Pearl Ngan的個人專頁

果日同朋友去開尖沙咀搵野食, 見呢到裝修幾好, 環境好適合一班人傾計就諗住入去試下。坐低即刻叫左個沙律，蔬菜豆腐有好Fresh既感覺，另外有好多細細粒半透明類似飯既珍珠令到成個沙律充滿口感，配搭一流。跟住有個大蝦意粉，一黎到我同朋友都驚訝隻蝦真係好大隻，咬落係啖啖肉好Juicy。另外黑松露雜菌意大利飯濕度掌握得唔錯，唔會太濕，另外菇既配料都幾足料。最後仲點左青口，呢個青口真係值得一讚，大隻不在話下，個酒味汁配合得好好，成隻青口連小小汁食會令人想一試再試。甜品方面我地點左幾樣重點想講講個釀雪梨，真係好好好好好味，令我地幾個都話想番黎再食，冰脆既外皮同埋淡淡既果香作為尾聲絕對係最好既選擇。…查看更多

幾個月一次的家庭聚會，大大小小咁多人，有時真係諗唔到食咩。中菜西菜樣樣都試過晒，想滿足晒咁多人的要求、口味真係唔係咁容易。好彩有日式放題的出現，今次㨂左喺TST的平成二十二。由剌身、壽司、天婦羅、飯麵、燒物、沙律和小食一應俱全，仲有飲品，雪糕，同埋甜品無限量供應。我地一班人都好著重食物的質素，果然無令我地失望。大部分的食物水準都係高水平，特別要一提的係刺身同埋壽司，真係一個字‘鮮’，佢的特大甘海老真係要encore, encore再encore，另外象拔蚌，三文魚都好新鮮。仲送左一板鮮甜的海膽。其他熟食都好有質素，份量亦都啱啱好，食得出餐廳真係有心去做好的食物。飲品的選擇有好多，汽水之外，仲有啤酒sake。真係好滿足的一餐呀。最後值得一提的係員工的服務態度，好helpful，每次上菜都好細心咁將枱面整理，服務週到。…查看更多

前排日日落雨，由朝落到晚，搞到約左既飯局同機場既航班顯示屏一樣，一個又一個無癮地delay同cancel，難得今日終於守得雲開見月明，所以放工就約埋幾個中同老友飯聚。今晚就去左cwb呢間叫鱈卵屋既日式餐廳食飯，其實鱈卵就者係明太子，我記得就由細細個開始食壽司既時候接觸明太子呢樣食材。明太子係大部分餐廳當中一般都好似佢個名咁只係配角，但今晚呢度就完美咁將佢正名，因為呢度差唔多每款食物都有明太子既身影，而呢度既明太子真係粒粒都渾圓飽滿，充滿鮮味。最推介大家一定係鱈卵海膽飯，兩種新鮮既食材加起上泥配埋日本米真係不得了丫。…查看更多

食店位於佐敦至尖沙咀之間的山林道，平時好少去到呢邊，但原來隱藏著好高質素的食肆。經過一條長長的走廊，一入到去，原來有室內和室外的座位，如果有朋友要吸煙就啱晒了。食物方面，真係每一款都色香味俱全，睇得出廚師好有心機去處理食材。個人心得而言，處理燒烤的食物，如果時間和溫度掌握得唔好既話，就好容易出現食物燒到乾晒，唔夠Juicy不特止，有時仲會有燒焦的情況。有驚喜的係，呢間食店絕對無發生燒到over晒的問題，而且每一樣食物都燒到剛剛好。無論係肉類的安格斯牛柳粒，大大隻的雞髀，定係蔬菜類的蘆筍，粟米，車厘茄等等，都係咁有水準。另外值得一提的係芝士類的食品，例如吉列流心芝士豬柳，廚師落芝士的份量真係不違餘力。由芝士片到芝士粉鋪滿整塊豬柳，愛好芝士的人，一定要試，唔好錯過。最後，仲食左個芝麻醬冷烏冬，真係大滿足呀。最後，值得一讚的係侍應的服務，好貼心。一見都我地有咩需要，就馬上回應。下次去尖沙咀，呢一間餐廳一定會再encore。…查看更多

