lorr0323的个人专页

同朋友約食飯，隨便盲簡左一間尖沙咀嘅cafe，意外幾好食Cafe 距離地鐵站有少少距離，要行一陣。去到位置唔算多，但都幾闊落，仲有個位轉門for打卡。唔係食飯高峰期，但人比想像中多，所以要搭店，staff會安排人打橫咁坐，雖然唔理解都照做。上菜都算快，10分鐘左右就上第一道。我地叫左一份薯條，一份意粉，一份pizza，一個甜品同埋2杯野飲，原本以為打卡cafe 啲野可能會又細份又參差，但全部都唔錯，冇中伏先上左薯條同意份，比我想像中嘅份量大，薯條一上就熱辣辣，薯條係幼薯條，但都實心，幾好食。意份睇落好似好少，但撈完發現都幾多下，帶子都大大粒，幾乎同menu 一樣，冇照騙我食過嘅cafe裡面嘅pizza黎講都算排上位圈嘅底，餅底煙煙韌韌嘅，唔會太乾或者乾到脆個種。因為我個人好鍾意食沙律同菜，所以上面嘅芝麻葉完全係我style,如果可以多啲就好。佢嘅火腿份量好夠，幾乎每塊都有一塊半左右，足料，下次去可能都會繼續叫！去到邊見到開心果都會係第一選擇，今次就叫起左個開心果。我地以為啲野唔大所以叫左都幾多，個陣食完野發現留嘅肚唔多😂😂最重要嘅係要帶外套！食完半個真係凍到搵外套，唔係天氣凍，而係食完個人會好凍，由內而外嘅凍😂😂味道幾好，上面有真士多啤梨，唔會死甜個種，當甜品黎飲真係好好食，等佢溶左冇咁結個陣會…查看更多

之前每次朋友生日都會黎依到食今次同朋友黎見到餐牌變曬，有啲之前食開嘅都冇左叫左個無骨雞同年糕，上到黎發現個雞縮水縮左好多，仲用薯條黎充數，雖然味道係之前一樣，但因為有對比覺得有啲過分，仲要價錢都冇點變到淑女年糕係幾好食，份量都算正常，但係都唔夠我地食，叫多左個芝士炒雞，依個真係大災難。雞完全冇芝士味，仲要好大陣冰鮮嘅味道，個鍋仲細過其他鋪一人火鍋個鍋，最後點住年糕醬先勉強食曬。最後叫左個士多啤梨冰，個冰好食，牛奶冰，但佢同圖片真係差得有啲遠，士多啤梨又係偷工減料。咁樣4樣野就盛惠680幾，大概以後會搵另一間慶生，唔係佢唔好食，而係有之前嘅對比覺得俾人當左水魚…查看更多

依間嘅無論甜定鹹定野飲都好好食！出去食Tea set 好容易中伏有啲酒店嘅都會好難食 但依度嘅真心驚喜我地去個陣出左少少意外 所以比約定時間遲左大概20分鐘 原本諗住會俾人取清booking 但佢地都好好人咁留左張檯俾我地 因為一早係open rice 到買左佢地嘅券，所以黎到叫野飲就可以等佢上佢tea set有揸三層，最上係北海道珍寶帶子 配俄羅斯魚子醬，佢嘅帶子都幾大粒，咬落去肉好實，而且好香，同魚子醬一齊食個味好夾，真係好好食佢中間個層都係鹹點，法國鴨肝醬、風乾火腿蕃茄烤麵包、西班牙黑毛豬腩，佢個鴨肝醬夾餅乾真係好好食，而且口感好滑，細細塊但個味道可以留好耐。佢嘅黑毛豬腩都好好食，肉好大塊，咬落口感唔錯，佢下面嘅麵包係烤過乾乾地身，好脆嘅，再夾埋煎到脆脆地嘅黑毛豬真係好好食，但個火腿我一般，因為我唔係咁中意生食蕃茄純粹個人喜好最下面甜點都好出色，係佢嘅招牌真空慢煮焦糖燉蛋、白松露芝士蛋糕、法式馬卡龍、鮮莓酥餅我同朋友一人分左一個馬卡龍，佢應該係檸檬味同焦糖味（唔係食好多馬卡龍，估下炸）佢嘅馬卡龍係我唔係好中意食太甜嘅野嘅人都可以接受嘅甜度，唔會太甜岩岩好！白松露芝士蛋糕都好驚艷，食個陣我地冇睇menu,食落口朋友話有gas 味。我地就知佢落左松露，但落左反而唔會蓋左芝士蛋糕陣味，而係夾埋一齊岩岩好，仲有松露嘅香味，依個芝士蛋糕係三層裡面我嘅one pick!!鮮莓酥餅係有士多啤梨同藍莓，朋友唔中意食藍莓，所以我一個人食曬但佢嘅酥餅查得勁好食，鬆鬆脆脆嘅，千層酥咁，外面好脆，但又唔係硬身乾乾個種，入面就好軟，咬落勁有口感！最後係個焦糖燉蛋，我朋友話因為依個想陪媽咪再黎食多次！佢嘅燉蛋綿密到我地以為係布甸，上面有一層脆身嘅焦糖，下面係燉蛋，最底係藍莓醬，我朋友唔中意藍莓，但都因為個蛋好食手，接受左有藍莓醬，真心推薦因為食個陣都晏，所以叫左個意粉黎食手，佢嘅黑毛豬勁大勁厚，完全可以叫做肉扒豬煎得脆脆嘅，但入面啲肉汁仲係鎖住，食落口都係好香豬肉味，同埋唔係乾身個種，幾好食，但個汁我覺得少少偏鹹，會想一直飲嘢。講起野飲，tea set 嘅野飲我地叫左蘋果汁同伯爵茶，佢嘅蘋果汁雖然唔知係唔係鮮榨，但一定唔係普通超市買個種，因為佢唔會死甜，係會有少少蘋果嘅澀味，我幾中意。伯爵茶就係正常用茶包嘅茶，但食完甜野飲下茶都幾解漏嘅！總括來講，依間tea set 絕對係可以再黎encore嘅質素同服務態度，趁仲有優惠應該伯再黎多次…查看更多

