skywalker1942的个人专页

當初新開業，試左一次兩個人食，係好食，但真係等好耐。咁當佢啱啱開未營運好，就當畀次機會。隔咗好耐，到今個星期又再有機會嚟試，五個人食，等半個鍾都未有一樣野上。附近好幾枱都係咁，野食一係遲，一係錯，一係重複。佢話電腦有問題，所以落單好混亂。不過見啲夥記態度都好好嘅，係盡力有心做，嘢食環境都ok嘅。不過份量真係少啲，啲炒飯炒麵就算一人都未必夠食，半份海南雞，皮多個肉。但如果黎試就有心理準備，等野食時間可能真係難預計啲。…查看更多

路過商場先發現原來新開左一間日本餐廳，本身已經非常喜愛日式拉麵，加上見門面裝修幾有特色，所以決定一試。每台本身有檸檬水，唔係水喉水，依個已經值得加分。餐牌選擇都算多，麵又可以選擇硬度，再加分。我地一共點左一碗拉麵，一個叉燒飯，加一個關東煮，再加一個甜品。上菜時間好快，拉麵中上水準，合乎預期。不過叉燒比較硬，飯亦太淋。。。關東煮同甜品蛋糕都幾好，一個非常入味，一個甜度適中。兩個人晚飯結帳大約200多左右，價錢合理，值得推介~…查看更多

之前用apps購買兩張優惠劵，主要原因係俾甜品任食吸引，所以決定試下。可能太多人book, 試左幾次之後終於成功book到位。餐廳環境一般，菜式都叫多選擇，賣相及味道亦算正常。甜品之中火焰雪山幾特別，其他只屬一般。不過，同等價錢應該可以有更好既選擇，如果唔係因為有優惠券，真係唔會考慮依度。地點唔算方便，時間難book，食物只係中等水準。任食甜品似乎係餐廳主力賣點，但真實效果似乎沒有預期中好。始終一般餐廳或cafe好難做到任食既服務，無需強行越級挑戰。…查看更多

見完工路過,俾佢古典味中式裝修吸引,舖頭地方又大,坐得都幾舒服點左個"上海香酥豬扒菜飯",加熱飲,$45,係上環都算合理碗菜飯好滿,"un"到實一實,我睇接近正常一碗半既份量豬扒好正,唔似有D餐廳粉多過肉又好食又近MTR,下次一定再去…查看更多

比上不足,比下有餘下午茶時間經過,見人少少又未食過,就試吓啦~叫左個MOS Cheese burger A set,等左5分鐘左右,職員送到去你個位.粗炸薯條,OK,但burger king,triple o好食D個Cheese burger雖然無triple o咁好食,但味道唔錯,個汁幾好味,份量都夠.一試無防…查看更多

行過瀝源,想起有間賣牛腩既店鋪,又上過報紙,正好去試下.餐廳裝修簡樸,有D古色古香既木臺木椅,幾有特色叫左個清湯腩河,好快就有得食份量唔算好多,牛腩味道OK,但切到好細份,得好少;蘿蔔好甜,但得一塊...相比之下,相約既價錢($24左右),其他以牛腩做賣點既店鋪,份量會多D總結,無咩驚喜,不過不失,平平穩穩…查看更多

同朋友一齊試下,簡單講,食物一流,服務九流講食物先,價錢平民化,種類算幾多,薄餅,意粉,意大利飯,餐湯,小吃...我地叫左個薄餅,白汁海鮮焗飯,紅酒燴牛肉意粉等足40分鐘,薄餅到先,普普通通,無咩特別白汁海鮮焗飯同牛肉意粉就有D意外兩個份量都非常充足,一般女仔會食唔曬,細食D既男仔都未必食得曬一個紅酒燴牛肉意粉,雖然無咩紅酒味,但牛肉好淋,都幾好食服務方面就真係好一般第一,staff得2個,有一個好似仲要係新手,serve唔切咁多客,又無禮貌第二,佢地會準備左外賣個D order先,堂食既客等候時間比較長第三,舖內坐位設計好差,舖位已經細,仲放幾張4人臺,坐得又迫又唔舒服食物係又好食又抵食la,但服務同環境方面,仲差好遠,有時間又有耐性等,可以一試…查看更多

牛腩麵同奶茶,值得一試小時候常到這茶餐廳吃下午茶,今日路過又想起那美味的牛腩麵$25一大碗,牛腩很多又很淋,但湯低無以前咁濃同入味驚喜既係,杯奶茶非常香滑.$25黎講,值得一試.…查看更多

去深水埗買野路過劉森記,幫襯下試試蔡瀾150間常去食肆之一有幾正要了一碟蝦子雲吞撈麵碟撈麵好大碟,勁多蝦子,直頭舖滿曬,味道一流唯一我唔滿意,係D雲吞,雲吞size同味道都ok,但得3粒.....服務質素又....D阿姐吹水吹到忘我境界咁...又大聲....個蝦子雲吞撈麵係吃得過,但如果價錢平少少或者雲吞多D就更好la…查看更多

入荃灣上堂,特登黎試試刀削麵餐廳比較陳舊,算乾淨,但還可以再改善....我點左個榨菜肉絲刀削麵仲特登坐係近廚房個D位,一路等,一路睇佢表演削麵D刀削麵即叫即做,個師傅真係好好功夫一刀就一大條麵落去湯到,又快又準,好勁麵條好有嚼勁,份量又多,一個女仔未必食得完一碗.總括黎講$26一碗,有咁好水準又夠份量,值得一試.…查看更多

今晚到呢度食晚餐,叫左個set dinner , 鴛鴦排飯 (豬排+雞排) + 野飲等左唔夠10分鐘左右已經上到菜豬排好有香茅味, 雞排個汁幾好,D排唔肥唔瘦,剛剛好配菜普通,但D飯出怪地新鮮好食, 份量又足,比上次大有進步但$38貴左D, 平少少會好D…查看更多

等女友放工,又有少少餓,所以去左永華試試D雲吞麵店內幾整齊清潔,設計好有傳统風味.我點左雲吞麵,等左3,4分鐘就有得食麵既份量比想象中少,但都有5粒雲吞麵夠彈牙但鹼水味重左少少,雲吞好足料環境ok,雲吞麵都好味,但$27一碗...太貴la,間唔中食下都可以…查看更多

見到吉野家有火鍋供應,已經成日想試下,今晚終於試到la~~同女朋友來瀝源這間吉野家,白色為主的設計令感覺比其他的分店光猛寛敞,又有卡位,正~兩個人叫左一個濃湯火鍋,一個清湯火鍋濃湯味道重,清湯比較甜,各有各好配料 : 鳥冬+汽水+豆腐+冬菇+芋絲+白菜+豆卜+紅蘿蔔+肥牛+腐皮份量充足又新鮮, 點火的嬸嬸成日主動幫我地加湯底,服務態度好好,殷勤有禮,但counter小妹妹同個男manager的服務就麻麻地, counter個妹妹講野唔夠清楚,個男manager好似發緊夢咁,有客想問佢野佢都無留意到total $100 都唔曬,又抵食又好味~…查看更多