Etable_anpanman 的個人專頁

今晚出尖沙咀食飯，揀咗呢間聽咗個名好耐都未有機會試嘅MamaDay。我地去嘅係加連威老道嘅分店。不過訂枱嘅話就要留意返自已訂咗嘅係邊間MamaDay，因為同一條街連住有兩間，一間係OMG Mamaday，另一間就係我地今晚去嘅GoodDay BadDay Mamaday。睇餐廳名同門面裝修都估到呢間⼀餐廳應該係主打玩味。事實亦都好符合呢個設定。無論係裝修風格，餐牌設計，餐飲項目命名都盡顯心思充滿玩味。通常對於呢啲主打風格嘅餐廳，我都唔會對餐飲唔好太大期望。但係出乎意料地MamaDay 嘅出品又一啲都唔會‘人如其名’咁麻麻地。食物質素之高，令到我可以將呢間餐廳擺落個人清單上面好高嘅位置。 行上樓梯時候有一種感覺就係去咗以前喺山頂廣場嘅信不信由你博物館。餐牌外觀設計同埋餐具環境，雖然簡約但仍然帶出設計感第一頁係季節限定主打，我自己又鍾意食辣又鍾意食海鮮，所以諗都冇諗就選擇咗佢嘅‘蝦兵蟹將多舊魚’餐牌佈局分類食物做GoodDay BadDay同MamaDay，我冇同店員去深究呢個分類嘅邏輯。但係睇價錢同用了應該係食好啲，食得普通啲同埋特色啲咁解。GoodDay會有好似龍蝦海膽鮑魚牛小排鵝肝呢啲食材做嘅菜色，而我嘅選擇就係牛小排pizza最直接嘅原因係因為佢叫直豎拇指同埋隔離有個like👍🏻 喺唔知要食咩嘅時候揀餐廳推介往往都會係唔錯嘅選擇。飲品Menu都好過癮，冇酒精嘅嘢會叫做俾細路先至飲嘅嘢。但係我覺得啲名對大人來講都好吸引喎。身為喺北極圈都要飲凍飲嘅西伯利亞人，我當然係選擇飲沙冰啦。叫咗一杯 ‘你今日飲咗益力多柚子沙冰未呀?’令一杯飲品就係Taro Latte ，個拉花好靚，但係味道反而冇乜驚喜，唔會有預期中嘅芋頭蓉或者芋頭碎。取而代之嘅係滿滿嘅奶香味同埋芋頭香味。Yeah嘢食來齊晒喇！分別有激辛蝦兵蟹將多舊魚，是但求其炸啲嘢同埋牛小排Pizza。例牌梗係要影返張大合照。所謂求其是但查啲嘢其實即係炸物小食拼盤，入邊有吉列炸蝦三隻一舊炸魚柳四隻炸雞翼同埋Mamaday最Signature嘅芝士炸薯條。全部炸物都好乾爽唔會油，淨係呢樣已經夠比滿分呢個蝦兵蟹將多舊魚，可以話係今晚嘅主角。入邊有唔記得咗三隻定四隻長腳蟹腳，啲蟹腳一啲都唔差被唔會好似日式超市買到急凍嗰種好似食麻繩嘅感覺。呢個蟹腳好嫩滑。入邊有數唔到咁多隻大蝦同埋鯛魚柳，全部嘢啖啖肉一啲骨都冇呢樣嘢真係好爽。調味同做法根據餐廳就係地中海嗰邊嘅做法，我未食過其他地中海菜，所以就冇乜比較。不過淺白啲咁講就係一種甜甜辣辣嘅調味用好多蕃茄同埋紅腰豆來做基底調校嘅一種醬汁。味道除咗來自醬汁之外，亦都可能因為啲海鮮燒烤過有非常濃郁嘅燒烤味。口味偏重，啱晒鍾意食味同埋海鮮嘅朋友 牛小排pizza主打嘅竟然唔係牛小排，而係滿滿嘅芝士同埋薯蓉（我估係）好香嘅炙燒Mayo牛小排喺呢個Pizza上面竟然係充當點綴嘅角色。薄餅底同埋佢嘅計時實在太出色，而食落最令人感覺到唔同嘅就係有一層唔算太薄有存在感嘅薯蓉，除咗令傳統薄批底之上增加飽足度之外亦都提供一個綿滑嘅口感。令到食落就覺得佢同其他出邊嘅Pizza唔同清曬！十分滿足買單人頭三百零蚊，weekend夜晚喺尖沙咀算係咁啦…查看更多

