PIIII的个人专页

住咗屯門咁耐，第一次食呢間嘅外賣。平時見到都好多人幫襯，所以係唔知食乜好嘅情況底下就試一次。可惜…. 可能係自己唔熟佢哋啲出名菜式，今次叫咗「醬汁辣子雞飯」就令我無乜動力再試佢其他嘢….醬汁辣子雞飯個樣好正常，份量都好足夠。但啲飯好鬼「淋」，個汁有辣味，不過就好鬼咸，搞到啲雞都好咸，連埋啲飯一齊食都唔OK… 個雞係有炸過，如果都啲汁唔係咁咸都可能會唔錯嘅… 外賣等咗十分鐘到就有，都算有速度。但職員就唔係多，所以都係自己喺放外賣張枱見到自己個number再俾counter姐姐望吓就得。…查看更多

平時無乜機會去嘆啡，難得放假又有朋友介紹就去試吓，飲有質素嘅水沖咖啡店比連鎖嘅更好。下午tea time去到已經滿坐，等咗十幾分鐘後就成功入坐。每個客都有自己嘅tray同凍水for你去prepare 之後享用唔同口味嘅咖啡店主Alex好忙，要逐個客去serve真係有難度，所以大家要有耐性去等吓。同朋友都係試基本嘢——Dirty味道唔錯，好smooth, 隨住咖啡同奶逐漸融合，味道都有層次感。其實仲有甜品同其他唔同種類嘅咖啡（包括咖啡豆），但因為不斷都有客喺度等位，真係有啲群眾壓力，唔好意思飲太耐。如果下次有時間都會再去過不過會揀weekday。…查看更多

屯門區無乜好食嘅越南嘢，但太耐無食就係OpenRice 搵吓，見到呢間好多正評就試吓。香茅豬扒飯豬扒味道夠，但飯就比較多（女仔食一定要叫少飯，食唔曬。）加埋啲越式泡菜，酸酸咸咸都幾開胃。越式凍咖啡+越式豬肉法包咖啡甜度適中，個人認為比一般茶記咖啡好飲👍🏻而且只要$8，好抵飲✨稍嫌法包豬肉味道太淡，加上可能外賣關係，個包有啲奀，唔夠脆，可能即時食會好味好多，個人認為比飯略為遜色。喺屯門西鐵站行過去都唔係要太多時間，識路嘅話好快就識到。但原來因為前排電視節目介紹過，朝早十二點幾去到都已經有唔少人叫外賣了，我叫咗呢三樣嘢都大約等咗15-20分鐘，不過職員都有跟到order次序出單，所以都OK。但如果天氣熱要喺無冷氣嘅情況下等，都會有啲吃力…查看更多