iamche的个人专页

做完嘢勁肚餓，最好就係食任食放題！3點3時間嘅選擇其實唔係好多，突然之間諗起牛摩就諗住去睇睇，唔知係咪太耐冇嚟原來裝修個位置好似細咗少少？但係感覺錯就舒服咗好多！由於老公唔係好熱愛牛，所以我地決定揀LV 3 !試試阿古豚既利害！我地一個揀最日式既壽喜燒湯底，另一個揀左港式特濃沙嗲湯！麻煩咁多位一定一定要試沙嗲！超classic 有花生味！即刻去拎返個即食麵返黎整個沙嗲牛肉麵俾自己！壽喜燒就中規中矩啦！唔會出事又未好突出咁！到返講啲肉喇！ 真心啲牛就對得住價錢有突架喇！ 牛味濃又唔會太肥！但係我真係要讚下啲阿古豚！！！ 平時真係只會瘋狂refill 牛架咋！今次係幾多碟牛就幾多碟豚呀！ 係甜架啲肉味 又有口感！勁靚！一定要試！再講連牛舌同羊都好surprise到我！encore 再encore!!! （我決定左下次要食LV 6!!!!)就係因為咁， 我都瘋狂食左好多菜 因為內疚食咁多肉既同事又嗌減肥😂😂自助夾既配料既種類好多，連比較小見到既翠肉瓜都有出現！除左櫃上面可以拎既配料仲有啲係要order既小食架同配料架！唔好唔記得叫打邊爐必食既鴨血呀！不過…..我都係主攻肉同菜😂😂野飲係除左紙包同罐裝飲品之外 仲有部果汁機！ 最愛橙汁！去一去肉肉既肥膩感！仲試左一罐冇見過既荔枝梳打，唔太甜可以一試啊，出邊好似未見過！最後就梗係要留返少少嘅空間俾自己食返兩杯乳酪雪糕啦！！日式打邊爐必必必必必必食！…查看更多

冇其他原因，就係心血來潮好想食片皮鴨而東涌冇乜選擇既情況下入左黎晚餐～咁當然都因為睇左門口既menu都好多野想食同埋望入去門面好乾淨啲位又好寬敞。推住b車真係唔係咩餐廳都岩去🥲 講返野食先，唔使講啦，起碼要叫半隻片皮鴨架喇！師傅係我地面前片皮 片肉！即刻諗到童叟無欺哩4個字😂成個上菜過程都令到件事好隆重 隻鴨好主角😂首先檯上面一早有個轉盤俾佢地放個大配料併盤同蒸籠～ 好方便轉住黎包片皮鴨食！跟住有個黑色盒一路都唔知有咩用，去到臨上菜個陣職員就放左個加熱包入去即刻出煙，原來係放片皮鴨既！等佢keep住個溫度！跟住再每人派左張卡仔介紹食邊part應該配啲咩！師傅切好哂之後侍應姐姐都逐步逐款介紹多一次！！咁多種配料唔使講都知最特別係爆炸糖！新穎得黎個味又配合到！不過建議快啲食哂佢，因為放耐左啲糖會痴埋一舊！跟住身為金銀蛋fans見到哩個金銀蛋萵苣係冇需要考慮就揀左！份量勁多佢既皮蛋幾特別，平時食開都比較粉同散，佢就比較實同煙靭！超鍾意個萵筍係條狀咁煮，爽口！跟住叫左個松露蝦球伊麵！無論松露、蝦球定伊麵都係好👍🏻！松露勁足 又香又濃！蝦球大大隻又爽口！伊麵吸晒汁同埋唔係個啲碎濕濕既狀態😂推👍🏻最後叫左冰梅小肉排首先係好大碟，上菜個陣嚇親 勁驚食唔哂！佢個汁偏甜多過酸既，外面酥脆入面軟淋淋！肉骨比例都好好！真係好飽肚既一款😂整體好滿意同滿足 ！最重要係東涌居民同機場staff有折！！！仲有好多野想試！一定要再黎…查看更多

