CindyWong的个人专页

鐵線雞雞湯米線 - 餐牌上面話有薑蔥手撕雞+滷水雞腎+沙薑雞。無雞腎吾早講，落單吾講上菜吾講，到問係咪少左先講，求求其其話補番2舊雞就係算，唔好意思都無句🙄雞湯又冇雞味，薑蔥手撕雞完全冇薑蔥味，沙薑就更加唔使講，所以係一碗普通清湯雞肉米線。Overall, 成間鋪牛魔王雞湯米線無牛筋，豬葛亮雞湯米線無吉列豬，鐵線雞雞湯米線無雞腎，差吾多menu上面有嘅米線啲餸都缺一樣，唔知想點🙄加埋一，七十幾蚊碗米線，完全唔知食緊嘜。之後唔會再幫襯，食譚仔開心過食佢💁🏻‍♀️ （我個人都唔係特別鍾意食譚仔）…查看更多

由於本人好想食生蠔，於是就諗吓試吓呢間新餐廳！店舖嘅裝修幾靚，牆上嘅字句亦好正。餐廳環境好好，由於平日夜晚，餐廳得4枱客，所以好靜坐得好舒服。餐廳侍應嘅服務好好，食完生蠔即刻換碟，又會不時加水。1. 是日生蠔一打西班牙生蠔，好重海水味，都新鮮。有cocktail sauce，white wine sauce 同檸檬汁附上。個人就比較鍾意原味或者加檸檬汁🤩2. 小食拼盤Overall都唔差，係個洋蔥圈太多炸粉，令個口感同出邊食嘅有啲唔同。個pork ribs 整得幾好食，下次可以試吓order spare ribs main course😆3. 龍蝦汁海鮮意粉喜出望外地好食！勁濃郁嘅龍蝦汁加上意粉，食完仲想再食😋 唯一係魷魚圈好似無咩味，但overall係好食！另外仲叫左兩杯mocktail - Love Season 同 Shine On Me. 兩杯都幾好飲🤩餐廳位於新開既海天晉滙商場，人流比較少，亦都唔係太就腳。如果大家黎到將軍澳，不妨試吓佢！希望佢做得住，令附近今日大飽口福😋😋😋…查看更多

金鐘中午人山人海，想揾到位舒舒服服食個lunch絕對唔容易。咁岩約朋友食lunch，又見到OpenRice有得book枱，價錢又$100左右，所以就立即㩒左！一入到去，環境都幾舒服，位置幾闊落，但個餐牌同OpenRice見到既都有啲出入，全部都$200 $300起跳......問咗職員先知原來有兩邊，book枱既就會係食貴餐......同朋友諗住既然都坐底咗，就試下佢啦。叫左2個$288既「極上魚生丼」。一上菜，賣相都幾靚，心裏充滿期待前菜有雞軟骨，青瓜蟹柳沙律，南瓜，味道正正常常，唔會話好好食鮑魚（贈送），個味怪怪的，識落有少少酒味，但一啲都唔好食，不過諗住送嘅就算啦魚生完全唔新鮮，食落去一啲鮮味都冇，仲要每一款都冇乜味麵豉湯，我個人覺得一啲都唔好飲總結，呢個價錢，但只有填飽肚嘅質素，實在不行，完全係覺得中伏了......我應該都唔會再嚟…查看更多

本身想去隔離鋪食西餐，點知去到先無開。咁見有間外貌別緻既目本餐，心諗即管試一試。試左一次，一定無下次茄子🍆一放入口就想吐番出來。唔知點解有好大陣燶味😰 自問本身鐘意食茄子，點都估唔好可以整到咁難食凍喬麥麵🍜仲衰過自己煮😞一pat煮到好林既凍喬麥麵，又無隔水...好唔得一心諗住同朋友慶祝食餐好既，點知係失望而回😭仲要一d都唔平💸💸💸兩個人食左六百幾蚊，又食唔飽又唔好食😞早知食放題，一定平過佢😭…查看更多