較佳選擇。近期仲做埋清湯腩，提供更多選擇，米線唔會太淋身，但未試食麵條，未知質數如何，牛腩唔夠淋，但會繼續試食其他食物。…查看更多

最唔鍾意中午時份去光顧，因12點3去到都已經要等位、坐位又迫、噪音強勁(包括音樂及人聲)、服務勁差，但無奈在中環揾越南餐廳食lunch，唔係去明珠就係呢間，所以好多時都要為食好野而忍耐下生牛肉河: 賣點係肉質嫩滑，亦有肉味，但河粉質地普普通通柚子燒蝦沙律: 蝦夠新鮮，燒得亦香口牙車快: 新鮮蔬菜切得十分幼細，汁調配得好岩我口味，加埋 lime 就perfect軟殼蟹卷: 需要有耐性，因軟殼蟹是即炸。卷包得好札實，食得放心朧利柳卷: 炸過的朧利魚上枱時還熱，配上沙律醬，恰到好處，如果食厭左軟殼蟹卷，這是另一好選擇…查看更多

我想澄清我只係將所食所感同大家分享，當日之食物(海膽、三文魚子)的確十分新鮮，令我好想喺度同大家分享，而我事後亦冇因此染病，故思前想後都不應因其他人食物中毒而改變我對*該餐*的評價。因封鋪事件全港都知，深信各網友睇完我的食評，會用批判性思考決定應否再光顧此店。而我用上"封鋪"作標題，係想帶出好慶幸自己冇中招。如果我的食評/標題引起各網友的誤解，請見諒!…查看更多

上星期六下午茶時段，咁岩經過板長，難得冇人排隊仲大把吉位，一於入去試下。海膽、三文魚子難得新鮮，完全冇腥味，即時加碼蔥粒吞拿魚腩係我既至愛，都冇令我失望蝦膏甜蝦的蝦膏退步左，冇乜蝦膏味油甘魚色水麻麻地，食落唔夠新鮮海螺刺身唔夠爽脆，部份邊位好硬，唔抵食當日總結: 好耐冇食過咁新鮮既海膽，好滿足!今天感想: 過兩日睇新聞知道佢出左事，灣仔店亦有份。記起當日聽到隔離位埋單時投訴甜蝦極唔新鮮，唔知係咪佢出左事?…查看更多

最喜愛午餐時間光顧，因為叫一份淨鮮肉津菜餃經已很足夠。個人亦比較傳統，不大接受新款式的餃子，還是對鮮肉津菜餃情有獨鍾。以前曾試過其他小食，結果極度失望，所以每次定只食有信心保證的鮮肉津菜餃。…查看更多

小黃魚: 外皮炸得甘脆，但仍保持魚的肉汁，值得一吃生煎飽: 底煎得香脆，內多汁，必吃辣子雞丁: 雞外脆內滑，好野味豆板莧菜: 穩穩當當難得一餐味味菜都咁滿意，12:45前結帳仲有8折，真抵食!…查看更多

正如其他網友話齊，終於揾到有加拿大水準的越南河粉，湯底味濃而少味精，河粉算幼滑。另外沙律亦做得不錯，最愛柚子沙律，它沒有泰式的辣勁，但帶酸的dressing與柚子相當配合。分量不少，而價錢相宜。…查看更多

chicken salad: 件雞好tender，好有雞味，正Risotto: sauce唔夠creamy，不過味道夠香濃，比起正宗的意大利飯略"淋"身Tiramusi: 要自我製作的 tiramusi，share食就好煩，件手指餅得半邊蘸咖啡，一邊淋、一邊唔淋，唔食唔到精髓…查看更多

杏汁豬肺湯: 太甜，好似杏汁糖水、豬肺份量唔多咕嚕肉: ok 啦，真係招牌菜?生魚卷: 比想像中好，香口但唔腥椒鹽鮮魷: 過鹹，份量少，一人只得一舊八珍扒鴨: 冇鴨香，料唔夠入味蝦多士: 很香脆、不油膩，但蝦唔夠juicy蒸豬肉餅: 勁多肥豬肉，所以好彈牙荷葉飯: 有荷葉香，算合格蛋白杏仁: 太'杰'身，好似溝左粉因由朋友請，所以唔清楚價錢，未能衡量物值…查看更多

之前經常看到報張雜誌的介紹，但門口經常擠滿人。直至上星期路過，見竟然冇人排隊等位，才入去試試，引證雜誌的介紹。研究左好耐，只有芒果拿破倫吸引我們，所以兩個人share。酥皮夠薄及極鬆化，吉士味道唔太甜，芒果好新鮮，正!!…查看更多

四個人share三個套餐，份量岩岩好，仲多送碗例湯。叫了蒸雞、牛柳、勝瓜三個餸，發覺真的未加味精及少油，不過白飯唔夠熱。一時前埋單仲有九折，每人都唔洗$40，好抵!…查看更多

上星期五行完B&Q都成十點，本想搭shuttle 番德福食野，但條龍好長，所以去左樓上揾野食。上到去，得一間仲未收，冇選擇的情況下就入左目黑。食物質數真係just so-so，即叫即做既壽司，紫菜唔夠新鮮，不過炸蝦壽司因為即炸，所以最好味、印象最深。…查看更多