多年嘅姆明fans 聽到有主題cafe 緊係即刻約原本一早約左 仲睇定美孚有間細房有feel 估唔到 約完就接連不斷中Covid 拖到咁耐先去到我地個日約夜晚大概6:30左右 一去到冇咩人因為打去約個陣有話想留房仔 所以順利入左去房間房真係好靚 有聖誕樹同姆明 姆明仲要係好大個但佢個公仔有少少污糟，我地影左陣相就有少少覺得痕但佢台面有個裝飾掛嘅牌仔太易跌啦我地將所有姆明限定嘅嘢都叫曬 3個人食都夠食最先上嘅係個飯 史力奇的青醬大蝦意大利飯 依個我覺得所有野裡面最好食😋 個飯嘅醬好香好夠，而且唔會愈食愈漏， 有啲意大利飯嘅醬會漏到好易飽，但佢幾開胃🤣唯一美中不足嘅係，個史力奇芝士等左一陣就融到變左一pat🤣🤣冇左個型態，但加左芝士係好味嘅❤️Cafe 嘅all day breakfast 普遍應該唔差得去邊嘅，佢嘅三文魚幾好食， 鹹度岩岩好，同埋佢有牛油果！但佢嘅培根有個煎得太柴，好似咬緊樹皮咁🤣姆明pancake 一般，餅太實，而且有啲硬身同乾身。姆明冰雪探險配聖誕樹餅乾 幾好飲， 食甜品配依個咖啡岩岩好，個餅乾都幾好食，都幾大塊嘅聖誕樹餅乾，我食左一半再浸左入去，2種嘅口感唔同， 但個味道都可以接受淘氣阿美的粉紅冬日，牛奶味好濃，係我中意嘅味道，加上士多啤梨，都幾好飲，最上面個層係cream， 都唔會好漏，溝埋一齊都幾夾2個梳乎厘差唔多，就唔分開講，可能因為我地叫佢上甜品個陣都差唔多係收工時間，所以就整得唔係咁熟，佢裡面好似未熟咁，一般般。佢綠色個杯仔係糖漿，原本見到阿美個個杯仔係白色以為係煉奶，但係好似係白朱古力，最後都係冇加到落去。整體黎講，如果唔係姆明主題打卡好的話，佢今次主題嘅野食水平一般，但其他regular menu 未試過唔肯定，下次可以黎試下❤️…查看更多

係元朗附近返工所以成日要搵午餐食之前都食過十二味嘅外賣 都好大兜 分量超足今次學生放假 可以唔使趕返去 咁就慢慢食啦之前係其他店食酸菜魚，配料又少又唔夠酸十二味個碟真係好大感覺2人食都夠做其實同場仲有個牛肉鍋唔辣嘅，但冇影到相，佢啲鍋全部都好香，辣個陣已經好鍾意，覺得又香又辣，唔辣原本驚冇咁好食，但估唔到佢啲醬一樣咁好食。個鍋嘅精髓真係啲蓮藕片，吸到啲醬嘅味，又香又爽，我原本唔係咁鍾意食蓮藕嘅人都食到唔停…查看更多

3年前係太子返工已經俾同事介紹過個陣好中意食 但之後返元朗就一直冇去過🥲前幾日去旺角 特登兜去食🤤味道同之一樣咁好食煎雲耳椰菜餃味道會清少少，對比起韭菜，但係雲耳爽口 口感會好過韭菜少少，但搭配菜脯食就岩岩好。煎韭菜本身唔係好中意食韭菜嘅，但依個韭菜餃好香，肉汁全部鎖住係皮入面，一咬就會bit出黎。比起菜購卜，點醋會冇咁搶韭菜嘅味。除左野食好食之外，店員都好好人，有個哥哥見到我地醋滴左落件外套到都即刻拎紙巾俾我地，臨走打包都送左一細樽菜脯俾我地，唔知係原本就送定見我地係咁食菜脯🤣我地叫埋佢嘅豆漿飲，不過不失，但建議都係叫野飲，20隻煎飲食完會熱氣🤣🤣總結： 餃子都係一如既往嘅好食又大粒，因為好大粒所以食量唔大嘅人可以叫7隻，或者食唔曬再打包都得，我地2個人叫左20隻煎餃，最後都剩左7隻打包返去，但下次可以10煎10湯，比較冇咁乾同冇咁熱氣。菜脯絕對係神隊友，單食會咸左同辣左啲，但夾埋餃子食就岩岩好絕對可以無限encore 呀🥟…查看更多