兩公婆同埋BB嚟outlet shopping，行到攰決定叉叉電。見到[茶木]地方夠大放埋BB車都可以坐得好舒服就決定入去食個early dinner🤣第一樣唔使諗一定會食既就係牛肉麵！！不過就諗咗一陣間湯定路。最後揀咗撈麵，因為比較少見有得食撈麵。✅台式麻辣半筋半肉撈手工拌麵牛肉軟淋淋，入口即溶，牛筋係爽口既骨膠源，大大舊好滿足，手工拌麵係粗麵！彈牙又掛汁！麻辣比較偏麻～。小食係鴨血同素鴨卷，鴨血係實實有口感唔係一夾就散！份量一個人食都好飽！✅茶香三文魚湯漬飯見介紹係台灣有機高山茶葉加高湯製成嘅茶湯配料有三款，有蝦乾仔，木魚同埋炸米！我自己就好鍾意陪查咪因為佢不薄味道唔係好濃唔會搶過咗茶湯味！另外兩款小食落咗落去成個湯都有少少唔同咗味係另一種食法！至於三文魚啖啖肉！！有陣時好怕啲熟三文魚煮得太耐好碎好嚡！哩個恰到好處♥️另外完全冇骨食得好方便！不過我見Menu上面有講叫小心有魚骨可能真係有一啲會有～✅台式滷味拼盤小食有雞翼，豆腐，豬腩片，牛展，牛肚，糖心蛋！全部都滷到好入味特別係豆腐索晒所有汁超精華！兩個人份量啱啱好每樣試到啲！✅四色啵啵黑芝麻芋泥芋圓仙草凍一個仙草凍有勁多配料！滿足晒所有願望！黑芝麻沙冰好有新意！好濃嘅芝麻味食落唔會太甜！當沙冰溶得比較多嘅時候再落煉奶甜度啱啱好！…查看更多

係荃灣行完一大輪都揀唔到食咩好:(見到門口幾對情侶睇緊餐牌，我又八卦睇下見都幾多選擇門面就決定試佢一試！餐廳座位寬敞～有卡位亦都有長檯，乾淨企理！食物方面，真心好多唔同選擇，不過大肚婆好多野都要戒口🥹最後揀左set dinner 既黑松露帶子risotto同澳洲Ribeye!芝士控加薯仔控既我仲忍唔住加左個芝士忌廉焗西蘭花薯蓉不過野食黎到之後就……..份量好大呀😂套餐又有餐湯餐包同野飲，好彩要戒甜冇叫埋甜品咋。 而家唔食得生野又想食牛，本身好擔心叫well done會好un…最後好驚喜喎！完全冇哩個問題仲好有牛味！！配碟既蕃茄意粉都好好食呀！完全唔係平時個啲hea爆白烚意粉🥲推薦推薦👍🏻至於riscott 都一樣好出色！黑松露味好香好出！個飯唔會好水好濕，仲做到有咬口唔會淋patpat咁！👍🏻講到我最期待嘅芝士焗薯蓉西蘭花！呢個真係冇得頂呀，啲薯蓉好滑好香西蘭花唔算多既不過，大概5大舊咁😂不過佢絕對唔係主角😂至於餐湯同包包同野飲就真係正常standard 啦！其實見到佢甜品都好吸引，仲可以開酒飲～希望下次黎可以試一試呀！題外話～ 見到餐廳貼左一張指導員工既memo,好可愛～有教員工既禮拜同埋衛生～難怪我覺得佢地每個都好好禮貌同笑容，效率都👍🏻👍🏻…查看更多

裝修雖然好似好有style 咁，但係地下好多可能上手食完之後既食物碎，枱又有啲痴立立，有啲影響食野既心情。可能會失望溫泉蛋明太子意大利扁麵 $118老實講真係有啲失望既，木魚好多好多 但係意粉就偏小 明太子味道又會俾木魚搶左好邪惡既咸蛋牛油果蟹肉pizza $138Pizza係好食既，好多蟹肉 牛油果就幾粒啦，咸蛋味好濃 係有意想不到既！餅低係薄軟個款。😋都算基本野 肉食者salad $ 118Salad真係基本野得黎估唔到個肉就係幾粒炸雞咁，性價比偏低。檸茶沙冰 好多檸檬皮肉，係偏酸既 飲完係舒服解渴既 …查看更多