元朗新開日本菜主打嘅唔係一般壽司刺身，而係魚生以外嘅日式料理。有燒烤，鍋物，炒麵 各式各樣感覺十分地道嘅日本家庭式料理。最令人意外同欣賞嘅就係店員（主）嘅貼心服務。值得一提既係當日天氣好凍，店員好細心地幫我用暖水浸熱左個烏龍茶，唔止咁簡單，係我飲到一半時仲再幫我檢查溫度，再添加直熱水，令到個烏龍茶keep住熱. 罐頭的烏龍茶卻享受着高級的待遇介紹食物先-冬天最適合叫一個鍋，我地跟隨店員既推介，叫左一個日本豚肉鍋。 個豚肉好好食，唔係厚切，卻是彈牙的. 有口感既豚肉.正鍋既其他配菜都大同小異，但最緊要係新鮮. 成個鍋都好清，靠本身食材的味道去調節. 所以好岩我另外我地又order左雞泡魚乾同炸雞. 雞泡魚乾是我最喜愛的日式小食之一， 送酒一流，但因為當日有揸查，無辦法配埋佢既日本酒，下次有機會再來試個炸雞上枱嘅時候係熱辣辣。店員都好細心，即叫即整，所以食既時候熱辣辣，配埋個醬- 正值得再推介既係燒扇貝同牛舌，扇貝大大隻，火候控制得好好，唔會煮到老哂. 而個牛舌就好入味，美中不足係份量不多最後一round 我地叫左三文魚鰭╴三文魚手卷同煙肉卷手卷不過不失，同平時日本餐廳既水準一致，但《內涵》絕不手軟，厚厚既三文魚，正煙肉卷燒得恰好，應該是先把蘆筍煮熟後，再用煙用把蘆筍捲起，最後才拿去燒，所以這麼的恰好。三文魚鮨肥厚多肉，可能食材質素本來就好，魚油足夠，只需要略加調味料就很滿足了。總括而然，餐廳用料不錯，最值得推介的是店員的熱誠及用心，有機會的話可以一試…查看更多

