甜忌廉的个人专页

今日跟朋友嚟到呢間韓燒Mr. Korea BBQ，聽店員講以前係喺尖沙咀，最近先搬過黎銅鑼灣，只此一間，同尖沙咀舊舖係完全無關係架🙅🏻‍♀️韓式餐廳唔少得自家製前菜，呢度有泡菜, 菠菜, 芽菜，全部都無限 refill，其他推介菜式有:🦀醬油醃海鮮拼盤（配紫菜飯）$438之前只係喺韓國食過醬油蟹，估唔到呢度嘅醬油蟹一樣咁正😍，蟹好大隻好多蟹肉，蟹膏都好豐富，鮑魚就夠晒淋，蝦肉亦好鮮甜，濃濃嘅醬油帶少少辣，非常惹味😋🐮韓牛 (封門柳/ 前胸肉)牛牛已經有醃製過，輕輕燒一燒就食得，連醬料都唔使點🩷鍾意牛味濃嘅就試下封門柳🩷💜想要油脂豐富嘅就食前胸肉💜❤️其他牛牛仲有牛肋肉，比較淋身❤️🐔雞頸肉/ 雞腎雞頸肉屬於特別嘅部位，好嫩滑嘅肉質，燒到少少燶好香口，雞腎處理得相當出色，口感爽脆彈牙，一口一啖有嚼勁👍🏻🥣豆腐海鮮湯香濃豆腐湯，豆腐好入味好滑，唔會過辣，令人忍唔住一勺接一勺🥣人蔘雞湯（全隻）人蔘雞湯燉煮得乳白濃醇，雞肚塞滿糯米同人蔘精華，筷子一夾就骨肉分離，濃湯甘甜而不燥熱🌶️辣炒血腸血腸外脆內糯，搭配韓式辣醬同蔬菜爆炒，鹹香滋味啱晒送飯🍤酥炸河蝦酥炸河蝦金黃酥脆唔油膩，連殼帶肉成隻食，佐酒一流🥚韓式蒸蛋夠晒蓬鬆，入口非常綿密，高湯鮮味滲透每一啖呢度有間VIP房，如果人多可以提早book，有專人幫手燒，仲可以唱歌娛樂下，而且營業到零晨12點，不限用餐時間，人均消費都只係三百幾蚊，啱啱成班朋友歡聚🥳🥳其他推廣優惠 : * 星期三及四任飲 ($168 包啤酒, 燒酒, whisky highball ; $248 包埋日本清酒)* 九點後入座全單 85 折…查看更多

尖沙咀棉登徑出名多嘢食，今次嚟到呢間人氣居酒屋南亭食我哋最愛嘅日式串燒😚😚餐廳裝修簡潔舒適，餐牌種類不少，以下係推介食物🤩🤩🦪蒜蓉牛油燒生蠔係我嘅最愛😍😍，生蠔好飽滿Juicy，配搭蒜蓉牛油係不二之選，食完真係齒頰留香😚😚😚🍢燒豆腐外脆內軟，口感綿滑，豆香豐富，功夫之作❤🐷 黑毛豬大蔥黑毛豬層層油脂分明，夾埋大葱食好香口，又可以減少肉膩感🍙燒飯糰用紫菜包住來食，一咬落去聽到”卡”一聲已經加晒分，入口帶有焦香，又不失飯糰嘅煙韌，讚👍🏻…查看更多

成班朋友食飯吹水，搵間開得夜嘅餐廳先可以傾過夠，呢間明記潮館就就啱晒😙一搭電梯上到去就見到好多明星相😍，咁多明星幫襯一定有返咁上下水準，我哋8個人叫咗以下小菜:椒鹽粟米$108好香口，粟米唔會太乾身，椒鹽比例啱啱好，非常惹味黃金凉瓜$138 及 黃金鮮魷$160邪惡之選🤭，店員推介嘅黃金系列果然冇介紹錯，涼瓜沾滿鹹蛋黃香，完全去除苦澀味，外脆內爽好夾👍🏻，鍾意食海鮮嘅朋友可以試黃金鮮魷，同樣出色❤️石鍋啫啫油麥菜$118未拎上枱已經聞到好香，放上枱聽住啲吱吱聲好吸引，熱辣辣用來送飯一流，真正齒頰留香蜜椒一口牛柳粒$168牛柳粒夠淋又入味，甜甜地嘅蜜糖灑上黑椒，惹味可口順德鮮奶脆脆卷$128外脆內軟，鮮奶炸得啱啱好唔會太老菠蘿咕嚕肉$138脆漿夠薄，咬落有肉汁又彈牙，咕嚕汁酸甜適中，醒神開胃超級優惠滷水拼盤 $8餐廳做緊優惠，食滿$300加$8就可以有潮式鹵水雜錦拼盤，有鵝腸、紅腸、腩肉、墨魚、豬耳等等，份量十足好抵食！熊仔凍檸茶 $42除咗小菜之外，呢度嘅熊仔檸檬茶都好出名，啱晒港女打卡🤭🤭其他小菜仲有中式牛柳、粟米瑤柱羹等等，成班朋友邊食邊吹水，好有地道風味，下次都要黎幫襯🥳🥳…查看更多