雖然呢幾年香港真係發展得有d慢，不過好在香港呢個美食天堂真係保持到，淨係用亞洲泥講，無論中國既八大菜系到日本既刺身壽司韓國既燒肉泡菜都開到成行成市，而且要正宗有正宗，要抵食平價或者新鮮高檔既都有。今次同屋企人family day，為左就佢地偏重既口味，就揀左尖沙咀一間好地道既越南菜去拆餐飽！呢度既裝修實而不華，少少既越南飾物點綴一下更令大家坐得好舒服好親切。我地一行三個人就點左一條越式香茅烤魚做主菜，條魚雖然用左烤既方法烹調，但唔會燒到乾爭爭咁，仍然食得到佢既鮮味，外脆內軟加埋用左我最最最鐘意既香芧做配料，絶對係呢間餐廳大廚既絶學。其他的菜式都好正宗，正宗越南的風味。食完之後，真係好想出走，去越南一趟呀…查看更多

打邊爐已經成為香港人晚餐的首選，大家的要求好簡單，只要一大班人，座底圍著個爐，吹下水烚下烚下，又係滿足的一餐。今時今日的打邊爐，已經加入放題的元素，就似今日食的壹火鍋，醬料和飲品雪糕都係自助形式。而且，提供的食物都好多元化，仲會有新鮮刺身，真係一次過滿足晒多個願望呀。食材方面，無論係刺身，海鮮定係火鍋配料，都非常新鮮。另外，餐廳位於旺角兆萬中心地點方便，一班朋友，就算住食完飯，都有車直接返屋企，咁食幾夜都唔怕啦。…查看更多

近幾年掀起的烤肉潮流，我始終認為大部分餐廳不太注重食材的質素。今日，終於搵到一間高質的串燒店，而且仲唔使自己落手燒，咁就可以專心食飯吹水之餘，又避免自己一身都係油煙味了。食物的種類非常多，安格斯牛柳，豬頸肉，雞翼呢啲大路食物一定會有，而一D比較冷門的肉類，好似餃子雞翼，羊架＆鴕鳥肉，呢間餐廳都有供應。而除左肉類，蔬菜類的款式都好多，燒什菇，韭菜，茄子，秋葵等等，都食得到。如果驚唔夠飽，一定要有米落肚的話，呢度仲有焗飯俾你揀。餐廳燒烤的技術亦都非常好，所有的食物唔會燒得太過火，會保留食物的原味，值得一讚。…查看更多

雖然依家打邊爐食雞煲再無一年四季之分，大熱天時都可以開著冷氣打邊爐，但係我始終覺得天氣凍先打至有氣氛，而且仲可以暖身tim，而我就把握呢個星期會氣溫驟降的機會，黎到66雞煲。店內的裝修設計，比一般的雞煲店新潮摩登，如果企喺門口，完全唔會估到佢係一間雞煲店。平日晚上的9點鐘到埗，大概等左15分鐘就能夠被安排入座，我地4位坐左喺二樓。一座底，店員就好細心咁叫我地點左個雞煲先，佢仲會講解下唔同程度的辣＆麻有咩分別。於是就order左小辣。雞煲到左後，經過一輪的焗同埋煮，終於可以品嚐佢的味道了。果然無令大家失望，成個雞煲都好惹味，麻辣配搭得好好，唔會蓋過雞的鮮味。之後就係加湯打邊爐了，我地叫左肥牛，炸響鈴，百花+咸牛肉芝士釀油條(雙拼)，桂花蚌+珊瑚蚌(雙拼)，烏冬+出前一丁(雙拼)，四寶餃，唐生菜&油麥菜。打邊爐的配料要用一個鮮字去形容，完全你誠意之作。而且仲有特色飲品青檸梳打&檸賓梳打，大大樽，一樽夠晒兩個人飲呀😝。…查看更多

本來懷著幾高的期望去尖沙咀食星林居米線，話晒都係得過奬呀，點都要黎一探虛實。叫左一個湯一個撈。湯的米線不過不失，尚算合格，份量夠晒大，配菜都好多，有腐皮、芽菜、芹菜⋯⋯揀左豬腸、腩肉做餸，都算入味。對於平時食開南記、譚仔的我，星林居的湯米線都算係一個新嘗試。但係個撈米線的味道只能用奇怪黎形容，可能我自己揀左要多醋，搞到怪怪地。雖然今次的經歷有啲失望，但我都會俾多次樣會星林居，下次揀返少醋，出黎的結果可能會好好多🤔。…查看更多

一班朋友gathering食飯吹水，當然要搵間坐得舒服，食物又OK的餐廳，今次㨂左黃埔的丼丼亭。苦瓜豚肉釜飯，好有港式煲仔飯的感覺。底下全部都係卜卜脆的飯焦，呢排天氣咁凍，食呢個真係啱晒，暖笠笠。刺身拼盤，包括有三文魚、吞拿魚、三文魚籽等，每一款都好新鮮，而且仲要係每一片都咁厚，食落好有口感。另外，經餐廳的經理介紹，店舖的招牌菜係原條鰻魚天婦羅喇。一開始都會帶少少懷疑，呢種煮法的鰻魚食落會唔會好腥，但原來炸過的鰻魚，好香口，而且一啲腥味都無，好彩無走寶。最後就係松葉蟹梅子海鮮鍋，我地追加左一份安格斯牛肉，加埋豆腐、冬菇、海鮮及蔬菜等等的配料，真係好滿足的一餐呀😆。…查看更多

