feedmebyfood的个人专页

上個星期六心思思想去打邊爐，但係又懶得出門口去太遠嘅地方，就去咗牛涮鍋食個放題，過吓癮！入到門口帶位嘅員工好有禮貌，全部枱都有間隔板，整體感覺唔錯。湯底叫咗最普通嘅昆布湯，另一個係櫻花蝦沙嗲湯。我同朋友都比較鍾意昆布湯，味道比較清可以食返食物嘅原味😋😋而櫻花蝦沙嗲湯開頭都唔錯嘅，食得耐呢個味就覺得佢有啲鹹😬出去拎咗少少配料，蘿蔔片幾甜，切得比較薄，可以好快就煮得淋😍新推出嘅牛丸好好味，有啲似牛筋丸。黑松露小籠包聞落去有黑松露味，但係食落去冇🙁我哋叫咗188嗰個LEVEL，有雞、豚、兩種牛，高級啲嗰隻牛的確有好食啲嘅，不過都冇再追加，三碟肉加埋啲配料都已經夠。臨走嘅時候見到有小朋友拎住個雪糕先記得有得自助唧雪糕，梗係要出去玩下啦！今日有嘅係牛奶同埋西瓜味，牛奶味唔係平時白色嗰種純牛奶，而係日本有隻黃色牛奶糖嗰種牛奶味，覺得幾特別！而我最鍾意嘅係佢哋嘅玄米粒，又香又好味每一次都會食好多🥰…查看更多

之前去西九龍中心foodcourt會食嘅一間餐廳，每一次去條隊都排到好長，無返咁上下耐性都唔好排隊啦，可想言之幾好生意！飯底係油飯，青瓜清爽，雞肉好嫩，配埋個泰式醬，撈飯一流！個湯都好足料，有花生、雞腳、杞子，幾濃嘅藥膳味，真係真材實料！…查看更多

嗰日放工經過尖沙咀就去咗食呢間六両三，入門口之前都仲有好多位，食食吓就發現出面條龍好長。咁我諗平時應該都好多人食！首先有呢一個三寶麵，裏面有牛筋牛腩牛肋肉，三樣都非常出色，十分有牛味，而且肉質煮得十分鬆軟！呢個一定係必食！另外就係肉燥撈麵，麵底正常，好食嘅。個肉燥好夠味，令我諗翻起喺台灣食嘢嘅時候，不過我覺得呢個肉燥撈飯會再好食啲！最後呢個一定要食，自問平時對豆腐好挑剔，小小嘅怪味都接受唔到。但係呢一間一啖食落去有豆腐、柴魚片、皮蛋、佢個醬，簡直覺得有一道金黃色嘅聖光出現係我腦海！超級好食！必試！…查看更多

話說我哋一大班朋友成日會喺黃大仙嗰邊食甜品做宵夜。咁啱有一日見到呢間大街小館，店面望落去係小店，但係啲嘢食一啲都唔可以睇小！叫咗燉蛋、榴槤pancake、糖不甩等等。個燉蛋味道正常發揮，面頭放咗啲西瓜哈密瓜之類嘅水果。個人覺得唔係好襯，不過將佢地分開食都OK嘅！榴槤pancake即叫即整，所以唔會好似其他x記y記z記咁樣放喺雪櫃雪咗好耐變到硬晒。反而個皮好軟，榴槤肉好香。鍾意食榴槤嘅一定要試！然後仲有個糖不甩係朋友叫嘅，自己就唔係話好鍾意食。不過朋友每一次嚟到都會叫，咁我諗應該真係好好食！…查看更多

話說之前同一班朋友去咗大渣哥嗰度食晚餐，大家食嘢都比較麻甩，好鍾意叫小菜配飯。叫咗魚香茄子煲、沙嗲肥牛金菇煲、鹹蛋黃肉餅、黃金單骨雞翼。個魚香茄子煲同埋沙嗲肥牛金菇煲都十分出色！鹹度適中，永遠都係餸飯之選！不過可惜冇影到相。而鹹蛋黃蒸肉餅雖然上菜時間較耐，不過食落肉餅好嫩，配埋鹹蛋真係經典家常菜！最後係黃金單骨雞翼，鹹蛋黃炒成沙，再裹上單骨雞翼，最後沈上鹹蛋黃粉，成件事超級有鹹蛋味，對鹹蛋愛好者真係好正！另外佢個底係有啲生菜，可以中和返啲鹹味。…查看更多

有次經過深水埗諗住食蕃茄師兄，點知鋪頭話準備中，要六點先開飯，咁就去咗隔離食蘇媽。蘇媽係我一直想試嘅餐廳，因為幾鍾意食白咖喱。首先係檳城白咖喱油麵，配料有豬紅、芽菜、白魚蛋、蝦仁等等。咖喱重椰汁味，加辣之後都唔算太辣，所以我哋連湯都飲埋。然後係檳城亞參叻沙米線。朋友話米線彈牙，配料豐富，不過湯底好辣，懷疑加辣加錯喺佢度😂但係都係好食嘅。另外就係佢哋特色嘅馬來西亞拉茶，飲落茶味無乜，多數係奶味同甜味。好大杯，女仔可能飲唔晒。…查看更多

今日要返工🥺🥺午餐就揀喺小伊甸叫外賣。台式肉燥飯嘅肉燥𥚃面有一塊塊豬皮，增添咗不少口感，如果可以趁熱食一定更加好食。配料方面，肥牛份量多嘅，金菇就無乜，個人就唔太鍾意咁多嘅花椒撈埋一齊，挑極都仲有😢其實都驚喜個肥牛有啲麻味，只係唔想食到原粒花椒。午餐送一杯手搖飲品，我就揀咗波霸奶茶，發現原來係賞茶嘅😂送外賣嘅人唔記得咗俾飲管，最後仲特登送飲管過嚟。麻煩晒🥺服務唔差，觀塘返工嘅可以試吓叫佢哋嘅外賣！如果喺兩點半後落單叫午餐仲可以每個餐減5蚊添！不過佢哋下午茶餐都吸引嘅，留意返佢哋外賣最低消費係150蚊啊！…查看更多