呢間Times coffee嘅carbonara真係好好味😋，加咗cream、煙肉同磨菇好足料，比起出面嘅更creamy我次次嚟都係叫呢款😆，朋友試過其他意粉質素都非常好，另外佢哋嘅咖啡都好唔錯，lunch set仲包埋架🤩十分推介呢間cafe，冇收加一收費，性價比極高👍🏻Times Coffee 喺觀塘興業街16-18號美興工業大廈A座1樓C1室，地點都幾方便，距離地鐵站只係行5分鐘左右，由A座或者B座上1樓，喺樓梯口嗰間就係，不過有時大廈會閂閘，咁就要經停車場行上去…查看更多

親戚遠道而來食團年飯，梗係要食傳統地道風味😙，喜記避風塘炒辣蟹已經有接近60年嘅歷史，咁多年來都有好多名人keep住幫襯，就知道水準一流👍🏻👍🏻避風塘炒蟹🦀 $788/小避風塘炒蟹係必叫嘅菜式，據聞餐廳仍然沿用1960年代喺銅鑼灣嘅秘方，令炒蟹嘅味道獨具風味，一上枱已經聞到好香，好快就有侍應協助拆殼，真係好貼心❤️，蟹肉非常結實，連埋避風塘嘅配料一齊食，令人回味無窮，難怪幾乎每枱客人都叫呢道菜😋😋豉椒炒蜆 $108好夠鑊氣🔥，蜆肉新鮮，豉汁亦都好夠濃👍🏻喜記椒鹽富貴蝦 $488成隻手臂咁大嘅瀨尿蝦王😍，肉質厚實仲有好多蝦膏，除咗避風塘蟹之外，呢樣都係必食之選！招牌蟹油炒麵 $88升級版嘅豉油王炒麵，加咗炸蒜同蟹油，立即香氣四溢，好有驚喜❤️金銀蛋浸時蔬 $98食咗咁多濃味嘅菜式，當然要叫返碟菜中和一下油膩感，蔬菜清甜可口😋食完親友都忍唔住大讚好味又滿足，4人吃晚餐人均約港幣$430，很划算👍🏻👍🏻…查看更多

出旺角食晚飯，又想食串燒😆，今次來到呢間人生有限杯串燒店🤗串燒由$10/串起，非常抵食，今次食咗呢d:豚肉類:🌟鹽燒西班牙五花腩 $10鹽燒豬肋肉 $28味噌松板豬 $15🌟豚肉荔枝卷 $15豚肉蘆筍卷 $28估唔到$10/串嘅五花腩都咁高水準😍，薄薄一片層層分明，豚肉荔枝卷就酸酸甜甜好開胃，食多幾串都唔覺得膩👍🏻==============================牛類:🌟鹽燒牛舌芯 $28鹽燒和牛牛小排 $48牛舌芯夠爽口唔靭，簡單鹽燒就已經夠晒味，一d都唔騷❤️==============================雞類:🌟鹽燒雞腿肉 $20鹽燒雞中翼 $20紫菜鵪鶉蛋卷 $20雞腿肉好嫩滑，連塊雞皮都燒到脆皮好香口，啖啖肉好正🤤==============================海鮮類:🌟蒜蓉燒蠔(2隻)$48🌟蒜蓉菜脯燒元貝(2隻)$48燒蠔都幾大隻🤩，連埋蒜蓉成隻入口，爆晒汁充斥住蠔鮮味😋，燒元貝配菜脯都係第一次食，估唔到又幾夾，脆口又帶少少辣好惹味🤤==============================蔬菜類🌟香燒翠玉瓜 $10鹽燒芥蘭頭 $10翠玉瓜一上枱已經覺得好吸引，好少見到蔬菜會燒得咁金黃而又保持多汁，極力推介🙌🏻==============================飲品🥤手打檸檬茶 $28百香果檸檬茶 $28食咗咁多嘢好飽好滿足，餐單有特色而價錢仲要咁親民，下次gathering又可以encore了🥳🥳🥳…查看更多

