Nami_foodie的个人专页

食咗咁多間泰國菜呢間質素中下，我最期待嘅泰式炒金邊粉竟然冇味，仲要勁淡，串燒入面又冇味同埋好硬，啲肉一啲都唔嫩，好難咬，另外一盤肉碎冇味，雞翼入面都係無味，炒飯都係勁淡，得咖喱有少少咖喱味，同埋冬陰功湯有少少冬陰功味，不過都係偏淡，泰式奶茶正常！但係人均消費一啲都唔平，要成$200幾一個人，完全唔抵，我應該唔會再去，都唔會介紹朋友去。如果鍾意食譚味嘅朋友都可以去試吓嘅，但性價比高嘅泰國菜出邊大把，唔需要刻意嚟呢度食。…查看更多

第二次食印度野，見open rice多好評就黎試下，叫左拼盤同同同嘅咖喱加小食。我推介咖喱+簿餅，十分地道及有印度風味。拼盤嘅羊肉都唔錯，有少少辣，但有十分濃郁嘅印度香料及醬汁。咁多野我覺得香港人最食唔慣嘅一定係甜品，真係向味蕾挑戰，你要有信心想食啲完全冇食過嘅味道先好試。飲品方面比較多酒類，但好似唔見有印度特色飲料。整體食物質素唔錯，氣氛到位，服務亦唔錯，不過入到餐廳要講全英文，全部侍應都唔識講中文架。…查看更多

喺海港城行咗好耐唔知食咩好，最尾入咗呢間，見到有pizza好似幾正。估唔到入邊望到海景，仲俾我哋坐咗個海景位，個境真係好正好正。講返食物，我哋叫咗個大pizza同埋大炸雞，但係兩個人食唔晒，份量偏多，我覺得三個人都夠食。服務態度都幾好。…查看更多

見最近推出左2人餐所以試下，前菜非常精緻，有四宮格同埋沙律，由於太想食壽喜燒嘅關係煮食叫咗兩份壽喜燒，牛肉偏韌，湯底偏淡，如果可以改善就更好，但整體感覺唔錯，成個餐最好食嘅就係佢嘅甜品，抹茶味嘅提拉米蘇一定要試！ 食落去完全唔同嘅感覺，雖然主食已經食得好飽但係都食得落。最後仲有2杯抹茶雪糕，真係大滿足，2個人食得勁飽！人均$250左右，性價比都還好，而且食得10分飽，大食嘅非常之抵，十分推薦朋友下次一齊去試…查看更多

Lunch去食的泰國餐，lunch set價錢不低，由98起至138，而且不包嘢飲和加一，埋單找數差唔多150一個，講性價比不算非常高。但味道還是不錯的，非常有泰國特色。…查看更多

揀咗好耐決定食呢間韓燒，主要想試佢嘅壽喜燒和牛，268/2件，我哋5個人叫左3份，服務員會幫你燒晒所有嘢，服務態度唔錯，而且佢哋燒得啱啱好，非常好味。另外我哋叫咗牛肉拼盤同牛肋骨，牛肋骨肉質非常之好，相比之下牛肉拼盤嘅肉質一般。甜品方面推介雪糕年糕，估唔到雪糕加年糕可以整得咁好食。美中不足的是由於冇酒類提供，所以只叫咗普通飲品。最近OpenRice book位有八五折，所以大家記得預先book位先去呀，抵好多！…查看更多

收工係灣仔附近搵食dinner，想食泰國菜就去咗呢間。雖然裝修同門面非常之普通，但係食物嘅味道比想像中有驚喜。分別叫咗火山骨同埋冬陰功湯都非常之好味，另外主食叫咗青咖喱，金邊粉等等。味道非常之地道同正宗有機會會再試！…查看更多

因為想食壽喜燒牛肉鍋而入去嘅餐廳，現在一個和牛壽喜燒，牛肉份量非常多，壽喜燒味道都非常之濃郁，而且和牛質素都幾好，以$188嚟計性價比十分之高。另外叫咗滑蛋雞飯同卷物，個人覺得吞拿魚卷比和牛卷更好味。整體感覺性價比很高，會再幫襯…查看更多