星期六入到西貢預左多人～所以都bookmarks定幾間cafe 。基本上全部都同一條街，方便!最後見NN coffee有位唔使等 鋪面都比較光猛舒服就揀左佢。點知原來得2樓有位，都係乾淨企理既 但係因為2樓樓底好短 壓迫感好大同暗，最緊要係冷氣又弱好多🥲🥲講返，首先會係地下個層落左order 先上去住住等。同朋友都叫左一樣既 明太子蟹肉意粉 $118我就加左杯Honey Lemon Soda$52朋友就Hojicha Lattee$52個意粉係好好食既！好creamy同埋櫻花蝦配明太子 係互相balance返兩隻濃味！野飲就係普通到普通 只可以話熱到咁係飲啖野舒服下，但係哩個價錢係會直接建議飲水算:( 整體就一試無妨 但係就性價比低…查看更多

前一晚誤打誤撞發現左哩個新開cafe既ig😯😯發現佢唔單止開係每日返工必經之路！仲要開一早7點！仲可以用whatsapp先落單！方便到咁就決定左要試一試！一早起身就whatsapp落單 即刻就有人回應！落樓岩岩好就收到Msg話拎單！大概用左10分鐘～Order 左牛油果煙三文魚三文治 配凍玫瑰紅茶！($39 未discount)每樣材料都👍🏻！ 啲菜好新鮮！都算足料！野飲玫瑰味好重！幾特別～去到俾錢話follow社交平台仲有discount!不過唔記得咗係減幾多😂好值得一提係佢有好平既ADB同有素食，好岩我哩啲初一十五會想食素既人。不過ADB好似唔太岩take away..希望有機會堂食…查看更多

今次平日大概6點半黎到，見唔使等位就決定一試！見到明明佢門口都係用 The Gulu 拎飛 但係用個Apps睇又搵唔到🤷🏻‍♀️🤷🏻‍♀️由於二人檯真係好細張 我一坐低已經左跌野右跌野🥲不過都冇阻我食好野既心，總共叫左3款 真係擺得好辛苦😂首爾醬油咖喱粉炸雞 （$128/6）哩個真係好好食啲雞滑 又多肉！咖哩好重味既同時啲醬油又甜甜地！跟住係 南瓜忌廉軟殼蟹risotto !($176)同韓式海陸Pizza ($148/9")Risotto 好食 唔會太膩 ！ 中間夾雜左核桃！口感好得意 軟冧冧又有返啲咬口！軟殼蟹都好大件！由於同行唔係好食芝士，所以揀左哩款，點知原來係辣既😂所以成功完全遮哂芝士味！味道不過不失，不過餅底係👍🏻偏脆身～總結係會想再食既！…查看更多

聽聞Cafe 103既dinner buffet 好難book！長期都好full..自己覺得如果要mon實又或者wait listi! 絕對唔需要強求～但係都值得試一次既Buffet 食物種類係比較小..味道就中規中矩啦刺身壽司拎左一次冇意欲再拎..都唔新鮮肥美🙁🙁冷盤 款式都算多～不過一定唔係味道出眾海鮮有生蠔龍蝦蟹鉗長腳蟹青口螺 生蠔係最值得食 keep住都有refill..唔係肥美但係海水味重既！熱食反而係最岩食 乳豬 羊肉好味 牛都係😋自己好鐘食佢個黑松露薯蓉👍🏻甜品多款式本身好期待架 但係... 今期泰式主題 有芒果糯米飯 ...食落口...冇味？！ 唔知咩事....🤦🏻‍♀️雪糕係movenpick 有3隻味👍🏻都係主要食環境啦 睇景係靚 不過環境偏暗～…查看更多

First stage cafe 環境係屯門區咁多間cafe入面感覺最chill 最可以hea既一間。唔怕曬 室外區域應該都唔錯，因為對出既輕鐵路軌旁邊唔算多人行。唔會好嘈。 鋪頭係自行到櫃檯order既方法既～餅櫃見到既cake都幾吸引！不過lunch都未食所以就冇試到喇！今次分別試左牛油果sourdough滑蛋沙律同鹹牛肉芝士墨西哥卷飲品就blue Monday 同抹茶latte 個sourdough 係真心有驚喜！好食好鬆軟！不過兩塊既size太細，牛油果配佢上面既醬都好食！炒蛋就不過不失，配包食係ok既！唔會搶左個包本身既味道！Blue Monday梳打好岩而家熱到暈低既天氣！另外朋友叫既兩個item都係正常 冇好特別既驚喜～整體來講係滿意 份量可以有調正就好喇！…查看更多