臨近過年，開始同朋友食團年飯，今次去到灣仔呢間私房菜，主打順德特色美食，每款都好精緻，菜單如下:1）順德豆腐魚蓉羹廚師將魚肉起骨，加埋豆腐、青瓜、香菇等配料煮成嘅湯羹，充滿魚鮮味2）青芥冰燒雞好有特色嘅一度菜，芋頭切到一絲絲好脆口，配以薑粒、海蜇等等，以芥辣調味，微微辣非常開胃3）懷舊蝦多士 拼大 大良炒鮮奶一般嘅蝦多士咬落去就成口油，呢度嘅蝦肉比例相對比較多，所以咬落去啖啖蝦肉，結實又彈牙😍4）一口鮑魚豆腐件呢道菜豆腐先至係精粹🤩，豆腐非常入味，軟綿綿好香滑，濃度適中絕不過膩5）雪菊石榴球好精緻嘅菜式，雪球入面包有蔬菜粒、馬蹄粒、及肉碎，簡單而清淡😌6）臘香蠔豉鬆將臘腸、蠔豉同其他配料切碎，用生菜包住食，中和咗臘腸同蠔豉自帶嘅咸味，多了一份清爽😇7）鬼馬咕嚕肉第一次食油炸鬼配咕嚕肉，好有驚喜，估唔到沾滿咕嚕醬汁嘅油炸鬼都依然保持香脆，咕嚕肉非常Juicy，讚👍🏻8）特色小炒王傳統小菜，有蝦乾、脆炸白飯魚、韭菜花、腰果等，用料豐富😃9）秘製啫啫雞煲離遠已經聽到吱吱聲同埋聞到好香🤤，雞煲好惹味，煲身夠晒熱，一路食都可以保持住溫度，適合送飯10）蝦乾魚肚浸大芥菜大片魚肚同蝦乾浸煮大芥菜，連湯一齊入口滲出海味嘅鹹香味😙甜品有蛋白杏仁茶或者紅豆沙，食完個個都捧住個肚走，味覺視覺全方位得到滿足☺️…查看更多

📍 泰之味@九龍灣天氣轉冷，食泰菜夠晒惹味暖胃，今次去到屋企附近嘅泰之味試下店舖乾淨企理，餐牌都有齊晒泰國菜嘅標準菜式，兩個人叫咗呢d:燒泰式豬頸肉$78+油飯$18太子仔必食嘅豬頸肉，有炭燒嘅香味，入口juicy唔會太乾，配埋秘製醬汁，醒神開胃椰香青咖喱雞$88+蒜蓉包$32青咖哩好香🤤，加咗椰汁所以帶少少甜味，中和咗青咖喱嘅辛辣，雞肉本身有燒過再加入咖哩，咬落多咗一份焦香，肉質剛好，蒜蓉包好脆口，用來沾青咖哩超級滿足😋蒜蓉炒椰菜苗$88椰菜苗好翠綠，唔會過老，菜框位亦夠爽口最後一讚，原本餐牌上寫椰香青咖喱豬頸肉，店員見我哋已嗌咗個燒豬頸肉就提議青咖哩可以配其他，小小建議顯示貼心服務❤️…查看更多

又到打邊爐嘅季節，今次去到佐敦鍋霸，座位闊落舒適，仲可以打4.5小時🤩，啱晒成班朋友聚舊吹水🥳🥳湯底方面，有20款中式、台式、日式嘅不同湯底，有辣有唔辣悉隨尊便，我哋揀咗蕃茄濃湯牛肉鍋，香噴噴非常足料🤤，肉類級數有5 個level，今次選擇咗 level 2 嘅美國Prime Grade 牛肩胛肉，另外仲有六十幾款配菜同小食可以任食😋火鍋放題當然唔少得飲品同混醬，汽水、果汁、泡茶應有盡有，混醬備料充足，環境企理🥣餐廳以QR code order，非常簡單易用，上枱亦都好快，完全冇漏單👍🏻，同時好貼心咁預備咗2壺湯可以隨時加，繁忙時間都唔怕🫶🏻要大大力讚呢款美國Prime Grade牛肉，肥瘦適中，薄薄一片灼一灼就食得，牛味濃又唔靭，可以食好多碟，真係估唔到呢個級數嘅牛都咁優質❤️除咗牛肉之外，其他配料都非常新鮮，特別推介:- 濃汁牛肉丸，爆汁爽口- 魚片頭，新鮮彈牙- 8吋長蟹棒，索晒湯底精華- 蔬菜清甜可口最後仲有每人一杯Movenpick雪糕作結，咁抵嘅價錢咁多嘢食仲可以坐咁耐，性價比非常高，下次成班朋友gathering首選黎呢度🥳🥳🥳…查看更多