台食記收工行海港城晚飯時間經過呢間臺北站，門面裝修感覺都幾有依家好興嘅簡約 奢華風。 望入餐廳入邊門庭若市，好不熱鬧。 咁啱呢個時候個肚打曬鼓，於 是二話不說就入咗去一探究竟。 餐廳裝修風格特別，以淺色做主題，配以淡淡 的粉紅同啡金色金屬材質收邊。 另外大量使用間接照明，令到成件事更加有層 次同埋高級。甫入門左手面，有幾個自成一國獨立空間的“U 形卡位”幾乎可 以叫做半開放式包廂。 四至六人使用空間都非常充裕。 雖然當時餐廳已經九 成滿座，但係我哋只得兩個人都被分配卡位真係非常幸運。野飲方面，我哋冇特別要求指明甜度同埋冰塊，結果出乎意料地唔甜。叫得牛乳大王啲牛 奶果然好滑， 唯一就係可能冰多咗少少，令到可以飲嘅部份唔夠多飲得唔夠暢 快。 啲抹茶味亦都恰到好處，雖然未至於去到成人向抹茶，但一定唔係低 B 抹茶。嚟到正餐部份款式，基本係嗰幾大類牛肉麵，滷肉飯同埋蛋餅。作為台式蛋餅瘋狂 fans 除咗兩個主菜之外，我哋梗係叫咗個蛋餅。 今日嘅選擇 係肉鬆皮蛋蛋餅。蛋餅皮做到嗰種煙靭又唔硬嘅質感， 入邊仲有滿滿嘅肉鬆同埋皮蛋。 雖然外 層嘅醬略嫌有少少太多，但係整體配合加埋一齊嘅味道既邪惡又美味。 再嚟小食部份，我哋揀咗明太子甜不辣。 甜不辣呢樣小食睇台灣美食節目見唔 少，但係食就真係未食過。 甜不辣啱啱整起熱辣辣，非常香口好食。外邊脆脆地，入面軟糯煙靭，唔知係 用咩做㗎呢? 明太子醬都非常之鹹香。 其實餐牌上仲有好多其他小食琳琅滿 目，下次返嚟逐一慢慢試。嚟到主食部份， 我哋揀咗麻辣牛肉麵同埋招牌滷肉飯。滷肉飯調味非常地道有台灣味， 滷肉係半肥瘦嘅未至於太肥膩，但係亦都唔會 太柴皮。 麻辣牛肉麵揀咗粗身啲嘅刀削麵，麵身非常彈牙有口感，而個麻辣湯 底亦都唔係講笑，起碼有 X 仔中辣。 雖然食到流晒汗，但係非常過癮。牛腱肉唔單止厚身仲淋滑入味。來到甜品部份，其實餐廳都有提供好幾款有創意，睇落又好食嘅甜品。但係畢竟呢度最主打嘅就係手工鳳梨酥蛋撻。 所以喺為容量有限嘅情況底下， 唯有先試招牌留返其他下次再試。實物同圖片嘅還原度，簡直係 100%…查看更多

今日去開上水做嘢搞掂之後決定就近係水水中心簡單快手食個晏然後返去部屋企人。本身都無諗住買點心，但係當經過呢間台式古早味蛋糕店嘅時候就聞到好香蛋糕味，舉起每次去花墟經過MOKO分店時都係咁香，每次都諗買唔買好，又每次都因為兩隻手都已經大色細包所以放棄。今次經於可以一嘗所願，一於買兩個返去試下，俾屋企人做下午茶啱啱好。當日有成六隻味揀，原味/檸香/海苔肉鬆/拉絲芝士/芝士肉鬆同埋香芋。 我自己對極邪惡拉絲乜乜乜呢啲keywords 可以話係毫無抵抗力，所以唔洗問阿貴拉絲芝士一定係膽。至於第二個揀咩味就頭痛喇，除咗原味感覺好齋無咩興趣之外其他味都幾吸引。最後因為當時環境香芋味實在太突出於事係一剎那猶豫之後就決定揀香芋。埋單兩個蛋糕（1芝士1香芋）盛惠$88/個，其實都真心唔平，但係攞上手就已經覺得物有所值，因為真係好聚手，加埋味道好嘅話就真係無得輸。返到屋企大家聞到香味已經急不及待，影完相打卡呃like之後就即刻切開細細件分來食。我自己比較少接觸呢一類台式古早味，畢竟始終台灣人標榜嘅古早味都係marketing 嘅一種sell下情懷。我自己作為香港人就唔覺得會食得出或者解釋得到古早味到底係咩味。:)今次食完我嘅感覺就係一種好純粹嘅蛋糕，純粹並唔係貶意或者中性嘅純粹，反而係有一種返璞歸真嘅感覺。蛋糕本來就應該係咁，撇開行銷手法唔俾意見，呢個蛋糕真係好好食！雖然蛋糕新鮮出爐呢個係店家嘅基本專業操守，但係可能出於成本同埋效益考量並唔係每一間舖頭都可以做到。今次源早之味真係做到，點解知道佢新鮮呢就係因為頭先提到嘅一拎上手就覺得好聚手。本來都不以為意淨係覺得俾錢買到咁大舊嘢，抵啦。食落先知聚手嘅原因係因為呢個蛋糕非常濕潤水份充足，咁當然唔係濕度濕毛巾咁啦，係一個食完唔使飲茶，飲水都好舒服嘅蛋糕。尤其是係拉絲芝士味，嗰啲半溶嘅芝士除咗提供香味仲提供口感。如果芋頭味係一樣咁濕潤，所以感覺普遍呢間舖頭嘅出品，係有一定標準。另一樣幾有趣，亦都需要強調嘅就係個芋頭味好食之餘仲係真正意義上體現到我哋香港人能夠理解嘅古早味。可能我年紀大，唔知大家有冇印象香港嘅初代台式飲品餐廳，例如仙跡岩，嗰陣大家都好興去呢啲地方飲佢嘅香芋味奶茶。仲記得嗰陣配料選擇唔多，大概20年前只有胚芽同埋珍珠呢啲選擇。離晒題咁就係想講，今次個香芋味蛋糕完完全全就係呢一種香芋奶茶嘅味道。真真正正做到古早味嘅意義！我自己一直以來對於古早味嘅迷思，今日終於有些少啟發。但係唔知大家認唔認得我古早味始終唔算係屬於我哋嘅一種兒時情懷。對於一個土生土長嘅香港人我哋應該點樣建構一種屬於我哋飲食情懷。…查看更多

