tinetine_foodie的个人专页

喺西環想食海鮮，總係第一時間諗起西環碼頭，突然興起當然又要嚟食下啦 首先緊係整返個辣酒煮螺啦~哈哈~男朋友太懶！差不多成碟我食哂，夠哂辣又惹味 跟住叫咗黑松露醬窩塔豆腐，豆腐應該走過下油，知皮幾香，然後入面超級滑滑，仲有d 個汁撈埋d 菇好正好好食 石窩胡椒蝦D胡椒好入味，侍應話因為d 蝦係生推嘅，我諗就係生蝦係胡椒堆裡推到熟嘅意思啦，不我鍾意食辣，如果下次再辣d就更正=D 建議要襯佢熱辣辣時先食哂呢碟 古法燜魚因為想試下新野，唔好成日都炒蜆同聖子，所以叫侍應介紹下，咁就試咗呢個啦，係腐皮同肉絲加埋佢特別的汁炆嘅，上嘅時候會用火一直熱住食，魚係東昇斑，都幾大條，炆得啱啱好，肉好滑 👍🏻👍🏻 …查看更多

My friend told me there's a hot icecream shop opened in Central, being a icecream, of cuz I won't miss it! thou I was actually so full already after a nice Japanese dinnerThe shop is quite spacious as an icecream shop, they got a few tables and and some bar stools, my friend said we were lucky as there was a long queue during his last visitWas impressed with the wide choices of the colourful waffle cones, can't remember what exactly they have, basically it's a cone topped with different kind of cereals/ nuts/ /sprinkles/marshmallow/ chocolate Ordered the deep purple cow(apparently it's berries w some chocolate chips inside) and a cookies and cream scoop with a rice puff cone To be honest, the ice cream was a bit too sweet for me, prolly because it's from the US (I think US ppl's desserts are always over sweet), my friend like it a lot thou. The cone was good, crunchy and smells good. Overall it's more like an eye enjoyment than food enjoyment for me =P Also it's a bit pricey for a double scoop icecream …查看更多

朋友喺呢度搞wedding dinner 先發現原來西貢海邊有間環境咁靚嘅法國餐廳, 雖然偏僻啲, 但絕對強烈推介！因為多人要long table 所以我哋係坐喺外面, 建議可以早D入去行下, 因為日頭個花園喺可以望到海, 環境好好 是晚menu(唔知平日有冇), 而酒都喺朋友自己嘅, 就唔特別講啦Seven courses: Amuse Boucher and fresh oyster Obsiblue prawn tartare'5j' bellota jamon Chicken consomméSpanish tuna & octopus Challand duck magretHazelnut & mascarpone parfaitAmuse bouche and fresh oyster 一開始嚟個開胃小食, 味道係喺酸甜甜嘅mousse 加少少caviar, 食完更加期待之後嘅食物! 一個好嘅amuse bouche 絕對令人印象分大大增加 Oyster 有3隻, 有Tasmania同France 嘅, 人太多所以都冇仔細問, 只記得最尾的white pearl 好好食, 蠔味濃好滑, 海水味不會太強Obsiblue prawn tartare配上柚子味的caviar, salmon roe 同tomato water jelly, 另一開胃appetizer '5j' bellota jamon Jamon 上面好似egg yolk 嘅其實係一個melon sauce, a very interesting dish Chicken consommé非常好飲, 好淸甜, 影時仲出緊煙 Spanish tuna & octopus 呢個漏咗影相😝 半熟tuna 加調過味的日本八爪魚Challand duck magretDuck taste入口香濃, 肉質嫩, 加埋個sauce 唔會有膩的感覺 Hazelnut & mascarpone parfait 食埋甜品就完滿結束啦, 好盡興, 整體食材新鮮食物精緻味道一流, 完全感受到朋友同餐廳主廚的心思👍🏻👍🏻 一定會再來…查看更多

去北角舊同事屋企附近打冷打冷打冷~~*v*~ 佢帶咗我哋去食呢間潮樂園~舖面裝修好新淨，入面牆身地板以淺木色為主，而枱凳係全白色嘅，感覺好乾淨，一洗我對打冷=污漕嘅印象~嗰日係平日，但都幾多人食，等咗大約15分鐘到啦~一坐低即刻一人一句要食呢樣嗰樣，我呢班同事真係好嘈架~哈哈~其實今次只係4個人，平時齊人真係不得了，希望嗰日無嘈親人哋啦 =P因為比3個嘈人搶哂D Menu 我就唯有睇住牆上幾條木造嘅Menu 先啦，後來發現應該係招牌菜，因為成間店就係得呢幾條::::::最吸睛應該係巴基斯坦靚咖哩~ 哈哈:::::不過我揀咗蠔餅~~好啦~到食嘢時間~介紹下嘈人揀嘅餸先::首先係個小食醉香鴨舌，to be honest我係唔食鴨舌嘅，不過聞到個酒香味好濃，係好香的醉雞味道，同事話超好食，如果食鴨舌的絕對值得推介跟住係蠔仔粥 – 係一碗含蠔量好高嘅蠔仔粥，隨便裝一碗都已經係啖啖蠔仔*v*~湯味鮮甜~另外有D唔知係叫方魚定魷魚碎係入面煙煙韌韌增加口感~勁食3小碗~手打魚蛋魚片 – 店員話係用新鮮魚自己打的~絕無溝粉~因為無溝粉所以唔似出面食的魚蛋咁彈牙，但就多咗一分鮮味，其實係似鯪魚球的爽口感但滑D蠔餅 – 有2大塊~~呢個係真係好好味! 同蠔氣了一樣平時食蠔餅總係炸到好脆，油淋淋咁，呢個一D都唔覺得油，佢外面脆脆地但入面係好似油炸鬼入面的質地，好軟熟同好香~正!~另外係店員介紹下叫咗一隻凍蟹，佢講笑話唔好食唔收$$喎~身為蟹精，佢咁講唔叫都唔得啦~嘈人同事仲同佢講話唔好介紹我食蟹，因為我一定會叫~LOL~$300嘅凍蟹當然唔係平時食嗰D巨蟹啦，不過估佢唔到好實肉，每件都啖啖肉，絕對唔係得個殼嘅水蟹其實仲想試下D無味精滷水同個牛坑腩，見到隔離枱食都幾靚仔仲好大碟，但已太飽，唯有下次再試啦 ~…查看更多