秋冬食粉麵特別滋味，食完成個人暖粒粒😋，今次一出地鐵站就見到呢個正九清湯腩，全場坐滿仲有少少人等緊位，見唔趕時間就等下啦食粉麵都係快流，幾分鐘就有位招牌崩沙牛腩河落單嗰陣仲可以揀肥/瘦/半肥瘦😍，入口非常軟腍，充滿香濃嘅牛味，河粉亦好細滑，湯底濃淡適中魚蛋牛丸撈麵魚蛋新鮮彈牙，牛丸爽口紥實，配埋撈麵真係好夾😚蠔油生菜份量頗多，淥得好翠綠，清甜可口😋加$8就有凍飲，平民餐廳都有高質水準，抵食之選👍🏻👍🏻…查看更多

放工出旺角搵嘢食，行過女人街側邊嘅餐廳，發現咗呢間裝修簡潔舒適嘅餐廳，於是入去試下。餐廳主打串燒，另外當然有壽司、剌身、丼飯等等，選擇甚多，兩個人嗌咗以下食物:🍣剌身及壽司類三文魚腩 (3切) $48帆立貝壽司 $20松葉蟹肉壽司$20北寄貝壽司 $18非常新鮮嘅食材，三文魚腩夠肥美，壽司上嘅魚生都好大塊，價錢亦相宜👍🏻🍡串燒類日本廣島蠔 $38牛肉香蔥串 $38牛舌串$38雞翼串$32五花腩串 $28頸肉串 $28翠肉瓜串 $18串燒嘅火喉啱啱好，唔會太乾，咬入好juicy，特別推介豬頸肉、翠肉瓜同牛舌，入味又爽口😋照燒牛肉丼配溫泉蛋飯🍛 $78份量頗大，照燒牛肉非常惹味，薄身夠淋，配埋雜茵真係誠意之作，好快就食完成碗飯😚估唔到呢個價錢會有咁優質嘅居酒屋，仲有9折優惠，地點又方便，下次都要再去👍🏻👍🏻…查看更多

今次來到旺角女人街嘅燒烤堂，入到去見到坐滿晒咁滯，真係好彩做嚟一步，可以即刻有位，串燒種類十分之多，仲有好多出面比較少見嘅燒物，鍾意試新嘢嘅朋友一定要嚟呢度食🥳🥳，兩個人嗌咗:海鮮類:🌟蒜蓉燒廣島蠔（兩隻） $44🌟紅蔥油蒜蓉粉絲元貝 $58🙆🏼‍♀️廣島蠔超級肥美，加咗蒜蓉同埋燒汁落去燒，脹卜卜好Juicy，生熟程度啱啱好👍🏻粉絲元貝嘅紅蔥油非常香口惹味，粉絲索晒啲汁撈埋一齊食超正❤️牛類:🌟A4和牛 $58🌟牛舌拖羅 $48牛舌芯 $28牛小排 $48🙆🏼‍♀️A4和牛入口即溶，咬落滿嘴油香，牛舌拖羅爽口淋身，鹽燒帶出牛舌嘅鹹香，食唔停口豚肉類:🌟海苔黑豚肉鵪鶉蛋 $28🌟味噌松板豬 $28🌟鹽燒豚肉荳苗卷 $28鹽燒豚肉露筍卷 $32泰式豬頸肉 $28🙆🏼‍♀️豚肉類別有好多創新嘅串燒🤩，海苔黑豚肉鵪鶉蛋有多重口感，松阪豬配上濃濃燒汁，肥瘦適中，豚肉豆苗卷係非常新穎嘅配搭，豆苗正好解除豚肉嘅油膩，食多幾場都唔覺得漏😋蔬菜及其他類:🌟香草蒜蓉包 $18🌟鹽燒芥蘭頭 $16🌟萵筍蟹膏 $26孜然蒜芯 $12鹽燒翠玉瓜 $16🙆🏼‍♀️估唔到蔬菜類片都有咁多新式串燒，蟹膏配上萵筍嘅味道係出奇地夾，而芥蘭頭亦都十分爽口多汁，最有驚喜係個蒜蓉包，平時唔太喜歡包類，呢度嘅蒜蓉包一擺低就已經覺得好吸引，放入口一咬就好似食緊薯片一樣，脆到確確聲，如果唔係太飽，真係想再encore多一客😆飲品方面亦都好多選擇，我哋叫咗大大杯香水檸檬茶 $32酸酸甜甜，最啱食串燒解肉膩總括嚟講，呢間燒烤堂食物質素非常之高，而且仲有好多新款串燒喺出邊食唔到，價錢又平民化，性價比非常之高，已經諗住一定要再返嚟食，難怪全晚都爆棚滿座，生意興隆🥳🥳🥳🥳…查看更多