星期四收工去東涌打邊爐之前行OUTLET新嗰邊嘅時候， 門面裝修行日系簡約路線 以唔同產地嘅和牛木牌做裝飾， 非常吸引。 再加上門口經常有排隊人潮。 好耐之前已經對呢一間日式打邊爐留低印象， 成日心思思諗住過嚟試吓。 今日終於決定兩個人過嚟試吓，佢算係中價位嘅美國極黑和牛火鍋放題。 雖然自己係牛魔王，亦都非常鍾意食好肥嘅和牛。 但係考慮到價錢同埋係食放題， 霜降或者M9+ 的話反而會太膩食唔到幾多。 睇完餐牌果斷決定$285/人 嘅中價位美國極黑和牛。 正式開餐之前行一圈自助區先， 餐廳提供基本火鍋配料，例如牛丸、金菇，豆腐，烏冬， 等等。 當然仲有各種蔬菜。 我呢一晚應該係主打皇帝菜， 擺咗非常大一盤喺度。 睇落選擇唔算10分多， 但係之後食完發現原來會樣嘢質素都唔錯。 應該餐廳方面嘅路線係貴精不貴多。 擺放火鍋配料嘅開放式雪櫃左邊係甜品吧， 常溫嘅甜品只有三款包括芝士蛋糕和果子同埋芒果布甸。 而右邊係飲品櫃， 飲品方面就非常大路， 基本都係汽水同埋放題餐廳， 老是常出現嘅韓國紅茶、忌廉溝鮮奶、 道地烏龍茶、蜂蜜雪梨茶之類。 自助區嘅另一邊就係雪糕櫃提供MOVENPICK 雪糕同埋一啲應該係韓國雪條。 因為自己對雪條興趣不大，所以立下眼望記得應該係椰子味同埋榴槤味呢一類型嘅熱帶水果口味。 至於醬料區就係基本火鍋放題餐廳有提供嘅呢度都會有， 日式火鍋我最鍾意配嘅麻醬呢度都非常出色。 對於行豉油路線嘅朋友仔，呢度都有提供生蒜、 辣椒碎、芫荽碎同埋蔥花。 一定要有飯落肚嘅同行友人亦都被店家關照， 事緣呢間餐廳有提供白飯同埋咖喱。 我自己冇食，但係朋友話個 日式咖喱飯唔錯。 飯同咖喱旁邊亦都有擺熱水同埋茶包形成一個小角落嘅熱食區。巡完場之後，當然要直奔主題。 坐低之後 只需要告知店員自己想要食邊一個級數嘅牛肉，同埋想要咩湯底就已經可以。 呢間餐廳係採取一人一鍋嘅方法，所以我哋兩個人係可以揀兩種唔同嘅湯底。 湯底嘅費用，亦都已經包括喺人頭收費入邊。 我哋兩個人分別揀咗一個豬骨湯底同埋一個龍蝦湯底。 豬骨湯睇落同埋識落都唔算非常濃郁， 係就清甜路線。 雖然相對清淡，但係出乎意料地唔錯。 而龍蝦湯底嘅龍蝦味就非常明顯亦都非常濃郁重口味嘅朋友應該會非常鍾意。 揀好晒所有嘢之後，店員就會先上一ROUND肉。 唔係講笑，啲牛肉真係好食！ 我諗主要係因為餐廳冇刻意將啲牛肉切到好薄，好似外面大部份火鍋放題驚人食窮佢咁。 淨係呢一個經營態度已經足夠令我正皮佢。 牛肉有一定厚度，油花分布又均勻，我當然唔可以浪費食材。我自己就只係將牛肉放落去微微地滾起嘅湯入邊 10秒8秒就攞返上嚟， 真係要講嘅話應該係五成熟左右，簡直係完美。 美國極黑和牛，唔係嗰種入口即溶嘅牛肉。 食落係有咬口、彈牙，而又充滿油香同埋牛味嘅一種牛肉。 第一ROUND 一共五盤肉， 入面有4牛1豬。 個豬肉彈牙亦都冇騷味， 係一個唔錯嘅豬肉，但係可惜今晚嘅主角係牛肉，個牛亦都真係太出色，所以其他嘢都比下去。 最後我哋喺正餐部份食咗兩ROUND肉， 總共兩碟豬肉八碟牛肉。 雖然話相對冇咁肥膩， 但係始終油花充足，食完都真係好飽。 除咗高級單點火鍋店嘅手切牛頸脊/ 牛小排可以相提並論之外我諗都有一段時間冇乜食過咁有質素嘅牛肉。自己覺得呢間餐廳非常用心嘅地方，就係在於見微之處。 一般日式火鍋店提供豆腐唔溶溶爛爛已經可以算係還得神落， 而呢就非常有趣地 整齊排列，並且提供表面經過炙燒嘅豆腐。 仲有就係牛丸，食起上嚟嘅感覺同風格係近似乜興 嗰隻牛骨濃湯牛丸， 牛丸入邊係有一個個小泡泡會爆汁嗰種。 呢啲細微之處，真係好討喜。 尤其是係當你見到款式唔算多，可能會同期望有落差嘅時候佢再比到啲有質素嘅食物你。 正正係呢種鋪排就會令乘客有一種喜出望外超出預期嘅感覺。 係呢一點上面餐廳型做得非常好， 畢竟 出街食飯就係 追求食物嘅質素同埋服務。 即使擺100 款你唔會食嘅嘢係你面前，諗返又真係意義不大。去到甜品，當然就係另一個回本位MOVENPICK 雪糕啦。 朱古力味同埋草莓奶凍味， 呢兩隻味簡直就係王牌。 至於非預先包裝嘅甜品，我自己就淨係食咗芝士蛋糕， 朋友就食咗和果子。 呢兩樣甜品唔算咩驚為天人嘅好食， 但係食完飯食啲咁樣嘅甜品小點心都算係幾舒服。總結呢一餐係非常滿足嘅一餐， 非常欣賞餐廳嘅用心，同埋係食材方面嘅選擇。 值得推薦！ 美中不足嘅就係如果為容量可以大啲，食多幾碟靚牛肉就好。…查看更多

