silly_catt的个人专页

我同朋友一齊慶祝生日，第一次試用openrice 的網上訂位，好方便，好在訂左位，因為餐廳細，walk-in 一檯已經滿座。當日我6:40 已經到左餐廳，安排好座位同埋order 左窩夫要寫上Happy birthday服務員態度好殷勤親切。食物都好味，不過兩個人唔叫得太多野，2碗湯，頭盤，意粉，甜品都係share 黑松露蘑菇湯，好熱辣辣，好濃味但比較稀身。頭盤叫咗一份好似一份三文治上邊有好芝士入面有菜同ham芝士味好香，薯條好香脆同埋上面有松露粉。牛扒扁意粉的牛扒比較熟但好濃郁味道意粉就正常味道都幾好食嘅。甜品帶叫左個窩夫配士多啤梨同紅莓醬加雲呢拿雪糕，窩夫係即整嘅好香脆。…查看更多

見人多，應該唔會衰得去邊，21張檯等30分鐘。石鍋蒜香牛肉飯，天婦羅盛合，帶子壽司，甜蝦壽司，三文魚子軍艦，三文魚刺身。熟食味道還好，壽司麻麻地，三文魚刺身個樣已經唔新鮮，色澤好暗，唔掂！服務一般，可能唔夠人手，杯茶飲完好耐都未無人理！…查看更多

係openrice 見到好評, 行過打算試下不過佢個餐牌真係好難明, 好多怪名... 唔理喇, 入左去先門面: 鋪入面有2 張小檯, 有個吧檯...仲有個"小山洞" 落完樓梯就別有洞天, 有2張4人檯, 2張2人檯牆身真係好紅, 但都開始變殘舊喇服務: 個姐姐好有禮貌, 經常提醒客人小心頂頭不過出菜有d慢衛生: 太安樓好難好清潔乾淨入正題, 叫左一個set dinner A ( 白汁海鮮元貝意粉+周打蜆湯+凍飲), 芝士蒜蓉包 同焗蕉蕉芝士豬排飯芝士佈滿成塊包, 蒜味都夠, 略嫌芝士唔夠creamy 個湯好香濃, 好夠料, 同出面的餐湯唔同, 因為佢好"杰" ~好味普通材料, 汁都係普通, 不過味道ok的, 唔特別我期待左好多, 個汁同意粉個白汁一樣, 無咩特別, 料多, 好多菇同豬排條條, 面頭個焗蕉真係好特別, 同個飯好夾** 小貼士: 除了有蕉的飯/意粉, 其他都是普通野 **…查看更多

跟住朋友慕名而來試腸粉, 都滿晒, 但唔係好洗等位, 一問之下, 原來個腸粉要等40分鐘, 但一場黎到, 點都要試下啦點解要等咁耐呢, 原來只係得一個人整未坐低已經落左單叫腸粉, 坐低之後, 再叫粥, 邊食邊等,粥等左5分鐘就黎喇, 朋友叫左皮蛋魚片粥, 我同男朋友就點左鴨腎菜乾豬骨粥粥好夠味, 又足料, 只係略嫌唔夠熱 等左35 分鐘, 終於等到第一碟腸粉喇未食過燒鴨既腸粉, 個味都唔錯, 同叉燒都夾, 不過岩岩整好既腸粉真係唔熱, 好怪淨豬潤腸, 個豬潤好爽口, 味道不錯解蝦魚片, 我食左一舊就會再食喇, 好怪, d魚片係苦既寄望愈大失望愈大呀, 由圓方行過黎, 又等左35 分鐘.... 竟然唔係想像之中咁好味, 有d 失望噢!只係個鴨腎菜乾豬骨粥ok個腸粉皮夠薄, 但好糊口, 豉油唔夠甜同唔夠油, 同埋唔夠熱試過就算lu... 4個人, 3碟腸粉, 3碗粥 $105…查看更多

