小西灣早午餐食客的个人专页

今日慕名而來，叫了一份乳酪同咖啡，結果非常失望。乳酪份量極少，只食咗三四啖就冇晒，完全唔符合價錢嘅要求。雖然我唔介意價錢偏貴，但至少份量要合理，而家感覺好唔抵。咖啡方面同樣令人失望，味道偏酸，冇咩香味，飲落去冇層次感，完全唔似網上評價講得咁好。整體嚟講，食物質素同預期差好遠，十分失望。服務方面亦需要改善，向店員反映意見時，佢哋冇乜反應，亦冇任何答覆。工作嘅服務生黑口黑面，負責埋單男職員也無講多謝，感覺好冷酷，唔知係咪工作太辛苦，雖然唔想難為佢哋，但作為顧客，都希望得到基本嘅尊重同回應。希望餐廳可以正視問題，改善食物質素同服務態度。…查看更多

黑名單店舖之一好耐無出荃灣，好耐都未試過傳說中嘅餃子屋，所以專登叫一份8隻煎餃外賣。本身都知道要排好耐，所以預留左三四個字等。俾咗錢攞咗號碼牌後，就去附近買飲品。去咗買飲品返嚟，大概10分鐘。當時唔係好多人排隊，所以就問吓整好未。佢就話整緊。咁我都預計到嘅，所以就等多兩個字。過左10分鐘，點知我嘅餃子都未出嚟🤨，所以我就問多次，佢話就得。之後再等多5分鐘，我話冇可能咁耐，問佢有冇整到😒。點知原來整都未整，我嗰時好嬲😡😡🤬，話整唔到嘅話就退款，阿姐毫不猶豫問我幾錢，之後退款俾我，唔好意思都冇講。坦白講，我幾年前食過佢嘅餃子，係好食嘅，不過同太子嗰啲餃子舖差唔多，反而太子嘅仲好食，服務態度又比較好。總結：漏單，但係相比之下，服務態度惡劣更致命，幾好食都咪搞，極不推薦。浪費時間，等了差唔多半小時先話無。我不如去太子食。…查看更多

大年三十, 打算食個好早餐, 見到這家新開無幾耐的茶餐廳, 就去試下買外賣食.款式幾多, 有番茄系列等, 最終叫左無糖鮮奶麥皮, 蛋治和熱好立克. 麥皮中有蛋白絲, 一雲一雲的, 很滑的, 我食慣有糖, 所以都落左一包糖調味, 份量不太夠, 約200ml左右, 還有麥片份量不多, 好像只是喝奶一樣. 最吸引就是蛋治, 兩大塊厚方包, 夾住約1.5cm厚的雞蛋, 好有蛋味, 麵包都幾軟熟, 最好熱少少. 至於好立克, 水不夠熱, 所以不是咁好飲.值得一提的是, 如果你要買外賣的話, 就一定要預足20分鐘時間. 果日上午8:45左右, 食客不太多, 不知點解, 都搞左我17分鐘. 據收據(號碼: 0100-008892)上顯示落單的時間是8:46, 心想人不多, 應該好快, 頂多10分鐘會有. 不過過左10分鐘, 仍然沒有蹤影, 我見水吧果邊都好像未有打算整我的餐, 遲過我來的堂食食客都已經有野食, 所以吩咐收銀員幫我跟進. 她馬上幫我跟. 我再等3分鐘, 仲未有打算同我整, 於是我再催多次, 今次收銀員叫埋個好像傳菜經理的女人過來, 叫她馬上整. 我心想: 你們一直都無同我整, 現在先黎整!!! 整完時已經9:03, 簡直離譜!!! 我說: 咁耐都有架?! 遲過我來的人都有得食. 她說: 要等15分鐘的. 我心想: 人不太多的時候, 都要15分鐘, 其實不止, 是17分鐘, 不如你唔好做外賣, 唔怪得你午餐時間咁多人排隊, 好可能外賣自取等候時間特長, 不是因為好食. 還有, 它的外賣要另外收一元, 真的野蠻, 其他餐廳都不收的!! 未食已經一肚氣!!! 已經無胃口喇!!!!!…查看更多