一向知道元朗一路有間好有日本feel的餐廳，今日終於一試超級有感覺的裝修，可以在餐廳外面先打卡，影下靚相🤣今日主要係食燒肉，最近有特價餐牌，大部分食物都有8折😍由於太肚餓，我們兩人點了不少東西🤣埋單差不多$900牛舌心（$188）是必點的，質素好高，厚切！ 自己燒無難度，厚切保留到肉汁而且好有口感！個人建議呢個係必點之一♥️完全唔需要再落任何調味料，即燒即食另一個也需要試的是和牛肉眼芯 （$258）有8片，2個人食有點多，因為和牛好肥美🤭牛味濃而且淋！正😄一向愛吃銀雪魚西京燒（$148）既我，緊係要試下🤗餐廳預先醃好銀雪魚，燒完唔需要加任何調味料，魚肉好滑！ 好食！呢個價錢有兩大件係抵食. 加埋沙律醬食-正呀接下來我們分別點了幾個小食- 雞軟骨、泡菜、紫菜飯🤭好滿足. 小食不過不失.來燒肉餐廳還是多點一些燒肉比較好☺️整體而言，是一間值得推介既日本餐廳，無論裝修，食物質素都令人滿意😃最後最後- 芝士控可以試下呢個芝士豚肉- 超多芝士！邪惡之選😈…查看更多