呀媽出左街, 呀爸又懶唔想煮, 我地就落街食, 好耐無去過藍灣食野, 本來想食滋味一方架, 不過咁岩佢個冷氣壞左, 所以轉移左去扒王之王,差D 行過左個門口, 因為佢個位置左右已經唔多食店, 門口仲擺左好多牌呀個D 野, 仲黑黑地咁入到去, 無人招呼我地, 一個服務生都唔見, 當時已經7:15PM, 但一檯客都無, 心知不妙, 不過都入左黎, 自己坐底算啦... 我同爹D都點左扒王牛柳餐, 平平地食個街坊晚餐啦,我好鐘意食麵包, 所以有餐湯加包的, 我都特別期待我點左個紅湯, 個味普通, 不過d 紅蘿蔔切得太大條個包包個皮烤得好脆, 但入面竟然"un"的, 感覺有d 上左天堂但即刻趺左落地獄咁牛排等左大約10min 配菜有薯角, 一大堆瓜瓜菜菜牛排配 蒜汁, 牛排都好濃味, 5成熟, 肉質都林蒜汁太多, 浸林晒d 薯角, 亦令到味太咸, 食到一半, 好似越來越咸餐飲凍檸茶, 茶唔夠味, 唔夠檸檬, 又太滿, 一篤d檸檬就滿左出黎喇…查看更多

原來我係第一個寫食評的人喎:)今朝10am 入到莉碧嘉, 入面得2 檯人堂食, 我點左牛排早餐(火腿, 煎蛋, 多士, 牛排)+熱奶茶 $24遞左張單比個姐姐, 好快已經攪掂喇....但入面有4-5 個呀姐預備緊午市既野, 竟然無人理我個盒外賣的早餐要我問佢地"係唔係齊架喇?" 先有個像似高級的呀姐叫個像似低級既呀姐包起我D 野,其間個個低級呀姐仲慢手慢腳, 掛住傾計(只係今日慢左小小, 平時好快手, 亦好有禮貌的)返到公司, 路程只有5分鐘, 所以返到公司, 食品仲好熱入面有張隔住多士同其他野, 免得濕晒, 不過多士已經"UN"左喇奶茶好香, 都幾滑, 不錯擺位有D 問題, 因為我隻煎蛋擺最底, 幾經辛苦先係牛排下面撈返上黎, 點知都係穿左, 漏晒蛋黃喇, 蛋煎得好香, 有脆脆既蛋白邊,火腿無煎過, 味比較甜, 唔似出面食個D咁咸牛排都係貪得意啦, 因為茶餐廳的牛排都係用好多鬆肉粉淹的, 只係滑, 但無牛肉味,但個汁都OK, 似燒汁+黑椒, 略甜呢間野既出品都唔差的, 下午的炒野都好有鑊氣, 價錢經濟! …查看更多

睇電視都有介紹過, 咁岩行過又無人排隊, 緊係試下啦點左 5 串紅腸, 生腸, 大腸, 豬心, 豬腎食品好香麻油味, 鋪面又好乾淨, 抵佢咁多好評!! 我鐘意芥辣, 但男朋友唔鐘意, 個姐姐仲好細心, 用2 張紙包, 將芥辣唧落下面個層 …查看更多

行過女人街, 見到呢間鋪都幾多人, 價錢經濟, 門面同裝修都ok, 決定去試一試入到去唔洗等位, 坐得都幾舒服。餐牌都幾多選擇點左炸魚柳芝士撈面 $38炸魚柳好滑, 不過應該係唔係自家製的芝士汁無芝士味, 麵好似唔夠熟芝士汁, 落左好多生粉, 好似鼻涕雞排撈麵, 雞排ok, 但個撈麵就好似"印尼撈麵" $34所有麵都唔夠熱個麵加$5 可以轉台式飲品點左蘋果綠茶, 普通芝麻珍珠奶茶, d 芝麻粉打得唔夠均, 飲落口仲飲到一舊舊粉 雖然價錢唔貴, 不過唔會再試…查看更多