黄竹坑？！大家都只知道係一個工業區，自從南區有左地鐵後，黄竹坑已經唔再係一個永遠唔識去亦唔打算去既地方。我就係近排睇左openrice介紹而去左黄竹坑南朗熟食中心揾食既一員。我當然信晒文章介紹啦 ，食左一間叫生記食家既大牌檔，據説呢間店有兩味招牌菜，分别係椒鹽豬扒飯同埋中式牛柳飯，我今次揀左前者。嘩！食落去真係好正，鑊氣夠、豬扒鬆軟、美極醬汁加埋軟硬適中的飯，真係冇得輸丫，最重要既事竟然只係三十蚊。我唔肯定太陽聽日係東方升起，但我可以肯定我會再泥。…查看更多

第一次接觸中東菜，係大約10年前喺英國讀書的時候，當時香港仲未有此類型的食店，所以見到Kebab機一路轉一路烤，真係覺得好新奇。直至近幾年，可能多左中東人士移居香港，終於可以喺香港食到Kebab了。呢間Istanbul Turkish Kebabs and Grills的裝修好有中東的特色，牆上都掛左好多富有中東色彩的工藝品。食物方面11:00-3:00pm有lunch set，我地分別點左Chicken Doner roll ($55) and Beef Steak served with rice ($89)。唔好睇小個雞卷好似好小份量，其實一個人食晒都好飽。另外雞卷包左好多蔬菜，所以食起上黎唔太油膩，都好Fresh。而個牛扒雖然有牛肉味，但就有啲韌，而且可能因為平時我地習慣左鋸扒都會有汁跟住，呢個中東食法食起上黎就會比較乾。好彩餐廳有3種不同的醬汁俾客人選擇，分別係蒜蓉、薄荷和辣醬，點著醬黎食的話，都別有一番風味。…查看更多

一講到西灣河，第一個諗到的地方就係太安樓，但係鍾意搵好野食的我點會咁單調，次次都去同一個地方，之後就俾我搵到西灣河原來有間食豆製品的食店，開喺街市入面，講緊既就係珍香園。一開始就每人點左一碗豆腐花，果然係非常滑口，枱面上仲有紅糖＆糖漿，無論係熱定係凍的豆腐花都可以隨自己的口味加糖。之後，再點左鍋貼、炸雲吞、椒鹽豆腐＆蔥油餅。由於每樣食物都流轉量都好快，keep住都有客人點，所以每樣食物都好似即叫即做咁，好新鮮。就算係炸雲吞都非得脆口。所以西灣河除左有太安樓之外，俾啲時間和心機都可以搵到唔錯的食肆。…查看更多

一條短短的景隆街，近呢一兩年已經有3間港式街頭小食店開舖。而我心目中的首選，就係呢間景隆園小食車仔麵。魚蛋＆燒賣都係＄4一串。佢既咖喱辣汁好夠味，仲要係老闆自己調配，出面唔會食到。而煎釀三寶就大大件，好抵食。最近，佢地仲賣埋腸粉，＄10有4條，有多個選擇，真係唔錯，比預期中的好，唔會太乾都好滑。下次再去會試下佢的車仔麵。平時喺銅鑼灣行街，唔一定要入餐廳坐低食，到呢種小食店掃街，都可以好滿足，食完叉足電又可以再行過。…查看更多

住港島區的我，每個月都會去元朗兩次。呢幾年見證著元朗愈來愈多特色的食店，所以要搵食唔一定要去傳統的旺區，黎元朗都有好多選擇。喺元朗有林林種種的食店，一開始係俾佢的外表吸引，佢的裝修非常有美國的風格，之後再睇睇Menu，覺得價公合理，而且一向都鍾情burger，所以就同朋友㨂左呢間Urban United Burger & Bar喇。我同朋友每人一個burger，我點的係夏威夷雞堡，朋友就點左雙層八安士牛堡，另加錢有一份薯條和飲品。個burger非常足料，好有口感，雞堡的雞肉一啲都唔乾，同埋加上有菠蘿，好Juicy。而且餐廳的環境亦好舒適，可以同朋友一齊享用著美食渡過一個週未下午，真係好滿足。…查看更多