屯門碼頭區既All day breakfast 選擇真係比較少， by the tray 有之餘，質素仲相當好！環境裝修其實係👍🏻👍🏻，文青格調，不過鋪面偏細間。枱同枱真係close 得濟食物： order 左GreenBreakfast （$108） 同自家製青醬煙三文魚意粉（$75）飲品：蝶豆花乳酸梳打 （$40）同 玫瑰荔枝梳打（$40）食物首先份量取勝 ，Green Breakfast 有牛油果係我揀佢既主因！牛油果熟度岩岩好 又大又份！另外黑松露炒蛋既黑松露俾好多😋沙律菜好新鮮！最重要係牛角窩夫！之前食建生總店 佢係用多士！相比起窩夫好食又可以食左咁多款味道之後淡淡咁中和返！自家製青醬意粉食好好食！首先意粉Al dente👍🏻👍🏻個青醬唔係死咸 偏乾身 唔會好膩！飲品方面相對冇咁特別 同埋太細杯 加上哩個價錢相對唔推介🙁🙁…查看更多

荃灣區其實都算多素食選擇！不過平靚正一定係新一代素食！$42五餸加湯/豆漿！一望就會見到當日餐牌係啲咩～出聲唔要啲咩餸都可以！我自己就走左個冬瓜。有菜有炒蛋腐皮同素豬柳每個餸味道都好好，份量超多，南瓜湯要試！你入到去基本上每個人都係選擇哩個餐😂不過鋪頭偏舊同細，客人又好多 所以都唔好預計可以嘆住咁食同時一個人食哂一個餐其實有啲太飽，唔想浪費又食得急🥲心理壓力下食得有啲辛苦😂下次要醒目叫小飯🙋🏻‍♀️…查看更多

聽過好多人話東屋台係屯門必食之選！但係畢竟屯門好鬼大，就算住屯門既我，都可以兩間分店都唔就腳🙁今日咁岩有事要過黎龍門居就鎖定要一試！鋪仔細但係位置當眼 好易搵到！食物種類唔算多 當日所有豚類既都冇哂所以最後揀左個野菜黑咖喱+唐洋炸雞丼咖哩係偏甜既日式咖哩😋😋😋好鐘意！好驚喜係炸雞炸粉同肉比例好好！仲要隔左咁耐都冇焗淋到！係脆架！另外因為距離返屋企時間有啲耐 疫情又唔想係街飲野🤦🏻‍♀️所以冇試到飲品 但係相反見飲品種類反而比較多！…查看更多

韓式多士係香港選擇唔多 係元朗就更加可以話小之有小！見到toasting 鋪仔細細但係選擇都好多！今次試下牛油果炒蛋乳酪 ！店員仲好好人咁幫我加芫荽！！雖然冇得堂食！但係外賣拎到返屋企多士都仲有餘油同脆口！炒蛋同乳酪又好match!成個包都好好食！飲品揀左好靚既碟豆花梳打都好優秀！咁既天氣飲好舒服！其實送既薯餅都好食！只不過返到屋企凍左會痴住個盒😂整體係物超所值！但係好可惜好已經兩次想再幫襯作都冇開門🙁🙁🙁 睇黎要撞彩數…查看更多

4人生日聚會🥳今次揀左黎馬祖無限時！無限時實在太方便我地哩啲唔同時間放工既人喇！可以食住等！我地揀左藥膳湯底同麻辣蕃茄湯底！藥膳好好飲喎 ！忍唔住飲左碗先開始打邊爐！麻辣就咁飲就太辣喇🤭打邊爐就岩岩好！ 肉我地就揀左中價個set ! 每次order都靚既！不過意外地豬肉好食過牛😂另外野飲👍🏻👍🏻同甜品都好surprise! Kitkat 雪條都有得揀！唯一美中不足係小食選擇偏小！同埋蕃薯條唔夠4個人分😂…查看更多