尖沙咀諾士佛台美食酒吧林立🤩，平時去開都係地鋪酒吧街嘅餐廳，今次有朋友約上來到呢間上樓嘅咕嚕咕嚕，感覺唔錯🥳以為樓上鋪係細細間，點知原來別有洞天，除咗長長嘅吧枱之外，仲有大大張桌球枱同Beer Pong枱，當然唔少得多部電視可以睇波，啱晒三五知己放工後上嚟relax一下👍🏻食物方面以串燒做主打，我哋嗌咗:燒雞中翼 $65日本黑豚腩肉 $75鹽燒牛舌 $78香蒜葱牛柳串 $78翠肉瓜 $45簡簡單單用鹽同黑椒調味，肉質非常juicy，其中黑豚腩肉配上秘製燒汁，極之惹味😋再飲返杯Mocktail - Gulu Gulu Porche $35，舒舒服服坐喺度傾偈，輕鬆愉快🥰…查看更多

呢間「好燒式串燒專門店」風味地道，細細間店但食物選擇非常多，包括多款時令海鮮、肉類、蔬菜等等，串燒仲可以選擇不同辣度，啱晒唔同口味嘅客人，今次我哋叫咗:🌟（孖裝）蒜蓉燒聖子皇 $138🌟強烈推介🙌🏻，大大隻聖子肉質爽口嫩滑，鋪埋啲金菇一齊蒸，加上大量蒜蓉，簡簡單單非常鮮味👍🏻🌟蒜蓉燒蠔 $36🌟肥美飽滿，燒到啱啱好，唔會太熟太乾，入口爆汁充滿蠔香，一d都唔腥👍🏻🌟頂級安格斯牛小排 $158🌟因為我哋都食唔慣太生嘅牛肉，所以叫咗七成熟，上碟見到肉質有少少粉嫩而不帶血水，成個賣相已經好吸引，咬落仲好juicy，睇得出師傅好用心去燒👍🏻🌟豬頸肉串 $20🌟肥瘦適中，燒汁帶有點點甜味，每咬一口就有好香嘅油脂滲出來，非常惹味🤤🤤其他串燒包括:鹽燒牛舌芯 $48翠玉瓜（1份） $32蒜芯 $19泰國露筍（1份） $24整體嚟講，呢間串燒店嘅師父火候調校得啱啱好，肉質同味道都同樣出色，服務亦都相當殷勤，見到我哋一抽二lung都主動搬凳仔嚟俾我哋擺嘢，又會細心提醒要唔要走辣，或者辣粉可以另上，有機會都會帶多啲唔同朋友嚟幫襯🫶🏻🫶🏻🫶🏻…查看更多

甜忌廉都好鍾意食潮式粉麵，簡簡單單一碗粉都可以風味無窮，今次同同事來長沙灣做嘢見到呢間裝修平實嘅一興粉麵，二話不說就入去坐低食👯‍♀️我叫咗個最基本又考功夫嘅鮮蝦雲吞麵，雲吞大大粒非常飽滿，麵質軟硬適中，無鹼水味，可以連湯都飲埋😋😋同事叫咗個魚皮餃丐，我試咗一粒，同樣係皮薄足料，帶有魚鮮而又無腥味因為唔夠喉嘅關係，我哋仲嗌咗個淨坑腩😆，坑腩肥瘦適中，咬落淋身唔靭，非常入味，腩汁好香濃，如果唔係太飽嘅話直頭想食多碗粉🤭🤭平民化嘅飲食同樣可以好高質，有機會要再返嚟食😚😚…查看更多