見每日都好多人排隊，今日訂咗枱去食lunch。6個人都叫左唔同嘅野食，有天婦羅，魚生配蠔，魚生配牛脷串燒，和牛飯，魚生配牛扒，特選魚生刺身。性價比最高的是魚生刺身，只售298可以食到海膽，三文魚吞拿魚等非常新鮮的魚生，而且每款有三件，份量都唔少，而且魚生質素非常新鮮。相比之下牛扒唔太得，上到黎全熟，完全咬唔到，簡直就對唔住個價錢，288同298我一定會揀298嘅魚生刺身，性價比高很多。其他幾款也是中規中矩，都食得過…查看更多

今日lunch又係Airside 附近搵食，見到呢間lunch超平而且今日咁啱唔使等位就行咗入去，呢間餐廳平時每日都好多人，最少等十幾張枱先入到。入到去發現每個lunch set都只係60幾蚊左右，而且仲係中菜包飯，估唔到上菜勁大碟，味道亦十分之好，另外加$18有杯超大嘅特飲，有檸檬茶或者益力多，勁大杯超滿足。對於呢間餐廳嘅食品非常之有驚喜，估唔到lunch都可以整得咁好食。呢間我一定會推介俾朋友同事食，性價比超高。…查看更多

食完飯行過煙廠街想食甜品，見到呢間好正就入咗去，三個人叫咗一個刨冰，再加兩個九宮格。但係我哋發現食完刨冰已經好飽，本來以為食唔落嗰兩個九宮格，點知幾好食所以食得落發現呢間無論係西式甜品，定係港式小食都整得唔差，值得去試！…查看更多

今日出去搵lunch食咩，行咗好多間舖頭都好多人排隊，竟然見到牛角唔使排隊，仲要係半放題，就入咗去食。雖然肉類只有一碟，但係出邊嘅嘢食超多，除咗蔬菜沙律關東煮牛角飯之外，仲有意粉甜品雪糕同埋嘢飲都係任飲任食，超抵。人均消費只係$100左右，仲有我最鍾意食嘅牛角飯，自製窩夫同埋番薯味雪糕，一啲都唔貴，但係可以食到飽到上心口 lunch真係唔錯，同埋好抵食，唔大食嘅話建議食lunch抵食過dinner！！…查看更多

睇到佢個lunch set menu入左去食，之後叫左燒烤，佢普通嘅lunch set都係80幾至100左右，但佢lunch set嘅燒烤都要200幾一份，食落係幾好，但我又覺得未去到呢個價位以我平時成日食開嘅韓燒黎計，味道呢間算中上但偏貴，而且份量唔算好多，大食嘅未必夠飽。如果佢lunch set嘅燒烤套餐可以更加平啲就會更加好。而且服務方面又唔係特別好，所以感覺唔太值呢個價位。正價應該都唔會再去試。整體評價一般，唔特別推薦！…查看更多

好耐冇食放題想食下，搵左間比較平嘅試下。依間冇級別揀，全店都統一價錢， 每個人食嘅嘢都一樣，本來覺得冇級別揀嘅未必好好，但係發現啲牛肉質素唔差，比想像中好好多，牛肉有分4款，有牛梅花，牛小排，安格斯黑牛仔同牛五花。四款入邊我覺得最好食嘅係牛小排，唔差過出面日式放題嘅牛小排。除左牛肉，仲有台灣腸都好正，同埋仲有海鮮同魚，海魚有大蝦。而出面自助區都有好多野食拎，包括牛肚豬腸，腸仔，丸同埋菜。而呢個價位嚟講真係食得非常之滿足，抵食…查看更多

行過見到呢度新開冇幾耐就入咗去試，因為食晚餐，所以都多人要等位，等咗三個字左右終於有位。入到去發現大部份都係扒餐，就叫咗個牛柳試下，佢嘅特點係送咗個鐵板上嚟先至會淋汁，有別於出邊嘅茶餐廳。賣相唔錯，味道都OK，係價錢都唔算好平，最後仲送咗個甜品仔俾我。我見入得嚟全部人都係食扒，意粉同埋飯暫時未試過，唔知質素如何。人均消費$160左右，包埋湯同埋嘢飲加甜品，整體感覺唔錯，所以下次都會帶朋友們再嚟過。…查看更多