有日同2個同事喺Hysan Place 附近site visit完搵地方食晏,想食上海嘢又唔想等位就諗起好耐無食過的南小館, 咁就上去睇下多唔多人啦, 可能有點晏, 完全唔洗等就入咗去前菜有四小拼只係$68, 價格相宜當然份量都係好迷你啦哈哈, 不過如果少人食又想試多幾樣真無唔錯的選擇; 我哋揀咗四喜烤麩/ 冰宮肴肉/ 糖醋排骨/ 花雕白雞 (另外的選擇仲有馬蘭豆腐/涼拌木耳/ 口水川雞/涼拌彩絲)味道OK, 份量除咗個肴肉薄到有點誇張其他都唔錯另外叫咗排骨擔擔麵個麵嘅湯底好味, 微辣有D麻醬香味, 豬排炸得香同好乾身唔會油, 份量最大算係呢個麵包點類我哋就叫左小籠包、腌篤鮮燒賣、蝦肉麻醬抄手小籠包皮薄有彈性, 包入面多汁夠熱, 好食腌篤鮮燒賣就有點強差人意, 個皮還好, 入面其實基本上只係過煮得過腍的糯米, 另外加了極微量的筍同肉粒, 而且係無味的, 實在找不到任何腌篤鮮的踪影, 要知道腌篤鮮好食在個湯的鮮味, 用糯米代替筍和肉也至少應撈點腌篤鮮的湯吧我哋想試新嘢所以無叫紅油抄手叫咗蝦肉麻醬抄手, 抄手其實無問題, 只係餡應該同紅油抄手share用所以就返紅油抄手濃味所以偏淡, 而同時個麻醬味道亦偏淡, 所以加埋有點格格不入無乜味, 如果叫返紅油應該開胃好多甜品叫咗甜甜拼(貪吃嘅我基本上有拼盤都會叫 =P), 可以選2款奶凍及2款榚點; 下面的是茉莉花茶涷及杏仁白玉凍; 桂花蜜拉糕及椰香紅棗糕甜品一貫水準, 2個奶凍都好香好滑, 推介茉莉花茶涷*v*, 2款糕點不太甜, 口感煙煙韌韌總括嚟講南小館以前食過很多次, 喜歡的是佢嘅食物都是細細碟價錢唔貴真係好吸引, 而且店面裝修乾淨光猛, 地方大坐得舒服, 今次食覺得水準好似跌咗D, 希望係咁啱啦, 因為人少少想食中菜的選擇真係唔多, 希望下次再食回復水準啦!…查看更多

有日行完街本來想去韓國街食部隊窩, 點知好多人等緊, 見隔離有間好似新裝修的又唔洗等位就入咗去。呢間餐廳係韓國街嚟講都真係算坐得好舒服, 店面闊落, 可能因為佢地新裝修同有2個舖位坐低店員好快就送上side dishes, 有泡菜/ 薯仔絲/ 醃青瓜, 可以食住睇Menu, Menu清楚簡潔, 每碟餸都有相, 見佢地都有部隊窩, 不過睇相好似係用碗上而唔係一窩咁, 所以就無叫啦。得2個人, 都唔敢點太多, 適逢呢度有肉拼盤, 啱哂 =)拼盤有2個選擇:<烤牛肋骨+泡菜炒豬肉+韓國春川辣炒雞排>或者<辣豬排骨+辣醬伴豬蹄肉+超辣雞肉>, 我同朋友都鍾意食牛肉所以一致通過叫咗第一個拼盤:拼盤跟一碟韓式醬, 生菜同薄荷葉, 呢個其實都幾大碟, 只係因為太肚餓的關係, 食咗一半先記得影相, 所以得返半碟 =P牛肋骨好Juicy, 雞同泡菜炒豬肉就正常水平啦, 始終覺得就呢種用泡菜或韓式辣醬炒的肉要用鐵板上熱辣辣至好食另外叫咗<韓式首爾魚卵湯>未聽過都未食過, 叫之前都驚驚地, 點知又幾好飮喎, D湯有魚子味, 魚子的質地有D似多春魚卵不過滑D另外值得一讚係店員好好笑容, 態度好好, 好energetic, 個人認為一間餐廳D店員friendly D, 食落開心味道都會好D, 埋單時有個韓國女店員仲用唔咸唔淡的廣東話問我地好唔好食, 好可愛哈哈…查看更多