今日收工後係元朗食泰國菜:)係咁熱既天氣，一定係食Thai food 餐廳面積大，光猛又坐得舒服，簡潔得來又不失儀式感，餐廳擺左好多泰國嘅擺設！太肚餓，即刻睇下餐牌佢有晚市2人優惠套餐！意想不到既性格比.6點前堂食係$148可以揀兩款送再包兩杯飲品，特飲只係加$8. 只可以話係超值！我地兩個人叫左個2人餐再加碟菜2人餐我地揀左海南雞同海鮮冬陰功湯海南雞係好滑，中間有啫喱，口感好好. 而份量是嚇人的- 有半隻其實佢俾個例我，都已經收貨海南雞配有秘製醬汁，但我覺得就咁食已經好正！好耐無食過咁滑既海南雞然後叫左個海鮮冬陰功湯，份量兩個人剛剛好，細心位係佢有熱住個湯. 優惠餐一d都唔馬虎海鮮方面有2隻青口、4-5隻蝦、魷魚圈. 兩個人一定夠食！ 個湯係你聞到會吞口水個種，酸酸辣辣咁，仲有少少椰香味. 揀呢個唔會錯然後一定要澱粉質既我 叫左個roti. 即叫即整，上台好熱. 好食！但建議叫埋咖喱會好d由於我地已經叫左2人餐，沒有空間再叫咖喱，下次可以試:)另外一個驚喜既位係個馬拉盞炒通菜. 熱辣辣不再話，主要係個味道好惹味得來唔會好油好濃:)整體來講-環境舒服. 食物既性格比十分高…查看更多

放假既第一日，衝左入元朗覓食搵左間係元朗市中心既泰國餐廳🍴平日既下午茶時間，唔算好多人，空間感好好，坐得好舒服餐廳有提供午市套餐，價錢由$46蚊起，仲包飲品！好抵！！我地兩個人叫左個午市套餐- 海南雞冬蔭功湯金邊粉$52 再加杯珍多杯只係需要加$6！份量正常- 但咁既價錢，性價比實在係高！個湯唔會好喊，酸酸辣辣好開胃海南雞都好嫩滑，最鐘意係佢d菇:)呢個係個人推介必食之一珍多冰既驚喜係唔會死甜，因為我好鐘意椰香，但同時怕好甜既飲品！呢杯珍多冰完全乎合哂我要求！ 由於見佢午市套餐性價比好高，於是我地再單點左兩樣野食- 沙嗲串燒+ 蒜蓉包串燒有6串-3串豬+3串雞.上台時好熱，點上沙嗲醬，一流！個人比較欣賞佢既豬，好有口感，厚切以保流水份，一d都唔乾雞就好滑最後上埋個蒜蓉包份量太多如果3個人食就岩岩好蒜蓉包焗到外脆內軟，好鐘意如果多人食，一定要叫埋個咖喱 去配搭個包總括嚟講，呢間係一間性價比好高嘅餐廳！下次再入元朗都會食…查看更多

