annat_un的个人专页

係OpenRice search 日本菜，見呢一間啲相幾靚啲食物好似都質素幾好就試吓。當晚我哋叫咗兩碟壽司，各8件，一碟有火炙的，另外叫左個關東煮牛筋，白燒鰻魚同埋牛肉蕎麥麵。整體來講所有食物質素都唔錯，尤其是白燒鰻魚同埋啲魚生都幾新鮮，而且壽司食之前都會簡介所有魚不過可以介紹得有誠意啲。壽司嘅size比平時食開嘅偏細件，嗰關東煮牛筋都冇乜特別，個蕎麥麵牛肉個湯幾好飲不過牛肉唔夠嫩，。佢餐牌其實選擇好少所以都冇乜特別下次再想試。其實佢所有食物嘅份量都偏少，所以其實相對上性價比比較低。另外有一個唔好嘅地方係枱面太細然後佢餐牌係非常之大塊好唔方便…查看更多

之前見好多網友介紹呢度既芋頭奶！今日終於聞名不如見面！！真係我飲過最足料最好飲嘅芋頭奶！甜度重要啱啱好芋頭未有勁香！！難怪OpenRice 呢一度0負評！！下次要加埋我最愛既芋圓試吓🤤🤤🤤🤤🤤…查看更多

前幾日平日行完鶴嘴，飛的去試呢一間茶記。因為奶茶關注組啲人話呢一間奶茶好飲。好好彩排咗1分鐘個員工就截龍話做生意啦！所以我哋最後一枱入去嘅食客😂仲要連熱奶茶都賣晒好彩仲有凍奶茶！！真心覺得冇介紹錯個奶茶真係好香好滑啊！凍都咁好飲可能熱會更加香！另外我個豬扒麵嘅豬扒真係幾好食佢應該係用咗黑椒去調味同埋啲豬扒都幾淋，枱面仲有支日本麻油比你加，好高質😂雖然佢哋今早閂門好似唔憂做咁，但係佢哋啲員工態度都幾好，唔會好似澳x /九x 牛腩啲火記咁凶狠😜…查看更多

本身鍾意食軟身曲奇，去開大坑就買來食，之前見人share佢哋嘅抹茶味，點知當日去到冇呢一隻味，原來佢哋員工話唔係每日都會有抹茶，要一朝早9:00睇佢哋IG先知有咩味🥲咁是但要咗一個triple chocolate .....em.....除咗好香朱古力味冇乜特別，而且以我嘅認知的美式曲奇應該係要有煙韌既口感，但我完全食唔到得個淋字～仲要成$40 /pcs ,如果佢有果仁口感好好多有層次感，可惜只係一堆好多好多嘅朱古力係個口入面。俾錢個刻，咁啱見到有個正方形嘅類似蛋糕嘅物體，問員工係咩嚟佢哋話係蛋糕加曲奇，我見有綠色問係唔係抹茶味佢話係我就買咗一個反屋企試，我自己就覺得無乜特別，我食咗兩啖已經唔想食，我覺得個蛋糕好乾。呢間試咗一次唔會再買。…查看更多

呢度專飲精品咖啡，order 之前佢地既員工好有耐性又好nice 同你介紹啲咖啡豆，你feel到佢哋本身自己真係好鍾意咖啡。最後喺佢哋介紹之下叫咗一個有whisky 味既cold brew, 同叫左一個nutty d 既hand drip coffee, 2杯都好香隔住個口罩都聞到☺️Cold brew 嗰杯真係有好明顯嘅酒味仲有一啲朱古力味好特別！環境都真係好一流，加上我哋前幾日平日去所以好舒服我哋揀咗坐樓上。不過如果佢哋有多少少食物選擇可以配咖啡就好啦，因為淨飲咖啡有一點乏味。但整體感覺好好，員工又好，地方又乾淨👍🏼👍🏼而且佢哋嘅咖啡唔算好貴，cp 值高👏🏼…查看更多

同朋友見呢間個裝修好靚就去試好好彩排到樓上有位😄朋友叫左杯hand drip , 店員竟然建議我朋友先聞一聞佢揀個隻既咖啡豆，希望附合佢既期望。好細心第一次去cafe 可以咁👍🏼我杯抹茶豆奶ok 幾香幾滑，又唔會太甜。我朋友話杯hand drip 好好飲我哋叫左個sea salt cheese cake , 都唔錯幾好重cheese 味，唔會太實👍🏼Cafe仲有播Ed Sheeran d 歌，加分😂，呢間可以再encore…查看更多

同朋友食生日飯，4位朋友睇完OpenRice 都同意揀呢間, 可惜大家都對呢間野好失望。啲野食係好普通嘅西餐，絕對絕對稱唔上好食，亦都冇一道餸菜令我哋會嘩一些聲/覺得難忘。另外一坐低個侍應比碟我哋，都幾大力擺係枱上面，完全可以話幾無禮貌，唔明點解佢咁粗老心情咁差....之後食前菜嘅時候因為我見張枱唔係好夠位，叫佢幫手收我哋食包隻碟，佢好無禮貌話”用泥食包個喎你哋唔要？？”然後先望到我哋食晒自己答哦食哂啦咁收起啦仲有中途係咁半問半迫我哋開支酒， 個我哋4人入面只有一人想飲，同已經對佢哋嘅食物失望，就無orderSorry 真係一啲都唔好食同唔值咁嘅價。我哋食到一半已有咁既感覺。同食euro gogo 真係差唔多一定唔會encore byebye…查看更多

小妹係ig 見到有個抹茶控介紹呢間，專程為左抹茶而去試，結果....失望🌚2杯抺茶都係好淡抹茶，飲開抺茶嘅你哋睇吓個色水就明。仲要當我問matcha latte 有無得揀豆奶/燕麥奶，個店員答latte....即係有奶成份....我就話我知，咁有好多餐廳可以轉佢先話幫我問。最後就係大家見到咁淡色嘅抹茶豆奶(無紅豆個杯)，豆奶味好重，無乜抹茶味😪到個意粉好香但可惜一上枱已經唔夠熱！好扣分最後，雪糕好綠但係冇乜冇茶味淨係好重牛奶味不過好滑，見到用匙羹食過都冇乜紋路。環境幾好，我哋今日仲包左場(得我一枱客),但我應該唔會encore 呢間🥲…查看更多