萍 傻的个人专页

之前在九龍灣店食咗好好味，見佢元朗開分店尋日就專登去試下，去到點咗２個下午茶餐，薯條雞翼，伯爵茶梳乎厘，加另外咗一個炙燒半溶芝士吐司，薯條雞翼好快上枱， 熱辣辣好好味，等咗一後時間先上飲品朱古力，之後就嚟個伯爵茶梳乎厘，點知一切開係未熟既，成個嘢係凍架，Ｄ粉漿未熟係黏住把刀，我問職員係咪已熟，個口味好似食緊粉團咁，再三講話口味好差，佢先話再入去換過一份，初話要等多陣，點知唔夠５分鐘就上第二碟， 但我一開始叫既檸檬茶仲未嚟，另外個件半溶芝士吐司再三追問有無漏單都話有落單但都無踪影，再三追問職員如漏咗就唔要啦，當枱上嘢都食晒個芝士吐司仲未上，已過大半小時，我地要求取消不要埋單走時，佢地先再走入廚房去拎出嚟，個時拎晒銀包準備埋單，其中一個職員拎碟嘢出嚟， 收銀枱個小姐堅持叫個職員放上我地張枱， 個人都已去到收銀處，仲堅持放上碟比我地，真心嬲，追問時都無人覆過究竟係有無做緊，不停都佢地出其他枱既梳乎厘，嘢食出得勁慢，又無交帶。唔會再去食囉…查看更多

大年初四準備入去午餐, 落完單後就見到有個女員工係度咳痰, 佢除低個口罩但仍戴住個手套係出餐位置咳痰, 之後又用紙巾呻鼻涕, 之後佢無換過無任何罩同手套, 就即刻拎住準備送出既食物, 完全係突人驚, 呻鼻涕同咳痰係係送餐出食物既位置, 整完又唔換手套, 完全係無個人衛生意識, 唔會再幫襯.…查看更多

貼錢都唔好食, 職員態度又差,又無服務,年三十中午去食,一入座安排坐六人枱,其實一開始根本聽唔到佢叫我坐埋一面或打對坐中間個排,跟住有另一組人入嚟,個職員態度勁差咁話一入嚟時咪同你講咗要坐埋一邊對對坐中間位囉,D面口勁衰,跟住叫2個餐,加餐湯,又漏湯,先嚟一個意粉,等咗十五分鐘,意粉都食埋,另一個餐都未到,中途問佢拎水,第一次聽到又無答,第二次再問又唔知佢答咗咩,最後都無比到,跟住有人問佢拎碟,佢答一句今日唔share食,唔派碟,嘩,d態度衰到........,跟住我再等都未嚟個餐,我話唔要啦要取消,佢即大大聲係餐廳咁話人地等咗15分鐘喎,唔要啦個餐,一個咁差態度既餐廳,再好食都唔會幫襯,仲要唔係叫好好食,職員既答案係人手唔夠,如果有一個客人要水要碟,咁到時個個問佢,佢咪好唔得閒,咁我想問一句,個個客人入嚟都要叫餐架啦,咁你都好唔得閒架,咁你不如叫d客人入嚟唔準叫嘢食啦,齋坐咪得囉..…查看更多