好耐無食OMAKASE， 今日來左D2 place開餐！店舖裝修用心，空間感足夠！我地6點9到，開始我地美食既旅程一坐底飲杯熱綠茶，再加上熱毛巾好貼心既服務！ 我同友人都揀左 1180一位既OMAKASE第一個魚生係：鯛一郎，薄薄既魚生，新鮮！口味淡淡的，由淡的開始食偶爾一兩片加少少醬汁，別有風味:)然後係石鯛, 司傅話一條3kgs, 魚比較大條，味道也比較濃烈跟住係北海道既海膽配墨魚海膽好鮮甜creamy睇住司傅拿著一盒包裝好靚好珍貴既海膽出來，就知道一定好食好味既海膽一食就食出！完全無個種唔應該有的味道跟住係深海池魚，肉質較結實！ 加上少少wasabi 積fresh!以為平背係生食，但司傳今次輕輕一燒，再係面加上少量調味料好好味，同平時口感不同，燒一燒會比較硬身象拔蚌鮮甜！連醬油也不點了最後一件刺身，係油甘魚自己比較喜歡油份高既魚好喜歡第一件壽司金鯛魚+魚子醬+金薄就咁睇個樣都知道富貴輕輕一燒既金鯛油份足夠第2件係海膽壽司同岩岩個款唔同，但都係來自北海道第3件..睇個樣一定估佢唔到:)入面係拖羅油份好足既魚再加上用菜包住，好平均最後飲左個魚湯，煲左3個鐘司傅話佢地落場就開始煲:):)完美既一個美食旅程…查看更多

今日一行4人提早團年，來到九龍城食日本料理九龍城餐廳林立，平時習慣來吃泰国菜，今日一於試試日本野首先叫個拉麵，濃濃既湯底，唔錯，食到底仲會見到有舊石頭想體驗既朋友..記得吃到底三色刺身肥厚鮮味十足！牡丹蝦大大隻鮮甜叫左個串燒拼盤，燒得剛剛好五花肉最好味，口感很好最近流行既鰻魚飯，怎可以不吃饅魚肉質厚身，食材不求其大板燒就比較一般，可能是後來人數漸多，上菜速度慢了炸芝士個人認為是必點的，即炸既新鮮，配上熱辣辣既流心芝士！好味！整體來講，餐廳服務態度唔錯！可惜是繁忙時間上菜慢，需要耐心等候！如果一大班朋友還好，可以傾下計，時間過得快好多4個人大概吃了900元，人均消費合理！…查看更多

今日來將軍澳分店食烤雞因爲我地5點半就來到，所以餐廳無開始旺，好靜好舒服好，開始點野4個人食，叫左3樣野食到好飽:)芝士烤肉炒飯配豬肋骨（HKD143)鐵板上鋪滿了芝士，拉絲一流:)烤肉炒飯也是一流:)惹味唔錯！ 面頭再放上兩條豬肋骨:)整個配搭一流豬肋肉點上熱辣辣既芝士，很可口:)韓式雞丁（HKD150)有年糕，有滑雞丁，正！佢個醬汁微微辣，但十分惹味雞好滑，外脆、內多汁仲有一個三重芝士烤雞(HKD208)烤雞熱辣辣上台，等了數分鐘才拎到上手是即烤好的！面頭灑上芝士粉，芝士控必試:)份量十分大，建議3-4個人叫一碟，再配其他食物:)4個人叫3樣野其實岩岩好不得不提係佢個雞脾十分滑，外皮脆雞胸就可以更好，略嫌唔夠juicy! 整體來說，是抵食的！ 4個人吃了550元…查看更多

捉緊十月的尾巴，好好吃一頓飯相約友人來呢間文青cafe! 方便交換近況，可以慢慢食 慢慢飲:)餐廳環境舒服😌燈光柔和，三五知己談天的好地方！ 由於放假既關係，我7點已經到左餐廳，已有數台客人在！等朋友既時候，先叫了一壺茶，慢慢飲，放鬆下:)是檸檬薑茶，味道淡淡的，還不錯友人來到，便選了兩個主菜，share食:)我點了個加拿大豬超厚切，烹調技巧加上食材新鮮，豬完全唔會鞋同硬，最怕厚切豬鞋！ 呢塊切落仲有少少肉汁，係唔錯既選擇！ 分量偏大，建議三五知己叫幾款share! 另外，我們點了個魚！好大份！ 一份有兩大塊，調味沒有很重手，但則邊既醬汁卻叫人興奮，微微辣，幾惹味唔錯！兩個人買單416，算抵食，主要係因為我地一人叫了兩杯飲品…查看更多

是晚相約友人居酒屋之夜餐廳位於棉登徑，今晚一於試試佢餐廳唔算大間，即叫即燒既串燒店員貼心既服務食物選擇唔算太多，但每一樣野都用心走選料，去燒第一樣叫既係燒魚干必叫既一個前菜，呢間餐廳燒到好淋，好好味，配上沙律醬更是絕配燒饅魚。肉質肥厚，是用靚料，不是美洲饅燒汁也恰到好處，值得一試！友人叫了飯團，我就叫左蕃薯超愛澱粉質的我食下甜蕃薯🍠串燒方面，最驚喜係金菇豚肉店員好細心，金菇是切碎的平時食金菇最怕痴到牙，今次完全唔怕我們再叫了A4和牛串98元！一分錢一分貨好淋，肉質好正！ 係好好食既和牛:)芝士控既我，點少得芝士年糕！ 燒到岩岩好，咬落有少少流心仲叫左個燒膳同樣好味，肉質爽彈睇得出新鮮最後，食番個燒菠蘿，當係甜品超甜菠蘿最細心既係有薄薄既糖衣係面，食落係脆的心機分值100分！兩個人食左5百多元，算合理價錢…查看更多

今日同友人係九龍灣，行左去得寶試下新野😛日本野全部都係產地直送首先點左個豆腐飛魚子沙律:)要refresh 下，就要食沙律，配上飛魚子，同麻醬、好味清新前菜必備緊接住係三文魚壽司，好好味首先三文魚新鮮，內面的蟹肉更是完美串燒方面有紫薯同豚肉卷:)最愛是銀杏煙un有咬口！屬不錯之選擇點了3串關東煮，咩都食下芝士年糕（最左）最難忘，流心芝士，芝士控必點:)天婦羅就有2大隻蝦，即使炸了 也感覺到新鮮，是用了靚料理 茄子恰到好處，加上少許蘿蔔蓉 散一散熱氣串燒後面我地追加了燒青魚缸一向喜歡青魚的我有口福了 燒比起平時的煎更鑰肉汁，魚肉比較滑同淋身呢個係全晚焦點日本直送的新鮮魚生！188元，6片！ 但物有所值:)特別是鯛魚口感一流2人食到捧住個肚，都係530蚊！ 物有所值！ 而且店員不停為我地加茶服務不錯！…查看更多

有一段時間無食放題了，約了友人lunch time 食為於銅鑼灣廣場2期，十分方便！善用午飯時間:)lunch time 都full 爆！ 值得一提既係佢可以揀lunch set 68蚊起，算平，下次可以試試佢餐廳實行環保政策，不再畫紙仔，省時方便！只需要scan QR code, 再直接係電話order好方便 隨時追加單，禁下電話就得:)刺身款式唔算特別多，但勝在夠新鮮:)第一round 熱身，叫左帶子 三文魚 北寄背 同甜蝦原來仲有花膠補一補骨膠原花膠都算厚仲有花菇女人必食雞軟骨串少不免燒得剛剛好蟹粥 大大隻！好足料！ 蟹肉結實，唔錯！略嫌粥有點咸！但整體唔錯:)左右魚邊必食，油份足，份口即溶既感覺唔錯仲有火灸蟹棒也是我必會點的:)肥厚再來2件左口魚裙邊仲有甜玉米粒:)加牛油同糖是常識好甜好味 天婦羅是新鮮炸起的，熱辣辣:)滿足既一個午飯…查看更多